Oseas 6
6
1Dat kanan nan kaipoipogaw en, “Somagong tako isnan apo.
Pinaligatna datako ngem sigolado ay awnitna agasan datako.
Sinogatana datako ngem awnitna bedbedan nan sogat tako.
2Isnan dowa wenno tolo ay agew et awnitna tagowen datako
et awnit tako matatatatago isnan kad-ana.
3Getken tako ay siya nan tet-ewa ay apo
isonga ipapati tako ay manggetek pay kayet ken siya.
Nan katet-ewan nan awnitna omaliyan ken datako
et kaneg nan sigolado ay domatngan nan tan-o
ya nan tet-ewa ay domatngan di odan.”
4Ngem dat kanan nan apo en, “Ngan pay di ikkak ken dakayo Israel ya Juda?
Nan layadyo ken sak-en et dagos ay mammid
ay kaneg nan liboo isnan wakgawakgat ay mammid ay dagos
ya kaneg nan monglo ay masapa ay mamaid esapay makag-aw.
5Isonga inpaeyko nan mamadtok ay mang-ibaga
isnan ikkak ay men-okom ya mendadael.
6Nan laydek et nan mentoltoloy ay layadyo ken sak-en
ay baken nan palpaltiyenyo ay animal ay idatdatonyo.
Mas laylaydek ay getken nan ipogawko sak-en
mo nan menpop-oowanda is idatdatonda ken sak-en.”
Currently Selected:
Oseas 6: xnn
Highlight
Copy
Compare
Share
Want to have your highlights saved across all your devices? Sign up or sign in
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.
