Sirac 38
38
1Dayawen tako nan dodoktol isnan lebbengda ay maidayawan tay nan apo nan nang-idya isnan oblada. 2Nan laingda et nagapo isnan kangatowan ay apo daet gon-gonaan di aali daida. 3Gapo isnan laingda et maipapangatoda isnan saadda ya lispitowen nan mentolay daida.
4Nan apo nan nangboliw isnan ag-agas isnan batawa et adi omegyat nan nanemneman ay mang-osal. 6Inagtana nan ipogaw is laing ay men-agas tapno dayawen tako nan men-agas isnan kaskasdaaw ay ik-ikkana. 7-8Wada nan mangtimpla is agas esapay osalen nan doktol ay mang-iyagas is sakit ya mangkaan isnan men-ot-ot. Maid patenggan nan ik-ikkan nan apo ay mangpagawis isnan awak di ipogaw isnan batawa.
9Anakko, no mensakitka et adim baybay-an ay apedka masasakit nodi menlowaloka isnan apo et agasana sik-a. 10Ibagam nan am-in ay basolmo dakapay esaen nan nemnemmo ay mangpalinteg isnan biyagmo. 12Dakat paayagan nan doktol tay binoliw nan apo siya dakat pateeen isnan sag-enmo tay masapolmo siya. 13Wada nan timpo ay masapol ay mentalekka isnan laing nan doktol. 14Nan lowalon di doktol et ta badangan nan apo siya ay mang-agas isnan masakit ta gomawisda kasin.
Nan Maipanggep Nan Tap-in Di Men-obla
38:27-32
27Nan ipogaw ay mendoldolowing ya daida ay mang-ok-okit isnan napateg ay bato et kag-aw ya labi ay men-oblada ta gawigawis nan sapowenda. Padpadasenda ay mensapo is kanekaneg natatago nan ilana dadapay itoltoloy ay men-obla enggana ay tengan di labi tay kaytenda ay mangkewas isnan oblada.
28Siyangna gedan isnan menpanpanday isnan pagpandayanda. Nemnemnemenda no ngan di mangsapowanda isnan sinkapoted ay landok. Maatoatonganda ya menlingling-etda isnan dadang nan apoy ay menpandayanda. Matongegda pay isnan menmanmantilyowanda ay mangsokog isnan sapowenda. An-anosanda ay men-obla ay olay mapoyatanda ay men-ob-obla enggana ay ostoosto nan sapowenda.
29Siyangna gedan isnan mensapsapo is banga. Sin-agewda ay tomotokdo isnan pagsokogan di banga dapay polpoliwesen nan sikida nan pilid di pagsokogan. Ipapasnekda ay mensapo is banga dadapay nemnemnemen no kaat ay banga nan masapoda. 30Gatigatinanda nan kolayeng engganay mabalin ay sokogen nan ledeng. Makwas pay di et an-anosanda pay laeng ay mangpasileng isnan nasapo. Mapoyatanda gedan ay mangdaldalos isnan pogon ay maotowan di banga.
31Nalaing am-in datona ay ipogaw. Wasdinda getkegetken nan wasdinda obla. 32No maid datona et maid abes nan dadakke ay il-ili tay maid mentee wenno menbisita isnan ili ay maid nan naayda ay obla.
Dayawen Tako Nan Napowan Tako
44:1-10, 13, 14
Currently Selected:
Sirac 38: xnn
Highlight
Copy
Compare
Share
Want to have your highlights saved across all your devices? Sign up or sign in
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.