Psalm 114
114
Psalm 114
Hay Nakakan Nadan Tinanud Israel Hi Ad Egypt
1Hidin immaan nadan tinanud Israel an hi Jacob di ohah ngadana hi ad Egypt an bokonda numboblayan
2ya numbalinona didah niyappit i hiya ta diday tataguna ya hiyay Ap'apuda.
3Ya hidin numpatigoh Apu Dios hidih nan baybay an mumbolah ya nunhi"an nan liting.
Ya atbohdiy na'at hinan liting hinan wangwang an nungngadan hi Jordan.
4Ya niwagot nadan billid ta umatdah nan mumpaypaytu"an an gulding onu kalnero.
5He"an baybay, Tanganu on'a namaganan? Da'yun liting hinan baybay, tanganu on ayu mamtik?
Ya ta'on on da'yun liting hinan wangwang, tanganu on ayu adi mange?
6Ya ta'on on da'yun billid ya da'yun nabillid ya tanganu on ayu mumpaytu"an an umat hinadan gulding onu kalnero?
7Hantun luta ya ahi miwagot ta paddungnay gumayonggong hitun pumbangngadan Apu Dios an dinayaw handin ammod ta'un hi Jacob
8an hiya din nangipabudduh hi liting hinan doplah ta na'apyahdi han puhung.
Currently Selected:
Psalm 114: ifa
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.
