Habakuk 1
1
Nan Lilin Habakuk
1:1-13
1Wada nan ipadamag nan apo isnan mamadtona ay si Habakuk.
2Dat menlili si Habakuk et kanana en,
“apo, aye pay di bayag di nindawatak is badangmo
esampay dengngen sak-en
ta isalakanmo dakami isnan naay golo.
3Ayta dakan ipalikna ken sak-en nan ado ay ligat?
Dakan pay ipalobos nan ngawi ay om-ommat?
Ado ay panangdadael ya golo nan wada isnan sag-enko
ya mensapsape ya mensongsongbat
nan kaipoipogaw isnan batawa.
4Gapo tay maid mang-ikaskaso isnan linteg
et maid polos osto is maikkan.
Nan gawis nan ik-ikkanda et maabakda isnan managdakdakes
isonga mabaliktad nan gawis.”
5Dat kanan nan apo isnan ipogawna en,
“Il-ilaenyo nan il-ili isnan liliwesenyo
et awnit kayo masdaaw isnan mailayo.
Awnit wada nan ikkak
ay adiyo patiyen no dengngenyo.
6Ipatolayko nan iBabilonia
ay makedse ya dalasodos ay ipogaw.
Omeyda ay mang-abak isnan natkenatken ay il-ili.
7Ngawingawida dadapay paegyaten nan kaipoipogaw.
Gapo isnan kinalastogda et nan kaykayatda nan lintegda.
8Napaspas nan kabayoda mo nan kapaspasan ay animal
ya kaeegyat mo nan naowat ay atap ay aso.
Olay no magapo isnan addawi
nan menkakabayo ay ipogawda et maid bannogda.
Makikiwesda ay omali
ay kaneg nan ikkan di labaan ay mendepap is isdana.
9Nakasagana nan sosoldadoda ay makigobat isnan domatnganda
isonga pilmi nan egyat nan kaipoipogaw.
Adoado nan balodda ay kaneg nan kaad-adon di lagan.
10Selatenda nan aali
dadapay ammengan nan ninkangangato ay opisyal.
Maid makneg is alad ay makapasaldeng ken daida.
Tay toonenda nan lota isnan sag-en nan alad
ta mendaananda ay songgep isnan ili ta abakenda.
11Makiwesda pay ay komaan ay kaneg nan dagem.
Datona ay ipogaw et nan kabaelanda nan diosda.”
12Dat kasin kanan Habakuk en,
“apo, menlogi isdin damo et sik-a nan Dios.
Sik-a nan Diosko ay maid polos kangawina
ya maid patenggana ay mangsalsalaknib ken sak-en.
Pinilim dakat papigsaen nan iBabilonia
ta daida nan mangdosa ken dakami.
13Ngem aykem maanosan nan naayday ngawi ay ipogaw
ay adi mang-ipateg ken sik-a?
Sik-a nan Dios ay maid polos kangawina
isonga adyam ay mang-ila isnan mang-ik-ikkan is ngawi.
Et no keg todi dakan adi iyadi nan mang-abakanda
isnan ipogaw ay nalinlinteg mo daida?”
Currently Selected:
Habakuk 1: xnn
Highlight
Copy
Compare
Share
Want to have your highlights saved across all your devices? Sign up or sign in
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.
