Romanos 2
2
Tachi Akꞌõre ewari waibɨa ewate
1Mãgee kꞌachia oopataarã akꞌɨkꞌãri, parãdepema abaapa kꞌĩsiai: “Mɨa mãga oo–e pakꞌaji”. Mamĩda pɨa pida ne–inaa kꞌachia oopari Tachi Akꞌõre kꞌĩrapite. Maperã kꞌĩrakꞌaupai jarai Tachi Akꞌõrepa mãgee kꞌachia oopataarã miapiipia bɨ. Aukꞌa Akꞌõrepa pɨ miapii, pɨa kꞌachia oopata kꞌaurepa. 2Wãara, tachia kꞌawa pꞌanɨ Tachi Akꞌõrepa ne–inaa kꞌachia chookꞌaa ichi bɨmãi. Maperãpɨ ichia ne–inaa pia oopari, jarakꞌãri mãgeerã miapiitꞌee ãchia pꞌekꞌau kꞌachia oopata kꞌaurepa. 3Mãga bɨta ¿kꞌĩsia bɨkꞌã irua pɨ miapi–e paitꞌee, aukꞌa ne–inaa kꞌachia oopari mĩda? 4Maa–e pɨrã ¿nãga kꞌĩsia bɨkꞌã? “Tachi Akꞌõre audú tꞌãri pia bairã, chooitꞌee mɨa ne–inaa kꞌachia ookꞌãri.” ¿Kꞌawa–e bɨkꞌã Tachi Akꞌõre tꞌãri pia bapari pɨ ome, kꞌinia bairã pɨa pꞌekꞌau kꞌachia oo amaamerã? 5Mamĩda pɨa oo–e bɨ Akꞌõrepa kꞌinia bɨkꞌa, kꞌɨɨrɨ kꞌisua bapari perã. Maperã Tachi Akꞌõre ewari waibɨa ewate irua pɨ audupɨara miapiitꞌee awaraa kꞌachia oopataarã kꞌãyaara. Mãga ookꞌãri, ne–inaa pia ooitꞌee, Tachi Akꞌõrepa ichita ne–inaa pia oopari perã. 6Ma ewate Tachi Akꞌõrepa akꞌɨitꞌee eperãarã jõmaarãpa oopatapꞌedaa jaraitꞌee pia wa kꞌachia. 7Ichi truadee wãpiitꞌee nãgee eperãarã: ne–inaa pia oopataarã, kꞌinia pꞌanadairã Tachi Akꞌõrepa ãchi pia akꞌɨmerã, mãikꞌaapa ichita pꞌana kꞌinia pꞌanapataarã iru ome iru trua kꞌĩra wãreede. 8Jõdee nãgee eperãarã atuapiitꞌee: audua pꞌanapataarã mãikꞌaapa ooda–e pꞌanɨɨrã Tachi Akꞌõrepa wãarata jara pëidakꞌa, ma kꞌãyaara ne–inaa kꞌachia oo kꞌinia pꞌanadairã. Mãɨrãpa Tachi Akꞌõre kꞌĩraupipata. Mapa ma ewate irua ãchi kꞌachia ooitꞌee. 9Ma ewate jõmaweda pꞌekꞌau kꞌachia oopataarã miadaitꞌee mãikꞌaapa chupɨria chitoonadaitꞌee, naapɨara judiorã, maapꞌeda judio–eerã. 10Jõdee pia oopataarã kꞌãiwee pꞌanadaitꞌee, Tachi Akꞌõrepa ãchi pia akꞌɨitꞌee perã mãikꞌaapa ichi trua kꞌĩra wãreedee wãpiitꞌee perã. Mãga pꞌanadaitꞌee naapɨara judiorã, maapꞌeda judio–eerã. 11Tachi Akꞌõrepa judiorãpa oopatapꞌedaa, judio–eerãpa oopatapꞌedaa aukꞌa akꞌɨitꞌee.
