Roomankoo'en 9

Allah e Isiraa'iila'en goonga'en

1Ko mbi'eymi ɗum goonga. Mi fevataa gam *Almasiifu jeyi yam. *Nyumo ɓernde am vooɗngo ngo *Ruhu Ceniiɗo laamanii e saaydanii yam ko mbi'eymi naa ɗum fewre. 2Ɓernde am e metti korey, nde woorataa naawgo gam banndiraaɓe am *Yahuudu'en. 3Mi yiɗiino vi'ee miin e hoore am mi laatoo la'anaaɗo, mi senndee e Almasiifu to ɗum nafeyno banndiraaɓe am siibiiru wo'oru. 4Kamɓe ngoni *Isiraa'iila'en, heɓɓe laatineego ɓiɓɓe Allah, vannginanaaɓe teddungal ma'ako, waɗanaaɓe alkawalji ɗuuɗɗi, hokkaaɓe *Tawreeta, hollaaɓe no cujjidiranta mo cujjidanki goongahi, vi'aaɓe no mbaɗante ku'uje ɗuuɗɗe, 5laatiiɓe asngol maamiraaɓe#9.5 Waato Ibraahim e Iciyaaku e Yaakuubu. amin mawɓe, ɓe Almasiifu ivi e lenyol mu''en nder ɓanndu, kanko gonɗo dow koo ɗume fuu, Allah maalteteeɗo faa abadaa ! Aamiin.

6Mi yiɗaay vi'igo Allah waawaay hebbingo *alkawal muuɗum, gam wanaa iɓɓe e Isiraa'iila fuu ngoni Isiraa'iila'en goonga'en. 7Kadimaa wanaa iɓɓe e *Ibraahim fuu ngoni ɓiɓɓe ma'ako goonga'en. Gam Allah vi'ii Ibraahim : « Gada e *Iciyaaku keɓrataa ɓiɓɓe ɓe mbaɗanmaami alkawal. »#9.7 Fuɗɗoode 21.12 8Ko ɗum yiɗi vi'igo woni : wanaa rimraaɓe noon no ɗum rimrata koo moye ngoni ɓiɓɓe Allah. Ammaa ɓiɓɓe ɓe Ibraahim rimanaa gada e alkawal Allah, kamɓe ngoni ɓiɓɓe ma'ako goonga'en. 9Gam Allah waɗanii mo alkawal vi'i : « Ngaru ba hannde mi so''oyto, mi tawa Saaratu danyii ɓiɗɗo gorko. »#9.9 Fuɗɗoode 18.10

10Wanaa kanjum tan. Ndaaree ɓiɓɓe Rebeka siwtaaɓe, baaba maɓɓe no go'oto, waato maama meeɗen Iciyaaku. 11-12Ammaa ila siwtaaɓe ɓeen ndimaaka, hakko ɓe mbaɗa ko vooɗi koo ko halli, Allah vi'ii Rebeka : « Mawniraawo no jagganto minyiraawo. »#9.11-12 Fuɗɗoode 25.23 Kanjum e ɗum holla cuɓol Allah daraaki dow kuuɗe ɗe yimɓe kuwi, sey dow no o yiɗi tan. 13Gam *Deftere vi'i : « Yaakuubu cuɓmi, caliimi Isuwa. »#9.13 Malaakiya 1.2-3

14To noon, noye mbi'eten ? En mbi'ey Allah waɗaay deydey naa ? Naa noon sam ! 15Gam o vi'ii *Muusa : « Mi enɗey mo ngiɗmi enɗugo, mi yurmoto mo ngiɗmi yurmaago. »#9.15 Burtaaki 33.19 16To noon, cuɓol Allah daraaki dow yiɗde neɗɗo, koo ti'inaare muuɗum, ammaa ɗum dow caahu ma'ako tan. 17Nder Deftere, Allah vi'ii Fira'awna : « Mi waɗii ma laamiiɗo faa mi hollira baawɗe am e maaɗa, gam innde am nananee koo toye nder duuniyaaru. »#9.17 Burtaaki 9.16 18To noon, Allah e yurminana mo o yiɗi yurminango, o yo'orina hoore mo o yiɗi yo'orinango hoore.

