Hechos 7
7
Estebanpa pꞌaare poro waibɨa kꞌĩrapite pꞌanauda
1Mãpai pꞌaareerã poro waibɨapa iidiji Estebanmaa:
—¿Wãarakꞌã aji, na eperãarãpa jara pꞌanɨ?
2Irua pꞌanauji:
—Mɨchi aukꞌaarã mãikꞌaapa chonaarã, ũrítɨ. Tachi Akꞌõre kꞌĩra wãree bɨpa ichi unupijida aji, tachi akꞌõchona Abrahammaa Mesopotamia eujãde bakꞌãri, Harande banai naaweda. 3Akꞌõrepa jaraji:
‘Atabëipáde aji, pɨ eujã pɨ ëreerã ome mãikꞌaapa wãpáde aji, mɨa akꞌɨpiitꞌee eujãmaa.’ (Génesis 12.1)
4Mãpai Abraham uchiaji Caldea eujãdeepa mãikꞌaapa banaji Harande. Tꞌẽepai chi akꞌõre piukꞌãri, Tachi Akꞌõrepa Abraham aneeji na eujãdee tachi ɨ̃rá pꞌanɨmãi. 5Mamĩda na eujã maarepida waide tee–e paji irumaa; bɨɨrɨ aba tꞌɨaitꞌee pida. Jĩpꞌa jaraji teeitꞌee irudeepa uchiadaitꞌeerãmaa iru piuda tꞌẽepai, Abraham waide warra wẽe baji mĩda.#7.5 Génesis 17.8. 6Ma awara Akꞌõrepa jaraji:
‘Pɨdeepa uchiadaitꞌeerã pꞌanapataadaitꞌeeda aji, awaraa eujãde mimiamaa chĩara–itꞌee. Mama esclavoorã pꞌanadaitꞌee mãikꞌaapa jãpemaarãpa ãra miapi iru pꞌanadaitꞌee cuatrocientos años.’ (Génesis 15.13)
7Mamĩda Akꞌõrepa ichiaba jaraji:
‘Mɨa kꞌachia ooitꞌeeda aji, ãra esclavoorã papirutaarã. Tꞌẽepai ãra mamãikꞌaapa uchiadaitꞌee mãikꞌaapa mɨmaa ɨtꞌaa tꞌɨ̃daitꞌeeda aji, na eujãde.’ (Génesis 5.14)
8Mãgá pedee nɨ̃bɨde Abraham ome, Akꞌõrepa jaraji Abrahampa tauchaa bɨmerã ichi warra kꞌapꞌɨade. Tachi Akꞌõrepa kꞌinia baji mãga oodamerã ichi eperãarãpa akꞌɨpidaitꞌee ichide ijãa pꞌanɨ. Mapa Abraham warra Isaac tꞌokꞌãri, kꞌãima ocho parumaa iru kꞌapꞌɨade tauchaa bɨji. Isaacpa mãga ooji ichi warra Jacob ome. Ichiaba Jacobpa mãga ooji chi warrarã doce ome. Mãɨrãdeepa Israel pidaarã ëreerã doce uchiajida.
9ʼMãgɨ́ Jacob warrarã pada, tachi chonaarãpa, ãchi ɨ̃pema José kꞌĩra unuamaa iru pꞌanapachida. Maperã netotꞌaajida esclavokꞌa Egiptodee wãyaa wãdapꞌedaarãmaa. Mamĩda Tachi Akꞌõre José ome baji. 10Maperã kꞌaripa ataji jõmaweda ne–inaa kꞌachiadeepa. Ma awara kꞌĩsia kꞌawaapiji mãikꞌaapa kꞌinia iru bapiji rey Egiptodepema Faraonmaa. Mãgɨpa José Egiptodepemaarã poro waibɨa papiji ichi palaciode.
11ʼMa tꞌẽepai jarra oojida Egipto eujãde mãikꞌaapa Canaán eujãde. Maperã makꞌɨara nekꞌodaitꞌee wẽ–e paji. 12Mamĩda Jacobpa kꞌawaakꞌãri Egiptode ne–inaa kꞌoitꞌee paraa, jãmaa pëiji ichi warrarã, ne–inaa netode. Mãgɨ́ paji tachi chonaarã naapɨara wãdapꞌedaa. 13Aɨ tꞌẽepai wãdakꞌãri, Josepa ichi ɨ̃pemaarãmaa kꞌawaapiji. Madeepa Faraónpa José ëreerã kꞌawaji. 14Tꞌẽepai, Josepa jara pëiji chi akꞌõre Jacob mãikꞌaapa chi ëreerã jõmaweda chedamerã Egiptodee. Ãchi setenta y cinco paji. 15Mãgapɨ Jacob banaji Egiptode. Mama jai–idaaji. Ichiaba mama tachi chonaarã jai–idaajida. 16Jacob bɨɨrɨ mãikꞌaapa chi warrarã bɨɨrɨ ateejida Siquem pꞌuurudee mãikꞌaapa mama ɨajida Abrahampa Hamor ëreerã juakꞌaawa netoda jãɨrade.