12Mɨa mãga jara bɨ Akꞌõrepa judio–eerã atuapiitꞌee perã ãchia pꞌekꞌau kꞌachia oopata kꞌaurepa, Moisepa pꞌãda kꞌawada–e pꞌanɨ mĩda. Jõdee judiorã aukꞌa atuapiitꞌee ãchia pꞌekꞌau kꞌachia oopata kꞌaurepa, Moisepa pꞌãda kꞌawa pꞌanɨ mĩda, ooda–e pꞌanadairã jõmaweda ma pꞌãdade jara bɨkꞌa. 13Tachi Akꞌõrepa Moisemaa ũraa pꞌãpida ũrirutapapai, eperã pꞌekꞌau kꞌachia wẽe bee–e pai Tachi Akꞌõre kꞌĩrapite. Mamĩda eperã pꞌekꞌau kꞌachia wẽe beei Tachi Akꞌõre kꞌĩrapite, ooru pɨrã jõmaweda ma pꞌãdade jara bɨkꞌa. 14Kꞌawa pꞌanɨ judio–eerãpa ichiaba oodai Moisepa pꞌãdade jara bɨkꞌa, ma pꞌãda kꞌawada–e pꞌanɨ mĩda. Mãga oodai oodakꞌãri Tachi Akꞌõrepa kꞌĩsia pia bëidakꞌa eperãarã tꞌãride, ewaa weda eperãarã ookꞌãri. 15Mãgá pia oodakꞌãri, jõmaarãmaa akꞌɨpipata ãchi tꞌãride bëida aukꞌa bee Akꞌõrepa pꞌãpida ome. Ma kꞌĩsia pia bëida kꞌaurepa ne–inaa pia kꞌawapata. Mapa ne–inaa pia oodakꞌãri, kꞌãiwee pꞌanapata. Jõdee ne–inaa kꞌachia oodakꞌãri, kꞌĩsia pꞌua pꞌanapata. 16Tachi Akꞌõrepa mɨ jɨrɨtꞌeraji jarateemerã ichi Warra Jesucristopa ooda eperãarã kꞌaripaitꞌee. Irua akꞌɨitꞌee eperãarãpa oopatapꞌedaa Akꞌõre ewari waibɨa ewate. Iruata kꞌawapari jõmaarãpa ãchi tꞌãride oo kꞌinia pꞌanɨ, pia wa kꞌachia. Mapa kꞌawaitꞌee chisãgɨɨrã wãpii Akꞌõre truadee mãikꞌaapa chisãgɨɨrã atuapii.
Judiorãpa Moisepa pꞌãda iru pꞌanɨ
17Parãpa jarapata: “Tai judiorã.” Mamĩda parã audua pꞌanɨ Tachi Akꞌõrepa oopi kꞌinia bɨ eperãarãmaa kꞌawa pꞌanɨda apata perã. Mãga jarapata pãchi aukꞌaarãpa Moisepa pꞌãda iru pꞌanadairã. 18Wãara Moisepa pꞌãda kꞌaurepa kꞌawa pꞌanɨ sãga oodaipia bɨ mãikꞌaapa sãga oodaikꞌaraa bɨ, Tachi Akꞌõrepa parã pia akꞌɨ bamerã. Ma awara ijãa pꞌanɨ Akꞌõre Ũraa pꞌãdade jara bɨkꞌa wãara oodaipia bɨ jõmaarãpa, ma pꞌãdade jara bɨ ũraa pia bairã. 19Kꞌĩsia pꞌanɨ parã́pata Tachi Akꞌõrepa oopi kꞌinia bɨ eperãarãmaa jarateedai Moisepa pꞌãda kꞌawa–ee beerãmaa, ãchia Akꞌõre Ũraa kꞌawada–e pꞌanadairã. 20Parã–itꞌee ãchi kꞌĩsia kꞌawa–ee beerãkꞌa pꞌanɨ maa–e pɨrã warra chakꞌeerãkꞌa pꞌanɨ. Parã judiorãpa ãchimaa jarateeda–e pꞌanɨ pɨrã, ¿sãga kꞌawaadaima Akꞌõrepa oopi kꞌinia bɨ ãchimaa? ¿Parãpa wãarata kꞌawa pꞌanɨ–ekꞌã, Akꞌõre Ũraa kꞌawa pꞌanapata perã? 21Parãpa awaraarãmaa jarateepata Akꞌõre Ũraa pꞌãdade jara bɨkꞌa oodaipia bɨ. ¿Mãga–ekꞌã? Mamĩda parãpa pida ooda–e pꞌanɨ ma pꞌãdade jara bɨkꞌa. Ũraapata awaraarãmaa nechɨanaadamerã. Mamĩda edaare parãpa mãga oopata. 