Hechos 5
5
Ananías chi wẽra Safira ome ne–inaa kꞌachia ooda
1Mamĩda Bernabepa oodakꞌa ooda–e paji Ananías chi wẽra Safira ome. Mãgɨɨrãpa ãchi eujã netotꞌaajida. 2Mamĩda mãgɨ́ eperã chi wẽra ome pedeeteejida pꞌaratꞌa jõma teeda–e paitꞌee Cristopa jɨrɨtꞌeradaarãmaa. Ananiapa mãgɨ́ pꞌaratꞌa ũkꞌurupai teenakꞌãri, 3Pedropa mãgaji:
—Ananías, ¿pɨ seewa cherukꞌã aji, Akꞌõre Jauremaa, pꞌaratꞌa jõma tee che–ee? ¿Sãapꞌeda oojima Satanapa oopi bɨkꞌa? 4¿Jã eujã pɨchide paji–ekꞌã netotꞌaai naaweda? ¿Ma pꞌaratꞌa pɨchide paji–ekꞌã netotꞌaapꞌeda? ¿Sãapꞌeda nãga oo kꞌiniadachima? Pɨa eperãarãmaa seewa–e paji. Akꞌõremaata seewajida aji.
5Mãga ũriruta, Ananías eujãde piu baainaji. Arii pꞌanadapꞌedaarãpa unudakꞌãri, pꞌerakꞌoodachida. 6Mãpai kꞌũtrãarã ũkꞌuruurãpa chi piuda beda atajida mãikꞌaapa ateejida ɨade.
7Hora õpeemaa Ananías wẽra tꞌĩuji, chi ɨmɨkꞌĩra piuda kꞌawa–ee. 8Mãpai Pedropa irumaa iidiji:
—¿Wãara nãgɨ́ pꞌaratꞌa pari eujã netotꞌaajidakꞌã? aji.
Ichia pꞌanauji:
—Netotꞌaajidapɨ.
9Pedropa mãgaji:
—¿Sãapꞌeda parã pedeeteejida Akꞌõre Jauremaa seewadaitꞌee? Ara cherutada aji, pɨ ɨmɨkꞌĩra ɨadeepa. Naade pɨ jida aukꞌa ateedaitꞌeeda aji.
10Aramata Safira piu baainaji Pedro bɨɨrɨ ikꞌaawa. Kꞌũtrãarã tꞌĩudakꞌãri, unujida piu bɨ. Maapꞌeda ɨanajida chi ɨmɨkꞌĩra ikꞌaawa. 11Jõmaweda ijãapataarã mãikꞌaapa awaraarã mãga kꞌawadapꞌedaarã pꞌera para beeji.
Akꞌõre Jaurepa kꞌaripapꞌeda, Cristopa jɨrɨtꞌeradaarãpa oopatapꞌedaa
12Atꞌãri Jerusalende pꞌanɨde Cristopa jɨrɨtꞌeradaarãpa oopachida ne–inaa eperãarãpa pꞌoyaa oodakꞌaa ãchi juadoopa. Maapai jõmaweda Cristode ijãapataarã cheepurupachida Salomón Pórtico apatapꞌedaamãi, Tachi Akꞌõre te waibɨa ãukꞌidaa. 13Apemaarã judiorã Tachi Akꞌõre te waibɨade tꞌĩupataarã waaweepa araa pꞌanada–e paji ãchi ome. Mamĩda pia pedeepachida ãchi ãpɨte, apemaarã Jerusalendepemaarã ome. 14Mãɨrã mãgá tꞌĩuda–e paji mĩda ãchi ome, Cristode ijãapataarã ĩwajida, wẽraarã mãikꞌaapa ɨmɨkꞌĩraarã. 15Cristopa jɨrɨtꞌeradaarãpa ne–inaa pia oo pꞌanadapꞌedaa perã, eperãarãpa ãchi kꞌayaa beerã calle jã ikꞌaawa uchia atapachida joipꞌarukꞌa bɨ ɨ̃rɨ, Pedro wãyaa wãkꞌãri, chi jaurepa pida ãra tꞌõbaimerã mãikꞌaapa jɨpamerã. 16Ichiaba pꞌuuru kꞌaitꞌa beerãpa Jerusalendee kꞌayaa beerã chokꞌara aneepachida mãikꞌaapa ichiaba eperã netuara merãtɨa bee aneepachida. Tachi Akꞌõrepa jõmaweda jɨpakꞌoopachi Cristopa jɨrɨtꞌeradaarã juapa.
Cristopa jɨrɨtꞌeradaarã jɨrɨdapꞌedaa miapidaitꞌee
17Unudakꞌãri jõmaweda Cristopa jɨrɨtꞌeradaarãpa oopata, judiorã pꞌaareerã poro waibɨa mãikꞌaapa ũkꞌuru saduceorã iru ome nipapatapꞌedaarãpa Cristopa jɨrɨtꞌeradaarã kꞌĩra unuamaa iru pꞌaneejida. 18Mapa Tachi Akꞌõre te waibɨa jɨ̃apataarãmaa atapijida carcelde tꞌɨkꞌoonadamerã. 19Mamĩda pꞌãrikꞌua angelpa carcelde tꞌĩupata ewatꞌaa cheji. Maapꞌeda ãchi taawaa uchiapikꞌooji. Mãpai mãgaji:
20—Wã́tɨ Tachi Akꞌõre te waibɨadee mãikꞌaapa arii pꞌanɨɨrãmaa jaratéetɨ Cristopa ooda eperãarã kꞌaripaitꞌee ɨtꞌaa wãdamerã.
21Mãgá aɨ norema tapꞌeweda tꞌĩujida Akꞌõre tede mãikꞌaapa jarateemaa pꞌaneejida.
Mãɨmisa ma pꞌaareerã poro waibɨapa mãikꞌaapa ichi ome pꞌanadapꞌedaarãpa tꞌɨ̃ pëijida Junta Supremadepemaarã jõmaweda. Ichiaba carceldeepa Cristopa jɨrɨtꞌeradaarã atapijida. 22Mamĩda Akꞌõre te jɨ̃apataarãpa carcelde jɨrɨnadakꞌãri, unuda–e paji. Maperã nepɨrɨ chejida:
23—Ununajidada ajida, carcel te pia jɨ̃a nɨ̃bɨ, mãikꞌaapa chi jɨ̃apataarã aɨ tꞌaide jɨ̃a pꞌanɨ. Mamĩda ewa atadakꞌãri, apida unuda–e paji.
24Mãga ũridakꞌãri, ma pꞌaareerã poro waibɨa apemaarã pꞌaareerã poroorã ome mãikꞌaapa Akꞌõre te jɨ̃apataarã poropa kꞌawada–e paji kꞌãata oodai. 25Mãga nɨde eperã pacheji mãikꞌaapa mãgaji:
—Parãpa carcelde tꞌɨkꞌoodapꞌedaarã Akꞌõre te waibɨade eperãarãmaa jarateemaa pꞌanɨda aji.
26Aramata Akꞌõre te waibɨa jɨ̃apataarã poro apemaarã jɨ̃apataarã ome wãjida jita pꞌe atade. Mamĩda kꞌĩra jĩpꞌa pꞌe aneejida, eperãarãpa ãchimaa mãupa batꞌadai jĩakꞌaapa. 27Pachedakꞌãri, akꞌɨnɨ̃ pꞌaneepijida Junta Suprema kꞌĩrapite. Mãpai ma pꞌaareerã poro waibɨapa mãgaji:
28—Taipa parãmaa jarajida waa jarateenaadamerã jã eperãpa oopata. Mamĩda mãga ooda–e pꞌanɨ. Waapɨara jõmaweda Jerusalén pidaarãmaa jarateemaa pꞌanɨ. Ma awara táipata jã eperã peetꞌaajidada a jõnɨ.