17ʼEwari kꞌaitꞌa pakꞌãri Tachi Akꞌõrepa uchiapiitꞌee Abrahamdeepa uchiadapꞌedaarã Egiptodeepa ichia jaradakꞌa, ãchi chokꞌara pꞌanajida, ĩwa pꞌanadapꞌedaa perã. 18Maapai Egiptodepema reypa José kꞌawa–e pada Faraón paji.#7.18 Éxodo 1.8. 19Mãgɨ́ reypa tachi chonaarã kꞌũraji waa ĩwanaadamerã. Ãchi chupɨria ooji. Jaraji ãchi warrarã ewaa tꞌo kꞌedeerã ita–aria piupidamerã. 20Maapai tꞌoji Moisés. Tachi Akꞌõrepa mãgɨ́ warra chai pia akꞌɨji. Mapa chi akꞌõreerãpa atane õpee warimaa iru pꞌanajida ãchi tede. 21Mamĩda pꞌoyaa waa merada–e paji. Mapa ituaba atabëidakꞌãri, Faraón kꞌaupa unu ataji mãikꞌaapa wari ataji ichi warrakꞌa. 22Mãgapɨ Moisés wariji Egipto pidaarã tꞌãide mãikꞌaapa kꞌawaa wãji ne–inaa kꞌĩra tꞌãdoo Egiptodepemaarãpa kꞌawa pꞌanadapꞌedaakꞌa. Mãpai jõmaarãpa iru kꞌawajida, irua pedeeda kꞌaurepa mãikꞌaapa ooda kꞌaurepa.
23ʼ‘Cuarenta años iru bakꞌãri, kꞌĩsiaji wãitꞌee Israel pidaarã akꞌɨde, ichi aukꞌaarã pada perã. 24Mamĩda unukꞌãri Egiptodepemapa ichi aukꞌaa sĩmaa bɨ, Moisepa kꞌaripanaji mãikꞌaapa ma Egipto pida pee atapëiji.’ (Éxodo 2.11-12)
25Moisepa kꞌĩsiaji ichi aukꞌaarãpa ijãadai Tachi Akꞌõrepa ichi pëida ãchi kꞌaripamerã. Mamĩda ãchia mãga ooda–e paji.
26‘Aɨ norema unuji Israel pidaarã omé chõomaa pꞌanɨ. Mãgá chõonaadamerã mãgaji: “¿Pãchi aukꞌaarã–ekꞌã aji, jãgá chõo jõnadaitꞌee?” 27Mãpai chi kꞌõpꞌãyo sĩmaa badapa Moisés sĩatꞌaaji mãikꞌaapa mãgaji: “¿Kꞌaipa pɨ tai porokꞌa bɨjima aji, taipa oopata akꞌɨmerã? 28¿Mɨ peetꞌaa kꞌinia bɨkꞌã aji, nuweda Egipto pida peetꞌaadakꞌa?” ’ (Éxodo 2.13-14)
29Mãga ũrikꞌãri, Moisés mirudachi. Maapꞌeda tꞌɨmɨ́ wãji Madián eujãdee. Mama banaji kꞌĩra tewaraakꞌa. Ariipema wẽra atapꞌeda, warrarã omé paraaji.
