Ezekiel 47
47
Nan Ginawang Ay Nagapo Isnan Templo
47:6-12
6Wada nan am-ama ay nangwani ken sak-en en, “Sik-a ay ipogaw, inenemnemmo ay gawis am-in dana.” Danat isagong sak-en isnan benget di ginawang. 7Idi omdanak isdi daket ilan ay adoado nan kaiw isnan mensinombangil. 8Danat kanan en, “Nan naay danom et men-ayos isnan bandan nan balaan di agew daet menpaey isnan tanap nan Jordan ya isnan makwani en Natey ay Baybay. No men-ayos isnan Natey ay Baybay et sokatana nan mensidek ay danom isdi is gawis ay danom ta adi mensidek. 9Isonga am-in ay men-ayosan nan danom ay naay et mawada nan nateketeken ay ikan ya animal isnan sag-ena. Pagawisen nan naay danom nan danom isnan Natey ay Baybay. Am-in ay daanen nan danom ay naay et maagtan is biyag. 10Et menlogi isnan En-gedi et enggana isnan En-eglaim et wada nan pagsidokan di ikan. Adoado nan nateketeken ay ikan isdi ay kaneg nan wada isnan Baybay ay Mediterranean. 11Ngem adi maitapi ay mapagawis nan danom isnan napopokong isnan benget di baybay tay siya nan magapowan di asin. 12Isnan sinombangil di ginawang et awnit tomobo am-in ay ilan di kaiw ay makan nan begasda. Adi kaang-ango nan toboda ya adi somalsaldeng nan menbegbegasanda. Binowan ay wada nan gawis ay begasda gapo isnan kanayon ay masibsiboganda issan danom ay magapo isnan Templo. Bomgas is makan nan deeyda ay kaiw dapay maosal ay agas nan toboda.”
Currently Selected:
Ezekiel 47: xnn
Highlight
Copy
Compare
Share
Want to have your highlights saved across all your devices? Sign up or sign in
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.
