Romanos 5

Cristode ijãapataarã kꞌãiwee pꞌanapata Tachi Akꞌõre ome

1Tachi Cristode ijãapataarã mãgá pꞌekꞌau kꞌachia wẽe pꞌanapata perã Tachi Akꞌõre kꞌĩrapite, kꞌãiwee pꞌanapata, kꞌawaa pꞌanadairã Tachi Akꞌõrepa tachi atuapi–e paitꞌee. Ma kꞌãyaara tachi pia akꞌɨpari Tachi Waibɨa Jesucristo kꞌaurepa. 2Irude ijãapata kꞌaurepata Tachi Akꞌõrepa tachi kꞌaripapari. Maperã tꞌãri o–ĩa pꞌanapata. Kꞌawa pꞌanɨ irua ichi kꞌĩra wãree unupiitꞌee tachimaa. 3Ma awara ɨ̃raweda tꞌãri o–ĩa pꞌanapata, mia pꞌanɨ pɨjida. Mãga pꞌanadai kꞌawa pꞌanadairã mãgá miadakꞌãri, kꞌawaa wãpata choodaitꞌee. 4Mãgá choodakꞌãri, kꞌawaapata Tachi Akꞌõrepa tachi pia akꞌɨpari mãikꞌaapa waapɨara ijãapata ewari cherude iru kꞌĩra wãree unudaitꞌee. 5Kꞌawa pꞌanɨ ma ewate irua tachi kꞌũra–e paitꞌee, ichi Jaure pëida perã tachi ome ba chemerã. Mãgɨpa tachi tꞌãride kꞌawapipari Tachi Akꞌõrepa tachi kꞌinia iru bɨ.

6Naaweda tachia pꞌekꞌau kꞌachia pꞌoyaa oo amaada–e paji tachi kꞌĩradoopa. Maperã Akꞌõrepa ewari aba jɨrɨtꞌeraji Cristo piumerã kꞌachia beerã pari. 7Eperã jĩpꞌaapa mãga oo–e pakꞌaji awaraa pari. ¿Kꞌaita chĩara tꞌãri kꞌachia–idaa bɨ pari piukꞌajima? Piu–e pakꞌaji pia oopataarã pari pɨjida. Piukꞌajiskꞌa eperã tꞌãri pia bɨ pari. 8Mamĩda Tachi Akꞌõrepa akꞌɨpiji ichiata tachi audú kꞌinia iru bɨ, Cristo pëikꞌãri piumerã pꞌekꞌau kꞌachia oopataarã pari.

9Ichia mãga ooda perã tachi–itꞌee, ijãapata Cristo waa batꞌada kꞌaurepa Tachi Akꞌõrepa ijãapataarã pꞌekꞌau kꞌachia wẽe papipari ichi kꞌĩrapite. Ma awara kꞌawapata Cristo kꞌaurepa Tachi Akꞌõrepa tachi miapi–e paitꞌee ichi ewari waibɨa ewate. 10Naaweda tachi jida Tachi Akꞌõre kꞌĩra unuamaa iru pꞌanapataarãkꞌa pꞌanajida, o kꞌachiade pꞌanapachida perã. Mamĩda Cristo piuda kꞌaurepa tachi pari, Tachi Akꞌõrepa ichi tꞌãri aukꞌa bɨji tachi tꞌãri ome. Ma awara Cristo piupꞌeda chokꞌai pꞌirabaida perã, ɨ̃rá audupɨara tachi kꞌaripapari ichi ode wãrutade, mãikꞌaapa mãgá kꞌaripapariitꞌee tachi wãrutamaa ichi truadee. 11Tachi Waibɨa Jesucristopa tachi mãgá kꞌaripapari perã, ɨ̃rá tachi tꞌãri aukꞌa pꞌanapata Tachi Akꞌõre ome. Maperãpɨ tachi tꞌãri o–ĩa pꞌanapata.

Adán badakꞌãriipa Cristo parumaa

12Adanpa oodade kꞌĩsiadáma. Chi naapema eperãpa naapɨara pꞌekꞌau kꞌachia ooji, oo–e pada perã Tachi Akꞌõrepa jaradakꞌa. Piuji ma kꞌachia ooda kꞌaurepa. Ma kꞌachia oodakꞌãriipa jõmaweda ichideepa uchiadapꞌedaarãpa pꞌekꞌau kꞌachia oo pꞌaneejida. Mãgá Adanpa naapɨara kꞌachia ooda kꞌaurepa, maadamãiipa eperãarã piupata. 13Mãga paji Akꞌõrepa ichi ũraa pꞌãpii naaweda Moisemaa. Ma ũraa pꞌãpida kꞌawada–e pꞌanapachida mĩda, eperãarãpa pariatua pꞌekꞌau kꞌachia oopachida Tachi Akꞌõre kꞌĩrapite. Mamĩda Tachi Akꞌõrepa ãchi miapi–e paji ãchia ne–inaa kꞌachia oopatapꞌedaa kꞌaurepa. 14Jĩpꞌa piujida Adanpa ne–inaa kꞌachia ooda kꞌaurepa, aukꞌa ooda–e paji mĩda irua oodakꞌa. Ɨ̃rá kꞌĩsiadáma Adanpa oodade mãikꞌaapa Cristo, chi cheitꞌee bada apatapa oodade.