30ʼCuarenta años wãyaapꞌeda, ewari aba Moisés baji eujã pania wẽe bɨmãi Sinaí ee kꞌaitꞌa. Mama bɨde unuji pakꞌuru jepꞌeda tꞌɨpɨtaukꞌa urua nɨ̃bɨ, angelpa aɨde ichi unupi bada perã. 31Mãgá urua unukꞌãri, Moisés kꞌaitꞌaara wãji pi–iara akꞌɨitꞌee kꞌãata mãga bɨ. Mãga nɨde ũriji Tachi Akꞌõrepa mãgaru:
32‘Mɨ pɨ chonaarã Akꞌõre Waibɨa; Abraham, Isaac, Jacob ijãadapꞌedaa Akꞌõre Waibɨa.’ (Éxodo 3.6)
Mãga ũrikꞌãri, Moisés bɨɨrɨ wëre nɨ̃beeji pꞌera nɨ̃bɨpa mãikꞌaapa pꞌoyaa akꞌɨkꞌaa paji ma pakꞌurumaa. 33Mãpai Tachi Akꞌõrepa mãgaji:
‘Pɨchi chancla ẽratꞌaapáde aji, nama pɨ mɨ kꞌĩrapite bainɨ̃ bairã. 34Mɨa kꞌawa bɨ mɨ eperãarã chupɨria chitoonɨ Egiptode. Ũri bɨ ãchi bia chitoonɨ. Mapa cheji kꞌaripaitꞌee. Pɨa aukꞌa kꞌaripanáji. Mɨa pɨ Egiptodee pëiitꞌeeda aji.’ (Éxodo 3.5-10)
35ʼAɨ naaweda ãchia Moisés pedee ũri kꞌiniada–e paji nãga pꞌanauda perã:
‘¿Kꞌaipa pɨ tai porokꞌa bɨjima ajida, taipa oopata akꞌɨmerã?’ (Éxodo 2.14)
Mãgá yiaraa pɨkꞌa iru pꞌanajida mĩda, Tachi Akꞌõrepa ichi ángel pakꞌuru ɨɨrɨ–idaade unupida kꞌapꞌɨa pari Moisés pëiji ãchi porokꞌa. Tachi Akꞌõrepa kꞌinia baji Moisepa ãchi uchia atamerã Egipto pidaarã juadeepa. 36Mãgá Moisepa tachi chonaarã uchia pꞌe ataji Egiptodeepa. Ichia ne–inaa ooji eperãarãpa pꞌoyaa oodakꞌaa ãchi juadoopa mãgɨ́ eujãde, Mar Rojode mãikꞌaapa cuarenta años wãyaaruta misa eujã pania wẽe bɨde. 37Mãgɨ́ Moisepa jaraji Israel pidaarãmaa:
‘Parãdeepa Akꞌõrepa uchiapiitꞌee ichi pedee jarapari mɨ jĩakꞌa.’ (Deuteronomio 18.15)
38Pꞌanadakꞌãri eujã pania wẽe bɨde, Israel pidaarã pari Moiseta pedeeji ángel ome Sinaí eede. Ichiata Akꞌõrepa jarada naapɨara pꞌãji, tachi chonaarãpa mãikꞌaapa tachia mãgɨ́ ũraa ijãadapꞌeda, ichita pꞌanapataadamerã.
39ʼMamĩda tachi chonaarãpa iru pedee ijãa kꞌiniada–e paji. Ma kꞌãyaara waya Egiptodee wã kꞌiniadachida. 40Mapa Moisés wẽ–e pakꞌãri, ichi ɨ̃pema Aaronmaa mãgajida:
‘Tachi–itꞌee akꞌõre waibɨarã oopáde ajida, tachi naa o jaratee wãdamerã, kꞌawada–e pꞌanadairã sãgataji jã Moisés ome, Egiptodeepa tai ãyaa aneeda.’ (Éxodo 32.1)
41Mãpai oojida pꞌakꞌa chakꞌekꞌa aɨ kꞌĩrapite ɨtꞌaa tꞌɨ̃daitꞌee. Ne–animalaarã peejida aɨ kꞌĩrapite paadaitꞌee mãikꞌaapa fiesta oojida o–ĩapa, ma pꞌakꞌa chakꞌekꞌa ooda–itꞌee. 42Maperãpɨ Tachi Akꞌõre ãchi ikꞌaawaapa ãyaa wãji. Mapa pajãde nɨ̃bɨ ne–inaamaa ɨtꞌaa tꞌɨ̃pachida, Tachi Akꞌõremaa ɨtꞌaa tꞌɨ̃dai kꞌãyaara. Oojida Akꞌõre pedee jarapataarãpa pꞌãdapꞌedaade jara bɨkꞌa:
‘Israel pidaarã, parã cuarenta años eujã pania wẽe bɨde pꞌanadakꞌãri, ¿mɨ–itꞌee ne–animalaarã peedapꞌeda, paapachidakꞌã, mɨde ijãa pꞌanadapꞌedaa perã? 43Ma kꞌãyaara parãpa ɨtꞌaa tꞌɨ̃pachida Canaandepemaarã akꞌõre waibɨa Molocmaa mãikꞌaapa Egiptodepemaarã akꞌõre waibɨa Refanmaa. Mɨa mãga kꞌawa bɨ ne–inaa pãchi juapa oodapꞌedaa atee pꞌanadapꞌedaa perã pãchi wãrutamaa. Mapa mɨa parã ãyaa jërekꞌooitꞌeeda aji, Babilónia pꞌuuru kꞌãyaara tꞌɨmɨara.’ (Amós 5.25-27)
