San Lucas 4
4
Satanás Jesústau jiobek ä jioptuabáreka
(Mt. 4:1-11; Mr. 1:12-13)
1Jesús, Espíritu Santoy tápunika, Jordán bathue bétana yepsak. Huanäi mékka ániau see päriau bíchaa ä núk siika, jü Espíritu, 2cuarenta taahuarimpo. Huanäi jü diablo tepa áamak aaney, ä jioptua báreka, kaa tühuata ä yáa ïaka. Sïme huameri taahuarimmechi kaa jïbuäk, huamei taahuarim simsuko tébäurek. 3Huanäi jü diablo ínel áu jiaahuak:
—Bueïtuk empo Diosta Üusituko, íkäi tétatë emo pan yáa sáuhue.
4Jesús ä yómmiaka ínel áu jiaahuak:
—Júnel jïojteri: “Kaa kía páanimmea jíba jíapsinake jü yoreme, ál‑la sïme Diosta nokiyi.”
5Huanäi jü diablo káhuit chë jikat ä núk siika, huanäi chúbalaposu rey nesaupo attiata ä bíttuak, pueblo tüisi ujyorim éntok bueerem, ä bíttuak. 6Huanäi ínel áu jiaahuak jü diablo:
—Enchine ä máknake sïme úttiärata, enchi ä sáunakë béchïbo. Entok juka bem looria. Bueïtuk ínapo ä mak‑ri; entok jabeta ín ä makbareu ä maknake. 7Të ál‑lë inou tónommia kíkteka nee yörinake. Huanärë sïmeta íkäirë áttianake.
8Huanäi Jesús ä yómmiaka ínel áu jiaahuak:
—Mékkë siime, Satanás, bueïtuk ínel jïojteri: “Juka Señorta em Diostë yörinake, éntoke áapörik jíba nésauta jorianake.”
9Huanäi buere joära Jerusaléniu bíchaa ä núk siika. Huämi béja buere tiöpot chë jikat ä kéchaka ínel áu jiaahuak:
—Empo Diosta Üusituko, buíahuë emo kóm tójja, 10bueïtuk ínel jïojteri:
Dios jume ä ángelesim émou bíttuanake, enchi am anianakë béchïbo.
11Éntokim mámammea enchi tóboktianake,
em guókim kaa tétat tëitinakë béchïbo.
12Jesús ä yómmiaka ínel áu jiaahuak:
—Ínel két nok‑ri: “Katë Diosta em Señorta jíoptuanake.”
13Huanäi jü diablo, kaachin béja ä bäitäu máchika, chubala ä tö siika.
Jesús ä tékilhua naatek
(Mt. 4:12-17; Mr. 1:14-15)
14Huanäi Jesús, Espíritu Santota úttia huériaka, Galiléa buiärau nóttek. Buéresi tayahuay, sïme buíachi ä chíkola. 15Huanäi éntok bem sinagogampo am majtiay. Sïmetakam ä úttiley ä looriapo.
Jesús jum pueblo Nazaretpo
(Mt. 13:53-58; Mr. 6:1-6)
16Bueïtuk Nazaretpo yepsak, ä yötuläpo. Jíba ä boojoriapo bénasi, jimyore táapo sinagogapo kibakek, huanäi jïojterita nok báreka kíktek. 17Huanäi éntok profeeta Isaíasta librom áu tóijhuak, librom étapoka, ínel jïojteta áma bitchak:
18Señorta Espíritu ino béppa aane,
áapo nee áma yeu púala tühuata bemelasi huémta jume poloobemmeu nee ejtejhuä ïaaka.
Jume jiokot sirokamta jiápsekame nee tüte ïaaka nee äbo bíttuak,
pereesommet éntok chay ïaaka jáchin bem búttiatunakëhui,
éntok liliptim puj etaponakë béchïbo,
éntok jume jiokot nühuame am búttiaseka,
19jume türi huásuktiriam Señorta bétana ámeu yebijnakëhui, ámeu nee nok ïaaka.
20Huanäi jume librom páttiaka, jü áma tékiakamtau am buíssek. Huanäi yejtek. Sïme jume sinagogapo aneme áachim puseka taahuak, 21huanäi ínel ámeu nok táytek:
—Én ímï enchim bíchäpo lútüriataka chúppe, ïri jïojteri.
22Éntok sïmetaka ujyorisi jíba áa bétana nookay, éntokim át guómtilataka ä jíkkajay, juka nokta tua huéchiasi huémta jíba ä tempo ä yeu huë tíaka. Huanärim ínel jiaahua:
—¿Jachu ïri kaa Joséta üusi?
