Hechos 9
9
Saulopa Cristode ijãada
(Hechos 22.6-16; 26.12-18)
1Felipepa mãga oo bɨ misa, Saulopa Cristode ijãapataarã peekꞌooitꞌeeda apachi. Mapa wãji judiorã pꞌaareerã poro waibɨamaa 2mãikꞌaapa iidiji kꞌartꞌa pꞌã teedamerã. Kꞌĩsia iru baji wãitꞌee Damasco pꞌuurudee Tachi Akꞌõre Ode Pꞌanɨɨrãda apata jɨrɨde, ɨmɨkꞌĩraarã wẽraarã ome, mãgɨɨrã jita pꞌe ateeitꞌee Jerusalendee. Ma kꞌartꞌa pꞌãdapꞌedaade jaraji Saulopa oo kꞌinia bɨ, judiorã poroorãpa Tachi Akꞌõre Ũraa jarateepata te bee chaa kꞌawaadamerã mãikꞌaapa kꞌaripadamerã. 3Ma kꞌartꞌa pꞌãdapꞌedaa atapꞌeda, Saulo wãji. Damasco kꞌaitꞌa pa wãkꞌãri, ɨtꞌariipa ichi ɨ̃rɨ ɨ̃daa jẽra tꞌĩudachi. 4Mãga unukꞌãri, Saulo eujãde baainaji. Maapꞌeda pedee ũriji:
—Saulo, Saulo ¿sãapꞌeda mɨchideerã jɨrɨ nima? aji.
5Saulopa iidiji:
—¿Pɨ, kꞌaima? aji.
Chi pedee badapa pꞌanauji:
—Mɨ Jesupɨ, pɨa jɨrɨ ni eperãarã poro waibɨa. 6Pꞌirabáiji mãikꞌaapa wã́ji pꞌuurudee. Mama jaradai pɨa kꞌãata ooitꞌee.
7Saulo ome wã nipadapꞌedaarã pedee wẽe akꞌɨnɨ̃ pꞌaneejida pꞌera jõnɨpa, ãrapa pedee ũridapꞌedaa perã. Mamĩda unuda–e paji kꞌaipata pedee bɨ. 8Ma tꞌẽepai Saulo pꞌirabaidachi. Mamĩda tau ẽekꞌãri, maarepida unukꞌaa paji. Mãgá juade jitadapꞌeda, ateejida Damascodee. 9Kꞌãima õpee mama baji tau pꞌãriu; maarepida ne–inaa to–ee mãikꞌaapa nekꞌo–ee.
10Ma pꞌuurude bapachi eperã Cristode ijãapari, tꞌɨ̃jarapatapꞌedaa Ananías. Saulo mãga bɨ misa, Akꞌõrepa kꞌãimokꞌaraa pɨkꞌa bɨde Ananías tꞌɨ̃jaraji. Ichia pꞌanauji:
—Tachi Waibɨa, mɨ nama bɨda aji.
11Akꞌõrepa mãgaji:
—Wã́ji calle tꞌɨ̃jarapata Derechamaa mãikꞌaapa Judas tede iidíji Tarso pida, tꞌɨ̃jarapata Saulo. Mãgɨpa mɨmaa ɨtꞌaa tꞌɨ̃maa bɨda aji. 12Mãgɨmaa kꞌãimokꞌaraa pɨkꞌa bɨde mɨa unupijida aji, eperã tꞌɨ̃jarapata Ananías wãru irumaa mãikꞌaapa jua bɨru iru ɨ̃rɨ, waya pia unumerã.
13Mãga ũrikꞌãri, Ananiapa mãgaji:
—Tachi Waibɨa, mɨa ũridooda aji, jã eperãpa pɨde ijãapataarã miapida Jerusalende. 14Ɨ̃rá nama che bɨ pꞌaareerã poroorãpa kꞌaripa kꞌinia pꞌanadairã. Maperã pëijidada aji, pɨde ijãapataarã jita pꞌe atade.
