Hechos 21
21
Pablo Jerusalendee wãda
1Mãgá despediidapꞌeda, barcode tai bataujida mãikꞌaapa wãjida Cos isladee. Aɨ norema wãjida Rodas isladee. Mamãikꞌaapa panajida Pátara pꞌuurude. 2Mama barco Fenicia eujãdee wã nipadade bataujida mãikꞌaapa wãjida. 3Ma wãdade Chipre isla unujida tai juabi eere. Mata wãjida Siria eujãde Tiro pꞌuurude panarutamaa, mama netꞌaa barcode atee wãdapꞌedaa atabëidaitꞌee pada perã. 4Mama ijãapataarã jɨrɨdakꞌãri, unu atajida mãikꞌaapa ewari siete pꞌaneejida ãra ome. Mama bɨde Tachi Akꞌõre Jaurepa ma ijãapataarãmaa kꞌawapiji Pablo Jerusalende pꞌasaitꞌee. Mapa irumaa jarajida wãnaamerã. 5Mãga jarajida mĩda, tomiamaa tai mamãikꞌaapa uchiajida. Mãpai ijãapataarã ãchi wẽra mãikꞌaapa chi warrarã ome pꞌuurudeepa taawaa tai kꞌõpꞌãya tee chejida pꞌusa ide. Ma ipude bedabaijida mãikꞌaapa jõmaweda Tachi Akꞌõremaa ɨtꞌaa tꞌɨ̃jida. 6Maapꞌeda, despediidapꞌeda, tai wãjida barcode. Jõdee, ma ijãapataarã ãchi te chaa erreujida.
7Tiro pꞌuurudeepa tai wãjida. Mata panajida Tolemaida pꞌuurude. Mama ijãapataarã ome ewari aba pꞌaneejida. 8Aɨ norema uchiadakꞌãri, panajida Cesarea pꞌuurude. Mama panadakꞌãri, wãjida Tachi Akꞌõre Ũraa jarateepari Felipe temaa. Mãgɨ́ Felipe Cristopa jɨrɨtꞌeradaarã kꞌaripapataarã sietedepema paji. Mama pꞌaneejida. 9Felipepa kꞌau kꞌĩmari iru baji, atꞌãri ɨmɨkꞌĩra wẽe. Mãɨrãpa jarapachida Tachi Akꞌõre Jaurepa jarapidakꞌa. 10Mama taarã pꞌanɨde Judea eujãdeepa cheji Tachi Akꞌõre pedee jarapari, tꞌɨ̃jarapatapꞌedaa Agabo. 11Taimaa pachekꞌãri, Pablo kꞌɨrrɨde jɨ̃pari ẽra ataji. Mãpai Agabopa ichi jua bɨɨrɨ ome pꞌãrajɨ̃ akꞌɨ beeji mãikꞌaapa mãgaji:
—Tachi Akꞌõre Jaurepa jara bɨ: “Jerusalende judiorãpa nãgá oodaitꞌee nãgɨ́ kꞌɨrrɨde jɨ̃pari chipari ome, iru judio–eerã poroorã jua ekꞌari bɨdakꞌãri.”
12Taipa mãikꞌaapa Cesareadepema ijãapataarãpa mãga ũridakꞌãri, Pablomaa enenee jõneejida Jerusalendee wãnaamerã. 13Mamĩda irua mãgaji:
—¿Kꞌãare–itꞌee jãkꞌɨara jẽe pꞌanɨma? aji. Mɨ tꞌãri pꞌuapitꞌaaruta. Ichita mɨ wãitꞌee Jerusalendee jɨ̃ nɨ̃bɨruta pɨjida, ma awara peetꞌaaruta pɨjida, mɨa Cristopa ooda jaratee bɨ kꞌaurepa.
14Tai pedee ũri–e pada perã, ichiakꞌau bɨjida. Jĩpꞌa Tachi Akꞌõre juade bɨjida, Tachi Akꞌõrepa ichiakꞌau oomerã ichia oo kꞌiniata.
15Maapꞌeda, netꞌaa pꞌe atadapꞌeda, wãjida Jerusalendee. 16Cesareadepema ijãapataarã ũkꞌuru wãjida tai ome, ateedaitꞌee Chipre isladepema Mnasón apatapꞌedaa temaa, Jerusalende bɨ. Mãgɨ́ eperã taarã weda Cristode ijãa bapachi.
