Tõoma 20
20
Apolɩ sẽŋɛ Masedʋanɩ
1Lan daan gire mã'agɛ la poorʋm, tɩ Apolɩ botɩ Azezi karẽnbiisi la lagsɛ, tɩ a tɔgɛ bɔ ba bʋraanɛ, keese ba dee wɛ'ɛsa Masedʋanɩ. 2La ẽn daan dolɩ so'olʋm ẽŋa tẽn-sɛba pʋam tɔlla la, a tɔgɛ yetɔga zozo'e mɛ bɔ karẽnbiisi la bʋraanɛ. Dee yãŋa tole ka paagɛ Grɛsɩ. 3La ẽn paagɛ bilam na, a zĩ'ire mĩ na wõr-sɩtã, mãasʋm tɩ a kẽ õorŋɔ sẽŋɛ Siiri, wõm tɩ Zifdõma dolɩ la a nãma. Tɩ a tẽ'esɛ yetɩ, ẽŋa wʋn lebe doose la Masedʋanɩ.
4Sɛba n daan dolɩ ẽ na de la: Apirusi bia Asopatɛɛrɩ n ze'ele Beere, la Aristarkɩ la Asekõndusi n ze'ele Tesaloniki, la Agayusi n ze'ele Dɛrbɩ, la Atisiki la Atrofim n ze'ele Azi, pa'asɛ la Atimõtɩ. 5Nẽr-bãna wã daan dẽŋɛ tole la nẽŋa ka gu'ura tõma Trʋasɩ. Dee tɩ tõma sẽŋɛ Filipi tẽŋam. 6La borborɩ n ka tarɩ dãbɩllɛ kibsa la poorʋm, tɩ tõma kẽ õorŋɔ Filipi, tɩ dabsa anuu daarɛ tɩ tõma paagɛ sɛba n boe Trʋasɩ gu'ura tõma la zẽ'am, zĩ'ire bilam dabsa ayopɔɩ.
Apolɩ boe Trʋasɩ
7La vo'osgo daarɛ ayɩla yʋ'ʋŋɔ, tɩ tõma lagsɛ tɩ tɩ di, dee fiise borborɩ. Tɩ Apolɩ daan isge tɔgra Nawẽnnɛ yetɔga la nẽrba la halɩ ka paagɛ sõnsʋa, se'ere n soe la, a boorɩ tɩ beere sãn wiige, a fõrgɛ mɛ. 8La fɩtladõma zozo'e n daan boe saazuum deto batã dãana la tɩ tõma lagsɛ a pʋam na. 9Tɩ budib-polle yʋ'ʋrɛ n de A'etikusi zẽa deego la takolle zuo. La Apolɩ n tɔgɛ yuuge la, tɩ gẽem yõkɛ ẽ, tɩ a gĩse. La a gĩse la gẽ-bergo ze'ele saazuum deego la tɩ tõma boe mĩ na lui tẽŋa. Tɩ ba zẽkɛ ẽ, tɩ a ki mɛ.
10Tɩ Apolɩ sige yigle õbgɛ ẽ zãla a nu'usum, dee yetɩ: «Da fabla-ya, a vɔa mɛ.» 11A yele bɛla dee lebe zom ka fiise la borborɩ obe, dee tɔgɛ la ba yuuge halɩ ka paagɛ bewiine, dee yãŋa fõrgɛ. 12La budibla la vɔa mɛ, tɩ ba tarɩ ẽ kule. Tɩ la ẽŋɛ nẽrba la sũure yẽlʋm halɩ zozo'e.
Apolɩ sẽŋɛ Milɛtɩ
13La tõma kẽ la õorŋɔ dẽŋɛ Apolɩ sẽŋɛ Asɔsɩ, a daan yetɩ a sẽŋɛ la nãma wa yakɛ tõma bilam. 14La ẽn yakɛ tõma Asɔsɩ la, a kẽ la õorŋɔ, tɩ tõma sẽŋɛ Mitilɛnɩ. 15La tõma ze'ele la bilam doose ko'om na pʋam, tɩ beere wiige, tɩ tõma paagɛ Kiyo zanõ-bɔba. Tɩ beere le wiige, tɩ tõma doose Samõsɩ. Tɩ beere le wiige, tɩ tõma paagɛ Milɛtɩ. 16La Apolɩ daan looge yɛm tɩ a ka gõlgɛ sẽŋɛ la Efɛɛzɩ, se'ere n soe la, a daan ka boorɩ tɩ a gʋ'ʋm a mẽŋa Azi so'olʋm na pʋam, a daan kãblɩ mɛ tɩ a paagɛ Zerizalɛm dee tɩ Pãntekɔtɩ daarɛ la paagɛ.