15Mamĩda Akꞌõrepa pꞌanauji:
—Wãpáde aji, mɨa iru jɨrɨtꞌerada perã mɨ ũraa jarateenamerã awaraa eujãdepemaarãmaa mãikꞌaapa ãchi reyrãmaa, ichiaba Israel pidaarãmaa. 16Mɨa irumaa kꞌawapiitꞌeeda aji, sãgapɨ iru mia iru pꞌanapataadaitꞌee, mɨa ooda jaratee kꞌinia bɨ kꞌaurepa.
17Maapꞌeda Ananías wãji Saulo badamaa. Teeda panapꞌeda, jua bɨji iru ɨ̃rɨ mãikꞌaapa mãgaji:
—Kꞌõpꞌãyo Saulo, pɨa unuda ode che wãkꞌãri, Tachi Waibɨa Jesupata mɨ pëijida aji, pɨa waya unumerã mãikꞌaapa Tachi Akꞌõre Jaure ome beemerã.
18Aramata Saulo taudeepa chikꞌo escamakꞌa baaijida mãikꞌaapa waya pia unu beeji. Maapꞌeda poro choopiji Ananiamaa. 19Tꞌẽepai nekꞌoji waya juatau paraaitꞌee. Ewari chokꞌara–ee beeji Damascodepemaarã Cristode ijãapataarã ome.
Saulopa Damasco pꞌuurude jarateeda
20Saulopa jarateenapachi Akꞌõre Ũraa jarateepata tede. Jarapachi Jesuta Tachi Akꞌõre Warra. 21Mãga ũridakꞌãri, jõmaarãpa akꞌɨtrua para beepachi mãikꞌaapa mãgapachida:
—¿Nãgɨ́ paji–ekꞌã ajida, Jerusalende jɨrɨ nipapata peeitꞌee jõmaweda Jesude ijãapataarã? ¿Ichiaba nama cheji–ekꞌã ajida, ijãapataarã jita pꞌe ateede pꞌaareerã poroorãmaa?
22Mãga jarapachida mĩda, Saulopa ewari chaa waapɨara jarateepachi Jesuta Tachi Akꞌõrepa pëida eperãarã kꞌaripamerã. Mapa judiorã Damascode pꞌanapatapꞌedaarãpa kꞌawadakꞌaa paji kꞌãata kꞌĩsiadai.
Saulo judiorã juadeepa uchiada
23Ma tꞌẽepai taarã pakꞌãri, judiorãpa pedeeteejida Saulo peetꞌaadaitꞌee. 24Mamĩda ichia kꞌawaa ataji. Ãstaawa mãikꞌaapa pꞌãrikꞌua pꞌuuru tꞌĩupata chaa otꞌewa pꞌanapachida uchiakꞌãri jita atadaitꞌee. 25Mamĩda ijãapataarãpa kꞌoraa choma bɨde tꞌɨ atajida mãikꞌaapa chi pꞌuuru ikꞌaawa tꞌɨakꞌau jẽra bɨ ɨ̃rɨɨpa ɨrabai pëijida. Mãgá mirudachi.
Saulo Jerusalende
26Mamãikꞌaapa Saulo Jerusalendee wãji. Mama ijãapataarã ome kꞌõpꞌãyo meraa kꞌinia baji. Mamĩda jõmaarãpa iru waawee pꞌanapachida. Ijãadakꞌaa paji wãara irua Cristode ijãa bɨ. 27Awaraa ijãapataarã mãga pꞌanajida mĩda, Bernabepa ateeji Cristopa jɨrɨtꞌeradaarãmaa. Nepɨrɨji Saulopa Tachi Waibɨa unuda Damasco ode mãikꞌaapa Jesupa irumaa pedeeda. Maapꞌeda nepɨrɨji Saulo Damascode bakꞌãri, waawee–ee jarateemaa bada Jesupa ooda. 28Mãgá Saulo beeji Jerusalende mãikꞌaapa nipapachi Cristode ijãapataarã ome. Mama bɨde Cristopa ooda waawee–ee jarateepachi judiorãmaa. 29Ichiaba aupedeepachi judiorã griego pedee pedeepataarã ome. Mapa ãrapa iru peetꞌaa kꞌinia pꞌanapachida. 30Cristode ijãapataarãpa mãga kꞌawaadakꞌãri, ateejida Cesarea pꞌuurudee. Mamãikꞌaapa pëijida Tarso pꞌuurudee.