44ʼTachi chonaarã eujã pania wẽe bɨde pꞌanadakꞌãri, ateepachida Tachi Akꞌõre te ne–edee ooda, kꞌirãpadaitꞌee Tachi Akꞌõre arii bɨ ãchi ome. Mãgɨ́ te oojida Tachi Akꞌõrepa Moisemaa akꞌɨpidakꞌa. Oojida aɨde ɨtꞌaa tꞌɨ̃pataadaitꞌee Tachi Akꞌõremaa. 45Ma tꞌẽepai tachi chonaarã mãgɨ́ tede ɨtꞌaa tꞌɨ̃pachida ãchi chonaarãpa oodapꞌedaakꞌa. Mapa Tachi Akꞌõrepa awaraa pꞌuuru ome jura chõo pꞌoyaapikꞌãri, Josué ome chedapꞌedaarãpa ãchi ome aneejida mãgɨ́ te ne–edee ooda. Mãgá iru pꞌanapachida David rey parumaa. 46Tachi Akꞌõrepa Rey David kꞌinia iru bapachi. Mapa Davidpa iidiji Tachi Akꞌõremaa te waibɨa oo teeitꞌee, te pia oo kꞌinia bada perã Jacobpa ijãadapꞌedaa Akꞌõre–itꞌee. 47Mamĩda David warra Salomonpa Tachi Akꞌõre te waibɨa ooji. 48Salomonpa mãgɨ́ te ooji mĩda, kꞌawa pꞌanɨ Tachi Akꞌõre Waibɨa bakꞌaa te eperãarã juapa oodade. Mãga kꞌawa pꞌanɨ Akꞌõre pedee jaraparipa jarada perã:
49‘Mɨ, Jõmaarã Rey, ɨtꞌarita baparida aji, mãikꞌaapa eujã mɨ jua ekꞌari bɨ. ¿Te kꞌãaredeeta mɨmaa oo teedaitꞌeema? ¿Sãmata mɨ ɨ̃inaitꞌeema? 50¿Mɨchi juadoopa jõmaweda ooji–ekꞌã? aji.’ (Isaías 66.1-2)
51Mãpai Estebanpa mãgaji:
—Parãpa Tachi Akꞌõrede ijãa pꞌanɨda apata mĩda, tꞌãri kꞌachia–idaa pꞌanapatada aji, ijãadakꞌaa beerãkꞌa. Ma awara kꞌɨɨrɨ kꞌisua pꞌanapata, oo kꞌiniadakꞌaa perã Akꞌõre Jaurepa oopi bɨkꞌa. Pãchi chonaarã́kꞌapɨ pꞌanɨ. 52Parã chonaarãpa ichita Tachi Akꞌõre pedee jarapataarã jɨrɨjida peedaitꞌee. Peejida chi pꞌekꞌau kꞌachia wẽe bɨ cheitꞌee bɨda apatapꞌedaarã. Maapꞌeda chi pꞌekꞌau kꞌachia wẽe bɨ chekꞌãri Tachi Akꞌõrepa oopi bɨkꞌa ooitꞌee, iru ichiaba jita atapidapꞌeda, peepijida parãpa. 53Parã́pata Akꞌõre Ũraa iru pꞌanapata angeleerã kꞌaurepa. Mamĩda atꞌãri ooda–e pꞌanɨda aji, mãgɨ́ ũraa jara bɨkꞌa.
Esteban peedapꞌedaa
54Mãga ũridakꞌãri, tꞌãri kꞌachiapa Esteban peetꞌaa kꞌinia pꞌaneejida. 55Mamĩda Akꞌõre Jaure ichi ome bada perã, ɨtꞌaa akꞌɨji mãikꞌaapa unuji Akꞌõre kꞌĩra wãree mãikꞌaapa Akꞌõre juaraare Jesús bainɨ̃ bɨ. 56Mãpai mãgaji:
—Akꞌɨdapáde aji. Mɨa unu bɨ pajã ewa nɨ̃bɨ mãikꞌaapa unu bɨ Eperã Akꞌõre Truadepema Akꞌõre Waibɨa juaraare.
57Mamĩda ãchi kꞌɨɨrɨ tꞌapꞌakꞌoodachida mãikꞌaapa golpe biadapꞌeda, jõmaweda iru ɨ̃rɨ wãjida. 58Jerusalén pꞌuurudeepa uchia atadapꞌeda, mãupa batꞌamaa pꞌaneejida iru peetꞌaadaitꞌee. Aukꞌa kꞌaripajida Esteban ɨmɨateedapꞌedaarãpa. Ãchi ɨ̃rɨpema pꞌaru jɨ̃patapꞌedaa ata bɨjida eperã Saulo apatapꞌedaa bɨɨrɨ ikꞌaawa irua akꞌɨmerã, ãchia mãu batꞌaruta misa.
59Mãupa batꞌamaa pꞌanɨde Esteban ɨtꞌaa tꞌɨ̃ji:
—Tachi Waibɨa Jesús, mɨ jaure pɨchimaa atéeji.
60Tꞌẽepai bedabaiji mãikꞌaapa golpe ɨtꞌaa tꞌɨ̃ji:
—Tachi Waibɨa, ãchi chupɨria kꞌawáaji, mɨ nãgá kꞌachia oo pꞌanɨ mĩda.
Mãga jarapꞌeda, piuji.
Currently Selected:
Hechos 7: sjaB
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.
