Filipi Filipi vaḡa-foforina guruḡari
Filipi vaḡa-foforina guruḡari
Ekalesia doḡorona Filipi ai tu Paulo ema Silas ḡerina eḡorato, mo tu Paulo ḡena evanelia varivarina vaḡa-ruaruana eveiato taiminai (Apostolo 16).
Paulo na mai fefa tu Romai ediburato-ḡoi nuḡanai etoreato. Mai fefa tu laḡani 60 beiaḡo 61 fakanai ta etoreato, mo tu Iesu emaseto murinai.
Mai buka anina baregona tu “Iaku ema verere”, ema ḡena siri baregona tu karoa 4:4. Mai fefa nuḡanai “iaku” tu ḡutuma boiavi-ḡoitaḡorini: 1:4-6; 1:14-18; 1:25-26; 2:2; 2:14-16; 2:17-18; 2:25-29; 3:1-3; 4:4; 4:10-12; ema veḡabidadama, veuravini, nuḡa-sebona ema vetore-variḡo o vevaḡa-manau boḡo ḡitaiani tu iaku ḡenana etubu-raḡeni.
Mai fefa etoreato tu, 1) ekalesia doḡorona bene tanikiuri, ḡevarevare-viniato lorinai, ema bene vaḡa-ribari bevarivaririni; 2) bene launaḡiri, Keriso ḡena tuḡamaḡi beḡene tovotovoa, ḡeri tuḡamaḡi sebonai moḡo beḡene torea; 3) bene launaḡiri, taimi namori ai o rakavari ai beḡene iaku moḡo ema ḡeri vetarikaka Iesu Keriso ḡesi tu bene tanu asi bene iagaiaga.
Paulo na mai fefa tu maiḡesina eboioḡaiato:
1. Keriso tu ḡita ḡera maḡuri - karoa 1
2. Keriso tu ḡita ḡera tuḡamaḡi ai bene tanu - karoa 2
3. Keriso ḡenai matara bene tubukau - karoa 3
4. Keriso tu ḡita ḡera kokore korana - karoa 4
Currently Selected:
Filipi Filipi vaḡa-foforina guruḡari: sncNT
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.