31Maapai ijãapataarã Judeadepemaarã, Galileadepemaarã mãikꞌaapa Samariadepemaarã kꞌãiwee pꞌanapachida. Akꞌõre Jaurepa ãchi kꞌaripapachi perã, waapɨara oo kꞌawaa wãpachida Tachi Akꞌõrepa oopi kꞌinia bɨ mãikꞌaapa chokꞌaraara ĩwa wãpachida.
Pedropa eperã tꞌɨ̃jarapatapꞌedaa Eneas jɨpada
32Maapai Pedropa Cristode ijãapataarãmaa pꞌasia nipakꞌãri, panaji Lida pꞌuurude. 33Mama ununaji eperã tꞌɨ̃jarapatapꞌedaa Eneas. Mãgɨ́ ocho años iru baji chiwa bɨ. 34Ma eperã unukꞌãri, Pedropa irumaa mãgaji:
—Eneas, Jesucristopa pɨ jɨparupɨ. Pꞌirabaipáde aji, mãikꞌaapa pɨchi pꞌaru bedáji.
Aramata Eneas pꞌirabaidachi. 35Chokꞌara Lida pꞌuurude pꞌanapatapꞌedaarãpa mãikꞌaapa Sarón eujãde pꞌanapatapꞌedaarãpa Eneas jɨpa bɨ unudakꞌãri, Jesucristode ijãajida.
Dorcas piupꞌeda, chokꞌai pꞌirabaida
36Maapai Jope pꞌuurude baji wẽra Cristode ijãapari, tꞌɨ̃jarapachida Tabita; griego pedeede Dorcas#9.36 Ma tꞌɨ̃ jara kꞌinia bɨ: “Bigi”. apata. Mãgɨ́ wẽrapa awaraarã kꞌaripapachi mãikꞌaapa chupɨria beerãmaa ne–inaa teepachi. 37Ma wẽra kꞌayaadachi mãikꞌaapa jai–idaaji. Judiorãpa oopatapꞌedaakꞌa iru kꞌapꞌɨa kꞌuitꞌaadapꞌeda, te ɨtꞌɨpema pisode bɨnajida. 38Maapai Pedro Lida pꞌuurude baji. Lida Jope pꞌuuru kꞌaitꞌa bada perã, ijãapataarãpa eperãarã omé pëijida irumaa. Mãganajida:
—Isapai chepáde ajida, Jopedee.
39Pedro wãji ãchi ome mãikꞌaapa panadakꞌãri, ateejida piuda bɨmaa. Jõmaweda pꞌẽtrãarã jẽe para baji iru ikꞌaawa mãikꞌaapa Pedromaa akꞌɨpijida Dorcapa pꞌaru kꞌaatꞌɨda chokꞌai bakꞌãri. 40Pedropa jõmaweda taawaa uchiapikꞌooji. Mãpai bedabaipꞌeda, ɨtꞌaa tꞌɨ̃ji. Tꞌẽepai jai–idaa badamaa akꞌɨji mãikꞌaapa mãgaji:
—¡Tabita, pꞌirabáiji!
Iru tau ẽeji mãikꞌaapa Pedro unukꞌãri, su–akꞌɨ beeji. 41Pedropa juadeepa pꞌirabai ataji mãikꞌaapa tꞌɨ̃ pꞌeji chi pꞌẽtrãarã mãikꞌaapa awaraa ijãapataarã, ãchimaa akꞌɨpiitꞌee chokꞌai bɨ. 42Jopedepemaarãpa mãga kꞌawaadakꞌãri, chokꞌara Cristode ijãajida. 43Maperã Pedro kꞌãima chokꞌara beeji ma pꞌuurude, ne–e pꞌoopari tꞌɨ̃jarapatapꞌedaa Simón tede.
Currently Selected:
Hechos 9: sjaB
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.