22Jarapata tachi wẽra omepai kꞌãipia bɨ. Mamĩda parãdepema ũkꞌuruurãpa chĩara wẽra jɨrɨpata, aɨ ome kꞌãidaitꞌee. Kꞌĩra unuamaa iru pꞌanapatada apata ne–inaa kꞌĩra tꞌãdoo juapa ooda, aɨ kꞌĩrapite ɨtꞌaa tꞌɨ̃pata. Mamĩda parãdepemaarã ũkꞌuru tꞌĩupata mãgee ne–inaa iru pꞌanɨ tede nechɨadaitꞌee. 23Jara pꞌanɨ: “Táipata Tachi Akꞌõre Ũraa kꞌawa pꞌanɨda” apata. Mamĩda wãara ooda–e pꞌanɨ Akꞌõrepa jara bɨkꞌa ma ũraade. Mapa parã kꞌaurepa awaraarãpa pedee kꞌachia jarapata Tachi Akꞌõre ãpɨte, 24Akꞌõre Ũraa pꞌãdade nãga jara bɨkꞌa:
‘Parã kꞌaurepa Tachi Akꞌõrede ijãadakꞌaa beerãpa kꞌachia pedeepata iru ãpɨte.’ (Isaías 52.5)
25Tachi Akꞌõrepa oopidakꞌa chonaarãweda, tauchaa bɨjida parãdepema ɨmɨkꞌĩraarã kꞌapꞌɨade, akꞌɨpidaitꞌee parã Tachi Akꞌõre eperãarã. Mamĩda parãpa Tachi Akꞌõre Ũraa pꞌãdade jara bɨkꞌa wãara ooda–e pꞌanɨ pɨrã, aukꞌa pꞌaneepata tauchaa wẽe beerã ome. 26Jõdee, ma tauchaa wẽe beerãpa wãara oo pꞌanɨ pɨrã Akꞌõre Ũraade jara bɨkꞌa, Tachi Akꞌõrepa ichideerã papiitꞌee, tauchaa wẽe pꞌanɨ mĩda. 27Mãgá Tachi Akꞌõre kꞌĩrapite mãɨrã pipɨara uchiadaitꞌee parã judiorã kꞌãyaara. Akꞌõrepa oopi bɨkꞌa oo pꞌanɨpa ãrapa akꞌɨpipata Akꞌõrepa parã miapiipia bɨ, irua oopi bɨkꞌa oo kꞌiniada–e pꞌanadairã. Mãga pꞌanapata, parã judiorãpa iru ũraa pꞌãda kꞌawa pꞌanɨ mĩda mãikꞌaapa pãchi kꞌapꞌɨade tauchaa iru pꞌanɨ mĩda. 28Ma jõma jara aupadade kꞌĩsiadakꞌãri, kꞌawa pꞌanɨ Tachi Akꞌõrepa ichideerã papi–e judiorãda apataarã, ne–inaa oopata perã irua ũraa pꞌãdade jara bɨkꞌa maa–e pɨrã ãchi kꞌapꞌɨade tauchaa bɨpata perã. 29Ma kꞌãyaara ichideerã papipari chi tꞌãripa irude wãara ijãapataarã. Jaradai ãchia tauchaa pɨkꞌa iru pꞌanɨ ãchi tꞌãride, kꞌapꞌɨade iru pꞌanadai kꞌãyaara. Mãgá tꞌãripa wãara ijãadakꞌãri, Akꞌõre Jaure ãchi ome ba chepari. Mãgɨ́ pipɨara bɨ Akꞌõre Ũraa pꞌãdade iru pꞌanadai kꞌãyaara, iruata kꞌawapipari perã jõma Tachi Akꞌõrepa oopi kꞌinia bɨ. Tachi Akꞌõrepa mãgee wãara ijãapataarã pia akꞌɨpari, awaraarãpa ãra mãgá akꞌɨda–e pꞌanɨ mĩda.
Currently Selected:
Romanos 2: sjaB
Highlight
Copy
Compare
Share
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.
