عَننَبِ عٍسٍكِيٍلِ مَسٍنيِ ندٍ يِ كِتَابُي شَ قٍ رَ
مَسٍنيِ ندٍ يِ كِتَابُي شَ قٍ رَ
عَننَبِ عٍسٍكِيٍلِ قِندِشِ عَلَ شَ نَمِحْنمّ نَن نَ يُدَيَ بْشِ مَ. عَلَ نُ بَرَ نَتّ تٌنفٌ يُدَيَكَيٍ بِرِن شَ شَنِن كٌنيِيَ كُي بَبِلْن بْشِ مَ، عَلْ عَ نَشَن نَبَ عِسِرَيِلَكَيٍ رَ نَشٍيٍ نُ سَبَتِشِ كْولَ مَبِرِ. نَ بِرِن قَتَنشِ عٍ شَ يُنُبِيٍ نَن مَ.
عَلَ مُ نَ رَبَشِ تّمُي كٍرٍن شَ رَ. عَ نَشَ عَ رَفِرِ بَبِلْنكَيٍ شَ حَمَ سَشَن شَنِن حّ قُ نُن سٌلٌقٍرٍ بُن مَ، بٍينُن عٍ شَ دَرِ سَلَمُ كَنَ كٍرٍنيِ رَ. عَننَبِ عٍسٍكِيٍلِ نُ نَ حَمَ قِرِن ندٍ يَ مَ، نَشَن سَبَتِ بَبِلْن.
نَ حَمَ عَ مَحْشُن نّ عَ عٍ مُ بُمَ كٌنيِيَ كُي. عٍ شَ دِينّ مِشِيٍ نُ عَ قَلَمَ نّ عٍ بّ، عَ عٍ فبِلٍنمَ نّ عٍ شْنيِ هّيرِ كُي. كْنْ عَلَ نَشَ عَ مَسٍن عٍ بّ عَننَبِ عٍسٍكِيٍلِ سَابُي رَ، عَ عٍ مُ فبِلٍنمَ مَقُرٍن مَقُرٍن عٍ شَ يُنُبِيٍ شَ قٍ رَ. عٍ شَ كُيٍ بَتُي نَن عَ نِيَشِ عٍ شَ شَنِن بَبِلْن بْشِ مَ، عٍ شَ عَلَ شَ حَشَنكَتّ شُنفبٍ سْتْ كٌنيِيَ كُي.
كْنْ عَلَ شَ نَمِحْنمّ شَ مَسٍنيِ مُ دَنمَ مّننِ شّ. عَننَبِ عٍسٍكِيٍلِ نَشَ عَ مَسٍن عٍ بّ عَ عَلَ قَمَ نّ كَابَنَكٌي رَبَدٍ عٍ رَفبِلٍنقٍ رَ دَرِ سَلَمُ. عَ نَشّ عَلَتَلَ شَشِلِ سّنِيّنشِ قَمَ نّ فٌرٌدٍ عٍ مَ، عَ عَ نِيَ عٍ شَ تُوبِ، عٍ مَن شَ عَلَ شَ مَرَقَنيِ كٌلٌن عٍ بْحّ كُي. عَ نفَشَكٍرٍنيِيٍ فبٍفبٍ مُ نُ لَشِ نَ مَسٍنيِ رَ، كْنْ ندٍيٍ نَشَ عٍ شَشِلِ تِ نَ شِبَارُ قَنيِ رَ، عٍ عٍ تُننَبّشِ نَ كُي.
عَننَبِ عٍسٍكِيٍلِ نَشَ عَ مَسٍن عٍ بّ، عَلَ قَمَ عَ شَ هْرْ مْبَنشِ تِدٍ عَ قِرِن ندٍ رَ كِ نَشّ. نَ تِدٍ نُ فبٌ عِسِرَيِلَكَيٍ بّ. بَبِلْنكَيٍ تٌ عٍ شَ سَلِدٍ شُنفبٍ كَنَ، عٍ نَشَ عَ مَحْشُن عَلَ نُ بَرَ عَ رَبٌلٌ. يِ كِتَابُي نُ عَ مَسٍنمَ نّ عٍ بّ عَ عَلَ نُ بَرَ عٍ رَبٌلٌ عٍ شَ يُنُبِيٍ شَ قٍ رَ، كْنْ عَ مُ تٌندِ مَ عٍ رَ مِنِدٍ نَ حَشَنكَتّ كُي، عَ عٍ رَكِسِ. عَلَ تَنتُ، مِشِ نَشَن عَلَ شَ هّيرِ قٍنمَ، عَ عَ تٌمَ نّ. عَلَ سَفٌ نَن نَ كِ.
عَلَ شَ وٌن مَلِ بِرَدٍ عَ شَ كِرَ قْشْ رَ، كِرَ نَشَن وٌن شَنِنمَ عَرِيَننَ. عَمِنَ.
عَلَ شَ مَسٍنيِ عَننَبِ عٍسٍكِيٍلِ بّ
Currently Selected:
عَننَبِ عٍسٍكِيٍلِ مَسٍنيِ ندٍ يِ كِتَابُي شَ قٍ رَ: Soso
Highlight
Copy
Compare
Share
Want to have your highlights saved across all your devices? Sign up or sign in
© 2015—Mission Evangélique Reformée Néerlandaise et les Traducteurs Pionniers de la Bible