15Tachi Akꞌõrepa eperãarã chupɨria kꞌawaada mãikꞌaapa pia ooda Cristo kꞌaurepa, Adanpa oodakꞌa bɨ–e. Adanpa ooda kꞌaurepa na pꞌekꞌau eujãdepemaarã jõmaweda piupata mãikꞌaapa pia–ee pꞌanapata Tachi Akꞌõre kꞌĩrapite. Mãga pꞌanapata mĩda Akꞌõre kꞌĩrapite mãikꞌaapa pꞌekꞌau kꞌachia oopata mĩda, Cristode ijãadakꞌãri, Tachi Akꞌõrepa eperãarã chupɨria kꞌawaapari mãikꞌaapa ãrapa pꞌekꞌau kꞌachia oopata wẽpapipari. Mãgá Cristopa ooda kꞌaurepa Akꞌõrepa ma eperãarã pꞌekꞌau kꞌachia wẽe akꞌɨpari. 16Ma awara Adanpa kꞌachia ooda kꞌaurepa Tachi Akꞌõrepa na pꞌekꞌau eujãdepemaarã pia akꞌɨ–e paji mãikꞌaapa ma kꞌaurepa ãra atuapiitꞌee paji. Jõdee Cristopa pia ooda kꞌaurepa Tachi Akꞌõrepa na eujãdepemaarã pia akꞌɨpari irude ijãadakꞌãri. 17Ma etꞌewa jara aupadade kꞌĩsiadakꞌãri, kꞌawa pꞌanɨ Adanpa ooda kꞌaurepa na pꞌekꞌau eujãdepemaarã piupata. Mamĩda ma kꞌãyaara Jesucristopa ooda pipɨara bɨ. Ma kꞌaurepa Tachi Akꞌõrepa eperãarã kꞌaripapari, pꞌekꞌau kꞌachia wẽe ichita pꞌanapataadamerã iru truade, ãrapa irude ijãapata perã.

18Ichiaba Adanpa kꞌachia ooda kꞌaurepa, jõmaweda atuadaitꞌee paji. Jõdee Jesucristopa pia ooda kꞌaurepa jõmaweda pꞌekꞌau kꞌachia wẽe pꞌanadai Tachi Akꞌõre kꞌĩrapite mãikꞌaapa iru truadee wãdai. 19Mãpa jaradai eperã abaapa oo–e pada perã Akꞌõrepa jaradakꞌa, eperãarã chokꞌaraarãpa pꞌekꞌau kꞌachia oo pꞌaneejida. Jõdee chi apemapa ooda perã Akꞌõrepa jaradakꞌa, eperãarã chokꞌara pꞌekꞌau kꞌachia wẽe pꞌanɨ Tachi Akꞌõre kꞌĩrapite.

20Tachi Akꞌõrepa ichi ũraa Moisemaa pꞌãpiji akꞌɨpiitꞌee eperãarãmaa ãchia ne–inaa kꞌachia oopata. Ma ũraa kꞌawaadakꞌãri, audupɨara kꞌachia oopachida. Mamĩda Tachi Akꞌõrepa mãgee eperãarã audú kꞌinia iru bada perã, ãchi ma o kꞌachiadeepa kꞌaripa ataji. 21Waide Tachi Akꞌõrepa mãgá kꞌaripa–e bakꞌãri, tachi eperãarã piudapꞌeda, atuapachida tachia pꞌekꞌau kꞌachia oopata kꞌaurepa. Mamĩda Tachi Akꞌõrepa tachi pꞌekꞌau kꞌachia oopataarã kꞌaripakꞌãri Jesucristo kꞌaurepa, pꞌekꞌau kꞌachia wẽe pꞌaneejida iru kꞌĩrapite mãikꞌaapa iru ode pꞌaneejida. Ma ode pꞌanadakꞌãri, tachi kꞌapꞌɨa piuruta pɨjida, Akꞌõre truade pꞌananadaitꞌee.

Currently Selected:

Romanos 5: sjaB

Highlight

Copy

Compare