Romanos 13
13
Tachi poro waibɨarãpa jara pꞌanɨkꞌa oodaipia bɨ
1Ɨ̃rá mɨa ũraaitꞌee parã jõmaarãpa pãchi poro waibɨarã waaweedamerã. Oopatáatɨ charraarãpa jara pꞌanɨkꞌa. Mãga oodaipia bɨ Tachi Akꞌõrepa pãchi waibɨarã papida perã parã akꞌɨdamerã. Tachi Akꞌõrépata eperãarã poro waibɨarã jõmaweda mãga papipari. 2Maperã ooda–e pɨrã ãrapa jara pꞌanɨkꞌa, ichiaba ooda–e pai Tachi Akꞌõrepa oopi kꞌinia bɨ parãmaa. Ma awara ma charraarãpa parã miapidaitꞌee, mãga ooda–e pɨrã. 3Tachi charraarãpa ne–inaa pia oopataarã pꞌerapida–e. Ne–inaa kꞌachia oopataarãta pꞌerapipata. Maperã kꞌãiwee pꞌana kꞌinia pꞌanɨ pɨrã charraarã ome, pia óotɨ. Mãgá ãrapa parã pia akꞌɨpataadaitꞌee. 4Tachi Akꞌõrepa ma charraarã bɨji parã kꞌaripadamerã kꞌachia beerã juadeepa. Mamĩda pɨa ne–inaa kꞌachia ooru pɨrã, wãara waaweedaipia bɨ, ma charraarãpa pɨ ome oodaitꞌee perã kꞌachia beerã ome oopatakꞌa. Ãchi jua ekꞌari pꞌanɨɨrã pëidaitꞌee pɨ atade. Ma–itꞌee espada anipapata. Mãpai pɨ atadakꞌãri, miapide ateedaitꞌee, mãga oopi kꞌinia bairã Tachi Akꞌõrepa kꞌachia oopataarãmaa. 5Maperã óotɨ pãchi poro waibɨarãpa jara pꞌanɨkꞌa. Mãga oodaipia bɨ kꞌĩsia pꞌua wẽe pꞌanadaitꞌee ãra kꞌĩrapite mãikꞌaapa Tachi Akꞌõre kꞌĩrapite. Ichiaba mãga oodaipia bɨ ãrapa parã miapinaadamerã. 6Parãpa impuesto pꞌaapataadaipia bɨ mãgɨ́ poro waibɨarãmaa, ãra mimia oopata pari, Akꞌõrepa mãɨrã mãgá bɨda perã parã kꞌaripadamerã. 7Pãchi poro waibɨarã jõmaweda waaweedaipia bɨ. Parãmaa impuesto pꞌaapiruta pɨrã, pꞌáatɨ. Parãmaa ne–inaa aneedapꞌedaa pari awaraa eujãdeepa pꞌaapiruta pɨrã, ichiaba pꞌáatɨ, aupedeeda–ee.
Cristode ijãapataarã chikꞌinia pꞌanapataadaipia bɨ
8Tewe paraa pꞌananáatɨ. Ma kꞌãyaara, chikꞌinia pꞌanapataadaipia bɨ. Mãga pꞌanaruta pɨrã, oodaitꞌee Tachi Akꞌõre Ũraa pꞌãdade jara bɨkꞌa:
9‘Miakꞌãi pꞌanɨɨrã kꞌãináatɨ awaraarã ome; eperã peenáatɨ; chĩara netꞌaa chɨanáatɨ; chĩara te, wẽra, mimiapataarã, ne–animal wa netꞌaa kꞌɨ̃anáatɨ.’ (Éxodo 20.13-17)
Ũraa awaraa ichiaba paraa akꞌɨpiitꞌee sãga pꞌanapataadaipia bɨ chĩara ome. Mamĩda ma jõmaweda uchiapata ũraa abaade:
‘Awaraarã kꞌinia iru pꞌanapatáatɨ, pãchi kꞌapꞌɨa kꞌinia iru pꞌanapatakꞌa.’ (Levítico 19.18)
Mãga ooruta pɨrã, oodaitꞌee jõma Tachi Akꞌõre Ũraa pꞌãdade jara bɨkꞌa. 10Mãgá awaraarã kꞌinia iru pꞌanadakꞌãri, maarepida ãramaa kꞌachia ooda–e. Maperãpɨ mãga oodakꞌãri, oopata jõma Akꞌõre Ũraa pꞌãdade jara bɨkꞌa.