Hechos 7
7
Estebanpa pꞌaare poro waibɨa kꞌĩrapite pꞌanauda
1Mãpai pꞌaareerã poro waibɨapa iidiji Estebanmaa:
—¿Wãarakꞌã aji, na eperãarãpa jara pꞌanɨ?
2Irua pꞌanauji:
—Mɨchi aukꞌaarã mãikꞌaapa chonaarã, ũrítɨ. Tachi Akꞌõre kꞌĩra wãree bɨpa ichi unupijida aji, tachi akꞌõchona Abrahammaa Mesopotamia eujãde bakꞌãri, Harande banai naaweda. 3Akꞌõrepa jaraji:
‘Atabëipáde aji, pɨ eujã pɨ ëreerã ome mãikꞌaapa wãpáde aji, mɨa akꞌɨpiitꞌee eujãmaa.’ (Génesis 12.1)
4Mãpai Abraham uchiaji Caldea eujãdeepa mãikꞌaapa banaji Harande. Tꞌẽepai chi akꞌõre piukꞌãri, Tachi Akꞌõrepa Abraham aneeji na eujãdee tachi ɨ̃rá pꞌanɨmãi. 5Mamĩda na eujã maarepida waide tee–e paji irumaa; bɨɨrɨ aba tꞌɨaitꞌee pida. Jĩpꞌa jaraji teeitꞌee irudeepa uchiadaitꞌeerãmaa iru piuda tꞌẽepai, Abraham waide warra wẽe baji mĩda.#7.5 Génesis 17.8. 6Ma awara Akꞌõrepa jaraji:
‘Pɨdeepa uchiadaitꞌeerã pꞌanapataadaitꞌeeda aji, awaraa eujãde mimiamaa chĩara–itꞌee. Mama esclavoorã pꞌanadaitꞌee mãikꞌaapa jãpemaarãpa ãra miapi iru pꞌanadaitꞌee cuatrocientos años.’ (Génesis 15.13)
7Mamĩda Akꞌõrepa ichiaba jaraji:
‘Mɨa kꞌachia ooitꞌeeda aji, ãra esclavoorã papirutaarã. Tꞌẽepai ãra mamãikꞌaapa uchiadaitꞌee mãikꞌaapa mɨmaa ɨtꞌaa tꞌɨ̃daitꞌeeda aji, na eujãde.’ (Génesis 5.14)
8Mãgá pedee nɨ̃bɨde Abraham ome, Akꞌõrepa jaraji Abrahampa tauchaa bɨmerã ichi warra kꞌapꞌɨade. Tachi Akꞌõrepa kꞌinia baji mãga oodamerã ichi eperãarãpa akꞌɨpidaitꞌee ichide ijãa pꞌanɨ. Mapa Abraham warra Isaac tꞌokꞌãri, kꞌãima ocho parumaa iru kꞌapꞌɨade tauchaa bɨji. Isaacpa mãga ooji ichi warra Jacob ome. Ichiaba Jacobpa mãga ooji chi warrarã doce ome. Mãɨrãdeepa Israel pidaarã ëreerã doce uchiajida.
9ʼMãgɨ́ Jacob warrarã pada, tachi chonaarãpa, ãchi ɨ̃pema José kꞌĩra unuamaa iru pꞌanapachida. Maperã netotꞌaajida esclavokꞌa Egiptodee wãyaa wãdapꞌedaarãmaa. Mamĩda Tachi Akꞌõre José ome baji. 10Maperã kꞌaripa ataji jõmaweda ne–inaa kꞌachiadeepa. Ma awara kꞌĩsia kꞌawaapiji mãikꞌaapa kꞌinia iru bapiji rey Egiptodepema Faraonmaa. Mãgɨpa José Egiptodepemaarã poro waibɨa papiji ichi palaciode.
11ʼMa tꞌẽepai jarra oojida Egipto eujãde mãikꞌaapa Canaán eujãde. Maperã makꞌɨara nekꞌodaitꞌee wẽ–e paji. 12Mamĩda Jacobpa kꞌawaakꞌãri Egiptode ne–inaa kꞌoitꞌee paraa, jãmaa pëiji ichi warrarã, ne–inaa netode. Mãgɨ́ paji tachi chonaarã naapɨara wãdapꞌedaa. 13Aɨ tꞌẽepai wãdakꞌãri, Josepa ichi ɨ̃pemaarãmaa kꞌawaapiji. Madeepa Faraónpa José ëreerã kꞌawaji. 14Tꞌẽepai, Josepa jara pëiji chi akꞌõre Jacob mãikꞌaapa chi ëreerã jõmaweda chedamerã Egiptodee. Ãchi setenta y cinco paji. 15Mãgapɨ Jacob banaji Egiptode. Mama jai–idaaji. Ichiaba mama tachi chonaarã jai–idaajida. 16Jacob bɨɨrɨ mãikꞌaapa chi warrarã bɨɨrɨ ateejida Siquem pꞌuurudee mãikꞌaapa mama ɨajida Abrahampa Hamor ëreerã juakꞌaawa netoda jãɨrade.