Apolɩ tɔgɛ bɔ Efɛɛzɩ kẽma
17Tɩ Apolɩ ze'ele Milɛtɩ soolʋm Efɛɛzɩ yetɩ, ba wi Azezi nẽr-kʋʋŋɔ la kẽma tɩ ba wa'am. 18La ban paagɛ a zẽ'am na, a yele ba yetɩ: «Yãma mi mam daan ãn se'em, wakat-sɛka wuu tɩ mam daan boe la yãma la mɛ, lan pĩ'ilum na daar-sɛka tɩ mam wa'am Azi so'olʋm pʋam na. 19Mam sike m mẽŋa mɛ tõm Nawẽnnɛ tõoma la nintãm, baa nãmsgɔ sɛka tɩ mam yẽ Zifdõma n dolɩ mam nãma la pʋam. 20Mam mõolɛ bõn-sɛba n wʋn sõŋɛ ya mɛ pa'alɛ ya nẽrba sʋkam la ya yiɛ pʋam, ka sʋgɛ sɛla sɛla. 21Mam tɔgɛ pa'alɛ Zifdõma, la bu-zãŋsɩ mɛ yetɩ, ba teege yɛm basɛ tõon-be'ero, sakɛ doose Nawẽnnɛ, dee bɔ tɩ Zuudãana Azezi sɩra. 22La lɛɛlɛ wã, mam sakɛ Nawẽnnɛ Sɩa nõorɛ mɛ yetɩ m sẽŋɛ Zerizalɛm, la mam ka mi bõn-sɛka n wʋn ka ẽŋɛ mam mĩ. 23La mam n mi se'em na, Nawẽnnɛ Sɩa pa'alɛ mam mɛ tẽn-sɛba wuu pʋam tɩ mam sẽŋɛ la, tɩ ba wʋn nãmsɛ mam mɛ dee kẽ'esɛ mam yʋ'a deem. 24La mam ka geele m mẽŋa yõvore la tɩ a tarɩ yõorɔ bɔ mam, sɛla n tarɩ yõorɔ bɔ mam de la mam yãŋɛ tõm m tõonɛ na tɩ Zuudãana Azezi bɔ mam na ba'asɛ. Tõon-ẽŋa de la mam mõolɛ Nawẽnnɛ yel-sõnnɛ na kõ-yẽlga.
25La lɛɛlɛ wã, mam mi tɩ ya kãn le yẽ mam, yãma sɛba wuu tɩ mam mõolɛ Nawẽnnɛ so'olʋm yɛla ya zẽ'am na. 26Bɛla ĩyã mam yetɩ ya mɛ zĩna, tɩ ya nẽr-sɛka sãn koŋe vɔm Nawẽnnɛ zẽ'am, a taalɛ ka boe mam zuo. 27Se'ere n soe la, mam mõolɛ Nawẽnnɛ n boorɩ se'em na wuu bɔ ya mɛ, ka sʋgɛ sɛla sɛla. 28Tara-ya ya mẽŋa, la nẽr-sɛba wuu tɩ Nawẽnnɛ Sɩa gu'ule ya la sõŋa. Bɩsra-ya Nawẽnnɛ nẽrba la tɩ a fãagɛ la a Bia zɩɩm tɩ ba dɛna a mẽŋa nẽrba la sõŋa. 29Mam mi tɩ mam sãn fõrgɛ deege, nẽr-bɛ'ɛsɩ n wʋn wa'am ya zẽ'am wa sã'am ya, wʋ saasaadõma n yõgrɩ dũnsi se'em na. 30La nẽrba basɛba wʋn wa isge ya pʋam tɔgra põmpɔrŋɔ yetɔga, pã'asɛ karẽnbiisi la tɩ ba doose ba. 31Bɛla ĩyã, guuse-ya ya mẽŋa, dee tẽra tɩ yʋʋma atã, mam kã'an ya nẽra woo wʋntɛɛŋa la yʋ'ʋŋɔ mɛ, la nintãm ka basɛ.
