Mateo 2

Kꞌĩsia kꞌawaa beerã chedapꞌedaa Jesús akꞌɨde

1Jesús tꞌoji Belén pꞌuurude#2.1 Belén pꞌuurude tꞌoji mĩda, wariji Nazaret pꞌuurude. Mãgɨ́ pꞌuuru Galilea eujãde bɨ (Mt 2.23). Mãgɨ́ pꞌuuru Judea eujãde bɨ. Tꞌokꞌãri, Herodes Judea eujãdepema rey paji. Maapai kꞌĩsia kꞌawaa beerã akꞌõrejĩru uchiapari eereepa Jerusalén#2.1 Jesucristo na pꞌekꞌau eujãde bapariikꞌãri, Jerusalén Judea eujãdepema pꞌuuru waibɨara baji. Mama Tachi Akꞌõre te waibɨa baji. pꞌuurudee chejida. Ãchia lucero akꞌɨpachida kꞌawaadaitꞌee ne–inaa pꞌasaitꞌee bɨ. 2Pachedakꞌãri, eperãarã iidijida:

—¿Sãma bɨma ajida, Judiorã Rey tꞌoda? Iru lucero uchiakꞌãri akꞌõrejĩru uchiapari eere, rey waibɨa tꞌoda kꞌawaajida. Mapa ma lucero tꞌẽe chejida parã rey jɨrɨde. Irumaa ɨtꞌaa tꞌɨ̃de chejidada ajida.

3Rey Herodepa mãga ũrikꞌãri, pꞌera pɨkꞌa nɨ̃beeji, Jerusalén pꞌuuru pidaarã ichiaba. 4Mãpai Herodepa tꞌɨ̃ pëiji pꞌaareerã poroorã mãikꞌaapa Moisepa pꞌãda jarateepataarã. Iidiji sãmata Tachi Akꞌõrepa pëiitꞌee bada tꞌoitꞌee paji. 5Mãpai pꞌanaujida:

—Belén pꞌuurude, Judea eujãde tꞌoitꞌee. Chonaarãweda Akꞌõre pedee jaraparipa nãga pꞌãji:

6‘Belén pꞌuuru apema Judea eujãdepema pꞌuuru kꞌãyaara ekꞌariara bɨ–e, ma pꞌuurude eperãarã poro waibɨa tꞌoitꞌee perã. Irua Israel pidaarã akꞌɨitꞌee mɨ pari.’ (Miqueas 5.2)

7Herodepa mãga ũrikꞌãri, ma kꞌĩsia kꞌawaa beerã mera tꞌɨ̃ pëiji iidiitꞌee sãaweda ma lucero unujida. 8Maapꞌeda ãchi Belendee pëiji. Mamĩda mãgaji:

—Wã́tɨ ma warra jɨrɨde. Pia iididapáde aji, ma warra pari. Unu atadakꞌãri, mɨmaa jara chedapáde aji, mɨ jida ichiaba irumaa ɨtꞌaa tꞌɨ̃de wã kꞌinia bairã.

9Mãpai kꞌĩsia kꞌawaa beerã wãjida. Ma lucero ãchi naa wãpachi. Mata akꞌɨnɨ̃ banaji ma warra badamãi. 10Mãga unudakꞌãri, o–ĩadachida. 11Teeda tꞌĩudakꞌãri, unujida ma warra chi nawe María ome. Mãpai bedabaidapꞌeda, ɨtꞌaa tꞌɨ̃jida ma warra kꞌĩrapite mãikꞌaapa ãchi netꞌaa aneedapꞌedaa ewatꞌɨdakꞌãri, teejida nẽe, ne–inaa tꞌũa bapari bajũbakꞌa mãikꞌaapa kꞌera pia tꞌɨ̃jarapatapꞌedaa mirra. 12Maapꞌeda kꞌãimokꞌaraade Tachi Akꞌõrepa jaraji waa wãnaadamerã Herodemaa. Mapa awaraa ode wãjida ãchi eujãdee.

María José ome Egipto eujãdee mirudapꞌedaa

13Kꞌĩsia kꞌawaa beerã wãdapꞌedaa tꞌẽepai, kꞌãimokꞌaraade ɨtꞌaripema angelpa Josemaa mãgaji:

—Pꞌirabáiji mãikꞌaapa wã́ji Egipto eujãdee pɨchi wẽra iru warra ome. Mama pꞌananadapáde aji, mɨa jararumaa, Herodepa na warra jɨrɨpiitꞌee perã peepiitꞌee.

14Aramãgá José pꞌirabaiji. María mãikꞌaapa chi warra atapꞌeda, pꞌãrikꞌua Egiptodee wãjida. 15Mama pꞌaneejida Herodes piurumaa. Mãga paji Tachi Akꞌõrepa jaradakꞌa, ichi pedee jarapari itꞌaideepa:

‘Egipto eujãdeepa mɨ warra tꞌɨ̃ pëiji chemerã.’ (Oseas 11.1)

Herodepa ɨmɨkꞌĩra warrarã peepida

16Herodepa kꞌawaakꞌãri ma kꞌĩsia kꞌawaa beerãpa ichi kꞌũratꞌaadapꞌedaa, kꞌĩraudachi. Ãchia jaradade kꞌĩsiapꞌeda, ichi soldaorã pëiji Belén pꞌuurudee mãikꞌaapa pꞌuuru kꞌaitꞌa pꞌanadapꞌedaamaa, warrarã año omeedeepa edaa peekꞌoodamerã. 17Mãgá Tachi Akꞌõre pedee jarapari Jeremiapa#2.17 Jeremías chonaarãwedapema Akꞌõre pedee jarapari paji. jaradakꞌa uchiaji:

18‘Rama pꞌuurude jẽepi ororoo ũrijida. Jẽepi chupɨria ũrijida. Raquel jẽe nɨ̃baji ichi warrarã–itꞌee. Apidaapa ichi tꞌãri o–ĩ–ĩapidakꞌaa paji, chi warrarã kꞌiniidaidapꞌedaa perã.’ (Jeremías 31.15)

19Herodes piuda tꞌẽepai, Egiptode atꞌãri pꞌanɨde kꞌãimokꞌaraade angelpa jaraji Josemaa:

20—Wãpáde aji, Israel eujãdee pɨchi wẽra, chi warra ome, warra pee kꞌinia pꞌanadapꞌedaarã piudapꞌedaa perã.

21Mãgá wãjida Akꞌõrepa jara pëidakꞌa. 22Mamĩda Josepa kꞌawaakꞌãri Arquelao rey bɨ chi akꞌõre Herodes pari Judea eujãde, waawee baji mama banaitꞌee. Mãga nɨde kꞌãimokꞌaraade Tachi Akꞌõrepa jaraji Galilea eujãdee wãdamerã. 23Mama panadakꞌãri, Nazaret pꞌuurude#2.23 Nazaret pꞌuuru Galilea eujãde bɨ. Jesús ma pꞌuurude wariji ichi akꞌõrekꞌaa, José mãpema pada perã. pꞌananajida. Mãga paji Akꞌõre pedee jarapataarãpa jaradapꞌedaakꞌa: “Eperãarãpa Jesús tꞌɨ̃jarapataadaitꞌee Nazaret pida.”#2.23 Lc 2.39.

Currently Selected:

Mateo 2: sjaB

Highlight

Copy