17ʼEwari kꞌaitꞌa pakꞌãri Tachi Akꞌõrepa uchiapiitꞌee Abrahamdeepa uchiadapꞌedaarã Egiptodeepa ichia jaradakꞌa, ãchi chokꞌara pꞌanajida, ĩwa pꞌanadapꞌedaa perã. 18Maapai Egiptodepema reypa José kꞌawa–e pada Faraón paji.#7.18 Éxodo 1.8. 19Mãgɨ́ reypa tachi chonaarã kꞌũraji waa ĩwanaadamerã. Ãchi chupɨria ooji. Jaraji ãchi warrarã ewaa tꞌo kꞌedeerã ita–aria piupidamerã. 20Maapai tꞌoji Moisés. Tachi Akꞌõrepa mãgɨ́ warra chai pia akꞌɨji. Mapa chi akꞌõreerãpa atane õpee warimaa iru pꞌanajida ãchi tede. 21Mamĩda pꞌoyaa waa merada–e paji. Mapa ituaba atabëidakꞌãri, Faraón kꞌaupa unu ataji mãikꞌaapa wari ataji ichi warrakꞌa. 22Mãgapɨ Moisés wariji Egipto pidaarã tꞌãide mãikꞌaapa kꞌawaa wãji ne–inaa kꞌĩra tꞌãdoo Egiptodepemaarãpa kꞌawa pꞌanadapꞌedaakꞌa. Mãpai jõmaarãpa iru kꞌawajida, irua pedeeda kꞌaurepa mãikꞌaapa ooda kꞌaurepa.
23ʼ‘Cuarenta años iru bakꞌãri, kꞌĩsiaji wãitꞌee Israel pidaarã akꞌɨde, ichi aukꞌaarã pada perã. 24Mamĩda unukꞌãri Egiptodepemapa ichi aukꞌaa sĩmaa bɨ, Moisepa kꞌaripanaji mãikꞌaapa ma Egipto pida pee atapëiji.’ (Éxodo 2.11-12)
25Moisepa kꞌĩsiaji ichi aukꞌaarãpa ijãadai Tachi Akꞌõrepa ichi pëida ãchi kꞌaripamerã. Mamĩda ãchia mãga ooda–e paji.
26‘Aɨ norema unuji Israel pidaarã omé chõomaa pꞌanɨ. Mãgá chõonaadamerã mãgaji: “¿Pãchi aukꞌaarã–ekꞌã aji, jãgá chõo jõnadaitꞌee?” 27Mãpai chi kꞌõpꞌãyo sĩmaa badapa Moisés sĩatꞌaaji mãikꞌaapa mãgaji: “¿Kꞌaipa pɨ tai porokꞌa bɨjima aji, taipa oopata akꞌɨmerã? 28¿Mɨ peetꞌaa kꞌinia bɨkꞌã aji, nuweda Egipto pida peetꞌaadakꞌa?” ’ (Éxodo 2.13-14)
29Mãga ũrikꞌãri, Moisés mirudachi. Maapꞌeda tꞌɨmɨ́ wãji Madián eujãdee. Mama banaji kꞌĩra tewaraakꞌa. Ariipema wẽra atapꞌeda, warrarã omé paraaji.