Pablo Santiagomaa pꞌasiade wãda
17Jerusalende panadakꞌãri, ijãapataarãpa o–ĩa tai auteebaijida. 18Aɨ norema Pablo tai ome Santiagomaa wãji. Mama ichiaba ijãapataarã akꞌɨpataarã pꞌanajida. 19Pablopa saludaapꞌeda, nepɨrɨji jõma Tachi Akꞌõrepa ooda ichi kꞌapꞌɨa pari judio–eerã tꞌãide. 20Mãga ũridakꞌãri, o–ĩa para beeji mãikꞌaapa ɨtꞌaa tꞌɨ̃jida Tachi Akꞌõremaa jaradaitꞌee iruta jõmaarã kꞌãyaara waibɨara bɨ. Mãpai Pablomaa mãgajida:
—Ɨ̃pema Pablo, pɨa kꞌawa bɨda ajida, nãpema judiorã cho–kꞌara Cristode ijãa pꞌanɨ. Mamĩda atꞌãri kꞌĩsia pꞌanɨ Moisepa pꞌãdade jara bɨkꞌa oodaipia bɨ. 21Mãgɨɨrãpa ũri pꞌanɨ pɨa judiorã awaraa eujãde pꞌanɨɨrãmaa jaratee ni Moisepa pꞌãdade jara bɨkꞌa oonaadamerã, mãikꞌaapa warra kꞌapꞌɨade tauchaa bɨnaadamerã, ma awara ne–inaa chonaarãweda oopatapꞌedaa oonaadamerã. 22Maperã, ¿taipa sãga oodaima? Ãrapa pɨ nama che bɨ kꞌawaa atadaitꞌee. 23Mapa nãga oopáde aji: nama ijãapataarã kꞌĩmariirãpa Tachi Akꞌõremaa jaradapꞌedaakꞌa ewaa oodaitꞌee, waya iru tede tꞌĩu pia pꞌaneedamerã. 24Pɨchi ome pꞌe ateepáde aji, mãikꞌaapa pꞌaapáde aji, ãchimaa pꞌaapipataarãpa iidi pꞌanɨ. Oodapáde aji, Tachi Akꞌõre Ũraade jara bɨkꞌa; puda tꞌɨɨpidamerã mãikꞌaapa Tachi Akꞌõre tede tꞌĩu pia pꞌaneedamerã. Mãgá ooru pɨrã, jõmaarãpa kꞌawaadai pɨ ãpɨte seewa nepɨrɨ pꞌanɨ. Ma awara pɨa mãgá ãramaa akꞌɨpii Moisepa pꞌãdade jara bɨkꞌa ichiaba oopari. 25Jõdee mãga oopi kꞌiniada–e judio–eerãmaa, ichiaba Cristode ijãadakꞌãri. Jĩpꞌa taipa ãramaa pꞌã pëi pꞌanɨ: kꞌonaadamerã nechiara ata bɨdapꞌedaa ne–inaa eperãpa ooda kꞌĩrapite, aɨ kꞌĩrapite ɨtꞌaa tꞌɨ̃pata; kꞌonaadamerã ne–inaa waa maa–e pɨrã ne–animal ɨ̃yapa jɨ̃a piuda chiara mãikꞌaapa pariatua pꞌekꞌau oonaadamerã.
Pablo Tachi Akꞌõre te waibɨade jita atadapꞌedaa
26Aɨ norema Pablopa ma eperãarã kꞌĩmari ateeji Tachi Akꞌõre temaa. Oojida Moisepa pꞌãdade jara bɨkꞌa tꞌĩu pia pꞌanadamerã Tachi Akꞌõre te waibɨade. Maapꞌeda Pablo tꞌĩuji Tachi Akꞌõre tede jaraitꞌee sãapaita Tachi Akꞌõremaa ãchia jaradapꞌedaa jõdaitꞌee mãikꞌaapa sãapaita ãchia ne–animalaarã ateedaitꞌee pꞌaareerãmaa peedapꞌeda, paadamerã Tachi Akꞌõre–itꞌee.
