Amos 6
6
Nan Awnit Dosan Di Israelita
6:1-7
1Kaseseg-ang kayo, dakayo ay nanam-ay nan biyagna id issa Sion ya dakayo id issa Samaria ay mangipagalop ay maid om-ommat ken dakayo, dakayo ay makmakwani en aap-apon nan naay ay madmadnge ay ilin di Israel ya menpabadngan koma di ipogaw. 2Enkayo ta ilaenyo nan ili ay Calne esakayopay omey isnan ili ay Hamat dakayot omey id Gat ay ilin di Filisteo. Ay gag-awisda mo nan ilin di Juda ya Israel? Ay dakdake nan ilida mo nan iliyo? Ngem nan inommat ken daida et awnit abes ommat ken dakayo. 3Adiyo layden ay nemnemnemen ay wada nan domateng ay panagdadael ngem nan ik-ikkanyo nan am-amed mangipasagsag-en isnan deey ay agew.
4Kaseseg-ang kayo, dakayo ay aped tomotokdo isnan gawigawis ya menyam-es ay kotson ya mensidsida isnan kagawisan ay kalnin di kalnilo ya baka. 5Kaytenyo ay mensapo is kanta ay kaneg nan inikkan David dakayot ikotengteng. 6Ominom kayo is kagosigosi ay basi dayopay osalen nan kagawisan ay bangbanglo ngem adiyo polos babawiyen nan nadadael ay Israel. 7Isonga dakayo nan awnit omon-ona ay maikaan ay kaneg balod isnan teken ay ili. Mamaid et nan laglagsak ya fiestayo.
Currently Selected:
Amos 6: xnn
Highlight
Copy
Compare
Share
Want to have your highlights saved across all your devices? Sign up or sign in
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.