23Huanäi Jesús ínel ámeu jiaahuak:
—Jamakem juka nokta ínel huémta inou nok báare: “Mérico, émpë emo jítto. Yúnte jita jíkkaij‑la pueblo Capernaumpo em yáakähui. Ímïre em buiärapo két ä yáuhua.”
24Huanäi éntok két ínel jiaahuak:
—Kaabe profeeta tüisi mabethua ä buiärapo. 25Tua huitti nokhuäpone ínel jiaunake, jum nación Israelpo juebena jáamuchim jókoptulame aaney, profeta Elíasta taahuarimmechi. Júnaköri báij huásukti áma búsan metpo kaita yúkutuko, buéresi tébaa siika, sïme ániachi. 26Të kaabetau éntok bíttuahuak jü Elías, huäri huépul jámut jókoptula, Sarepta Sidón buiära tíäpo jometau jíbba. 27Éntok juebena lepra sähuata jípureka Israelpo aaney, Eliseo profeetata taahuarimmechi. Kaabe éntok áma türiak, huäri Naamán Síriapo joome jíbba.
28Íkäi jíkkajaka sïme jum sinagogapo aneme, tüisim öomtek. 29Huanärim emo tóboktiaka, pueblopo yeu ä jaasek. Huanärim káhuit jikau ä núk sájjak, ámani káhuit jikat kóm ä jímmaa báreka. Bempo juka bem pueblota huäri káhuichim ä yáalatukay. 30Të áapo áme násuk yeu sika, siikak.
Huépül yoreme, lemooniota ä jiápsipo jípurey
(Mr. 1:21-28)
31Jesús pueblo Capernaumpo yeu yepsak, Galiléa buiärapo. Huanäi sábala jimyore taahuarit am majtiay. 32Tepam ä yosireka ä bitchay, jáchin yore ä majtiä bétana, bueïtuk jü ä nokihua, yäura nokta úttiära jípurey.
33Huépül yoreme sinagogapo aaney, lemoonio espíritu chïcha machik jípureka. Huäri béja tüisi kusisi tëka:
34—Itomë tójja; ¿jítasë empo itomak huáatia, Jesús Nazareno? ¿Jachë itom lütiaseka äbo huéiye? Ínapo enchi täya, enchi jábétukähui Diosta Santöe.
35Huanäi Jesús kutti áu nónokaka, ínel áu jiaahuak:
—¡Múksë kaa jiaahua, éntoke át yeu huéiye!
Huanäi jü lemoonio, áme násuk buíapo ä tátabeka, át yeu siika, éntok kaa kökosi ä yáuhuak. 36Huanärim sïme át guómtilataka taahuak, éntokim náu nookay, ínel jíakari:
—¿Jíta nokisa ïri? ¡Yäurata úttiäray am sáuhue, jume lemoonio espíritu chïcha maachim, éntokim yeu sásaka!
37Huanäi jü buéresi ä bétana hueme jíkkaij táytihuak, sïme jume pueblo natechíkola tahuammechi.
Jesús juka Perota aasu, kökoata úhuak
(Mt. 8:14-15; Mr. 1:29-31)
38Huanäi Jesús kíkteka sinagogapo yeu siika. Huanäi Símonta jóapo kibakek. Jü Símonta asu éntok tüisi táijhuétchey, huanärim Jesústau ä nok‑riak. 39Huanäi Jesús, át müla kóm chätuka, táijhuéchiriatat kusisi át nónokak, huanäi ä tójjak, jü táijhuéchiria. Läutiposu yejteka, jita am joriay.
Jesús juebena kökoreme tütek
(Mt. 8:16-17; Mr. 1:32-34)
40Täata áman huécheyo, génte yún buere jita kökoata jípureka áu nüpahuak. Áapo béja huehuëpulammet mámteka am tütek. 41Juebenammet éntok két lemooniom yeu kaatey, tepa chayeka, ínel jíakari:
—¡Émpë Diosta Üusi!
Të áapo lemoniommet kutti nookay, éntok kaa yún am noktuay, bueïtuk bempo tüisi jüneiyay, áapo jü Cristo äbo yebisnakëihui.
Jesús, Galiléa buiärapo naa hueiyey am majtiaka
(Mr. 1:35-39)
42Béja taahuapo, Jesús kethueysu, mékka päriau bíchaa siika. Jume géntem éntok ä jariay, áu yájaka éntok. Katim ä sim ïaaka, tepa áamak jiaahuay. 43Jesús éntok ínel ámeu jiaahuak:
—Të úttia huate buere jóärammeu ín huéenakeu két íkäi tühua bemelasi nokta, Diosta reytaka nésahue bétana ámeu nokpo yúmala. Bueïtukne huäri béchïbo äbo bíttuari.
44Huanäi Galiléa sinagogampo, juka Diosta nooki ámeu nookay.
