Psalm 124
124
Psalm 124
Hi Apu Dios Di Mangibaliw Hi Tataguna
1Nganne nin di na'at i dita'un tinanud Israel hi'on agge dita'u binoddangan i Apu Dios?
2Hi'on agge dita'u binoddangan i Apu Dios hidin dimmatongan di mangubat i dita'u
3ot ma"id ha bahhonan pinate dita'un namin te nunhiglan nangimbubbungotda
4an umatdah nan dimmakol an liting hinan wangwang.
5Ta unhaot gapuh bikah nan liting ya nun'iyanud dita'u.
6Mu munhana ta'u i Apu Dios ta aggena inyabulut an dadagon dita'uh nadan binuhul ta'u.
7Ta umat ta'uh nan hamuti an natawang mu binumtik te napa"ih nan tawang.
8Te hi Apu Dios an nunlumuh ad lagud ya tun luta di bimmoddang i dita'u.
Currently Selected:
Psalm 124: ifa
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.