Romanos 2
2
Tachi Akꞌõre ewari waibɨa ewate
1Mãgee kꞌachia oopataarã akꞌɨkꞌãri, parãdepema abaapa kꞌĩsiai: “Mɨa mãga oo–e pakꞌaji”. Mamĩda pɨa pida ne–inaa kꞌachia oopari Tachi Akꞌõre kꞌĩrapite. Maperã kꞌĩrakꞌaupai jarai Tachi Akꞌõrepa mãgee kꞌachia oopataarã miapiipia bɨ. Aukꞌa Akꞌõrepa pɨ miapii, pɨa kꞌachia oopata kꞌaurepa. 2Wãara, tachia kꞌawa pꞌanɨ Tachi Akꞌõrepa ne–inaa kꞌachia chookꞌaa ichi bɨmãi. Maperãpɨ ichia ne–inaa pia oopari, jarakꞌãri mãgeerã miapiitꞌee ãchia pꞌekꞌau kꞌachia oopata kꞌaurepa. 3Mãga bɨta ¿kꞌĩsia bɨkꞌã irua pɨ miapi–e paitꞌee, aukꞌa ne–inaa kꞌachia oopari mĩda? 4Maa–e pɨrã ¿nãga kꞌĩsia bɨkꞌã? “Tachi Akꞌõre audú tꞌãri pia bairã, chooitꞌee mɨa ne–inaa kꞌachia ookꞌãri.” ¿Kꞌawa–e bɨkꞌã Tachi Akꞌõre tꞌãri pia bapari pɨ ome, kꞌinia bairã pɨa pꞌekꞌau kꞌachia oo amaamerã? 5Mamĩda pɨa oo–e bɨ Akꞌõrepa kꞌinia bɨkꞌa, kꞌɨɨrɨ kꞌisua bapari perã. Maperã Tachi Akꞌõre ewari waibɨa ewate irua pɨ audupɨara miapiitꞌee awaraa kꞌachia oopataarã kꞌãyaara. Mãga ookꞌãri, ne–inaa pia ooitꞌee, Tachi Akꞌõrepa ichita ne–inaa pia oopari perã. 6Ma ewate Tachi Akꞌõrepa akꞌɨitꞌee eperãarã jõmaarãpa oopatapꞌedaa jaraitꞌee pia wa kꞌachia. 7Ichi truadee wãpiitꞌee nãgee eperãarã: ne–inaa pia oopataarã, kꞌinia pꞌanadairã Tachi Akꞌõrepa ãchi pia akꞌɨmerã, mãikꞌaapa ichita pꞌana kꞌinia pꞌanapataarã iru ome iru trua kꞌĩra wãreede. 8Jõdee nãgee eperãarã atuapiitꞌee: audua pꞌanapataarã mãikꞌaapa ooda–e pꞌanɨɨrã Tachi Akꞌõrepa wãarata jara pëidakꞌa, ma kꞌãyaara ne–inaa kꞌachia oo kꞌinia pꞌanadairã. Mãɨrãpa Tachi Akꞌõre kꞌĩraupipata. Mapa ma ewate irua ãchi kꞌachia ooitꞌee. 9Ma ewate jõmaweda pꞌekꞌau kꞌachia oopataarã miadaitꞌee mãikꞌaapa chupɨria chitoonadaitꞌee, naapɨara judiorã, maapꞌeda judio–eerã. 10Jõdee pia oopataarã kꞌãiwee pꞌanadaitꞌee, Tachi Akꞌõrepa ãchi pia akꞌɨitꞌee perã mãikꞌaapa ichi trua kꞌĩra wãreedee wãpiitꞌee perã. Mãga pꞌanadaitꞌee naapɨara judiorã, maapꞌeda judio–eerã. 11Tachi Akꞌõrepa judiorãpa oopatapꞌedaa, judio–eerãpa oopatapꞌedaa aukꞌa akꞌɨitꞌee.
