ⴾⵍⵔⵎ 12
12
ⵤⵎⵤⵍ ⵏⵍⵏ⵿ⵌⵍ ⵓⴰ ⴹⵔ ⵜⵜⵍⵓ ⵜⵎⴹⵔ⵿ⵜ ⵏⵍⵎⵙⵈⵢ
ⵎⵔ ⵙⴶⵢ ⵏ⵿ⵜⵎⴹⵔ⵿ⵜ ⵜⵏ ⵍⵎⵙⵈⵢ
ⵜⵎⴹⵔ⵿ⵜ ⵜⵎⵜⵢⵜ ⴼⵍ ⵜⴰ ⵜⵔⵓⵜ
1ⴹⵗ ⴹⵢ ⴶⵎⵢⴰ ⴹⵗⵓⵏ ⵢⴰ ⵎⴹⵔⵢⵏⵏ ⴼⵍ ⵜⵛⵜ ⵜⴰ ⴶⴰ ⵎⵛⵏⴰ ⵎⵂⵏⵏ ⴹ ⵜⴾⴼⵎ ⵛⵗⵙⵓⵏⵓⵏ ⵆⵍⵏⵜ ⵜⴾⵜⵢ ⵜⴹⵔⵜ ⵤⴹⴶⵜ ⵜⴶⵔⵤⵜ ⵢ ⵎⵛⵏⴰ⵰ ⵎⴾⵏ ⴹⵗ ⵙ ⵤⴰ ⵜⴶⵎ ⵢ ⵎⵛⵏⴰ ⵍⵗⵀⴹⴰ ⵓⵏ ⵜⴹⵜ⵰ 2ⴹ ⵓⵔ ⵜⵢⵎ ⵎⵏⵓⵏ ⵙⵎⵜⵢⵏ⵿ⴾⵓⵏ ⵤⵎⵏ ⵓⵏ ⵏⵂⴰ ⴹⴰ ⵎⵔⴹⴰ ⴾⵍⵔ ⵢⵓⵜ ⵎⵏⵓⵏ ⴾⵓⵏ⵿ⵜⵛⵛⵏⵢ ⵜⵢⵜⵢⵏⵓⵏ ⵜⴰ ⵜⵢⵏⵢⵜ ⴼⵍ ⴹ ⵜⴶⵔⵎ ⵜⵔⴹⵎ ⴹⵗ ⵙⵔⵜ ⵓⴰ ⵎⵙⵏ ⵜⵔⴰ ⵏⵎⵛⵏⴰ ⵜⵎⵙⵏ ⵓⴰ ⵍⵗⵏ ⴹⵓⴰ ⴶⵔⵤⵏ ⵢ ⵎⵛⵏⴰ ⴹⵓⴰ ⴾⵎⵍⵏ⵰
ⴶⵓⵜ ⵜⵎⴹⵔ⵿ⵜ ⵙ ⴾⵢⵏ ⴹⵗⵓⵏ ⵎⵙ ⵎⵛⵗⵍ ⵏⵓⵏ ⵂⴹⵜⵏⵏ ⵜⵛⵗⵍⵎ ⵙ ⵜⵂⴾⵜⵏ ⵏⵎⵛⵏⴰ
3ⵔⵜ ⴹⴰ ⵓⴰ ⴶⵏⴰ ⵢⴾⵢⵏ ⴹⵗⵓⵏ ⵙⵙⵀⵀ ⵏⵔⵈⵎⵜ ⵜⴰ ⴹⴶⴰ ⵎⵛⵏⴰ ⴹ ⵓⵔ ⵜⵆⵍⵎ ⵢⵜⴹⵏ ⵤⵤⵓⵔⵏⵏ ⵎⵏⵙⵏ ⴾⵍⵔ ⴶⵓⵜ ⵢ ⵎⵏⵓⵏ ⴹⴼ ⴶⵏ ⵙⵏⵢⵜ ⵜⵍⵗⵜ ⵓⵍ ⵓⵏ ⵙⵤⴶⵤⵏ ⵓⴰ ⴾⴼⴰ ⵎⵛⵏⴰ ⵢⴾⵢⵏ ⴹⵗⵓⵏ⵰ 4ⴾⵢⵏ ⴹⵗⵏⴰ ⵜⵗⵙⴰ ⵢⴹⴰ ⵍⴰ ⵎⵛⵏ ⵜⴶⴰ ⴹⵗ ⵜⵙⵍⴹ ⴶⵜⵏⵏ ⵎⵔⵏ ⵛⵙⵍⴹ ⵛⵏ ⴹⵏ ⴾⵢⵜ ⴹⵛⵗⵍⵏⵜ⵰ 5ⵎⴾⵏ ⴹⵗ ⵙ ⵏⴾⵏⵢ ⵏⴶⵜ ⵎⵛⵏ ⵜⵗⵙⴰ ⵢⴹⴰ ⵏⵎⵙ ⴹⵗ ⵜⵔ⵿ⵜⵢⵜ ⴹⵍⵎⵙⵈ ⵎⵔⵏ ⴾⵢⵏ ⴹⵗⵏⴰ ⵎⵙ ⵜⵙⵍⵜ ⴹⵗ ⵍⵌⵎⵗⵜⵏⵏⴰ⵰ 6ⵎⵛⵏ ⵏⴶⵔⵓ ⵛⵂⴾⵜⵏ ⵓⵔ ⵏⵍⴰ ⵓⵍⵏⵏ ⵙⵔⵈⵎⵜ ⵜⴰ ⵜⵜⵓⴾⴼⵜ ⴾⵢⵏ ⴹⵗⵏⴰ⵰ ⵙ ⵎⵙ ⵙ ⴶⵔⵓ ⵢⵏ ⴹⵗⵏⴰ ⵜⵂⴾⵜ ⵏⵎⵍ ⵢⵢⵜⴹⵏ ⵙⵍⵏ ⴼⵍⵙ ⴹⵤⵤⵀⵜ ⵎⵛⵏⴰ ⵛⵛⵗⵍⵜⵜ ⵓⵍ ⵓⵏ ⵙⵓⴰ ⴹⵔ ⴶⴹⴰ ⵤⴶⵤⵏⵜ⵰ 7ⵓⵙ ⵜⵂⴾⵜⵏⵜ ⵜⴹⵂⵍ⵿ⵜ ⵏⵢⵜⴹⵏ ⴹⵂⵍⵜⵏ⵰ ⵓⴰ ⴶⵔⵓⵏ ⵜⵂⴾⵜ ⵏⵙⵙⵗⵔⵢ ⵙⵙⵗⵔⵓⵜ⵰ 8ⵓⴰ ⴶⵔⵓⵏ ⵜⵛⵜ ⵏⵓⴹⵏ ⵜⵍⵎⵏ ⵢⵢⵜⴹⵏ ⴼⵍ ⵎⵏ ⵎⵤⵍⵜ ⵙⵓⵏ⵰ ⵓⴰ ⴶⵔⵓⵏ ⵜⵛⵜ ⵏⵓⴹⵏ ⵜⵂⴰ ⵜⵂⴾⵢ ⴾⴼⵜ ⵙⵓⵍ ⵢⵏ⵿ⴹⴰ⵰ ⵓⴰ ⴶⵔⵓⵏ ⵜⵤⵔ⵿ⵜ ⴶⵓⵜ ⵜⵤⵔ⵿ⵜ ⵏⵍⵎⵈⵙⴹ⵰ ⵓⴰ ⵜⵙⵏⵏ ⴹⵗ ⵢⵜⴹⵏ ⵓⵏ ⵎⵗⵜⵔⵏⵏ ⵙⵏⵜ ⴹⵗⵙⵏ ⵙ ⵎⵏ ⴼⵍⵓⵙⵏⵏ⵰
ⴶⵓⵜ ⵜⵎⴹⵔ⵿ⵜ ⵜⵂⴰ ⵜⵔⴰ ⴹⵙⵎⴹⵔⵢ ⵏⵎⵏ ⴹⵜⴶⵢⵜ ⵙⵎⵙⵏ ⵜⴾⵎⴰ
