Kuuɗe Lilaaɓe 25
25
Bulus torake sernaneego yeeso Kaysar
1Balɗe tati ɓaawo Festus warii nder lesdi ndiin gam fuɗɗugo kuugal laamu muuɗum, o ummii Kaysaariya o yahi *Urusaliima. 2Toon *mawɓe aardiiɓe diina e arɗuɓe *Yahuudu'en ngaddi wullaandu Bulus to ma'ako. Ɓe torii yerduye ma'ako 3o waddana ɓe Bulus Urusaliima, gam ɓe mbaɗii dabaree wargo mo dow laawol. 4Festus toontii ɓe vi'i :
— Bulus e toon omndii nder kaso Kaysaariya. Miin e hoore am mi so''oto toon jaawɗum. 5Gam ma'ajum, sey mawɓe mooɗon ngara njahada e am Kaysaariya, ɓe ngulloo neɗɗo oon toon, kul e woodi halleende nde o waɗi.
6Festus jooɗii to maɓɓe faro balɗe joveetati koo sappo. Ɓaawo ma'ajum, o so''ii si'ire Kaysaariya. Jonto ma'ajum o jooɗii yaayre ceri'a o vi'i Bulus waddee. 7Nde Bulus wari, Yahuudu'en ivoyɓe Urusaliima tummbi mo, ɓe ngullorii mo gullaali ɗuuɗɗi naawɗi, ɗi ɓe mbaawaay tabbitingo. 8Ndeen Bulus toontii ɓe vi'i :
— Mi waɗaay layfi, koo dow ceri'a *Yahuudu'en, koo e *Wuro Allah Seniingo, koo e laamiiɗo Roomankoo'en mawɗo boo.
9Festus e yiɗi velgo Yahuudu'en, gam ma'ajum o ƴami Bulus o vi'i :
— Eɗa jaɓa yahago Urusaliima gam miin e hoore am mi sernan maa toon dow gullaali ɗiin naa ?
10Bulus toontii mo vi'i :
— Emi ɗo'o darii yeeso sernirde *laamiiɗo Roomankoo'en mawɗo, ɗo'o haani mi sernanee. Mi waɗanaay Yahuudu'en layfi. Aan e hoore maaɗa eɗa anndi ɗum. 11Kul mi waɗii layfi ko foti wargo yam, mi salataako wareego. Ammaa kul ko ɓe ngullorii yam wanaa ɗum goonga, walaa baawɗo waɗgo yam nder juuɗe maɓɓe. Emi toroo mi sernanee yeeso *Kaysar !#25.11 Kaysar ɗum innde laamu Rooma.
12Ɓaawo Festus volidii e hokkooɓe ɗum caawara, o toontii Bulus o vi'i :
— Nde a torake ceri'a maaɗa yaharee to Kaysar, a yahey faa to ma'ako !
Bulus yeeso laamiiɗo Agaripa
13Balɗe seɗɗa ɓaawo ma'ajum laamiiɗo *Agaripa e mawnum debbo bi'eteeɗo Bernis ngari si'ire Kaysaariya gam hinnugo Festus. 14Nde ɓe mbaali balɗe seɗɗa toon, Festus yeccii laamiiɗo oon habaru Bulus o vi'i :
— E woodi goɗɗo neɗɗo mo laamiiɗo Felikus woori ɗo'o nder kaso. 15Nde njahami Urusaliima, *mawɓe aardiiɓe diina e arɗuɓe Yahuudu'en ngeccake yam habaru ma'ako, ɓe torii yam mi taƴana mo ceri'a bareeki. 16Toontiimi mbi'imi ɓe, Roomankoo'en mboovaay sernango goɗɗo kul jooɗodaaki e wulliiɓe ɗum, o toontoo ko ɓe ngullorii mo. 17Nde ngardumi e maɓɓe ɗo'o, miin boo mi neeɓtinaay koo seɗɗa. Jonto ma'ajum njooɗiimi dow jooɗorgal ceri'a, mbi'imi neɗɗo oon waddee. 18Nde wulliiɓe mo ndarii faro ma'ako, ɓe ngullaaki mo koo wullaandu wo'oru kama ko tamminoomi. 19Geddi tan ɓe mba'adi e ma'ako dow habaru diina maɓɓe, e goɗɗo maayɗo bi'eteeɗo Yeesu mo Bulus vi'i e foofa. 20Miin boo nde laatii mi anndaa no liinyireymi haala kaan, ƴammoomi kul o jaɓii sernaneego toon *Urusaliima. 21Ammaa nde laatii o torake yam o waɗee e juuɗe *Kaysar, mbi'imi o reenee toon faa mi heɓa lildugo mo to laamiiɗo Roomankoo'en mawɗo oon.