30ʼCuarenta años wãyaapꞌeda, ewari aba Moisés baji eujã pania wẽe bɨmãi Sinaí ee kꞌaitꞌa. Mama bɨde unuji pakꞌuru jepꞌeda tꞌɨpɨtaukꞌa urua nɨ̃bɨ, angelpa aɨde ichi unupi bada perã. 31Mãgá urua unukꞌãri, Moisés kꞌaitꞌaara wãji pi–iara akꞌɨitꞌee kꞌãata mãga bɨ. Mãga nɨde ũriji Tachi Akꞌõrepa mãgaru:
32‘Mɨ pɨ chonaarã Akꞌõre Waibɨa; Abraham, Isaac, Jacob ijãadapꞌedaa Akꞌõre Waibɨa.’ (Éxodo 3.6)
Mãga ũrikꞌãri, Moisés bɨɨrɨ wëre nɨ̃beeji pꞌera nɨ̃bɨpa mãikꞌaapa pꞌoyaa akꞌɨkꞌaa paji ma pakꞌurumaa. 33Mãpai Tachi Akꞌõrepa mãgaji:
‘Pɨchi chancla ẽratꞌaapáde aji, nama pɨ mɨ kꞌĩrapite bainɨ̃ bairã. 34Mɨa kꞌawa bɨ mɨ eperãarã chupɨria chitoonɨ Egiptode. Ũri bɨ ãchi bia chitoonɨ. Mapa cheji kꞌaripaitꞌee. Pɨa aukꞌa kꞌaripanáji. Mɨa pɨ Egiptodee pëiitꞌeeda aji.’ (Éxodo 3.5-10)
35ʼAɨ naaweda ãchia Moisés pedee ũri kꞌiniada–e paji nãga pꞌanauda perã:
‘¿Kꞌaipa pɨ tai porokꞌa bɨjima ajida, taipa oopata akꞌɨmerã?’ (Éxodo 2.14)
Mãgá yiaraa pɨkꞌa iru pꞌanajida mĩda, Tachi Akꞌõrepa ichi ángel pakꞌuru ɨɨrɨ–idaade unupida kꞌapꞌɨa pari Moisés pëiji ãchi porokꞌa. Tachi Akꞌõrepa kꞌinia baji Moisepa ãchi uchia atamerã Egipto pidaarã juadeepa. 36Mãgá Moisepa tachi chonaarã uchia pꞌe ataji Egiptodeepa. Ichia ne–inaa ooji eperãarãpa pꞌoyaa oodakꞌaa ãchi juadoopa mãgɨ́ eujãde, Mar Rojode mãikꞌaapa cuarenta años wãyaaruta misa eujã pania wẽe bɨde. 37Mãgɨ́ Moisepa jaraji Israel pidaarãmaa:
‘Parãdeepa Akꞌõrepa uchiapiitꞌee ichi pedee jarapari mɨ jĩakꞌa.’ (Deuteronomio 18.15)
38Pꞌanadakꞌãri eujã pania wẽe bɨde, Israel pidaarã pari Moiseta pedeeji ángel ome Sinaí eede. Ichiata Akꞌõrepa jarada naapɨara pꞌãji, tachi chonaarãpa mãikꞌaapa tachia mãgɨ́ ũraa ijãadapꞌeda, ichita pꞌanapataadamerã.
39ʼMamĩda tachi chonaarãpa iru pedee ijãa kꞌiniada–e paji. Ma kꞌãyaara waya Egiptodee wã kꞌiniadachida. 40Mapa Moisés wẽ–e pakꞌãri, ichi ɨ̃pema Aaronmaa mãgajida:
‘Tachi–itꞌee akꞌõre waibɨarã oopáde ajida, tachi naa o jaratee wãdamerã, kꞌawada–e pꞌanadairã sãgataji jã Moisés ome, Egiptodeepa tai ãyaa aneeda.’ (Éxodo 32.1)
41Mãpai oojida pꞌakꞌa chakꞌekꞌa aɨ kꞌĩrapite ɨtꞌaa tꞌɨ̃daitꞌee. Ne–animalaarã peejida aɨ kꞌĩrapite paadaitꞌee mãikꞌaapa fiesta oojida o–ĩapa, ma pꞌakꞌa chakꞌekꞌa ooda–itꞌee. 42Maperãpɨ Tachi Akꞌõre ãchi ikꞌaawaapa ãyaa wãji. Mapa pajãde nɨ̃bɨ ne–inaamaa ɨtꞌaa tꞌɨ̃pachida, Tachi Akꞌõremaa ɨtꞌaa tꞌɨ̃dai kꞌãyaara. Oojida Akꞌõre pedee jarapataarãpa pꞌãdapꞌedaade jara bɨkꞌa:
‘Israel pidaarã, parã cuarenta años eujã pania wẽe bɨde pꞌanadakꞌãri, ¿mɨ–itꞌee ne–animalaarã peedapꞌeda, paapachidakꞌã, mɨde ijãa pꞌanadapꞌedaa perã? 43Ma kꞌãyaara parãpa ɨtꞌaa tꞌɨ̃pachida Canaandepemaarã akꞌõre waibɨa Molocmaa mãikꞌaapa Egiptodepemaarã akꞌõre waibɨa Refanmaa. Mɨa mãga kꞌawa bɨ ne–inaa pãchi juapa oodapꞌedaa atee pꞌanadapꞌedaa perã pãchi wãrutamaa. Mapa mɨa parã ãyaa jërekꞌooitꞌeeda aji, Babilónia pꞌuuru kꞌãyaara tꞌɨmɨara.’ (Amós 5.25-27)
