Genesis 13

ABRAM BULA LOT NGAMI-NGAMIMAN

Genesis 13

1-7Abram, nyungu money jirray, minya sheep, minya goat, minya bulki wubul bajaku. Nyulu jikan nubin minyanka. Yinyaynka nyulu bubungu yala bundanya, dunganya baja, yala buban bundanya, dunganya baja, yalaku, yalaku. Juma nyulu dindarrangaku kadan baja townbuku Bethel, townbuku Ai. Yinyaymba nyulu God buyay-manin baja. Abramamu mukay, Lot, nyulu yalarrku rich-balaman, minya sheep, minya goat, minya bulki jirray. Jikan buban yinyay bubungu minya-minyanka. Yinyaynka Abramamu workingmen and Lotamu workingmen kurru-jindawan jikanka.

8-13Yinyamun Abramangka yalaman Lotanda, “Yundu ngayku mukay, ngali kari kurru-jindawanka jikanka. Bubu yaluy jirray bajaku. Yundu yarrabi yinduymbu bubungu dungay, ngayu yarra yinduymbu bubungu dungay.” Lotangka walu-wukurrin. Nyulu bubu balay nyajin yubaku wawubajanga Jordan. Yinya bubu balay, bana jirray, yala Godumu Garden of Eden. Yinyaynka Lotangka bubu balay wangkanin. Nyulu Abram bawan, bada dungan bubungu balaymba yubaku townbu Sodom. Bama yinyay buyun bajaku, Godunku wawu kari. Lot townbu Sodom bundandan, Abram bubungu Canaanku bundandan.

Abram townbu Hebron jurrkijin.

13.14-18

14-18Lotangka Abram bawan. Yinyamun Godungku Abramanda yalaman, “Yundu bubu walu-wukurrika. Ngayu yanyu bubu wubulku dajil yunu, and yunuwunbu jawun-karranda. Bubu yunuku wuljaljiku.” Abram jurrkijin, dungan bubungu Hebron. Yinyaymba nyulu bundan yubaku jukungu jirraymba burri Mamre. Nyulu God buyay-manin yinyaymba.

Currently Selected:

Genesis 13: gvnNTOTPO

Highlight

Copy

Compare