22Ndeen Agaripa vi'i Festus :
— Miin e hoore am emi yiɗi yewanaago neɗɗo oon.
Festus vi'i mo :
— A yewanto mo jahango.
23Jonto ma'ajum Agaripa e Bernis ngari e teddungal manngal, ɓe natti nder suudu ceri'a mawndu, kamɓe e mawɓe soojeeji e aardiiɓe si'ire ndeen fuu. Ndeen Festus vi'i Bulus waddee. 24Festus vi'i :
— Aan Agaripa laamiiɗo e jama'aare hawritɓe ɗo'o, on ngi'ii o'o neɗɗo. *Yahuudu'en fuu ngullake mo to am nder Urusaliima faa ɗo'o, eɓe mbi'a o haanaa woordeego e yonki. 25Miin e hoore am, mi tawii o waɗaay koo ɗume ko haani wargo mo. Ammaa nde laatii kanko e hoore ma'ako torii ceri'a ma'ako wutinee yaharee to Kaysar laamiiɗo, mi siryake dabaree lildugo mo toon. 26Ammaa mi walaa haala ndariika dow ma'ako ka haani mi vinndana laamiiɗo oon. Kanjum waɗi ndarnumoomi yeeso mooɗon on fuu, gam ɗum liinyee yeeso maaɗa aan laamiiɗo Agaripa, gam to en ngewanake voliinde ma'ako mi heɓa ko mbinndumi. 27Gam miin e giiɗe am, lildugo nanngaaɗo to laamiiɗo mawɗo, ɗum yeccaaki ko o nanngiraa, ɗum vemmbere.
Currently Selected:
Kuuɗe Lilaaɓe 25: fuq
Highlight
Copy
Compare
Share
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
Kuuɗe Lilaaɓe 25
25
Bulus torake sernaneego yeeso Kaysar
1Balɗe tati ɓaawo Festus warii nder lesdi ndiin gam fuɗɗugo kuugal laamu muuɗum, o ummii Kaysaariya o yahi *Urusaliima. 2Toon *mawɓe aardiiɓe diina e arɗuɓe *Yahuudu'en ngaddi wullaandu Bulus to ma'ako. Ɓe torii yerduye ma'ako 3o waddana ɓe Bulus Urusaliima, gam ɓe mbaɗii dabaree wargo mo dow laawol. 4Festus toontii ɓe vi'i :
— Bulus e toon omndii nder kaso Kaysaariya. Miin e hoore am mi so''oto toon jaawɗum. 5Gam ma'ajum, sey mawɓe mooɗon ngara njahada e am Kaysaariya, ɓe ngulloo neɗɗo oon toon, kul e woodi halleende nde o waɗi.
6Festus jooɗii to maɓɓe faro balɗe joveetati koo sappo. Ɓaawo ma'ajum, o so''ii si'ire Kaysaariya. Jonto ma'ajum o jooɗii yaayre ceri'a o vi'i Bulus waddee. 7Nde Bulus wari, Yahuudu'en ivoyɓe Urusaliima tummbi mo, ɓe ngullorii mo gullaali ɗuuɗɗi naawɗi, ɗi ɓe mbaawaay tabbitingo. 8Ndeen Bulus toontii ɓe vi'i :
— Mi waɗaay layfi, koo dow ceri'a *Yahuudu'en, koo e *Wuro Allah Seniingo, koo e laamiiɗo Roomankoo'en mawɗo boo.
9Festus e yiɗi velgo Yahuudu'en, gam ma'ajum o ƴami Bulus o vi'i :
— Eɗa jaɓa yahago Urusaliima gam miin e hoore am mi sernan maa toon dow gullaali ɗiin naa ?