27Ewari siete jõitꞌee nɨ̃bɨde ma eperã kꞌĩmari jõdaitꞌee paji ãchia oodaitꞌee bada tꞌĩu pia pꞌaneedamerã Tachi Akꞌõre te waibɨade. Mama pꞌanɨde Ásia eujãdepema judiorãpa Pablo unu atajida Tachi Akꞌõre te waibɨade. Mapa ãchia arii pꞌanadapꞌedaarã kꞌĩraupikꞌoojida. Pablo jita atadapꞌeda, biajida:
28—Israel pidaarã, tai kꞌaripátɨ. Nãgɨ́ eperãpa pꞌuuru bee chaa ne–inaa kꞌachia jaratee ni tachi judiorã ãpɨte. Jaratee bɨ Moisepa pꞌãdade jara bɨkꞌa oonaadamerã mãikꞌaapa pedee kꞌachia jara bɨ na te ãpɨte. Ma awara judio–eerã tꞌĩupiji nama, mãgeerã Tachi Akꞌõrepa tꞌĩupiikꞌaraa bɨda a bɨ mĩda. Mãgá Tachi Akꞌõre te waibɨa kꞌachia oomaa bɨ.
29Mãga biapachida aɨ naaweda Pablo unudapꞌedaa perã pꞌuuru jãde ni Trófimo ome. Mãgɨ́ Éfeso pꞌuurudepema paji. Ma omé unudapꞌedaa perã mãgá, judiorãpa kꞌĩsiajida Pablopa ma eperã aukꞌa tꞌĩupiji Tachi Akꞌõre tede.
30Ma kꞌaurepata pꞌuuru pidaarã jõmaweda kꞌĩrau para beeji. Mãpai eperãarã pꞌĩsua cheepuru nɨ̃beeji. Pablo jita atajida mãikꞌaapa jidi babataa atadachida Tachi Akꞌõre temãiipa. Aramata Tachi Akꞌõre te jɨ̃apataarãpa chi tꞌĩupata jõmaweda jɨ̃ajida. 31Mãga nɨde taawa Pablo peetꞌaadaitꞌee pakꞌãri, Romadepema soldaorã poro waibɨamaa jaranajida pꞌuuru pidaarã jõma kꞌĩrau para nɨ̃bɨ. 32Aramata ichi soldaorã pꞌe atapꞌeda, awaraa poroorã ome pꞌira chejida see nɨ̃badamaa. Ma soldaorã poro waibɨa chi soldaorã ome cheruta unudakꞌãri, eperãarãpa Pablo ichiakꞌau bɨjida. 33Mãpai ma soldaorã poro waibɨa chepꞌeda, Pablo jita ataji mãikꞌaapa cadena omeepa jɨ̃ nɨ̃bɨpiji. Maapꞌeda eperãarãmaa iidiji kꞌasaa tꞌɨ̃jarapata jã eperã mãikꞌaapa kꞌãare kꞌachiata ooji. 34Biukꞌa nɨ̃beeji; abaapa ne–inaa jarapachi, awaraapa ne–inaa awara. Mapa chi soldaorã poro waibɨapa pꞌoyaa kꞌawa–e paji kꞌasaa jara para bɨ. Maperã jaraji soldaorãmaa ãchi temaa ateedamerã. 35Soldaorã temãi tomede panadakꞌãri, Pablo ɨtꞌɨ́ jira ateejida eperãarã waidoopa, 36eperãarã tꞌẽe bia wãdapꞌedaa perã:
—¡Peetꞌáatɨ!
Pablopa judiorãmaa jarada
37Mamĩda teeda panadai naaweda, griego pedeede Pablopa mãgaji ma soldaorã poro waibɨamaa:
—Mɨ pɨ ome arakꞌatɨa pedee kꞌinia bɨda aji.
Mãpai mãgɨ́ poro waibɨapa pꞌanauji:
—¿Pɨa griego pedee kꞌawa bɨ–ekꞌã? aji. 38¿Mãgara pɨ–ekꞌã aji, jã Egipto pidapa mẽepemaarã cuatro mil ateeda eujã pania wẽe bɨmaa?
39Pablopa pꞌanauji:
—Mãga–eda aji. Mɨ judiopɨ Tarso pꞌuurudepema. Mãgɨ́ pꞌuuru Cilicia eujãde bɨ. Mɨ ma pꞌuuru pipɨara bɨdepemapɨ. Mɨ chupɨria pedeepipáde aji, eperãarãmaa.
40Mãpai mãgɨ́ soldaorã poro waibɨapa pedeepiji. Pablo tomede bainɨ̃ beepꞌeda, juapa eperãarãmaa jaraji kꞌĩupꞌee pꞌaneedamerã. Eperãarã kꞌĩupꞌee para beekꞌãri, Pablo hebreo pedeede pedeeji.
Currently Selected:
Hechos 21: sjaB
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.