Hechos 9
9
Saulopa Cristode ijãada
(Hechos 22.6-16; 26.12-18)
1Felipepa mãga oo bɨ misa, Saulopa Cristode ijãapataarã peekꞌooitꞌeeda apachi. Mapa wãji judiorã pꞌaareerã poro waibɨamaa 2mãikꞌaapa iidiji kꞌartꞌa pꞌã teedamerã. Kꞌĩsia iru baji wãitꞌee Damasco pꞌuurudee Tachi Akꞌõre Ode Pꞌanɨɨrãda apata jɨrɨde, ɨmɨkꞌĩraarã wẽraarã ome, mãgɨɨrã jita pꞌe ateeitꞌee Jerusalendee. Ma kꞌartꞌa pꞌãdapꞌedaade jaraji Saulopa oo kꞌinia bɨ, judiorã poroorãpa Tachi Akꞌõre Ũraa jarateepata te bee chaa kꞌawaadamerã mãikꞌaapa kꞌaripadamerã. 3Ma kꞌartꞌa pꞌãdapꞌedaa atapꞌeda, Saulo wãji. Damasco kꞌaitꞌa pa wãkꞌãri, ɨtꞌariipa ichi ɨ̃rɨ ɨ̃daa jẽra tꞌĩudachi. 4Mãga unukꞌãri, Saulo eujãde baainaji. Maapꞌeda pedee ũriji:
—Saulo, Saulo ¿sãapꞌeda mɨchideerã jɨrɨ nima? aji.
5Saulopa iidiji:
—¿Pɨ, kꞌaima? aji.
Chi pedee badapa pꞌanauji:
—Mɨ Jesupɨ, pɨa jɨrɨ ni eperãarã poro waibɨa. 6Pꞌirabáiji mãikꞌaapa wã́ji pꞌuurudee. Mama jaradai pɨa kꞌãata ooitꞌee.
7Saulo ome wã nipadapꞌedaarã pedee wẽe akꞌɨnɨ̃ pꞌaneejida pꞌera jõnɨpa, ãrapa pedee ũridapꞌedaa perã. Mamĩda unuda–e paji kꞌaipata pedee bɨ. 8Ma tꞌẽepai Saulo pꞌirabaidachi. Mamĩda tau ẽekꞌãri, maarepida unukꞌaa paji. Mãgá juade jitadapꞌeda, ateejida Damascodee. 9Kꞌãima õpee mama baji tau pꞌãriu; maarepida ne–inaa to–ee mãikꞌaapa nekꞌo–ee.
10Ma pꞌuurude bapachi eperã Cristode ijãapari, tꞌɨ̃jarapatapꞌedaa Ananías. Saulo mãga bɨ misa, Akꞌõrepa kꞌãimokꞌaraa pɨkꞌa bɨde Ananías tꞌɨ̃jaraji. Ichia pꞌanauji:
—Tachi Waibɨa, mɨ nama bɨda aji.
11Akꞌõrepa mãgaji:
—Wã́ji calle tꞌɨ̃jarapata Derechamaa mãikꞌaapa Judas tede iidíji Tarso pida, tꞌɨ̃jarapata Saulo. Mãgɨpa mɨmaa ɨtꞌaa tꞌɨ̃maa bɨda aji. 12Mãgɨmaa kꞌãimokꞌaraa pɨkꞌa bɨde mɨa unupijida aji, eperã tꞌɨ̃jarapata Ananías wãru irumaa mãikꞌaapa jua bɨru iru ɨ̃rɨ, waya pia unumerã.
13Mãga ũrikꞌãri, Ananiapa mãgaji:
—Tachi Waibɨa, mɨa ũridooda aji, jã eperãpa pɨde ijãapataarã miapida Jerusalende. 14Ɨ̃rá nama che bɨ pꞌaareerã poroorãpa kꞌaripa kꞌinia pꞌanadairã. Maperã pëijidada aji, pɨde ijãapataarã jita pꞌe atade.
