2 Yahayya 1
1
1Miin ndottiijo *ikiliisiya vinndi ngo'ol ɗereewol yahago to Inna wuro#1.1 Inna wuro oon e ɓiɓɓe muuɗum ɗum ikiliisiya. cuɓaaɗo Allah, e ɓiɓɓe muuɗum ɓe ngiɗmi e yiɗde goongaare. Wanaa miin tan yiɗi on, ammaa annduɓe goonga fuu e ngiɗi on, 2ko waɗi wanaa miin tan yiɗi on, gam goonga e jooɗii nder ɓerɗe meeɗen, ka jooɗodoto e meeɗen boo faa abadaa. 3Barkaa e yurmeende e jam ivoyɗum to Allah *Baabiraawo e Ɓiyum Yeesu *Almasiifu laatano en, faa njooɗooɗen nder goonga e yiɗde.
Yiɗde Goongaare
4Mi nanii belɗum korey nde tawmi e woodi ɓiɓɓe maaɗa tokkuɓe goonga noon no *Baabiraawo vi'i mbaɗen. 5Jo'oni, Inna wuro giɗaaɗo, emi toro maa ngiɗngiɗtiree. Ko mbinndanmaami wanaa ɗum dooka kesa, ɗum dooka ka ngoonnooɗen ila arande. 6Yiɗde goongaare woni tokkugo dookaaji Allah. Kanka woni dooka ka nanɗon ila arande, waato njooɗooɗon nder yiɗde.
7Majjinooɓe yimɓe ɗuuɗɓe cankitake nder duuniyaaru. Ɓe calake saaydingo Yeesu *Almasiifu warii laatake neɗɗo. Ekkitinirɗo noon fuu o majjinoowo, o ganyo Almasiifu. 8Ndeenee ko'e mooɗon gam to' on majjin nafuuda kuugal meeɗen, faa keɓon biya mooɗon fuu. 9Mo jooɗaaki nder ekkitinol Almasiifu, ammaa ɓesdi goɗɗum dow ma'agol, waldaa e Allah. Jooɗiiɗo nder ekkitinol ngool fuu e wondi e Baabiraawo e *Ɓiɗɗo boo. 10To goɗɗo warii e wa'ajina on ekkitinol feere, to' on njaɓɓo mo nder gure mooɗon, to' on kinnu mo boo. 11Gam kinnuɗo mo fuu, hawtii e ma'ako nder kuugal ma'ako kallungal.
Kinnooje cakitiiɗe
12Emi woodi ko ngiɗmi vi'igo on ɗuuɗɗum, ammaa mi yiɗaa vinndango on ɗum e ɗereewol. Emi yiɗi wargo to mooɗon, mboliden honnduko e honnduko, gam velvelo meeɗen heeva.
13Ɓiɓɓe bannda debbo#1.13 Ɓiɓɓe bannda debbo e yiɗi vi'igo ikiliisiya ngonka to binnduɗo ɗereewol ngool woni. mo Allah suɓi e kinnu maa.
Currently Selected:
2 Yahayya 1: fuq
Highlight
Copy
Compare
Share
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