Currently Selected:
San Lucas 4: mfy
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved
San Lucas 4
4
Satanás Jesústau jiobek ä jioptuabáreka
(Mt. 4:1-11; Mr. 1:12-13)
1Jesús, Espíritu Santoy tápunika, Jordán bathue bétana yepsak. Huanäi mékka ániau see päriau bíchaa ä núk siika, jü Espíritu, 2cuarenta taahuarimpo. Huanäi jü diablo tepa áamak aaney, ä jioptua báreka, kaa tühuata ä yáa ïaka. Sïme huameri taahuarimmechi kaa jïbuäk, huamei taahuarim simsuko tébäurek. 3Huanäi jü diablo ínel áu jiaahuak:
—Bueïtuk empo Diosta Üusituko, íkäi tétatë emo pan yáa sáuhue.
4Jesús ä yómmiaka ínel áu jiaahuak:
—Júnel jïojteri: “Kaa kía páanimmea jíba jíapsinake jü yoreme, ál‑la sïme Diosta nokiyi.”
5Huanäi jü diablo káhuit chë jikat ä núk siika, huanäi chúbalaposu rey nesaupo attiata ä bíttuak, pueblo tüisi ujyorim éntok bueerem, ä bíttuak. 6Huanäi ínel áu jiaahuak jü diablo:
—Enchine ä máknake sïme úttiärata, enchi ä sáunakë béchïbo. Entok juka bem looria. Bueïtuk ínapo ä mak‑ri; entok jabeta ín ä makbareu ä maknake. 7Të ál‑lë inou tónommia kíkteka nee yörinake. Huanärë sïmeta íkäirë áttianake.
8Huanäi Jesús ä yómmiaka ínel áu jiaahuak:
—Mékkë siime, Satanás, bueïtuk ínel jïojteri: “Juka Señorta em Diostë yörinake, éntoke áapörik jíba nésauta jorianake.”
9Huanäi buere joära Jerusaléniu bíchaa ä núk siika. Huämi béja buere tiöpot chë jikat ä kéchaka ínel áu jiaahuak:
—Empo Diosta Üusituko, buíahuë emo kóm tójja, 10bueïtuk ínel jïojteri:
Dios jume ä ángelesim émou bíttuanake, enchi am anianakë béchïbo.
11Éntokim mámammea enchi tóboktianake,
em guókim kaa tétat tëitinakë béchïbo.
12Jesús ä yómmiaka ínel áu jiaahuak:
—Ínel két nok‑ri: “Katë Diosta em Señorta jíoptuanake.”
13Huanäi jü diablo, kaachin béja ä bäitäu máchika, chubala ä tö siika.
Jesús ä tékilhua naatek
(Mt. 4:12-17; Mr. 1:14-15)
14Huanäi Jesús, Espíritu Santota úttia huériaka, Galiléa buiärau nóttek. Buéresi tayahuay, sïme buíachi ä chíkola. 15Huanäi éntok bem sinagogampo am majtiay. Sïmetakam ä úttiley ä looriapo.
Jesús jum pueblo Nazaretpo
(Mt. 13:53-58; Mr. 6:1-6)
16Bueïtuk Nazaretpo yepsak, ä yötuläpo. Jíba ä boojoriapo bénasi, jimyore táapo sinagogapo kibakek, huanäi jïojterita nok báreka kíktek. 17Huanäi éntok profeeta Isaíasta librom áu tóijhuak, librom étapoka, ínel jïojteta áma bitchak:
18Señorta Espíritu ino béppa aane,
áapo nee áma yeu púala tühuata bemelasi huémta jume poloobemmeu nee ejtejhuä ïaaka.
Jume jiokot sirokamta jiápsekame nee tüte ïaaka nee äbo bíttuak,
pereesommet éntok chay ïaaka jáchin bem búttiatunakëhui,
éntok liliptim puj etaponakë béchïbo,
éntok jume jiokot nühuame am búttiaseka,
19jume türi huásuktiriam Señorta bétana ámeu yebijnakëhui, ámeu nee nok ïaaka.
20Huanäi jume librom páttiaka, jü áma tékiakamtau am buíssek. Huanäi yejtek. Sïme jume sinagogapo aneme áachim puseka taahuak, 21huanäi ínel ámeu nok táytek:
—Én ímï enchim bíchäpo lútüriataka chúppe, ïri jïojteri.
22Éntok sïmetaka ujyorisi jíba áa bétana nookay, éntokim át guómtilataka ä jíkkajay, juka nokta tua huéchiasi huémta jíba ä tempo ä yeu huë tíaka. Huanärim ínel jiaahua:
—¿Jachu ïri kaa Joséta üusi?