15Mamĩda Akꞌõrepa pꞌanauji:
—Wãpáde aji, mɨa iru jɨrɨtꞌerada perã mɨ ũraa jarateenamerã awaraa eujãdepemaarãmaa mãikꞌaapa ãchi reyrãmaa, ichiaba Israel pidaarãmaa. 16Mɨa irumaa kꞌawapiitꞌeeda aji, sãgapɨ iru mia iru pꞌanapataadaitꞌee, mɨa ooda jaratee kꞌinia bɨ kꞌaurepa.
17Maapꞌeda Ananías wãji Saulo badamaa. Teeda panapꞌeda, jua bɨji iru ɨ̃rɨ mãikꞌaapa mãgaji:
—Kꞌõpꞌãyo Saulo, pɨa unuda ode che wãkꞌãri, Tachi Waibɨa Jesupata mɨ pëijida aji, pɨa waya unumerã mãikꞌaapa Tachi Akꞌõre Jaure ome beemerã.
18Aramata Saulo taudeepa chikꞌo escamakꞌa baaijida mãikꞌaapa waya pia unu beeji. Maapꞌeda poro choopiji Ananiamaa. 19Tꞌẽepai nekꞌoji waya juatau paraaitꞌee. Ewari chokꞌara–ee beeji Damascodepemaarã Cristode ijãapataarã ome.
Saulopa Damasco pꞌuurude jarateeda
20Saulopa jarateenapachi Akꞌõre Ũraa jarateepata tede. Jarapachi Jesuta Tachi Akꞌõre Warra. 21Mãga ũridakꞌãri, jõmaarãpa akꞌɨtrua para beepachi mãikꞌaapa mãgapachida:
—¿Nãgɨ́ paji–ekꞌã ajida, Jerusalende jɨrɨ nipapata peeitꞌee jõmaweda Jesude ijãapataarã? ¿Ichiaba nama cheji–ekꞌã ajida, ijãapataarã jita pꞌe ateede pꞌaareerã poroorãmaa?
22Mãga jarapachida mĩda, Saulopa ewari chaa waapɨara jarateepachi Jesuta Tachi Akꞌõrepa pëida eperãarã kꞌaripamerã. Mapa judiorã Damascode pꞌanapatapꞌedaarãpa kꞌawadakꞌaa paji kꞌãata kꞌĩsiadai.
Saulo judiorã juadeepa uchiada
23Ma tꞌẽepai taarã pakꞌãri, judiorãpa pedeeteejida Saulo peetꞌaadaitꞌee. 24Mamĩda ichia kꞌawaa ataji. Ãstaawa mãikꞌaapa pꞌãrikꞌua pꞌuuru tꞌĩupata chaa otꞌewa pꞌanapachida uchiakꞌãri jita atadaitꞌee. 25Mamĩda ijãapataarãpa kꞌoraa choma bɨde tꞌɨ atajida mãikꞌaapa chi pꞌuuru ikꞌaawa tꞌɨakꞌau jẽra bɨ ɨ̃rɨɨpa ɨrabai pëijida. Mãgá mirudachi.
Saulo Jerusalende
26Mamãikꞌaapa Saulo Jerusalendee wãji. Mama ijãapataarã ome kꞌõpꞌãyo meraa kꞌinia baji. Mamĩda jõmaarãpa iru waawee pꞌanapachida. Ijãadakꞌaa paji wãara irua Cristode ijãa bɨ. 27Awaraa ijãapataarã mãga pꞌanajida mĩda, Bernabepa ateeji Cristopa jɨrɨtꞌeradaarãmaa. Nepɨrɨji Saulopa Tachi Waibɨa unuda Damasco ode mãikꞌaapa Jesupa irumaa pedeeda. Maapꞌeda nepɨrɨji Saulo Damascode bakꞌãri, waawee–ee jarateemaa bada Jesupa ooda. 28Mãgá Saulo beeji Jerusalende mãikꞌaapa nipapachi Cristode ijãapataarã ome. Mama bɨde Cristopa ooda waawee–ee jarateepachi judiorãmaa. 29Ichiaba aupedeepachi judiorã griego pedee pedeepataarã ome. Mapa ãrapa iru peetꞌaa kꞌinia pꞌanapachida. 30Cristode ijãapataarãpa mãga kꞌawaadakꞌãri, ateejida Cesarea pꞌuurudee. Mamãikꞌaapa pëijida Tarso pꞌuurudee.
31Maapai ijãapataarã Judeadepemaarã, Galileadepemaarã mãikꞌaapa Samariadepemaarã kꞌãiwee pꞌanapachida. Akꞌõre Jaurepa ãchi kꞌaripapachi perã, waapɨara oo kꞌawaa wãpachida Tachi Akꞌõrepa oopi kꞌinia bɨ mãikꞌaapa chokꞌaraara ĩwa wãpachida.
Pedropa eperã tꞌɨ̃jarapatapꞌedaa Eneas jɨpada
32Maapai Pedropa Cristode ijãapataarãmaa pꞌasia nipakꞌãri, panaji Lida pꞌuurude. 33Mama ununaji eperã tꞌɨ̃jarapatapꞌedaa Eneas. Mãgɨ́ ocho años iru baji chiwa bɨ. 34Ma eperã unukꞌãri, Pedropa irumaa mãgaji:
—Eneas, Jesucristopa pɨ jɨparupɨ. Pꞌirabaipáde aji, mãikꞌaapa pɨchi pꞌaru bedáji.
Aramata Eneas pꞌirabaidachi. 35Chokꞌara Lida pꞌuurude pꞌanapatapꞌedaarãpa mãikꞌaapa Sarón eujãde pꞌanapatapꞌedaarãpa Eneas jɨpa bɨ unudakꞌãri, Jesucristode ijãajida.
Dorcas piupꞌeda, chokꞌai pꞌirabaida
36Maapai Jope pꞌuurude baji wẽra Cristode ijãapari, tꞌɨ̃jarapachida Tabita; griego pedeede Dorcas#9.36 Ma tꞌɨ̃ jara kꞌinia bɨ: “Bigi”. apata. Mãgɨ́ wẽrapa awaraarã kꞌaripapachi mãikꞌaapa chupɨria beerãmaa ne–inaa teepachi. 37Ma wẽra kꞌayaadachi mãikꞌaapa jai–idaaji. Judiorãpa oopatapꞌedaakꞌa iru kꞌapꞌɨa kꞌuitꞌaadapꞌeda, te ɨtꞌɨpema pisode bɨnajida. 38Maapai Pedro Lida pꞌuurude baji. Lida Jope pꞌuuru kꞌaitꞌa bada perã, ijãapataarãpa eperãarã omé pëijida irumaa. Mãganajida:
—Isapai chepáde ajida, Jopedee.
39Pedro wãji ãchi ome mãikꞌaapa panadakꞌãri, ateejida piuda bɨmaa. Jõmaweda pꞌẽtrãarã jẽe para baji iru ikꞌaawa mãikꞌaapa Pedromaa akꞌɨpijida Dorcapa pꞌaru kꞌaatꞌɨda chokꞌai bakꞌãri. 40Pedropa jõmaweda taawaa uchiapikꞌooji. Mãpai bedabaipꞌeda, ɨtꞌaa tꞌɨ̃ji. Tꞌẽepai jai–idaa badamaa akꞌɨji mãikꞌaapa mãgaji:
—¡Tabita, pꞌirabáiji!
Iru tau ẽeji mãikꞌaapa Pedro unukꞌãri, su–akꞌɨ beeji. 41Pedropa juadeepa pꞌirabai ataji mãikꞌaapa tꞌɨ̃ pꞌeji chi pꞌẽtrãarã mãikꞌaapa awaraa ijãapataarã, ãchimaa akꞌɨpiitꞌee chokꞌai bɨ. 42Jopedepemaarãpa mãga kꞌawaadakꞌãri, chokꞌara Cristode ijãajida. 43Maperã Pedro kꞌãima chokꞌara beeji ma pꞌuurude, ne–e pꞌoopari tꞌɨ̃jarapatapꞌedaa Simón tede.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.