32La lɛɛlɛ wã, mam dɩkɛ ya ẽŋɛ la Nawẽnnɛ nu'usum, la a yel-sõnnɛ yetɔga la pʋam. Ẽŋa n tã wʋn sõŋɛ ya tɩ ya yẽ pãŋa pa'asɛ, dee wʋn botɩ ya po lagɩm to'oge bõn-sõma tɩ a bĩŋe tɩ a bɔ a nẽrba la. 33Mam daan ka tarɩ yɛmleego la nẽra nẽra ligri, la a sãlma, bɩɩ a futo. 34Ya mẽŋa mi tɩ mam dɩkɛ la m nu'usi tõm bɩsɛ m mẽŋa la sɛba n dolɩ mam na. 35Mam ẽŋɛ bɛla wuu pa'alɛ ya tɩ dẽnɩ ya tõm sõŋɛ tarɩmdõma. La ya tẽra Zuudãana Azezi n yele se'em na, a daan yetɩ: ‹Sɛka n bɔ'ɔrɩ tarɩ sũ-yẽlga zozo'e gãnna sɛka n to'orɩ.› »
36La Apolɩ n daan tɔgɛ kɩ'ɩlɩm na, ẽŋa la ba wuu ka la dũma tẽŋa, tɩ a pʋ'ʋsɛ Nawẽnnɛ. 37Tɩ ba wuu tĩi kɛlla, dee kɔkɛ Apolɩ mõbgɛ ẽ. 38Ba sũure n daan sã'am zozo'e, ẽn yetɩ ba kãn le yẽ ẽ na ĩyã. La ba kɔlgɛ ẽ mɛ sẽŋɛ ka paagɛ õorŋɔ la zẽ'am.
Currently Selected:
Tõoma 20: gurDBL
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.
Tõoma 20
20
Apolɩ sẽŋɛ Masedʋanɩ
1Lan daan gire mã'agɛ la poorʋm, tɩ Apolɩ botɩ Azezi karẽnbiisi la lagsɛ, tɩ a tɔgɛ bɔ ba bʋraanɛ, keese ba dee wɛ'ɛsa Masedʋanɩ. 2La ẽn daan dolɩ so'olʋm ẽŋa tẽn-sɛba pʋam tɔlla la, a tɔgɛ yetɔga zozo'e mɛ bɔ karẽnbiisi la bʋraanɛ. Dee yãŋa tole ka paagɛ Grɛsɩ. 3La ẽn paagɛ bilam na, a zĩ'ire mĩ na wõr-sɩtã, mãasʋm tɩ a kẽ õorŋɔ sẽŋɛ Siiri, wõm tɩ Zifdõma dolɩ la a nãma. Tɩ a tẽ'esɛ yetɩ, ẽŋa wʋn lebe doose la Masedʋanɩ.
4Sɛba n daan dolɩ ẽ na de la: Apirusi bia Asopatɛɛrɩ n ze'ele Beere, la Aristarkɩ la Asekõndusi n ze'ele Tesaloniki, la Agayusi n ze'ele Dɛrbɩ, la Atisiki la Atrofim n ze'ele Azi, pa'asɛ la Atimõtɩ. 5Nẽr-bãna wã daan dẽŋɛ tole la nẽŋa ka gu'ura tõma Trʋasɩ. Dee tɩ tõma sẽŋɛ Filipi tẽŋam. 6La borborɩ n ka tarɩ dãbɩllɛ kibsa la poorʋm, tɩ tõma kẽ õorŋɔ Filipi, tɩ dabsa anuu daarɛ tɩ tõma paagɛ sɛba n boe Trʋasɩ gu'ura tõma la zẽ'am, zĩ'ire bilam dabsa ayopɔɩ.
