تّسَلٌنِكِ عِِ مَسٍنيِ ندٍ يِ كِتَابُي شَ قٍ رَ
مَسٍنيِ ندٍ يِ كِتَابُي شَ قٍ رَ
يِ كِتَابُي قِندِشِ بَتَاشّ قِرِن ندٍ نَن نَ عَلَ شَ شّيرَ ثْلُ نُن عَ وَلِبٌورٍيٍ نَشَن سّبّ دَنشَنِيَتْي حَمَ مَ نَشٍيٍ نُ سَبَتِشِ تّسَلٌنِكِ. قٍ نَشٍيٍ نُ دَنفِقٍ تّسَلٌنِكِ ثْلُ بَتَاشّ سِنفٍ سّبّ تّمُي، نٍيٍ تٌ مُ نُ فّشِ يَ عِبَدٍ، ثْلُ نَشَ فبِلٍن بَتَاشّ قِرِن ندٍ سّبّ رَ.
مِشِ كٌبِ نَشٍيٍ نُ نَ تّسَلٌنِكِ دَنشَنِيَتْييٍ حَشَنكَتَقٍ، عٍ مُ نُ حَشَنكَتّ عِتِشِ. نَ كُي، ثْلُ نَشَ فبِلٍن دَنشَنِيَتْي حَمَ رَلِمَنِيَ رَ عَ شَ يِ بَتَاشّ قِرِن ندٍ كُي. عَ نَشَ عٍ رَ سِ عٍ شَ عٍ تُننَبّشِ دَنشَنِيَ كِرَ شْن مَ، عٍ نَشَ تَفَن وَلِ قَنيِ رَبَدٍ، عٍ شَ بِرَ عَلَ شَ نْندِ قْشْ رَ عَلْ ثْلُ عٍ كَوَندِ كِ نَشّ. ثْلُ نُ بَرَ عَ مّ، عَ مِشِ ندٍيٍ نُ نَ عٍ يَ مَ نَشٍيٍ مُ نُ تِنمَ وَلِدٍ عَلَكٌ عٍ شَ عٍ يّتّ بَلٌي سْتْ. نَ كُي، عَ نَشَ نَ كَنيِيٍ رَ سِ عَ شْرْشْي رَ عٍ شَ بَ نَ مَ، عٍ نَشَ عٍ شَ كْنتْقِلِ دْشْ مِشِ فبّتّ يٌ شُن مَ. ثْلُ مَن نُ بَرَ عَ مّ عَ تّسَلٌنِكِ دَنشَنِيَتْييٍ نُ بَرَ شِبَارُ سْتْ مِشِ ندٍ رَ، عَ مَرِفِ قَ لْشْي حَن نُ بَرَ عَ لِ. نَ كُي، عَ نَشَ نْندِ مَكّنّن عٍ بّ نَ قٍ مَ، عَ مَرِفِ شَ لْشْي مُ عَ لِمَ قٌ قٍ ندٍيٍ رَبَ سِندٍن عَلَ نَشٍيٍ رَفِرِشِ.
يِ كِتَابُي قِندِشِ مَسٍنيِ نَن نَ عَلَ شَشِلِ سّنِيّنشِ نَشَن قِ ثْلُ مَ تّسَلٌنِكِ دَنشَنِيَتْييٍ نُن دَنشَنِيَتْييٍ بِرِن بّ. عَلَ شَ وٌن مَلِ يِ مَسٍنيِ شَ سٌ وٌن شَشِلِ كُي، وٌن شَ عَ رَ سَبَتِ وٌن بْحّ كُي. عَلَ شَ سّنبّ قِ وٌن مَ، وٌن مَ وَلِ نُن وْيّنيِ بِرِن شَ قِندِ عَ قَنيِ نَن نَ. عَلَ شَ وٌن سٌندٌنيِيٍ شُن تِ كِرَ قَنيِ شْن، وٌن شَ وٌن حّرّ عَلَ شَ شَنُنتٍيَ مَ نُن عَ شَ مِشِ سُفَندِشِ شَ تُننَبّشِيَ مَ. عَلَ شَ وٌن مَلِ وٌن سَنيِيٍ شَ شَن دَنشَنِيَ كُي. عَمِنَ.
عَلَ شَ مَسٍنيِ قِرِن ندٍ
عَننَبِ ثْلُ نَشَن سّبّ
تّسَلٌنِكِ دَنشَنِيَتْي حَمَ مَ
سٌرَ
Currently Selected:
تّسَلٌنِكِ عِِ مَسٍنيِ ندٍ يِ كِتَابُي شَ قٍ رَ: Soso
Highlight
Copy
Compare
Share
Want to have your highlights saved across all your devices? Sign up or sign in
© 2015—Mission Evangélique Reformée Néerlandaise et les Traducteurs Pionniers de la Bible