1 Korontu'en 5

Kuuɗe cemtiniiɗe nder ikiliisiya Korontu

1Mi nanii e woodi waɗooɓe njeenu nder mooɗon. Iri njeenu nguun meeɗaay waɗeego koo nder heeferɓe, faa goɗɗo nder mooɗon laatinii debbo baaba muuɗum#5.1 Waato nalwu inna ma'ako. kama koree muuɗum ! 2Faa on ɗoon mantoroo ɗum ! Ko haani ɓerɗe mooɗon metta dow ma'ajum, mburtinon baɗeyɗo iri kuugal ngaal nder mooɗon.

3Miin kam, koo to mi waldaa e mooɗon nder ɓanndu, emi wondi e mooɗon nder ruhu. Gam ma'ajum mi aartii mi sernanii kuuɗo iri kuugal ngaal nder innde Jawmiraawo meeɗen Yeesu. 4Nde kawritɗon fuu, ruhu am e baawɗe Jawmiraawo meeɗen Yeesu e ngondi e mooɗon, 5kokkee iri neɗɗo oon nder junngo *Ceyɗaan, gam suunooji ɓanndu ma'ako kalkee, ammaa yonki ma'ako hisnee nyannde bittoyki Jawmiraawo.

6Ko mantortooɗon ɗuum vooɗaa ! On anndaa *ƴuufnirɗum#5.6 Nder ngo'ol ɗereewol Bulus nanndinirii hakke e ƴuufnirɗum. seɗɗa ƴuufnata conndi buroodi faa ndi heeva naa ? 7Laɓɓinee ko'e mooɗon, ittee hakkeeji nannduɗi e ƴuufnirɗum kihiɗum gonɗi nder mooɗon, gam laatooɗon conndi kesri njiiɓaandi ndi walaa ƴuufnirɗum. Kayri laatiiɗon boo, gam lahiyaari meeɗen ndi *juulɗe Kuultol hirsaama, waato *Almasiifu. 8Gam ma'ajum, mbaɗemma juulɗe Kuultol ɗeen, naa e buroodi ɗum ƴuufnirɗum kihiɗum, waato nganyaandi e halleende, ammaa mba'aremma ɗe e buroodi ɗum walaa ƴuufnirɗum, waato senaare e goonga.

9Nder ɗereewol ngol mbinndannoomi on, mi vi'ii on to' on kawtu e waɗooɓe njeenu. 10Mi vi'aay ɗum dow waɗooɓe njeenu e ɓe koɗey e wuyɓe e sujjidanooɓe gumkiiji wonɓe nder duuniyaaru. To ɗum noonno, daa doole mburtooɗon duuniyaaru. 11Ammaa jo'oni raa ko ngiɗmi vi'igo on : to' on kawtu e yimɓe vi'ooɓe no goonɗinɓe, ammaa ɓe waɗooɓe njeenu, koo sujjidanooɓe gumkiiji, koo ɓe koɗey, koo huɗooɓe yimɓe, koo yarooɓe, koo wuyɓe. To' on nyaamdu e iri yimɓe ɓeen. 12-13Ɗume waanni yam e sernango yimɓe ɓe ngalaa nder *ikiliisiya ? Allah sernanta yimɓe ɓeen. Ammaa onon njowanaa sernango goonɗinɓe. Gam *Deftere Seniinde vi'i : « Ittee neɗɗo kalluɗo nder mooɗon. »#5.12-13 Tokkitaaki Tawreeta 17.7

Currently Selected:

1 Korontu'en 5: fuq

Highlight

Copy

Compare