Amos 3
3
Nan Masapol Ay Ikkan Di Mamadto
3:1-8
1Dakayo ay Israelita, dengngenyo nan naay ay ibagan nan apo ay maipanggep ken dakayo am-in ay inpabalana id Egipto. 2Kanana en,
“Isnan am-in ay il-ili isnan batawa
et kedkedeng kayo is pinilik ay ipogawko.
Siya na nan mangpadagsen isnan basbasolyo
isonga masapol ay dosaek dakayo.
3Ayke mabalin ay menbaat nan ipogaw ay madodowa
no adida on-ona mensab-at ay mangtolag isnan ikkanda?
4Aykeyak menngosiyet ay kaneg nan ikkan di layon
no maid gapona?
Tay adi menngosiyet nan layon isnan pagpag
no maid inilana is depapena.
5Ayke masilowan nan koyat
no maiwed naippey is papan isnan silo?
Ayke ngomato nan silo no maid sinilowana?
6No waday mentanggoyob isnan ili ay mangipagtek is gobat
ay adi omegyat nan ipogaw?
Ay waday kaeegyat ay ommat isnan ili no adi ikkan nan apo?
7Sak-en ay kangatowan ay Apo et adiyak aped ik-ikkan nan ikkak
no adiyak ipagtek on-ona isnan baak ya mamadtok
dapay inpagtekko et.
8No menngitiyeb nan layon ay waday adi omegyat?
No waday ipagtek nan kangangatowan ay apo
et maid makaiyadi isnan maibagaana ken dakayo.”
Currently Selected:
Amos 3: xnn
Highlight
Copy
Compare
Share
Want to have your highlights saved across all your devices? Sign up or sign in
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.