Apolɩ boe Trʋasɩ
7La vo'osgo daarɛ ayɩla yʋ'ʋŋɔ, tɩ tõma lagsɛ tɩ tɩ di, dee fiise borborɩ. Tɩ Apolɩ daan isge tɔgra Nawẽnnɛ yetɔga la nẽrba la halɩ ka paagɛ sõnsʋa, se'ere n soe la, a boorɩ tɩ beere sãn wiige, a fõrgɛ mɛ. 8La fɩtladõma zozo'e n daan boe saazuum deto batã dãana la tɩ tõma lagsɛ a pʋam na. 9Tɩ budib-polle yʋ'ʋrɛ n de A'etikusi zẽa deego la takolle zuo. La Apolɩ n tɔgɛ yuuge la, tɩ gẽem yõkɛ ẽ, tɩ a gĩse. La a gĩse la gẽ-bergo ze'ele saazuum deego la tɩ tõma boe mĩ na lui tẽŋa. Tɩ ba zẽkɛ ẽ, tɩ a ki mɛ.
10Tɩ Apolɩ sige yigle õbgɛ ẽ zãla a nu'usum, dee yetɩ: «Da fabla-ya, a vɔa mɛ.» 11A yele bɛla dee lebe zom ka fiise la borborɩ obe, dee tɔgɛ la ba yuuge halɩ ka paagɛ bewiine, dee yãŋa fõrgɛ. 12La budibla la vɔa mɛ, tɩ ba tarɩ ẽ kule. Tɩ la ẽŋɛ nẽrba la sũure yẽlʋm halɩ zozo'e.
Apolɩ sẽŋɛ Milɛtɩ
13La tõma kẽ la õorŋɔ dẽŋɛ Apolɩ sẽŋɛ Asɔsɩ, a daan yetɩ a sẽŋɛ la nãma wa yakɛ tõma bilam. 14La ẽn yakɛ tõma Asɔsɩ la, a kẽ la õorŋɔ, tɩ tõma sẽŋɛ Mitilɛnɩ. 15La tõma ze'ele la bilam doose ko'om na pʋam, tɩ beere wiige, tɩ tõma paagɛ Kiyo zanõ-bɔba. Tɩ beere le wiige, tɩ tõma doose Samõsɩ. Tɩ beere le wiige, tɩ tõma paagɛ Milɛtɩ. 16La Apolɩ daan looge yɛm tɩ a ka gõlgɛ sẽŋɛ la Efɛɛzɩ, se'ere n soe la, a daan ka boorɩ tɩ a gʋ'ʋm a mẽŋa Azi so'olʋm na pʋam, a daan kãblɩ mɛ tɩ a paagɛ Zerizalɛm dee tɩ Pãntekɔtɩ daarɛ la paagɛ.
Apolɩ tɔgɛ bɔ Efɛɛzɩ kẽma
17Tɩ Apolɩ ze'ele Milɛtɩ soolʋm Efɛɛzɩ yetɩ, ba wi Azezi nẽr-kʋʋŋɔ la kẽma tɩ ba wa'am. 18La ban paagɛ a zẽ'am na, a yele ba yetɩ: «Yãma mi mam daan ãn se'em, wakat-sɛka wuu tɩ mam daan boe la yãma la mɛ, lan pĩ'ilum na daar-sɛka tɩ mam wa'am Azi so'olʋm pʋam na. 19Mam sike m mẽŋa mɛ tõm Nawẽnnɛ tõoma la nintãm, baa nãmsgɔ sɛka tɩ mam yẽ Zifdõma n dolɩ mam nãma la pʋam. 20Mam mõolɛ bõn-sɛba n wʋn sõŋɛ ya mɛ pa'alɛ ya nẽrba sʋkam la ya yiɛ pʋam, ka sʋgɛ sɛla sɛla. 21Mam tɔgɛ pa'alɛ Zifdõma, la bu-zãŋsɩ mɛ yetɩ, ba teege yɛm basɛ tõon-be'ero, sakɛ doose Nawẽnnɛ, dee bɔ tɩ Zuudãana Azezi sɩra. 22La lɛɛlɛ wã, mam sakɛ Nawẽnnɛ Sɩa nõorɛ mɛ yetɩ m sẽŋɛ Zerizalɛm, la mam ka mi bõn-sɛka n wʋn ka ẽŋɛ mam mĩ. 23La mam n mi se'em na, Nawẽnnɛ Sɩa pa'alɛ mam mɛ tẽn-sɛba wuu pʋam tɩ mam sẽŋɛ la, tɩ ba wʋn nãmsɛ mam mɛ dee kẽ'esɛ mam yʋ'a deem. 24La mam ka geele m mẽŋa yõvore la tɩ a tarɩ yõorɔ bɔ mam, sɛla n tarɩ yõorɔ bɔ mam de la mam yãŋɛ tõm m tõonɛ na tɩ Zuudãana Azezi bɔ mam na ba'asɛ. Tõon-ẽŋa de la mam mõolɛ Nawẽnnɛ yel-sõnnɛ na kõ-yẽlga.