Ɨ̃daa pɨkꞌa bɨde pꞌanapataarã
11Ma jõma oo pꞌanɨ misa, kꞌirãpátɨ jõmasaa taarãru tachi Cristode ijãadapꞌedaadeepa. Ɨ̃rá naawedapema kꞌãyaara kꞌaitꞌaara pꞌanɨ ɨtꞌaa wãdaitꞌee. Maperã kꞌãi pɨkꞌa pꞌananaadáma. Ma kꞌãyaara oodáma Tachi Akꞌõrepa kꞌinia bɨkꞌa. 12Na pꞌekꞌau eujãde pꞌanɨ misa, tachi pꞌãriu pɨkꞌa bɨde pꞌanɨ. Mamĩda taarã–ee Cristo waya chekꞌãri, ewari chiwidi pɨkꞌa unudaitꞌee. Mapa oo amaadáma ne–inaa kꞌachia kꞌĩra tꞌãdoo, na pꞌekꞌau eujãdepemaarãpa oopata mãikꞌaapa soldaopa armadura jɨ̃parikꞌa chõode wãi naaweda, mãga pɨkꞌa oodáma Cristopa oopi bɨkꞌa. 13Pꞌanadáma Akꞌõre ɨ̃daa pɨkꞌa bɨde pꞌanapataarã pꞌanapatakꞌa, ne–inaa kꞌachia ooda–ee. Oonaadáma pꞌãriu pɨkꞌa bɨde pꞌanapataarãpa oopatakꞌa. Ãchi piudaipata itꞌuapa mãikꞌaapa pariatua pedee nipapata. Ichiaba pariatua wẽraarã jɨrɨpata aɨ ome kꞌãidaitꞌee. Ma awara chõo jɨrɨpata chĩara ome mãikꞌaapa netꞌaa kꞌaurepa chĩara kꞌĩra unuamaa iru pꞌanapata. 14Parã, jõdee, Tachi Waibɨa Jesucristode ijãapata perã, pꞌanapatáatɨ iru na pꞌekꞌau eujãde badakꞌa. Kꞌĩsianáatɨ parã pꞌekꞌau kꞌachia ooyaa bɨ kꞌapꞌɨapa oo kꞌinia bɨde.
Currently Selected:
Romanos 13: sjaB
Highlight
Copy
Compare
Share
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.
Romanos 13
13
Tachi poro waibɨarãpa jara pꞌanɨkꞌa oodaipia bɨ
1Ɨ̃rá mɨa ũraaitꞌee parã jõmaarãpa pãchi poro waibɨarã waaweedamerã. Oopatáatɨ charraarãpa jara pꞌanɨkꞌa. Mãga oodaipia bɨ Tachi Akꞌõrepa pãchi waibɨarã papida perã parã akꞌɨdamerã. Tachi Akꞌõrépata eperãarã poro waibɨarã jõmaweda mãga papipari. 2Maperã ooda–e pɨrã ãrapa jara pꞌanɨkꞌa, ichiaba ooda–e pai Tachi Akꞌõrepa oopi kꞌinia bɨ parãmaa. Ma awara ma charraarãpa parã miapidaitꞌee, mãga ooda–e pɨrã. 3Tachi charraarãpa ne–inaa pia oopataarã pꞌerapida–e. Ne–inaa kꞌachia oopataarãta pꞌerapipata. Maperã kꞌãiwee pꞌana kꞌinia pꞌanɨ pɨrã charraarã ome, pia óotɨ. Mãgá ãrapa parã pia akꞌɨpataadaitꞌee. 4Tachi Akꞌõrepa ma charraarã bɨji parã kꞌaripadamerã kꞌachia beerã juadeepa. Mamĩda pɨa ne–inaa kꞌachia ooru pɨrã, wãara waaweedaipia bɨ, ma charraarãpa pɨ ome oodaitꞌee perã kꞌachia beerã ome oopatakꞌa. Ãchi jua ekꞌari pꞌanɨɨrã pëidaitꞌee pɨ atade. Ma–itꞌee espada anipapata. Mãpai pɨ atadakꞌãri, miapide ateedaitꞌee, mãga oopi kꞌinia bairã Tachi Akꞌõrepa kꞌachia oopataarãmaa. 5Maperã óotɨ pãchi poro waibɨarãpa jara pꞌanɨkꞌa. Mãga oodaipia bɨ kꞌĩsia pꞌua wẽe pꞌanadaitꞌee ãra kꞌĩrapite mãikꞌaapa Tachi Akꞌõre kꞌĩrapite. Ichiaba mãga oodaipia bɨ ãrapa parã miapinaadamerã. 6Parãpa impuesto pꞌaapataadaipia bɨ mãgɨ́ poro waibɨarãmaa, ãra mimia oopata pari, Akꞌõrepa mãɨrã mãgá bɨda perã parã kꞌaripadamerã. 7Pãchi poro waibɨarã jõmaweda waaweedaipia bɨ. Parãmaa impuesto pꞌaapiruta pɨrã, pꞌáatɨ. Parãmaa ne–inaa aneedapꞌedaa pari awaraa eujãdeepa pꞌaapiruta pɨrã, ichiaba pꞌáatɨ, aupedeeda–ee.