29Apemaarã pari Pedropa pꞌanauji:
—Taipa ichita Akꞌõrepa oopi bɨkꞌa oodaitꞌeeda aji, eperãpa jara bɨkꞌa oodai kꞌãyaara. 30Tachi chonaarãwedapema Akꞌõrépata Jesús, parãpa kurusode peepidapꞌedaa, chokꞌai pꞌirabaipiji. 31Tachi Akꞌõrepa iru pꞌirabai atapꞌeda, su–akꞌɨ bɨji ichi juaraare, jõmaarã kꞌãyaara waibɨara bairã. Mama bɨji eperãarã akꞌɨpariimerã mãikꞌaapa o kꞌachiadeepa kꞌaripa atamerã. Kꞌinia baji Jesús piuda kꞌaurepa Israel pidaarãpa pꞌekꞌau kꞌachia oopata oo amaadamerã. Mãgá irua wẽpapikꞌooi ãrapa pꞌekꞌau kꞌachia oopata. 32Tachi Akꞌõre Jaurepa ma jõma kꞌawa bɨda aji. Taipa pida ichiaba mãga kꞌawa pꞌanɨda aji, Cristode ijãadakꞌãri, Akꞌõrepa ichi Jaure taimaa pëida perã.
33Judiorã poroorãpa mãga ũridakꞌãri, Cristopa jɨrɨtꞌeradaarã peekꞌoo kꞌiniadachida. 34Mamĩda ãra tꞌãide baji fariseo#5.34 Fariseorãpa ijãa pꞌanapachida tachi piupꞌeda waya Tachi Akꞌõrepa pꞌirabaipii. tꞌɨ̃jarapatapꞌedaa Gamaliel. Mãgɨ́ Gamalielpa Moisepa pꞌãda pia kꞌawaa baji. Mapa eperãarãpa iru tꞌo pꞌanapachida. Mãgɨ́ bainɨ̃ beepꞌeda, Cristopa jɨrɨtꞌeradaarã arakꞌatɨa taawaa uchia atapiji. 35Tꞌẽepai mãgaji apemaarã judiorã poroorãmaa:
—Israel pidaarã, pia kꞌĩsíatɨ ne–inaa oodai naaweda jã eperãarãmaa. 36Kꞌirãpátɨ makꞌɨara taarã–e bɨ eperã Teudas apatapꞌedaapa kꞌĩsiaji ichita jõmaarã kꞌãyaara waibɨara pai. Mãgɨ́ eere cuatrocientos ɨmɨkꞌĩraarã pꞌanajida. Mamĩda mãgɨ́ peetꞌaadakꞌãri, iru ome nipapatapꞌedaarã jĩchoodachida. Mãgá ãchia kꞌĩsia iru pꞌanadapꞌedaa jõdachi. 37Aɨ tꞌẽepai, Romadepemaarãpa eperãarã tꞌɨ̃ pꞌãpimaa pꞌanadakꞌãri, ichiaba Judas Galileadepemapa mãga kꞌĩsiaji. Eperãarã ũkꞌuruurãpa iru pedee ijãajida. Mamĩda ichiaba peetꞌaadakꞌãri, iru ome nipapatapꞌedaarã ãyaa erreudachida. 38Mapa mɨa parãmaa ũraaitꞌee jã eperãarã kꞌachia oonaadamerã. Ãchia jaratee pꞌanɨ pɨrã ãchi kꞌĩsiadeepa mãikꞌaapa ne–inaa oo pꞌanɨ pɨrã ãchi juadoopa, ãchia oopata jõdariyada aji. 39Mamĩda Tachi Akꞌõrépata ãchimaa mãga oopi bɨ pɨrã, parãpa pꞌoyaada–eda aji. Kꞌĩrakꞌaupai, Tachi Akꞌõre ome chõomaa pꞌaneedai.
Ãchia Gamaliel ũraa ijãajida. 40Maapꞌeda Cristopa jɨrɨtꞌeradaarã tꞌɨ̃ pꞌe atajida mãikꞌaapa wɨkꞌoojida. Jarajida waa jarateenaadamerã Jesupa ooda. Maapꞌeda kꞌena pëijida. 41Mamĩda Cristopa jɨrɨtꞌeradaarã judiorã poroorã kꞌĩrapiteepa o–ĩa uchiajida, Akꞌõrepa ãchi ita–aria miapida perã Jesús kꞌaurepa. 42Maapꞌeda ewari chaa jarateepachida Jesucristota Tachi Akꞌõrepa pëida eperãarã kꞌaripamerã. Mãga jaratee wãpachida Tachi Akꞌõre te waibɨade mãikꞌaapa te bee chaa.