44ʼTachi chonaarã eujã pania wẽe bɨde pꞌanadakꞌãri, ateepachida Tachi Akꞌõre te ne–edee ooda, kꞌirãpadaitꞌee Tachi Akꞌõre arii bɨ ãchi ome. Mãgɨ́ te oojida Tachi Akꞌõrepa Moisemaa akꞌɨpidakꞌa. Oojida aɨde ɨtꞌaa tꞌɨ̃pataadaitꞌee Tachi Akꞌõremaa. 45Ma tꞌẽepai tachi chonaarã mãgɨ́ tede ɨtꞌaa tꞌɨ̃pachida ãchi chonaarãpa oodapꞌedaakꞌa. Mapa Tachi Akꞌõrepa awaraa pꞌuuru ome jura chõo pꞌoyaapikꞌãri, Josué ome chedapꞌedaarãpa ãchi ome aneejida mãgɨ́ te ne–edee ooda. Mãgá iru pꞌanapachida David rey parumaa. 46Tachi Akꞌõrepa Rey David kꞌinia iru bapachi. Mapa Davidpa iidiji Tachi Akꞌõremaa te waibɨa oo teeitꞌee, te pia oo kꞌinia bada perã Jacobpa ijãadapꞌedaa Akꞌõre–itꞌee. 47Mamĩda David warra Salomonpa Tachi Akꞌõre te waibɨa ooji. 48Salomonpa mãgɨ́ te ooji mĩda, kꞌawa pꞌanɨ Tachi Akꞌõre Waibɨa bakꞌaa te eperãarã juapa oodade. Mãga kꞌawa pꞌanɨ Akꞌõre pedee jaraparipa jarada perã:
49‘Mɨ, Jõmaarã Rey, ɨtꞌarita baparida aji, mãikꞌaapa eujã mɨ jua ekꞌari bɨ. ¿Te kꞌãaredeeta mɨmaa oo teedaitꞌeema? ¿Sãmata mɨ ɨ̃inaitꞌeema? 50¿Mɨchi juadoopa jõmaweda ooji–ekꞌã? aji.’ (Isaías 66.1-2)
51Mãpai Estebanpa mãgaji:
—Parãpa Tachi Akꞌõrede ijãa pꞌanɨda apata mĩda, tꞌãri kꞌachia–idaa pꞌanapatada aji, ijãadakꞌaa beerãkꞌa. Ma awara kꞌɨɨrɨ kꞌisua pꞌanapata, oo kꞌiniadakꞌaa perã Akꞌõre Jaurepa oopi bɨkꞌa. Pãchi chonaarã́kꞌapɨ pꞌanɨ. 52Parã chonaarãpa ichita Tachi Akꞌõre pedee jarapataarã jɨrɨjida peedaitꞌee. Peejida chi pꞌekꞌau kꞌachia wẽe bɨ cheitꞌee bɨda apatapꞌedaarã. Maapꞌeda chi pꞌekꞌau kꞌachia wẽe bɨ chekꞌãri Tachi Akꞌõrepa oopi bɨkꞌa ooitꞌee, iru ichiaba jita atapidapꞌeda, peepijida parãpa. 53Parã́pata Akꞌõre Ũraa iru pꞌanapata angeleerã kꞌaurepa. Mamĩda atꞌãri ooda–e pꞌanɨda aji, mãgɨ́ ũraa jara bɨkꞌa.
Esteban peedapꞌedaa
54Mãga ũridakꞌãri, tꞌãri kꞌachiapa Esteban peetꞌaa kꞌinia pꞌaneejida. 55Mamĩda Akꞌõre Jaure ichi ome bada perã, ɨtꞌaa akꞌɨji mãikꞌaapa unuji Akꞌõre kꞌĩra wãree mãikꞌaapa Akꞌõre juaraare Jesús bainɨ̃ bɨ. 56Mãpai mãgaji:
—Akꞌɨdapáde aji. Mɨa unu bɨ pajã ewa nɨ̃bɨ mãikꞌaapa unu bɨ Eperã Akꞌõre Truadepema Akꞌõre Waibɨa juaraare.
57Mamĩda ãchi kꞌɨɨrɨ tꞌapꞌakꞌoodachida mãikꞌaapa golpe biadapꞌeda, jõmaweda iru ɨ̃rɨ wãjida. 58Jerusalén pꞌuurudeepa uchia atadapꞌeda, mãupa batꞌamaa pꞌaneejida iru peetꞌaadaitꞌee. Aukꞌa kꞌaripajida Esteban ɨmɨateedapꞌedaarãpa. Ãchi ɨ̃rɨpema pꞌaru jɨ̃patapꞌedaa ata bɨjida eperã Saulo apatapꞌedaa bɨɨrɨ ikꞌaawa irua akꞌɨmerã, ãchia mãu batꞌaruta misa.
59Mãupa batꞌamaa pꞌanɨde Esteban ɨtꞌaa tꞌɨ̃ji:
—Tachi Waibɨa Jesús, mɨ jaure pɨchimaa atéeji.
60Tꞌẽepai bedabaiji mãikꞌaapa golpe ɨtꞌaa tꞌɨ̃ji:
—Tachi Waibɨa, ãchi chupɨria kꞌawáaji, mɨ nãgá kꞌachia oo pꞌanɨ mĩda.
Mãga jarapꞌeda, piuji.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.