Cristode ijãapataarã chikꞌinia pꞌanapataadaipia bɨ
8Tewe paraa pꞌananáatɨ. Ma kꞌãyaara, chikꞌinia pꞌanapataadaipia bɨ. Mãga pꞌanaruta pɨrã, oodaitꞌee Tachi Akꞌõre Ũraa pꞌãdade jara bɨkꞌa:
9‘Miakꞌãi pꞌanɨɨrã kꞌãináatɨ awaraarã ome; eperã peenáatɨ; chĩara netꞌaa chɨanáatɨ; chĩara te, wẽra, mimiapataarã, ne–animal wa netꞌaa kꞌɨ̃anáatɨ.’ (Éxodo 20.13-17)
Ũraa awaraa ichiaba paraa akꞌɨpiitꞌee sãga pꞌanapataadaipia bɨ chĩara ome. Mamĩda ma jõmaweda uchiapata ũraa abaade:
‘Awaraarã kꞌinia iru pꞌanapatáatɨ, pãchi kꞌapꞌɨa kꞌinia iru pꞌanapatakꞌa.’ (Levítico 19.18)
Mãga ooruta pɨrã, oodaitꞌee jõma Tachi Akꞌõre Ũraa pꞌãdade jara bɨkꞌa. 10Mãgá awaraarã kꞌinia iru pꞌanadakꞌãri, maarepida ãramaa kꞌachia ooda–e. Maperãpɨ mãga oodakꞌãri, oopata jõma Akꞌõre Ũraa pꞌãdade jara bɨkꞌa.
Ɨ̃daa pɨkꞌa bɨde pꞌanapataarã
11Ma jõma oo pꞌanɨ misa, kꞌirãpátɨ jõmasaa taarãru tachi Cristode ijãadapꞌedaadeepa. Ɨ̃rá naawedapema kꞌãyaara kꞌaitꞌaara pꞌanɨ ɨtꞌaa wãdaitꞌee. Maperã kꞌãi pɨkꞌa pꞌananaadáma. Ma kꞌãyaara oodáma Tachi Akꞌõrepa kꞌinia bɨkꞌa. 12Na pꞌekꞌau eujãde pꞌanɨ misa, tachi pꞌãriu pɨkꞌa bɨde pꞌanɨ. Mamĩda taarã–ee Cristo waya chekꞌãri, ewari chiwidi pɨkꞌa unudaitꞌee. Mapa oo amaadáma ne–inaa kꞌachia kꞌĩra tꞌãdoo, na pꞌekꞌau eujãdepemaarãpa oopata mãikꞌaapa soldaopa armadura jɨ̃parikꞌa chõode wãi naaweda, mãga pɨkꞌa oodáma Cristopa oopi bɨkꞌa. 13Pꞌanadáma Akꞌõre ɨ̃daa pɨkꞌa bɨde pꞌanapataarã pꞌanapatakꞌa, ne–inaa kꞌachia ooda–ee. Oonaadáma pꞌãriu pɨkꞌa bɨde pꞌanapataarãpa oopatakꞌa. Ãchi piudaipata itꞌuapa mãikꞌaapa pariatua pedee nipapata. Ichiaba pariatua wẽraarã jɨrɨpata aɨ ome kꞌãidaitꞌee. Ma awara chõo jɨrɨpata chĩara ome mãikꞌaapa netꞌaa kꞌaurepa chĩara kꞌĩra unuamaa iru pꞌanapata. 14Parã, jõdee, Tachi Waibɨa Jesucristode ijãapata perã, pꞌanapatáatɨ iru na pꞌekꞌau eujãde badakꞌa. Kꞌĩsianáatɨ parã pꞌekꞌau kꞌachia ooyaa bɨ kꞌapꞌɨapa oo kꞌinia bɨde.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.