12Mɨa mãga jara bɨ Akꞌõrepa judio–eerã atuapiitꞌee perã ãchia pꞌekꞌau kꞌachia oopata kꞌaurepa, Moisepa pꞌãda kꞌawada–e pꞌanɨ mĩda. Jõdee judiorã aukꞌa atuapiitꞌee ãchia pꞌekꞌau kꞌachia oopata kꞌaurepa, Moisepa pꞌãda kꞌawa pꞌanɨ mĩda, ooda–e pꞌanadairã jõmaweda ma pꞌãdade jara bɨkꞌa. 13Tachi Akꞌõrepa Moisemaa ũraa pꞌãpida ũrirutapapai, eperã pꞌekꞌau kꞌachia wẽe bee–e pai Tachi Akꞌõre kꞌĩrapite. Mamĩda eperã pꞌekꞌau kꞌachia wẽe beei Tachi Akꞌõre kꞌĩrapite, ooru pɨrã jõmaweda ma pꞌãdade jara bɨkꞌa. 14Kꞌawa pꞌanɨ judio–eerãpa ichiaba oodai Moisepa pꞌãdade jara bɨkꞌa, ma pꞌãda kꞌawada–e pꞌanɨ mĩda. Mãga oodai oodakꞌãri Tachi Akꞌõrepa kꞌĩsia pia bëidakꞌa eperãarã tꞌãride, ewaa weda eperãarã ookꞌãri. 15Mãgá pia oodakꞌãri, jõmaarãmaa akꞌɨpipata ãchi tꞌãride bëida aukꞌa bee Akꞌõrepa pꞌãpida ome. Ma kꞌĩsia pia bëida kꞌaurepa ne–inaa pia kꞌawapata. Mapa ne–inaa pia oodakꞌãri, kꞌãiwee pꞌanapata. Jõdee ne–inaa kꞌachia oodakꞌãri, kꞌĩsia pꞌua pꞌanapata. 16Tachi Akꞌõrepa mɨ jɨrɨtꞌeraji jarateemerã ichi Warra Jesucristopa ooda eperãarã kꞌaripaitꞌee. Irua akꞌɨitꞌee eperãarãpa oopatapꞌedaa Akꞌõre ewari waibɨa ewate. Iruata kꞌawapari jõmaarãpa ãchi tꞌãride oo kꞌinia pꞌanɨ, pia wa kꞌachia. Mapa kꞌawaitꞌee chisãgɨɨrã wãpii Akꞌõre truadee mãikꞌaapa chisãgɨɨrã atuapii.
Judiorãpa Moisepa pꞌãda iru pꞌanɨ
17Parãpa jarapata: “Tai judiorã.” Mamĩda parã audua pꞌanɨ Tachi Akꞌõrepa oopi kꞌinia bɨ eperãarãmaa kꞌawa pꞌanɨda apata perã. Mãga jarapata pãchi aukꞌaarãpa Moisepa pꞌãda iru pꞌanadairã. 18Wãara Moisepa pꞌãda kꞌaurepa kꞌawa pꞌanɨ sãga oodaipia bɨ mãikꞌaapa sãga oodaikꞌaraa bɨ, Tachi Akꞌõrepa parã pia akꞌɨ bamerã. Ma awara ijãa pꞌanɨ Akꞌõre Ũraa pꞌãdade jara bɨkꞌa wãara oodaipia bɨ jõmaarãpa, ma pꞌãdade jara bɨ ũraa pia bairã. 19Kꞌĩsia pꞌanɨ parã́pata Tachi Akꞌõrepa oopi kꞌinia bɨ eperãarãmaa jarateedai Moisepa pꞌãda kꞌawa–ee beerãmaa, ãchia Akꞌõre Ũraa kꞌawada–e pꞌanadairã. 20Parã–itꞌee ãchi kꞌĩsia kꞌawa–ee beerãkꞌa pꞌanɨ maa–e pɨrã warra chakꞌeerãkꞌa pꞌanɨ. Parã judiorãpa ãchimaa jarateeda–e pꞌanɨ pɨrã, ¿sãga kꞌawaadaima Akꞌõrepa oopi kꞌinia bɨ ãchimaa? ¿Parãpa wãarata kꞌawa pꞌanɨ–ekꞌã, Akꞌõre Ũraa kꞌawa pꞌanapata perã? 21Parãpa awaraarãmaa jarateepata Akꞌõre Ũraa pꞌãdade jara bɨkꞌa oodaipia bɨ. ¿Mãga–ekꞌã? Mamĩda parãpa pida ooda–e pꞌanɨ ma pꞌãdade jara bɨkꞌa. Ũraapata awaraarãmaa nechɨanaadamerã. Mamĩda edaare parãpa mãga oopata. 