9ⵜⵔⴰ ⵜⵜⵓⵔ⵿ⵜⴶⵤ ⵜⵍⵎⵏⴼⵆⴰ⵰ ⴾⵢⴹⵜ ⵔⵜ ⴾⵍ ⵓⴰ ⵎⵙⵏ ⵜⴾⵎⴰ⵰ ⵤⵤⵓⵜⵜ ⵓⵍⵏ ⴹⵗ ⵎⵤⵍ ⵏⵓⴰ ⵍⵗⵏ⵰
10ⴹⵗ ⵀⵜⵓ ⵜⴰ ⵜⵆⵍⵜ ⵜⵔⴰ ⵜⴰ ⴶⵔ ⵎⴹⵔⵢⵏ
ⴾⵢⵏ ⴹⵗⵓⵏ ⴾⵏⵓⵜ ⵜⵔⴰ ⵏⵓⵏ ⵂⴹⵜⵏⵏ⵰
ⴹⵗ ⵀⵜⵓ ⵜⴰ ⵜⵆⵍⵜ ⵙⵗⵎⵔ
ⵤⵤⵔⵜ ⵜⵏ⵿ⴼⴰ ⵜⵏ ⵎⴹⵔⵢⵏⵓⵏ ⵢ ⵜⵏⵓⵏ⵰
11ⴹⵗ ⵀⵜⵓ ⵜⴰ ⵜⵆⵍⵜ ⵛⵗⵍ
ⵆⵍⵜ ⵎⵛⵗⵍⵏ ⵓⵔⴶⵗ ⵎⵙⵏ⵿ⴹⴹ
ⵜⵎⵂⵏ⵿ⴹⵔⵜ ⴹⵗⵓⵏ ⵜⵎ⵿ⵙ ⵜⴰ ⵜⵜⴾⵙⵜ ⵙⵏ⵿ⴹⴹ
ⴰ ⵜⵜⵎⵙⵏ ⵜⵏ ⵏ⵿ⴼⵙ ⵏⵎⵛⵏⴰ
ⵜⵗⵀⴹⵎ ⵎⵍⵢ⵰
12ⴹⵗ ⵀⵜⵓ ⵜⴰ ⵜⵆⵍⵜ ⴶⵢ ⵏⵜⵎⴰ ⴼⵍⵓⵙⵜ⵰
ⴹⵗ ⵀⵜⵓ ⵜⴰ ⵜⵆⵍⵜ ⵜⵙⵙ⵿ⵜ ⵆⵍⵜ ⵎⵤⵤⵢⴹⵔ⵰
ⴹⵗ ⵀⵜⵓ ⵜⴰ ⵜⵆⵍⵜ ⵛⵓⵜⵔⵓⵏ
ⴹ ⵓⵔ ⵜⵎⵤⵢⵎ ⴹⴶⵏⵙⵏⵜ⵰
13ⴹⵂⵍⵜ ⵎⵤⴹⴶⵏ ⴹⵗ ⴹⵔⵔⵜⵏⵙⵏ
ⵜⵆⵍⵎ ⵢⵜⴹⵏ ⵂⴰ ⵎⴶⵔⵓ ⴼⵓⴹⴰ⵰
14ⵜⵜⵔⵜ ⴶⵏ ⵍⵀⵔⴾⴰ ⵢⵢⵜⴹⵏ ⵓⵏ ⴾⵓⵏⴹⴶⵤⵏⵏ⵰ ⴹ ⵓⵔ ⵜⵍⵗⵏⵎ ⵓⴹⵏ ⵓⵍⵢⵏ ⴾⵍⵔ ⵜⵜⵔⵜ ⵢⵢⵜⴹⵏ⵰ 15ⵙ ⵜⴶⵤⵎ ⵢⵜⴹⵏ ⴼⵍⵓⵙⵏⵏ ⵜⴼⵍⵓⵙⵎ ⴾⵓⵏⵢ ⴹⴰ ⵙ ⵜⴶⵤⵎ ⵓⵏ ⵂⵍⵏⵏ ⵜⵍⵎ ⴾⵓⵏⵢ ⴹⴰ⵰ 16ⵏⵎⴶⵓⵜ ⴹⴼ ⵢⵏ⵿ⴹⴰ ⴶⵔⵓⵏ⵰ ⴹ ⵓⵔ ⵜⴶⵎⵢⵎ ⵍⵎⵆⵎ ⵢ ⵎⵏⵓⵏ ⴾⵍⵔ ⴶⵎⵢⵜ ⵓⴰ ⵓⵔ ⵏⵍⴰ ⵏⵢ⵰ ⴹ ⵓⵔ ⵜⴶⵎ ⴹⴼ ⵏⵙ ⵜⵎⵙⵎ ⵎⵍⵏ ⵏ⵿ⵜⵢⵜⵢ⵰