Currently Selected:
Hechos 5: sjaB
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.
Hechos 5
5
Ananías chi wẽra Safira ome ne–inaa kꞌachia ooda
1Mamĩda Bernabepa oodakꞌa ooda–e paji Ananías chi wẽra Safira ome. Mãgɨɨrãpa ãchi eujã netotꞌaajida. 2Mamĩda mãgɨ́ eperã chi wẽra ome pedeeteejida pꞌaratꞌa jõma teeda–e paitꞌee Cristopa jɨrɨtꞌeradaarãmaa. Ananiapa mãgɨ́ pꞌaratꞌa ũkꞌurupai teenakꞌãri, 3Pedropa mãgaji:
—Ananías, ¿pɨ seewa cherukꞌã aji, Akꞌõre Jauremaa, pꞌaratꞌa jõma tee che–ee? ¿Sãapꞌeda oojima Satanapa oopi bɨkꞌa? 4¿Jã eujã pɨchide paji–ekꞌã netotꞌaai naaweda? ¿Ma pꞌaratꞌa pɨchide paji–ekꞌã netotꞌaapꞌeda? ¿Sãapꞌeda nãga oo kꞌiniadachima? Pɨa eperãarãmaa seewa–e paji. Akꞌõremaata seewajida aji.
5Mãga ũriruta, Ananías eujãde piu baainaji. Arii pꞌanadapꞌedaarãpa unudakꞌãri, pꞌerakꞌoodachida. 6Mãpai kꞌũtrãarã ũkꞌuruurãpa chi piuda beda atajida mãikꞌaapa ateejida ɨade.
7Hora õpeemaa Ananías wẽra tꞌĩuji, chi ɨmɨkꞌĩra piuda kꞌawa–ee. 8Mãpai Pedropa irumaa iidiji:
—¿Wãara nãgɨ́ pꞌaratꞌa pari eujã netotꞌaajidakꞌã? aji.
Ichia pꞌanauji:
—Netotꞌaajidapɨ.
9Pedropa mãgaji:
—¿Sãapꞌeda parã pedeeteejida Akꞌõre Jauremaa seewadaitꞌee? Ara cherutada aji, pɨ ɨmɨkꞌĩra ɨadeepa. Naade pɨ jida aukꞌa ateedaitꞌeeda aji.
10Aramata Safira piu baainaji Pedro bɨɨrɨ ikꞌaawa. Kꞌũtrãarã tꞌĩudakꞌãri, unujida piu bɨ. Maapꞌeda ɨanajida chi ɨmɨkꞌĩra ikꞌaawa. 11Jõmaweda ijãapataarã mãikꞌaapa awaraarã mãga kꞌawadapꞌedaarã pꞌera para beeji.
Akꞌõre Jaurepa kꞌaripapꞌeda, Cristopa jɨrɨtꞌeradaarãpa oopatapꞌedaa
12Atꞌãri Jerusalende pꞌanɨde Cristopa jɨrɨtꞌeradaarãpa oopachida ne–inaa eperãarãpa pꞌoyaa oodakꞌaa ãchi juadoopa. Maapai jõmaweda Cristode ijãapataarã cheepurupachida Salomón Pórtico apatapꞌedaamãi, Tachi Akꞌõre te waibɨa ãukꞌidaa. 13Apemaarã judiorã Tachi Akꞌõre te waibɨade tꞌĩupataarã waaweepa araa pꞌanada–e paji ãchi ome. Mamĩda pia pedeepachida ãchi ãpɨte, apemaarã Jerusalendepemaarã ome. 14Mãɨrã mãgá tꞌĩuda–e paji mĩda ãchi ome, Cristode ijãapataarã ĩwajida, wẽraarã mãikꞌaapa ɨmɨkꞌĩraarã. 15Cristopa jɨrɨtꞌeradaarãpa ne–inaa pia oo pꞌanadapꞌedaa perã, eperãarãpa ãchi kꞌayaa beerã calle jã ikꞌaawa uchia atapachida joipꞌarukꞌa bɨ ɨ̃rɨ, Pedro wãyaa wãkꞌãri, chi jaurepa pida ãra tꞌõbaimerã mãikꞌaapa jɨpamerã. 16Ichiaba pꞌuuru kꞌaitꞌa beerãpa Jerusalendee kꞌayaa beerã chokꞌara aneepachida mãikꞌaapa ichiaba eperã netuara merãtɨa bee aneepachida. Tachi Akꞌõrepa jõmaweda jɨpakꞌoopachi Cristopa jɨrɨtꞌeradaarã juapa.