22Jarapata tachi wẽra omepai kꞌãipia bɨ. Mamĩda parãdepema ũkꞌuruurãpa chĩara wẽra jɨrɨpata, aɨ ome kꞌãidaitꞌee. Kꞌĩra unuamaa iru pꞌanapatada apata ne–inaa kꞌĩra tꞌãdoo juapa ooda, aɨ kꞌĩrapite ɨtꞌaa tꞌɨ̃pata. Mamĩda parãdepemaarã ũkꞌuru tꞌĩupata mãgee ne–inaa iru pꞌanɨ tede nechɨadaitꞌee. 23Jara pꞌanɨ: “Táipata Tachi Akꞌõre Ũraa kꞌawa pꞌanɨda” apata. Mamĩda wãara ooda–e pꞌanɨ Akꞌõrepa jara bɨkꞌa ma ũraade. Mapa parã kꞌaurepa awaraarãpa pedee kꞌachia jarapata Tachi Akꞌõre ãpɨte, 24Akꞌõre Ũraa pꞌãdade nãga jara bɨkꞌa:
‘Parã kꞌaurepa Tachi Akꞌõrede ijãadakꞌaa beerãpa kꞌachia pedeepata iru ãpɨte.’ (Isaías 52.5)
25Tachi Akꞌõrepa oopidakꞌa chonaarãweda, tauchaa bɨjida parãdepema ɨmɨkꞌĩraarã kꞌapꞌɨade, akꞌɨpidaitꞌee parã Tachi Akꞌõre eperãarã. Mamĩda parãpa Tachi Akꞌõre Ũraa pꞌãdade jara bɨkꞌa wãara ooda–e pꞌanɨ pɨrã, aukꞌa pꞌaneepata tauchaa wẽe beerã ome. 26Jõdee, ma tauchaa wẽe beerãpa wãara oo pꞌanɨ pɨrã Akꞌõre Ũraade jara bɨkꞌa, Tachi Akꞌõrepa ichideerã papiitꞌee, tauchaa wẽe pꞌanɨ mĩda. 27Mãgá Tachi Akꞌõre kꞌĩrapite mãɨrã pipɨara uchiadaitꞌee parã judiorã kꞌãyaara. Akꞌõrepa oopi bɨkꞌa oo pꞌanɨpa ãrapa akꞌɨpipata Akꞌõrepa parã miapiipia bɨ, irua oopi bɨkꞌa oo kꞌiniada–e pꞌanadairã. Mãga pꞌanapata, parã judiorãpa iru ũraa pꞌãda kꞌawa pꞌanɨ mĩda mãikꞌaapa pãchi kꞌapꞌɨade tauchaa iru pꞌanɨ mĩda. 28Ma jõma jara aupadade kꞌĩsiadakꞌãri, kꞌawa pꞌanɨ Tachi Akꞌõrepa ichideerã papi–e judiorãda apataarã, ne–inaa oopata perã irua ũraa pꞌãdade jara bɨkꞌa maa–e pɨrã ãchi kꞌapꞌɨade tauchaa bɨpata perã. 29Ma kꞌãyaara ichideerã papipari chi tꞌãripa irude wãara ijãapataarã. Jaradai ãchia tauchaa pɨkꞌa iru pꞌanɨ ãchi tꞌãride, kꞌapꞌɨade iru pꞌanadai kꞌãyaara. Mãgá tꞌãripa wãara ijãadakꞌãri, Akꞌõre Jaure ãchi ome ba chepari. Mãgɨ́ pipɨara bɨ Akꞌõre Ũraa pꞌãdade iru pꞌanadai kꞌãyaara, iruata kꞌawapipari perã jõma Tachi Akꞌõrepa oopi kꞌinia bɨ. Tachi Akꞌõrepa mãgee wãara ijãapataarã pia akꞌɨpari, awaraarãpa ãra mãgá akꞌɨda–e pꞌanɨ mĩda.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.