10Bulus toontii mo vi'i :
— Emi ɗo'o darii yeeso sernirde *laamiiɗo Roomankoo'en mawɗo, ɗo'o haani mi sernanee. Mi waɗanaay Yahuudu'en layfi. Aan e hoore maaɗa eɗa anndi ɗum. 11Kul mi waɗii layfi ko foti wargo yam, mi salataako wareego. Ammaa kul ko ɓe ngullorii yam wanaa ɗum goonga, walaa baawɗo waɗgo yam nder juuɗe maɓɓe. Emi toroo mi sernanee yeeso *Kaysar !#25.11 Kaysar ɗum innde laamu Rooma.
12Ɓaawo Festus volidii e hokkooɓe ɗum caawara, o toontii Bulus o vi'i :
— Nde a torake ceri'a maaɗa yaharee to Kaysar, a yahey faa to ma'ako !
Bulus yeeso laamiiɗo Agaripa
13Balɗe seɗɗa ɓaawo ma'ajum laamiiɗo *Agaripa e mawnum debbo bi'eteeɗo Bernis ngari si'ire Kaysaariya gam hinnugo Festus. 14Nde ɓe mbaali balɗe seɗɗa toon, Festus yeccii laamiiɗo oon habaru Bulus o vi'i :
— E woodi goɗɗo neɗɗo mo laamiiɗo Felikus woori ɗo'o nder kaso. 15Nde njahami Urusaliima, *mawɓe aardiiɓe diina e arɗuɓe Yahuudu'en ngeccake yam habaru ma'ako, ɓe torii yam mi taƴana mo ceri'a bareeki. 16Toontiimi mbi'imi ɓe, Roomankoo'en mboovaay sernango goɗɗo kul jooɗodaaki e wulliiɓe ɗum, o toontoo ko ɓe ngullorii mo. 17Nde ngardumi e maɓɓe ɗo'o, miin boo mi neeɓtinaay koo seɗɗa. Jonto ma'ajum njooɗiimi dow jooɗorgal ceri'a, mbi'imi neɗɗo oon waddee. 18Nde wulliiɓe mo ndarii faro ma'ako, ɓe ngullaaki mo koo wullaandu wo'oru kama ko tamminoomi. 19Geddi tan ɓe mba'adi e ma'ako dow habaru diina maɓɓe, e goɗɗo maayɗo bi'eteeɗo Yeesu mo Bulus vi'i e foofa. 20Miin boo nde laatii mi anndaa no liinyireymi haala kaan, ƴammoomi kul o jaɓii sernaneego toon *Urusaliima. 21Ammaa nde laatii o torake yam o waɗee e juuɗe *Kaysar, mbi'imi o reenee toon faa mi heɓa lildugo mo to laamiiɗo Roomankoo'en mawɗo oon.
22Ndeen Agaripa vi'i Festus :
— Miin e hoore am emi yiɗi yewanaago neɗɗo oon.
Festus vi'i mo :
— A yewanto mo jahango.
23Jonto ma'ajum Agaripa e Bernis ngari e teddungal manngal, ɓe natti nder suudu ceri'a mawndu, kamɓe e mawɓe soojeeji e aardiiɓe si'ire ndeen fuu. Ndeen Festus vi'i Bulus waddee. 24Festus vi'i :
— Aan Agaripa laamiiɗo e jama'aare hawritɓe ɗo'o, on ngi'ii o'o neɗɗo. *Yahuudu'en fuu ngullake mo to am nder Urusaliima faa ɗo'o, eɓe mbi'a o haanaa woordeego e yonki. 25Miin e hoore am, mi tawii o waɗaay koo ɗume ko haani wargo mo. Ammaa nde laatii kanko e hoore ma'ako torii ceri'a ma'ako wutinee yaharee to Kaysar laamiiɗo, mi siryake dabaree lildugo mo toon. 26Ammaa mi walaa haala ndariika dow ma'ako ka haani mi vinndana laamiiɗo oon. Kanjum waɗi ndarnumoomi yeeso mooɗon on fuu, gam ɗum liinyee yeeso maaɗa aan laamiiɗo Agaripa, gam to en ngewanake voliinde ma'ako mi heɓa ko mbinndumi. 27Gam miin e giiɗe am, lildugo nanngaaɗo to laamiiɗo mawɗo, ɗum yeccaaki ko o nanngiraa, ɗum vemmbere.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.