1 Yahayya 1

Voliinde hokkoore yonki

1Emin mbinndana on habaru goɗɗo bi'eteeɗo Voliinde,#1.1 Ɗo' to Yahayya waɗi habaru voliinde, ma'ana ma'ajum woni Yeesu Almasiifu. Yahayya 1.18 goonɗo ila fuɗɗam. Min nanii habaru ma'ako, min ngi'ii mo e gite amin, min ndaarii mo, min meemii mo e juuɗe amin. Kanko woni voliinde hokkoore yimɓe yonki. 2Yonki kiin vannginaama. Min ngi'ii ki, min caaydii dow ma'aki. Min caaydinii on kanki woni yonki ɗum faa abadaa, gonnooki to *Baabiraawo, bannginaaki e amin. 3Ko min ngi'i e ko min nani, kanjum min ngeccotoo on, gam onon boo kawton e amin, minon hawtuɓe e *Baabiraawo e Ɓiyum Yeesu *Almasiifu. 4Emin mbinndana on ɗum, gam faa velvelo meeɗen heeva.

Allah o jayngol

5Habaru ɗum min nani to *Almasiifu, kanjum min ngeccotoo on, waato Allah o jayngol, niɓre walaa to ma'ako sam. 6To en mbi'ii en kawti e ma'ako, ammaa en njooɗii nder niɓre, en pevii, en tokkaay goonga. 7Ammaa to en njooɗii nder jayngol, noon no Allah e hoore muuɗum jooɗorii nder ma'agol, ndeen kam en laatoto hawtuɓe hakkunde meeɗen. Ƴiiƴam Ɓiyiiko Yeesu boo, no laɓɓiney en gada e hakkeeji meeɗen fuu.

8To en mbi'ii en ngalaa hakke, en pevanii ko'e meeɗen, goonga boo walaa nder meeɗen. 9Ammaa to en ngeccake Allah hakkeeji meeɗen, kanko o koolniiɗo, kebbinoowo *alkawal ma'ako, o ya'afanto en, o laɓɓina en gada e koo ndeye halleende meeɗen fuu. 10To en mbi'ii en mbaɗaay hakke, en laatinii Allah pevoowo, voliinde ma'ako boo walaa nder ɓerɗe meeɗen.

Currently Selected:

1 Yahayya 1: fuq

Highlight

Copy

Compare