Jeramaiya 45
45
YAWEI bin meigim pramis langa Baruk
1Langa det namba 4 yiya wen Jehoiyakim det san blanga Josaiya bin jidan king langa Juda, Baruk bin raidimdan langa peipa wanim aibin dalim im. Aibin dalim im#2 King 24:1; 2 Kran 36:5-7; Den 1:1,2 2wanim YAWEI det trubala God blanga ola Isreil pipul bin tok, 3“Baruk, yu oldei toktok, ‘Wal ai garra lafta gibap na, dumaji YAWEI bin meigim mi abum detmatj trabul en imbin meigim mi jidan brabli nogudbinjiwan na. Mi brabli wikwan brom toktokbat, en ai kaan abum gudwan spel, najing.’
4“Bat mi na YAWEI. Ai garra breigimdan wanim aibin bildimap, en ai garra pulumap wanim aibin plentim. Ai garra dum lagijat na langa holot dijan wel. 5Yu reken ai garra dum speshalwan ting blanga yu? Yu nomo lagijat. Ai garra bringimap brabli nogudbala ting langa ola pipul langa ebri kantri, bat yu Baruk, nomeda wujei yu go ai garra maindimbat yu en yu garra jidan laibala.” Lagijat na YAWEI bin tok.
Currently Selected:
Jeramaiya 45: rop
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