23Huanäi Jesús ínel ámeu jiaahuak:
—Jamakem juka nokta ínel huémta inou nok báare: “Mérico, émpë emo jítto. Yúnte jita jíkkaij‑la pueblo Capernaumpo em yáakähui. Ímïre em buiärapo két ä yáuhua.”
24Huanäi éntok két ínel jiaahuak:
—Kaabe profeeta tüisi mabethua ä buiärapo. 25Tua huitti nokhuäpone ínel jiaunake, jum nación Israelpo juebena jáamuchim jókoptulame aaney, profeta Elíasta taahuarimmechi. Júnaköri báij huásukti áma búsan metpo kaita yúkutuko, buéresi tébaa siika, sïme ániachi. 26Të kaabetau éntok bíttuahuak jü Elías, huäri huépul jámut jókoptula, Sarepta Sidón buiära tíäpo jometau jíbba. 27Éntok juebena lepra sähuata jípureka Israelpo aaney, Eliseo profeetata taahuarimmechi. Kaabe éntok áma türiak, huäri Naamán Síriapo joome jíbba.
28Íkäi jíkkajaka sïme jum sinagogapo aneme, tüisim öomtek. 29Huanärim emo tóboktiaka, pueblopo yeu ä jaasek. Huanärim káhuit jikau ä núk sájjak, ámani káhuit jikat kóm ä jímmaa báreka. Bempo juka bem pueblota huäri káhuichim ä yáalatukay. 30Të áapo áme násuk yeu sika, siikak.
Huépül yoreme, lemooniota ä jiápsipo jípurey
(Mr. 1:21-28)
31Jesús pueblo Capernaumpo yeu yepsak, Galiléa buiärapo. Huanäi sábala jimyore taahuarit am majtiay. 32Tepam ä yosireka ä bitchay, jáchin yore ä majtiä bétana, bueïtuk jü ä nokihua, yäura nokta úttiära jípurey.
33Huépül yoreme sinagogapo aaney, lemoonio espíritu chïcha machik jípureka. Huäri béja tüisi kusisi tëka:
34—Itomë tójja; ¿jítasë empo itomak huáatia, Jesús Nazareno? ¿Jachë itom lütiaseka äbo huéiye? Ínapo enchi täya, enchi jábétukähui Diosta Santöe.
35Huanäi Jesús kutti áu nónokaka, ínel áu jiaahuak:
—¡Múksë kaa jiaahua, éntoke át yeu huéiye!
Huanäi jü lemoonio, áme násuk buíapo ä tátabeka, át yeu siika, éntok kaa kökosi ä yáuhuak. 36Huanärim sïme át guómtilataka taahuak, éntokim náu nookay, ínel jíakari:
—¿Jíta nokisa ïri? ¡Yäurata úttiäray am sáuhue, jume lemoonio espíritu chïcha maachim, éntokim yeu sásaka!
37Huanäi jü buéresi ä bétana hueme jíkkaij táytihuak, sïme jume pueblo natechíkola tahuammechi.
Jesús juka Perota aasu, kökoata úhuak
(Mt. 8:14-15; Mr. 1:29-31)
38Huanäi Jesús kíkteka sinagogapo yeu siika. Huanäi Símonta jóapo kibakek. Jü Símonta asu éntok tüisi táijhuétchey, huanärim Jesústau ä nok‑riak. 39Huanäi Jesús, át müla kóm chätuka, táijhuéchiriatat kusisi át nónokak, huanäi ä tójjak, jü táijhuéchiria. Läutiposu yejteka, jita am joriay.
Jesús juebena kökoreme tütek
(Mt. 8:16-17; Mr. 1:32-34)
40Täata áman huécheyo, génte yún buere jita kökoata jípureka áu nüpahuak. Áapo béja huehuëpulammet mámteka am tütek. 41Juebenammet éntok két lemooniom yeu kaatey, tepa chayeka, ínel jíakari:
—¡Émpë Diosta Üusi!
Të áapo lemoniommet kutti nookay, éntok kaa yún am noktuay, bueïtuk bempo tüisi jüneiyay, áapo jü Cristo äbo yebisnakëihui.
Jesús, Galiléa buiärapo naa hueiyey am majtiaka
(Mr. 1:35-39)
42Béja taahuapo, Jesús kethueysu, mékka päriau bíchaa siika. Jume géntem éntok ä jariay, áu yájaka éntok. Katim ä sim ïaaka, tepa áamak jiaahuay. 43Jesús éntok ínel ámeu jiaahuak:
—Të úttia huate buere jóärammeu ín huéenakeu két íkäi tühua bemelasi nokta, Diosta reytaka nésahue bétana ámeu nokpo yúmala. Bueïtukne huäri béchïbo äbo bíttuari.
44Huanäi Galiléa sinagogampo, juka Diosta nooki ámeu nookay.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved