Psalm 122
122
Psalm 122
Hay Aphod Di Ad Jerusalem
Kantan David
1Ma"amlonga' hidin alyon nadan tatagu di, Ume ta'uh nan Templo hi ad Jerusalem.
2Ot teen wahtu amih tun geyt hi ad Jerusalem.
3Ya mapmaphod di inatdan nangiphod ituwen boble an nundada''it nadan babale.
4Ta hituy a'amunganmin tinanud Israel an mundayaw i Apu Dios te hidiyey nibagah nan tuguna.
5Ya hitu boy punhituwa' an mun'ap'apu ya ta'on on nadan mapalpalog an tanuda' an mumpatul.
6Ot hanat idasal ta'u ta malinggop hitun ad Jerusalem.
Ya hanat pumhod di nitaguwan nadan ongal di pamhoddah tun ad Jerusalem.
7Ot hanat malinggop ta'u nimpe an nunhitu ituwen boble an ta'on on nadan nunhituh nan palasyu.
8Ta wan malinggop ta'u nimpen i'iba an nunhitu ituwen boble.
9Ya gapu ta wahtu tun Templo hitun numboblayan ta'u ya idasal'u an hanat pumhod hituwen boble.
Currently Selected:
Psalm 122: ifa
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.