Cristopa jɨrɨtꞌeradaarã jɨrɨdapꞌedaa miapidaitꞌee
17Unudakꞌãri jõmaweda Cristopa jɨrɨtꞌeradaarãpa oopata, judiorã pꞌaareerã poro waibɨa mãikꞌaapa ũkꞌuru saduceorã iru ome nipapatapꞌedaarãpa Cristopa jɨrɨtꞌeradaarã kꞌĩra unuamaa iru pꞌaneejida. 18Mapa Tachi Akꞌõre te waibɨa jɨ̃apataarãmaa atapijida carcelde tꞌɨkꞌoonadamerã. 19Mamĩda pꞌãrikꞌua angelpa carcelde tꞌĩupata ewatꞌaa cheji. Maapꞌeda ãchi taawaa uchiapikꞌooji. Mãpai mãgaji:
20—Wã́tɨ Tachi Akꞌõre te waibɨadee mãikꞌaapa arii pꞌanɨɨrãmaa jaratéetɨ Cristopa ooda eperãarã kꞌaripaitꞌee ɨtꞌaa wãdamerã.
21Mãgá aɨ norema tapꞌeweda tꞌĩujida Akꞌõre tede mãikꞌaapa jarateemaa pꞌaneejida.
Mãɨmisa ma pꞌaareerã poro waibɨapa mãikꞌaapa ichi ome pꞌanadapꞌedaarãpa tꞌɨ̃ pëijida Junta Supremadepemaarã jõmaweda. Ichiaba carceldeepa Cristopa jɨrɨtꞌeradaarã atapijida. 22Mamĩda Akꞌõre te jɨ̃apataarãpa carcelde jɨrɨnadakꞌãri, unuda–e paji. Maperã nepɨrɨ chejida:
23—Ununajidada ajida, carcel te pia jɨ̃a nɨ̃bɨ, mãikꞌaapa chi jɨ̃apataarã aɨ tꞌaide jɨ̃a pꞌanɨ. Mamĩda ewa atadakꞌãri, apida unuda–e paji.
24Mãga ũridakꞌãri, ma pꞌaareerã poro waibɨa apemaarã pꞌaareerã poroorã ome mãikꞌaapa Akꞌõre te jɨ̃apataarã poropa kꞌawada–e paji kꞌãata oodai. 25Mãga nɨde eperã pacheji mãikꞌaapa mãgaji:
—Parãpa carcelde tꞌɨkꞌoodapꞌedaarã Akꞌõre te waibɨade eperãarãmaa jarateemaa pꞌanɨda aji.
26Aramata Akꞌõre te waibɨa jɨ̃apataarã poro apemaarã jɨ̃apataarã ome wãjida jita pꞌe atade. Mamĩda kꞌĩra jĩpꞌa pꞌe aneejida, eperãarãpa ãchimaa mãupa batꞌadai jĩakꞌaapa. 27Pachedakꞌãri, akꞌɨnɨ̃ pꞌaneepijida Junta Suprema kꞌĩrapite. Mãpai ma pꞌaareerã poro waibɨapa mãgaji:
28—Taipa parãmaa jarajida waa jarateenaadamerã jã eperãpa oopata. Mamĩda mãga ooda–e pꞌanɨ. Waapɨara jõmaweda Jerusalén pidaarãmaa jarateemaa pꞌanɨ. Ma awara táipata jã eperã peetꞌaajidada a jõnɨ.