17ⴹ ⵓⵔ ⵜⵤⵍⵎ ⵜⴾⵎⴰ ⵙ ⵜⴾⵎⴰ ⵢⵓⴹⵏ ⵓⵍⵢⵏ⵰ ⴶⵎⵢⵜ ⵓⴰ ⵍⵗⵏ ⵗⵔ ⵢⵜⴹⵏ ⴾⵍ ⵙⵔⵙ ⵜⵜⵎⵤⵍⵎ⵰ 18ⵙ ⵎⴾⵏ ⵓⵏ ⴾⵜ ⵆⵏ ⴹⵗⵓⵏ ⴹⵢ ⵎⵍⵜⵓ ⵍⵈⵔ ⴶⵔⵓⵏ ⴹⵓⴹⵏ ⴾⵍ⵰ 19ⴹ ⵓⵔ ⵜⵤⵤⵍⵎ ⵢ ⵎⵏⵓⵏ ⵎⵔⵏⵏ ⴾⵍⵔ ⵢⵓⵜ ⵍⵂⵎ ⵓⵏ ⵎⵛⵏⴰ ⴹ ⵛⵗⵍ ⴼⵍⵙ ⵏⵏ ⵍⴾⵜⵀⵏ «ⵏⴾ ⵜⵀⵤⵏ ⵙⵛⵔⵗⴰ ⵏⴾ ⵤⵈⴾⵎⵏ ⵢⵓⴹⵏ ⴾⵍ ⵓⴰ ⴹⵔ ⵂⵔ ⵏⴰ ⵎⵍⵢ⵰» 20ⴾⵓⵏⵢ ⵎⵔⵏ ⵔⵜ ⴹⴰ ⵓⴰ ⴾⵓⵏⵓⵔⵏ «ⵙ ⵜⵏⵢⵗ ⵤⵏ⵿ⴶⵓⵏⴾ ⵂⵢ ⴶⵍⴾ ⵜⵛⵜⵛⵆⵓ⵰ ⵙ ⵜⵂⴰ ⴼⴹ ⴹⵗ ⵜⵛⵛⵓⵆⵓ⵰ ⴼⵍⵙ ⵙ ⴹⵙ⵿ⵜⴶⵗ ⴹⵢ ⵤⵏ ⵙ ⵜⵙⵏ⵿ⵙⴰ ⴼⵍ ⵗⴼⵏⵜ ⵛⵎⴾⵜⵏ ⵔⵗⵏⵏ⵰» 21ⴹⴾⵓⵔⵍⴾⵎ ⴹ ⵜⵢⵗ ⵛⵔ ⵙⴼⵍⴹⵓ ⴹⵏⴶⴾ ⴾⵍⵔ ⵗⵍⵀ ⵛⵔ ⵙⵎⵤⵍ ⵏⵓⴰ ⵍⵗⵏ⵰
Currently Selected:
ⴾⵍⵔⵎ 12: TTQtg
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
