Yaakuubu 4

Yiɗgo duuniyaaru ɗum wanygo Allah

1Toye kaɓe e jokkirli gonɗi nder mooɗon ivi ? Wanaa ɗi ivii e giɗaaɗi ɓalli kalluɗi kaɓooji nder ɓerɗe mooɗon naa ? 2On ngiɗi heɓgo goɗɗum, on keɓataa ɗum. On mbaɗa war-hoore. On keevi koɗey, ammaa on keɓataa ko ngiɗɗon. On kaɓa, on njokkira. On keɓaay ɗum, gam on toraaki ɗum Allah. 3Koo to on torake Allah on keɓataa, gam nyumooji mooɗon no kalluɗi, eɗon ngilloo ko velata ɓalli mooɗon tan. 4Onon nyaamooɓe amaana ! On anndaa yiɗgo duuniyaaru ɗum wanygo Allah naa ? Giɗɗo ndu'u duuniyaaru laatinii hoore muuɗum ganyo Allah. 5To' on nyum ko *Deftere vi'i no mehere, nde vi'i : « Allah e ha'aji Ruhu mo o waɗi nder meeɗen korey. » 6Allah saahanake en caahu ɓurngu koo ɗume. Kanjum waɗi Deftere vi'i : « Allah e wanyi mawnitiiɓe, ammaa emo hokka leestinɓe ko'e mu''en caahu ma'ako. »#4.6 Balndi 3.34 7Gam ma'ajum ɗowtanee Allah. Ndartee *Ceyɗaan, ndeen o nyaarey on. 8Ɓaditee Allah, kanko boo o ɓaditoto on. Laɓɓinee juuɗe mooɗon, onon ɓe hakke ! Laɓɓinee ɓerɗe mooɗon, onon ɓe ɓerɗe ɗiɗi ! 9Mettinee ɓerɗe mooɗon, mboyee, pahatee. Jaleeɗe mooɗon koota bojji, velvelo mooɗon hoota mettam ɓeram. 10Leestinee ko'e mooɗon yeeso Jawmiraawo, ndeen o ɓantey on.

11Banndiraaɓe, to' koo moye mooɗon nyo' banndum. Nyo'ɗo banndum fuu, koo sernani mo, o nyo'ii *Tawreeta, o sernanii ka. To o sernanii Tawreeta, naa o ɗowtantooɗo ka, ammaa o laatake cernanoowo ka. 12Go'oto tan woni kokkoowo Tawreeta e cernoowo ka, kanko tan woodi baawɗe hisnugo e halkugo. Ammaa aan a moye, faa eɗa sernana banndaa ?

To' on mantoro jahango

13Kakkilee, onon vi'ooɓe : Hannde koo jahango, min njahey ci'e feere, min mbaɗa hitaande toon, min mbaɗa luumaaku toon, min keɓa ceede. 14On anndaa ko waɗata jahango. Noye yonki mooɗon va'i ? Yonki mooɗon e nanndi e cuurga mburtiika wakkaci seɗɗa tan, ka majja. 15Raa no haani mbi'on : To Allah jaɓii, yaharii yonki, min mbaɗey nihi e nihi. 16Ammaa jo'oni eɗon mawnito, eɗon manto. Iri kan ɗoon manta ka kalluka. 17To noon, annduɗo ko vooɗi fuu huwaay ɗum, o waɗii hakke.

Currently Selected:

Yaakuubu 4: fuq

Highlight

Copy

Compare