25La lɛɛlɛ wã, mam mi tɩ ya kãn le yẽ mam, yãma sɛba wuu tɩ mam mõolɛ Nawẽnnɛ so'olʋm yɛla ya zẽ'am na. 26Bɛla ĩyã mam yetɩ ya mɛ zĩna, tɩ ya nẽr-sɛka sãn koŋe vɔm Nawẽnnɛ zẽ'am, a taalɛ ka boe mam zuo. 27Se'ere n soe la, mam mõolɛ Nawẽnnɛ n boorɩ se'em na wuu bɔ ya mɛ, ka sʋgɛ sɛla sɛla. 28Tara-ya ya mẽŋa, la nẽr-sɛba wuu tɩ Nawẽnnɛ Sɩa gu'ule ya la sõŋa. Bɩsra-ya Nawẽnnɛ nẽrba la tɩ a fãagɛ la a Bia zɩɩm tɩ ba dɛna a mẽŋa nẽrba la sõŋa. 29Mam mi tɩ mam sãn fõrgɛ deege, nẽr-bɛ'ɛsɩ n wʋn wa'am ya zẽ'am wa sã'am ya, wʋ saasaadõma n yõgrɩ dũnsi se'em na. 30La nẽrba basɛba wʋn wa isge ya pʋam tɔgra põmpɔrŋɔ yetɔga, pã'asɛ karẽnbiisi la tɩ ba doose ba. 31Bɛla ĩyã, guuse-ya ya mẽŋa, dee tẽra tɩ yʋʋma atã, mam kã'an ya nẽra woo wʋntɛɛŋa la yʋ'ʋŋɔ mɛ, la nintãm ka basɛ.
32La lɛɛlɛ wã, mam dɩkɛ ya ẽŋɛ la Nawẽnnɛ nu'usum, la a yel-sõnnɛ yetɔga la pʋam. Ẽŋa n tã wʋn sõŋɛ ya tɩ ya yẽ pãŋa pa'asɛ, dee wʋn botɩ ya po lagɩm to'oge bõn-sõma tɩ a bĩŋe tɩ a bɔ a nẽrba la. 33Mam daan ka tarɩ yɛmleego la nẽra nẽra ligri, la a sãlma, bɩɩ a futo. 34Ya mẽŋa mi tɩ mam dɩkɛ la m nu'usi tõm bɩsɛ m mẽŋa la sɛba n dolɩ mam na. 35Mam ẽŋɛ bɛla wuu pa'alɛ ya tɩ dẽnɩ ya tõm sõŋɛ tarɩmdõma. La ya tẽra Zuudãana Azezi n yele se'em na, a daan yetɩ: ‹Sɛka n bɔ'ɔrɩ tarɩ sũ-yẽlga zozo'e gãnna sɛka n to'orɩ.› »
36La Apolɩ n daan tɔgɛ kɩ'ɩlɩm na, ẽŋa la ba wuu ka la dũma tẽŋa, tɩ a pʋ'ʋsɛ Nawẽnnɛ. 37Tɩ ba wuu tĩi kɛlla, dee kɔkɛ Apolɩ mõbgɛ ẽ. 38Ba sũure n daan sã'am zozo'e, ẽn yetɩ ba kãn le yẽ ẽ na ĩyã. La ba kɔlgɛ ẽ mɛ sẽŋɛ ka paagɛ õorŋɔ la zẽ'am.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.