29Apemaarã pari Pedropa pꞌanauji:
—Taipa ichita Akꞌõrepa oopi bɨkꞌa oodaitꞌeeda aji, eperãpa jara bɨkꞌa oodai kꞌãyaara. 30Tachi chonaarãwedapema Akꞌõrépata Jesús, parãpa kurusode peepidapꞌedaa, chokꞌai pꞌirabaipiji. 31Tachi Akꞌõrepa iru pꞌirabai atapꞌeda, su–akꞌɨ bɨji ichi juaraare, jõmaarã kꞌãyaara waibɨara bairã. Mama bɨji eperãarã akꞌɨpariimerã mãikꞌaapa o kꞌachiadeepa kꞌaripa atamerã. Kꞌinia baji Jesús piuda kꞌaurepa Israel pidaarãpa pꞌekꞌau kꞌachia oopata oo amaadamerã. Mãgá irua wẽpapikꞌooi ãrapa pꞌekꞌau kꞌachia oopata. 32Tachi Akꞌõre Jaurepa ma jõma kꞌawa bɨda aji. Taipa pida ichiaba mãga kꞌawa pꞌanɨda aji, Cristode ijãadakꞌãri, Akꞌõrepa ichi Jaure taimaa pëida perã.
33Judiorã poroorãpa mãga ũridakꞌãri, Cristopa jɨrɨtꞌeradaarã peekꞌoo kꞌiniadachida. 34Mamĩda ãra tꞌãide baji fariseo#5.34 Fariseorãpa ijãa pꞌanapachida tachi piupꞌeda waya Tachi Akꞌõrepa pꞌirabaipii. tꞌɨ̃jarapatapꞌedaa Gamaliel. Mãgɨ́ Gamalielpa Moisepa pꞌãda pia kꞌawaa baji. Mapa eperãarãpa iru tꞌo pꞌanapachida. Mãgɨ́ bainɨ̃ beepꞌeda, Cristopa jɨrɨtꞌeradaarã arakꞌatɨa taawaa uchia atapiji. 35Tꞌẽepai mãgaji apemaarã judiorã poroorãmaa:
—Israel pidaarã, pia kꞌĩsíatɨ ne–inaa oodai naaweda jã eperãarãmaa. 36Kꞌirãpátɨ makꞌɨara taarã–e bɨ eperã Teudas apatapꞌedaapa kꞌĩsiaji ichita jõmaarã kꞌãyaara waibɨara pai. Mãgɨ́ eere cuatrocientos ɨmɨkꞌĩraarã pꞌanajida. Mamĩda mãgɨ́ peetꞌaadakꞌãri, iru ome nipapatapꞌedaarã jĩchoodachida. Mãgá ãchia kꞌĩsia iru pꞌanadapꞌedaa jõdachi. 37Aɨ tꞌẽepai, Romadepemaarãpa eperãarã tꞌɨ̃ pꞌãpimaa pꞌanadakꞌãri, ichiaba Judas Galileadepemapa mãga kꞌĩsiaji. Eperãarã ũkꞌuruurãpa iru pedee ijãajida. Mamĩda ichiaba peetꞌaadakꞌãri, iru ome nipapatapꞌedaarã ãyaa erreudachida. 38Mapa mɨa parãmaa ũraaitꞌee jã eperãarã kꞌachia oonaadamerã. Ãchia jaratee pꞌanɨ pɨrã ãchi kꞌĩsiadeepa mãikꞌaapa ne–inaa oo pꞌanɨ pɨrã ãchi juadoopa, ãchia oopata jõdariyada aji. 39Mamĩda Tachi Akꞌõrépata ãchimaa mãga oopi bɨ pɨrã, parãpa pꞌoyaada–eda aji. Kꞌĩrakꞌaupai, Tachi Akꞌõre ome chõomaa pꞌaneedai.
Ãchia Gamaliel ũraa ijãajida. 40Maapꞌeda Cristopa jɨrɨtꞌeradaarã tꞌɨ̃ pꞌe atajida mãikꞌaapa wɨkꞌoojida. Jarajida waa jarateenaadamerã Jesupa ooda. Maapꞌeda kꞌena pëijida. 41Mamĩda Cristopa jɨrɨtꞌeradaarã judiorã poroorã kꞌĩrapiteepa o–ĩa uchiajida, Akꞌõrepa ãchi ita–aria miapida perã Jesús kꞌaurepa. 42Maapꞌeda ewari chaa jarateepachida Jesucristota Tachi Akꞌõrepa pëida eperãarã kꞌaripamerã. Mãga jaratee wãpachida Tachi Akꞌõre te waibɨade mãikꞌaapa te bee chaa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.