Tõoma 6

Ba looge nẽrba bayopɔɩ tõoma ĩyã

1La dabs-bãma wakatɛ karẽnbiisi la daan pa'asrɩ mɛ zɔ'ɔra, tɩ Zifdõma sɛba n tɔgrɩ Grɛkɩ yetɔga la daan yõnna la Zifdõma nẽr-sɛba n tɔgrɩ Ebre yetɔga la yetɩ, ban sõŋrɩ nẽrba la dia daarɛ woo la, ba ka bɔ'ɔrɩ bãma pɔkõpa la wʋ lan masɛ. 2Bɛla ĩyã tɩ Tõntõnɩba pia la ayi la wi karẽnbiisi la wuu, yele ba yetɩ: «La ka masɛ tɩ tõma basɛ Nawẽnnɛ kõ-yẽlga mõolgɔ dee pʋta dia. 3Bɛla tɩ sɔbiisi, bɩsɛ ya pʋam looge bʋraasɩ bayopɔɩ n de nẽr-sõma, dee dɛna yɛm dõma, tɩ Nawẽnnɛ Sɩa bɔna la ba lɛ zozo'e, tɩ tɩ dɩkɛ tõon-ẽna wã ẽŋɛ ba nu'usum. 4Dee tɩ tõma wɩsgɛ tɩ mẽŋa la Nawẽnnɛ pʋ'ʋsgɔ, la a yetɔga la mõolgɔ.» 5Tɩ ban yele se'em na daan ẽŋɛ nẽrba la wuu sũure yẽlʋm. Tɩ ba looge A'etɩɛnɩ n bɔ Azezi sɩra zozo'e tɩ Nawẽnnɛ Sɩa bɔna la ẽ lɛ, la Afilipi, la Aprokɔɔrɩ, la Anikanɔɔrɩ, la Atimõ, la Aparmɛnasɩ, la Anikolasɩ n yese Antɩyɔsɩ dee dɔla Zifdõma pʋ'ʋsgɔ sore. 6Tɩ ba tarɩ ba sẽŋɛ Tõntõnɩba la zẽ'am, tɩ ba dɩkɛ ba nu'usi paglɛ ba zuto pʋ'ʋsɛ Nawẽnnɛ bɔ ba.

7La Nawẽnnɛ yetɔga la daan saarɩ zẽ'esɩ mɛ pa'asra, tɩ karẽnbiisi la kãllɛ mẽ pa'asra Zerizalɛm pʋam zozo'e. Tɩ kãabgɔ kẽma zozo'e daan bɔ'ɔra Azezi sɩra.

A'etɩɛnɩ yõkrɛ

8La A'etɩɛnɩ n tarɩ Nawẽnnɛ yel-sõnnɛ la a pãŋa zozo'e la, daan tõnnɩ la tõon-yãlma la yel-kɩrsɩ nẽrba tẽŋasʋka. 9Tɩ Zifdõma basɛba n daan de yamsɩ dee yãŋa to'oge ba mẽŋa, tɩ ba wi'ira ba wẽndeego tɩ soe m mẽŋa dõma wẽndeego, n yese Sirɛnɩ, la Alɛgsãndri, la Zifdõma basɛba n yese Silisi, la Azi tẽnsɩ n wẽ'erɩ nõke'ene la A'etɩɛnɩ. 10La Nawẽnnɛ Sɩa n bɔ'ɔrɩ A'etɩɛnɩ yɛm tɩ a tɔgra, tɩ ba ka tã'agɛ lerge ẽ. 11Tɩ ba ɛ nẽrba botɩ ba dõrɛ ẽ yetɩ: «Tõma wõm tɩ a tɔgɛ la Amoyisi la Nawẽnnɛ tɔg-be'ero.» 12Ban ẽŋɛ bɛla la, ba botɩ nẽrba la, la ba kẽma, la ba lɔɔ karẽnsãandõma la wuu sũure isge mɛ, tɩ ba yõkɛ ẽ tarɩ sẽŋɛ sarɩyaditba zẽ'am, 13dee botɩ nẽrba parɩm bɔ ẽ yetɩ: «Bʋra-ẽna wã tɔgrɩ la Wẽnde-kãtɛ la Nawẽnnɛ lɔɔ tɩ a bɔ Amoyisi la tɔg-be'ero ka gɔ'ɔra. 14Tõma wõm tɩ a yetɩ, Azezi n yese Nazarɛtɩ la wʋn sã'am Wẽnde-kãtɛ la mɛ, dee teege ɩr-sɛba tɩ Amoyisi yʋʋn pa'alɛ tɩ yaabdõma yetɩ tɩ ɩta la.» 15Tɩ sarɩyaditba la wuu n zĩ la bɩsra A'etɩɛnɩ zĩi, yẽ tɩ a nẽŋa ãn wʋ malɛka nẽŋa la.

Currently Selected:

Tõoma 6: gurDBL

Highlight

Copy