Huunƴere Allah e yurmeende muuɗum

19To noon, goɗɗo e waawi vi'igo yam : « To ɗum noon Allah waɗata, gam ɗume o felata en ? Moye waawi salaago ko Allah yiɗi ? » 20Aan neɗɗo a moye, faa a yeddindira e Allah ? Gaheere loɓokke fotii vi'igo mahoowo ɗum : « Ko jeyi maharuɗaa yam nihinii ? »#9.20 Ecaaya 45.9 21Mahoowo gaheeje e waawi wa'arugo loɓokke ɗeen ko o yiɗi fuu. E loɓoyre wo'ore emo waawi mahago gaheeje ɗiɗi, wo'ore gam wa'arugo hu'unde ɗum darajja, wo'ore boo gam wa'arugo ko walaa darajja.

22Noon kuuɗe Allah maa mba'i. Koo to o yiɗiino o holla huunƴere ma'ako, o vanngina baawɗe ma'ako, e noon fuu o munyanii ɓeen haanɓe halkeego munyal ɗuuɗngal. 23O waɗii noon, gam o vannginana yimɓe ɓe o nani jurumɗum mu''en ɗuuɗal teddungal ma'ako. Kamɓe ngoni ɓe o siryii keɓa teddungal ma'ako ila aran. 24Yimɓe ɓeen ɗum enen, enen ɓe Allah noddi, wanaa nder *Yahuudu'en tan, ammaa faa e nder *yimɓe ɓe laataaki Yahuudu'en. 25Kama ko Allah vi'i nder deftere Hooseya :

« Yimɓe ɓe mi jeyaa, mi noddirey ɓe : yimɓe am,

lenyol ngol yiɗaaka, mi noddirey ngol : lenyol giɗaangol.#9.25 Hooseya 2.23

26Ɗoon to ɗum vi'eynoo ɓe : naa on yimɓe am,

ɗoon ɗum noddirta ɓe : ɓiɓɓe Allah mo yonki. »#9.26 Hooseya 1.10

27Annabi Ecaaya boo volvii e semmbee dow Isiraa'iila'en o vi'i : « Koo to ɓiɓɓe Isiraa'iila ɗuuɗrii ba njaareendi regorde maayo, e noon fuu nder maɓɓe seɗɗa tan kisata, 28gam Allah no tabbitiney voliinde muuɗum dow duuniyaaru, o hebbiney nde ko yaawi. »#9.27-28 Ecaaya 10.22-23 29Kadimaa Ecaaya vi'ii ilaa :

« Kul Allah jawmu baawɗe fuu hornanaayno en iriiri,

daa en laatakeno kama si'ire Sodoma, daa en nanndiino e si'ire Gomora. »#9.29 Ecaaya 1.9

Isiraa'iila'en e Habaru Belɗum

30Too, noye mbi'eten ? En mbaawi vi'igo *yimɓe ɓe laataaki Yahuudu'en keɓii aadilaaku ngu ɓe ngillaaki, waato aadilaaku keɓeteengu gada e goonɗingo *Almasiifu. 31Ammaa Isiraa'iila'en yillotooɓe laataago aadali'en gada e tokkugo *Tawreeta, ɓe keɓaay ɗum. 32Gam ɗume ? Gam ɓe ngilloraaki laataago aadali'en gada e goonɗinki, ammaa ɓe ngillorake ɗum gada e waɗgo kuuɗe booɗɗe. Ɓe pergake « haayre fergoore », 33kama no *Deftere vi'i :

« Rah, mi resii haayre#9.33a Haayre ndeen ɗum Yeesu Almasiifu. fergoore nder Siyoona,

haayre do''oore yimɓe.

Ammaa goonɗinɗo nde fuu semtintaake. »#9.33b Ecaaya 28.16

Currently Selected:

Roomankoo'en 9: fuq

Highlight

Copy

Compare