Hechos 24
24
Pablopa Felixmaa ichia ooda nepɨrɨda
1Kꞌãima joisomaa tꞌẽepai, pꞌaareerã poro waibɨa Ananías pacheji Cesarea pꞌuurude judiorã poro waibɨarã ome. Ãchi ome cheji Romadepemaarã abogado tꞌɨ̃jarapatapꞌedaa Tértulo. Ma jõmaweda Roma jua ekꞌari eujã akꞌɨparimaa chejida Pablo ɨmɨateedaitꞌee. 2Mãpai Pablo ma see nɨ̃badamãi aneedakꞌãri, Tertulopa jõmaarã kꞌĩrapite Felixmaa mãgaji:
—Aai, tachi waibɨa, pɨ kꞌaurepa tai kꞌãiwee pꞌanapata na eujãde mãikꞌaapa ɨ̃rá ne–inaa pipɨara jẽra bɨ na eujãde, pɨ kꞌĩsia kꞌawaa bairã. 3Tai o–ĩa pꞌanɨ pɨ ome, ne–inaa jõma pipɨara oo bairã. 4Makꞌɨara taarã pedee kꞌinia–e bairã, pɨ ewari atuapiamaapa, chupɨria kꞌawáaji mɨ pedee ũrimerã. 5Jãgɨ́ eperã nepɨra jɨrɨyaa bapari ichi wãrumaa na eujãde, judiorã chõopi nipapari perã ãchi aukꞌaarã ome. Ma awara ichi nazareno eere pꞌanɨɨrã poro. 6Ichiaba Tachi Akꞌõre te waibɨade ne–inaa kꞌachia ooitꞌee paji. [Mapata taipa iru jita atapijida ateedaitꞌee tai nepɨra akꞌɨpataarãmaa. 7Mamĩda soldaorã poro waibɨa Lisias pachekꞌãri, tai juadeepa jãri ataji, mãikꞌaapa jaraji pɨ kꞌĩrapite chedamerã.] 8Ɨ̃rá pɨa jã eperãmaa iidiipia bɨ kꞌawaaitꞌee taipa seewa jarada–e pꞌanɨ.
9Judiorã arii see nɨ̃badaarãpa wãarada ajida. 10Maapꞌeda ma Roma jua ekꞌari eujã akꞌɨparipa Pablomaa juapa jaraji pedeemerã. Mãpai Pablopa mãgaji:
—Mɨ o–ĩa bɨda aji, pɨ kꞌĩrapite pedeeitꞌee perã mɨchi kꞌapꞌɨa pari. Mɨa kꞌawa bɨ pɨ taarãru na eujãdepemaarã charra. 11Pɨchia kꞌawa kꞌinia bɨ pɨrã, iidíji sãaweda mɨ pache bɨ. Mɨ kꞌãima docepai iru bɨ Jerusalende pacheda Tachi Akꞌõremaa ɨtꞌaa tꞌɨ̃de. 12Judiorãpa mɨ unuda–e paji chĩara ome aupedee pedeemaa wa eperãarã chõopimaa Tachi Akꞌõre te waibɨade. Ichiaba mãga unuda–e paji Tachi Akꞌõre Ũraa jarateepata tede pida, wa awara ãi. 13Na eperãarãpa pɨmaa pꞌoyaa akꞌɨpida–e ãchia wãarata jara pꞌanɨ. 14Wãara mɨa ijãa bɨ Tachi Akꞌõre Ode Pꞌanɨɨrã apata ijãa pꞌanɨkꞌa. Mɨ ɨtꞌaa tꞌɨ̃pari tachi chonaarãwedapema Akꞌõremaa mãikꞌaapa ijãa bɨ Moisepa pꞌãdade jara bɨ, ichiaba Tachi Akꞌõre pedee jarapataarãpa pꞌãdapꞌedaade jara bɨ. Nata mɨa kꞌachia ooda a pꞌanɨ nama pꞌanɨɨrãpa. 15Mɨa ijãa bɨ ãchikꞌa; Tachi Akꞌõrepa piudapꞌedaarã chokꞌai pꞌirabaipiitꞌee, eperã tꞌãri pia beerã mãikꞌaapa eperã tꞌãri kꞌachia–idaa beerã. 16Mapa mɨa jõma oopari kꞌĩsia pꞌua–ee baitꞌee Tachi Akꞌõre kꞌĩrapite mãikꞌaapa eperãarã kꞌĩrapite.
17ʼMamĩda taarã nipapꞌeda#24.17 Pia jaraitꞌeera, Año chokꞌara–e nipapꞌeda. to bee chaa, cheji mɨchi aukꞌaarãmaa Jerusalende, teeitꞌee pꞌaratꞌa pꞌedapꞌedaa chupɨria beerã kꞌaripaitꞌee. Ma awara cheji ne–animalaarã teeitꞌee pꞌaareerãpa peedapꞌeda, paadamerã Tachi Akꞌõre–itꞌee. 18Mãpai jõma oopꞌeda Tachi Akꞌõre tede tꞌĩu pia beeitꞌee, mama tꞌĩuji. Maapꞌeda Tachi Akꞌõre–itꞌee ne–inaa teemaa bɨde, Asiadepema judiorãpa mɨ unujida. Mamĩda chĩara ome pida chõo–e paji. 19Maperã ãchita pɨ kꞌĩrapite chekꞌajida mɨ ɨmɨateede, wãara kꞌachia oo baji pɨrã. 20Maa–e pɨrã nama see nɨ̃bɨɨrãmaa iidíji kꞌãare kꞌachiata unujida mɨ wãkꞌãri Junta Suprema kꞌĩrapite Jerusalende. 21¿Kꞌachia ooji–epaama aji, ãchi kꞌĩrapite mɨa golpe pedeekꞌãri: “Idipema ewari parã kꞌĩrapite mɨ aneeruta ijãa bairã tachi piupꞌeda chokꞌai pꞌirabaidaitꞌee?”
22Felixpa mãga ũrikꞌãri, jaraji ma nepɨra ichiakꞌau bɨdaitꞌee soldaorã poro waibɨa Lisias cheru misa. Mãga jaraji pia kꞌawa bada perã sãga pꞌanapata Tachi Akꞌõre Ode Pꞌanɨɨrã.
23Mãpai Felixpa soldaorã poromaa jaraji Pablo jɨ̃a paraa bɨdamerã, mamĩda ichiakꞌau akꞌɨ chepipataadamerã chi kꞌõpꞌãyoorãmaa.
24Maapꞌeda taarãpai Félix waya pacheji chi wẽra Drusila ome. Mãgɨ́ judío wẽra paji. Pachedakꞌãri, Felixpa Pablo tꞌɨ̃ pëiji kꞌawaaitꞌee irua ijãada Jesucristode. 25Mamĩda Pablopa jaramaa bɨde tꞌãri pia nipapariimerã Tachi Akꞌõre kꞌĩrapite mãikꞌaapa kꞌĩra jĩpꞌa bapariimerã, ichiaba tachi piuda tꞌẽepai Tachi Akꞌõrepa akꞌɨitꞌee tachia pia oodapꞌedaa mãikꞌaapa kꞌachia oodapꞌedaa, Félix pꞌeradachi. Mãpai mãgaji:
—Jãgapai pia bɨda aji. Na ewari jua pari bakꞌãri, waya pɨ tꞌɨ̃ pëiitꞌeeda aji.
26Ma tꞌẽepai, Felixpa Pablo ipꞌii tꞌɨ̃ pëipachi, kꞌĩsia bada perã Pablopa pꞌaratꞌa pꞌaai, ichi juadeepa uchia pëimerã. 27Año omé mãgá wãyaaji. Ma tꞌẽepai Félix pari tꞌĩuji awaraa eujã akꞌɨpari, tꞌɨ̃jarapatapꞌedaa Porcio Festo. Mamĩda Félix judiorã ome pia bee kꞌinia bada perã, Pablo preso bëiji.
Currently Selected:
Hechos 24: sjaB
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.
Hechos 24
24
Pablopa Felixmaa ichia ooda nepɨrɨda
1Kꞌãima joisomaa tꞌẽepai, pꞌaareerã poro waibɨa Ananías pacheji Cesarea pꞌuurude judiorã poro waibɨarã ome. Ãchi ome cheji Romadepemaarã abogado tꞌɨ̃jarapatapꞌedaa Tértulo. Ma jõmaweda Roma jua ekꞌari eujã akꞌɨparimaa chejida Pablo ɨmɨateedaitꞌee. 2Mãpai Pablo ma see nɨ̃badamãi aneedakꞌãri, Tertulopa jõmaarã kꞌĩrapite Felixmaa mãgaji:
—Aai, tachi waibɨa, pɨ kꞌaurepa tai kꞌãiwee pꞌanapata na eujãde mãikꞌaapa ɨ̃rá ne–inaa pipɨara jẽra bɨ na eujãde, pɨ kꞌĩsia kꞌawaa bairã. 3Tai o–ĩa pꞌanɨ pɨ ome, ne–inaa jõma pipɨara oo bairã. 4Makꞌɨara taarã pedee kꞌinia–e bairã, pɨ ewari atuapiamaapa, chupɨria kꞌawáaji mɨ pedee ũrimerã. 5Jãgɨ́ eperã nepɨra jɨrɨyaa bapari ichi wãrumaa na eujãde, judiorã chõopi nipapari perã ãchi aukꞌaarã ome. Ma awara ichi nazareno eere pꞌanɨɨrã poro. 6Ichiaba Tachi Akꞌõre te waibɨade ne–inaa kꞌachia ooitꞌee paji. [Mapata taipa iru jita atapijida ateedaitꞌee tai nepɨra akꞌɨpataarãmaa. 7Mamĩda soldaorã poro waibɨa Lisias pachekꞌãri, tai juadeepa jãri ataji, mãikꞌaapa jaraji pɨ kꞌĩrapite chedamerã.] 8Ɨ̃rá pɨa jã eperãmaa iidiipia bɨ kꞌawaaitꞌee taipa seewa jarada–e pꞌanɨ.
9Judiorã arii see nɨ̃badaarãpa wãarada ajida. 10Maapꞌeda ma Roma jua ekꞌari eujã akꞌɨparipa Pablomaa juapa jaraji pedeemerã. Mãpai Pablopa mãgaji:
—Mɨ o–ĩa bɨda aji, pɨ kꞌĩrapite pedeeitꞌee perã mɨchi kꞌapꞌɨa pari. Mɨa kꞌawa bɨ pɨ taarãru na eujãdepemaarã charra. 11Pɨchia kꞌawa kꞌinia bɨ pɨrã, iidíji sãaweda mɨ pache bɨ. Mɨ kꞌãima docepai iru bɨ Jerusalende pacheda Tachi Akꞌõremaa ɨtꞌaa tꞌɨ̃de. 12Judiorãpa mɨ unuda–e paji chĩara ome aupedee pedeemaa wa eperãarã chõopimaa Tachi Akꞌõre te waibɨade. Ichiaba mãga unuda–e paji Tachi Akꞌõre Ũraa jarateepata tede pida, wa awara ãi. 13Na eperãarãpa pɨmaa pꞌoyaa akꞌɨpida–e ãchia wãarata jara pꞌanɨ. 14Wãara mɨa ijãa bɨ Tachi Akꞌõre Ode Pꞌanɨɨrã apata ijãa pꞌanɨkꞌa. Mɨ ɨtꞌaa tꞌɨ̃pari tachi chonaarãwedapema Akꞌõremaa mãikꞌaapa ijãa bɨ Moisepa pꞌãdade jara bɨ, ichiaba Tachi Akꞌõre pedee jarapataarãpa pꞌãdapꞌedaade jara bɨ. Nata mɨa kꞌachia ooda a pꞌanɨ nama pꞌanɨɨrãpa. 15Mɨa ijãa bɨ ãchikꞌa; Tachi Akꞌõrepa piudapꞌedaarã chokꞌai pꞌirabaipiitꞌee, eperã tꞌãri pia beerã mãikꞌaapa eperã tꞌãri kꞌachia–idaa beerã. 16Mapa mɨa jõma oopari kꞌĩsia pꞌua–ee baitꞌee Tachi Akꞌõre kꞌĩrapite mãikꞌaapa eperãarã kꞌĩrapite.
17ʼMamĩda taarã nipapꞌeda#24.17 Pia jaraitꞌeera, Año chokꞌara–e nipapꞌeda. to bee chaa, cheji mɨchi aukꞌaarãmaa Jerusalende, teeitꞌee pꞌaratꞌa pꞌedapꞌedaa chupɨria beerã kꞌaripaitꞌee. Ma awara cheji ne–animalaarã teeitꞌee pꞌaareerãpa peedapꞌeda, paadamerã Tachi Akꞌõre–itꞌee. 18Mãpai jõma oopꞌeda Tachi Akꞌõre tede tꞌĩu pia beeitꞌee, mama tꞌĩuji. Maapꞌeda Tachi Akꞌõre–itꞌee ne–inaa teemaa bɨde, Asiadepema judiorãpa mɨ unujida. Mamĩda chĩara ome pida chõo–e paji. 19Maperã ãchita pɨ kꞌĩrapite chekꞌajida mɨ ɨmɨateede, wãara kꞌachia oo baji pɨrã. 20Maa–e pɨrã nama see nɨ̃bɨɨrãmaa iidíji kꞌãare kꞌachiata unujida mɨ wãkꞌãri Junta Suprema kꞌĩrapite Jerusalende. 21¿Kꞌachia ooji–epaama aji, ãchi kꞌĩrapite mɨa golpe pedeekꞌãri: “Idipema ewari parã kꞌĩrapite mɨ aneeruta ijãa bairã tachi piupꞌeda chokꞌai pꞌirabaidaitꞌee?”
22Felixpa mãga ũrikꞌãri, jaraji ma nepɨra ichiakꞌau bɨdaitꞌee soldaorã poro waibɨa Lisias cheru misa. Mãga jaraji pia kꞌawa bada perã sãga pꞌanapata Tachi Akꞌõre Ode Pꞌanɨɨrã.
23Mãpai Felixpa soldaorã poromaa jaraji Pablo jɨ̃a paraa bɨdamerã, mamĩda ichiakꞌau akꞌɨ chepipataadamerã chi kꞌõpꞌãyoorãmaa.
24Maapꞌeda taarãpai Félix waya pacheji chi wẽra Drusila ome. Mãgɨ́ judío wẽra paji. Pachedakꞌãri, Felixpa Pablo tꞌɨ̃ pëiji kꞌawaaitꞌee irua ijãada Jesucristode. 25Mamĩda Pablopa jaramaa bɨde tꞌãri pia nipapariimerã Tachi Akꞌõre kꞌĩrapite mãikꞌaapa kꞌĩra jĩpꞌa bapariimerã, ichiaba tachi piuda tꞌẽepai Tachi Akꞌõrepa akꞌɨitꞌee tachia pia oodapꞌedaa mãikꞌaapa kꞌachia oodapꞌedaa, Félix pꞌeradachi. Mãpai mãgaji:
—Jãgapai pia bɨda aji. Na ewari jua pari bakꞌãri, waya pɨ tꞌɨ̃ pëiitꞌeeda aji.
26Ma tꞌẽepai, Felixpa Pablo ipꞌii tꞌɨ̃ pëipachi, kꞌĩsia bada perã Pablopa pꞌaratꞌa pꞌaai, ichi juadeepa uchia pëimerã. 27Año omé mãgá wãyaaji. Ma tꞌẽepai Félix pari tꞌĩuji awaraa eujã akꞌɨpari, tꞌɨ̃jarapatapꞌedaa Porcio Festo. Mamĩda Félix judiorã ome pia bee kꞌinia bada perã, Pablo preso bëiji.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.