Hechos 21
21
Pablo Jerusalendee wãda
1Mãgá despediidapꞌeda, barcode tai bataujida mãikꞌaapa wãjida Cos isladee. Aɨ norema wãjida Rodas isladee. Mamãikꞌaapa panajida Pátara pꞌuurude. 2Mama barco Fenicia eujãdee wã nipadade bataujida mãikꞌaapa wãjida. 3Ma wãdade Chipre isla unujida tai juabi eere. Mata wãjida Siria eujãde Tiro pꞌuurude panarutamaa, mama netꞌaa barcode atee wãdapꞌedaa atabëidaitꞌee pada perã. 4Mama ijãapataarã jɨrɨdakꞌãri, unu atajida mãikꞌaapa ewari siete pꞌaneejida ãra ome. Mama bɨde Tachi Akꞌõre Jaurepa ma ijãapataarãmaa kꞌawapiji Pablo Jerusalende pꞌasaitꞌee. Mapa irumaa jarajida wãnaamerã. 5Mãga jarajida mĩda, tomiamaa tai mamãikꞌaapa uchiajida. Mãpai ijãapataarã ãchi wẽra mãikꞌaapa chi warrarã ome pꞌuurudeepa taawaa tai kꞌõpꞌãya tee chejida pꞌusa ide. Ma ipude bedabaijida mãikꞌaapa jõmaweda Tachi Akꞌõremaa ɨtꞌaa tꞌɨ̃jida. 6Maapꞌeda, despediidapꞌeda, tai wãjida barcode. Jõdee, ma ijãapataarã ãchi te chaa erreujida.
7Tiro pꞌuurudeepa tai wãjida. Mata panajida Tolemaida pꞌuurude. Mama ijãapataarã ome ewari aba pꞌaneejida. 8Aɨ norema uchiadakꞌãri, panajida Cesarea pꞌuurude. Mama panadakꞌãri, wãjida Tachi Akꞌõre Ũraa jarateepari Felipe temaa. Mãgɨ́ Felipe Cristopa jɨrɨtꞌeradaarã kꞌaripapataarã sietedepema paji. Mama pꞌaneejida. 9Felipepa kꞌau kꞌĩmari iru baji, atꞌãri ɨmɨkꞌĩra wẽe. Mãɨrãpa jarapachida Tachi Akꞌõre Jaurepa jarapidakꞌa. 10Mama taarã pꞌanɨde Judea eujãdeepa cheji Tachi Akꞌõre pedee jarapari, tꞌɨ̃jarapatapꞌedaa Agabo. 11Taimaa pachekꞌãri, Pablo kꞌɨrrɨde jɨ̃pari ẽra ataji. Mãpai Agabopa ichi jua bɨɨrɨ ome pꞌãrajɨ̃ akꞌɨ beeji mãikꞌaapa mãgaji:
—Tachi Akꞌõre Jaurepa jara bɨ: “Jerusalende judiorãpa nãgá oodaitꞌee nãgɨ́ kꞌɨrrɨde jɨ̃pari chipari ome, iru judio–eerã poroorã jua ekꞌari bɨdakꞌãri.”
12Taipa mãikꞌaapa Cesareadepema ijãapataarãpa mãga ũridakꞌãri, Pablomaa enenee jõneejida Jerusalendee wãnaamerã. 13Mamĩda irua mãgaji:
—¿Kꞌãare–itꞌee jãkꞌɨara jẽe pꞌanɨma? aji. Mɨ tꞌãri pꞌuapitꞌaaruta. Ichita mɨ wãitꞌee Jerusalendee jɨ̃ nɨ̃bɨruta pɨjida, ma awara peetꞌaaruta pɨjida, mɨa Cristopa ooda jaratee bɨ kꞌaurepa.
14Tai pedee ũri–e pada perã, ichiakꞌau bɨjida. Jĩpꞌa Tachi Akꞌõre juade bɨjida, Tachi Akꞌõrepa ichiakꞌau oomerã ichia oo kꞌiniata.
15Maapꞌeda, netꞌaa pꞌe atadapꞌeda, wãjida Jerusalendee. 16Cesareadepema ijãapataarã ũkꞌuru wãjida tai ome, ateedaitꞌee Chipre isladepema Mnasón apatapꞌedaa temaa, Jerusalende bɨ. Mãgɨ́ eperã taarã weda Cristode ijãa bapachi.
Pablo Santiagomaa pꞌasiade wãda
17Jerusalende panadakꞌãri, ijãapataarãpa o–ĩa tai auteebaijida. 18Aɨ norema Pablo tai ome Santiagomaa wãji. Mama ichiaba ijãapataarã akꞌɨpataarã pꞌanajida. 19Pablopa saludaapꞌeda, nepɨrɨji jõma Tachi Akꞌõrepa ooda ichi kꞌapꞌɨa pari judio–eerã tꞌãide. 20Mãga ũridakꞌãri, o–ĩa para beeji mãikꞌaapa ɨtꞌaa tꞌɨ̃jida Tachi Akꞌõremaa jaradaitꞌee iruta jõmaarã kꞌãyaara waibɨara bɨ. Mãpai Pablomaa mãgajida:
—Ɨ̃pema Pablo, pɨa kꞌawa bɨda ajida, nãpema judiorã cho–kꞌara Cristode ijãa pꞌanɨ. Mamĩda atꞌãri kꞌĩsia pꞌanɨ Moisepa pꞌãdade jara bɨkꞌa oodaipia bɨ. 21Mãgɨɨrãpa ũri pꞌanɨ pɨa judiorã awaraa eujãde pꞌanɨɨrãmaa jaratee ni Moisepa pꞌãdade jara bɨkꞌa oonaadamerã, mãikꞌaapa warra kꞌapꞌɨade tauchaa bɨnaadamerã, ma awara ne–inaa chonaarãweda oopatapꞌedaa oonaadamerã. 22Maperã, ¿taipa sãga oodaima? Ãrapa pɨ nama che bɨ kꞌawaa atadaitꞌee. 23Mapa nãga oopáde aji: nama ijãapataarã kꞌĩmariirãpa Tachi Akꞌõremaa jaradapꞌedaakꞌa ewaa oodaitꞌee, waya iru tede tꞌĩu pia pꞌaneedamerã. 24Pɨchi ome pꞌe ateepáde aji, mãikꞌaapa pꞌaapáde aji, ãchimaa pꞌaapipataarãpa iidi pꞌanɨ. Oodapáde aji, Tachi Akꞌõre Ũraade jara bɨkꞌa; puda tꞌɨɨpidamerã mãikꞌaapa Tachi Akꞌõre tede tꞌĩu pia pꞌaneedamerã. Mãgá ooru pɨrã, jõmaarãpa kꞌawaadai pɨ ãpɨte seewa nepɨrɨ pꞌanɨ. Ma awara pɨa mãgá ãramaa akꞌɨpii Moisepa pꞌãdade jara bɨkꞌa ichiaba oopari. 25Jõdee mãga oopi kꞌiniada–e judio–eerãmaa, ichiaba Cristode ijãadakꞌãri. Jĩpꞌa taipa ãramaa pꞌã pëi pꞌanɨ: kꞌonaadamerã nechiara ata bɨdapꞌedaa ne–inaa eperãpa ooda kꞌĩrapite, aɨ kꞌĩrapite ɨtꞌaa tꞌɨ̃pata; kꞌonaadamerã ne–inaa waa maa–e pɨrã ne–animal ɨ̃yapa jɨ̃a piuda chiara mãikꞌaapa pariatua pꞌekꞌau oonaadamerã.
Pablo Tachi Akꞌõre te waibɨade jita atadapꞌedaa
26Aɨ norema Pablopa ma eperãarã kꞌĩmari ateeji Tachi Akꞌõre temaa. Oojida Moisepa pꞌãdade jara bɨkꞌa tꞌĩu pia pꞌanadamerã Tachi Akꞌõre te waibɨade. Maapꞌeda Pablo tꞌĩuji Tachi Akꞌõre tede jaraitꞌee sãapaita Tachi Akꞌõremaa ãchia jaradapꞌedaa jõdaitꞌee mãikꞌaapa sãapaita ãchia ne–animalaarã ateedaitꞌee pꞌaareerãmaa peedapꞌeda, paadamerã Tachi Akꞌõre–itꞌee.
27Ewari siete jõitꞌee nɨ̃bɨde ma eperã kꞌĩmari jõdaitꞌee paji ãchia oodaitꞌee bada tꞌĩu pia pꞌaneedamerã Tachi Akꞌõre te waibɨade. Mama pꞌanɨde Ásia eujãdepema judiorãpa Pablo unu atajida Tachi Akꞌõre te waibɨade. Mapa ãchia arii pꞌanadapꞌedaarã kꞌĩraupikꞌoojida. Pablo jita atadapꞌeda, biajida:
28—Israel pidaarã, tai kꞌaripátɨ. Nãgɨ́ eperãpa pꞌuuru bee chaa ne–inaa kꞌachia jaratee ni tachi judiorã ãpɨte. Jaratee bɨ Moisepa pꞌãdade jara bɨkꞌa oonaadamerã mãikꞌaapa pedee kꞌachia jara bɨ na te ãpɨte. Ma awara judio–eerã tꞌĩupiji nama, mãgeerã Tachi Akꞌõrepa tꞌĩupiikꞌaraa bɨda a bɨ mĩda. Mãgá Tachi Akꞌõre te waibɨa kꞌachia oomaa bɨ.
29Mãga biapachida aɨ naaweda Pablo unudapꞌedaa perã pꞌuuru jãde ni Trófimo ome. Mãgɨ́ Éfeso pꞌuurudepema paji. Ma omé unudapꞌedaa perã mãgá, judiorãpa kꞌĩsiajida Pablopa ma eperã aukꞌa tꞌĩupiji Tachi Akꞌõre tede.
30Ma kꞌaurepata pꞌuuru pidaarã jõmaweda kꞌĩrau para beeji. Mãpai eperãarã pꞌĩsua cheepuru nɨ̃beeji. Pablo jita atajida mãikꞌaapa jidi babataa atadachida Tachi Akꞌõre temãiipa. Aramata Tachi Akꞌõre te jɨ̃apataarãpa chi tꞌĩupata jõmaweda jɨ̃ajida. 31Mãga nɨde taawa Pablo peetꞌaadaitꞌee pakꞌãri, Romadepema soldaorã poro waibɨamaa jaranajida pꞌuuru pidaarã jõma kꞌĩrau para nɨ̃bɨ. 32Aramata ichi soldaorã pꞌe atapꞌeda, awaraa poroorã ome pꞌira chejida see nɨ̃badamaa. Ma soldaorã poro waibɨa chi soldaorã ome cheruta unudakꞌãri, eperãarãpa Pablo ichiakꞌau bɨjida. 33Mãpai ma soldaorã poro waibɨa chepꞌeda, Pablo jita ataji mãikꞌaapa cadena omeepa jɨ̃ nɨ̃bɨpiji. Maapꞌeda eperãarãmaa iidiji kꞌasaa tꞌɨ̃jarapata jã eperã mãikꞌaapa kꞌãare kꞌachiata ooji. 34Biukꞌa nɨ̃beeji; abaapa ne–inaa jarapachi, awaraapa ne–inaa awara. Mapa chi soldaorã poro waibɨapa pꞌoyaa kꞌawa–e paji kꞌasaa jara para bɨ. Maperã jaraji soldaorãmaa ãchi temaa ateedamerã. 35Soldaorã temãi tomede panadakꞌãri, Pablo ɨtꞌɨ́ jira ateejida eperãarã waidoopa, 36eperãarã tꞌẽe bia wãdapꞌedaa perã:
—¡Peetꞌáatɨ!
Pablopa judiorãmaa jarada
37Mamĩda teeda panadai naaweda, griego pedeede Pablopa mãgaji ma soldaorã poro waibɨamaa:
—Mɨ pɨ ome arakꞌatɨa pedee kꞌinia bɨda aji.
Mãpai mãgɨ́ poro waibɨapa pꞌanauji:
—¿Pɨa griego pedee kꞌawa bɨ–ekꞌã? aji. 38¿Mãgara pɨ–ekꞌã aji, jã Egipto pidapa mẽepemaarã cuatro mil ateeda eujã pania wẽe bɨmaa?
39Pablopa pꞌanauji:
—Mãga–eda aji. Mɨ judiopɨ Tarso pꞌuurudepema. Mãgɨ́ pꞌuuru Cilicia eujãde bɨ. Mɨ ma pꞌuuru pipɨara bɨdepemapɨ. Mɨ chupɨria pedeepipáde aji, eperãarãmaa.
40Mãpai mãgɨ́ soldaorã poro waibɨapa pedeepiji. Pablo tomede bainɨ̃ beepꞌeda, juapa eperãarãmaa jaraji kꞌĩupꞌee pꞌaneedamerã. Eperãarã kꞌĩupꞌee para beekꞌãri, Pablo hebreo pedeede pedeeji.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.