ⵏⴼⵍⵍ 4
4
ⵓⴰ ⴹⵤⵏⴼⵍⵍⵏ ⴹⵗ ⵌⵏⵓⵏ
ⵏⴼⵍⵍ ⵏ⵿ⵜⵈⵓⵜ ⵜⵏ ⵜⵗⵎⵔ ⵏⵎⵛⵏⴰ
1ⴹⴼⵔ ⵓⵏ ⵏⵢⴰ ⵜⵙⵂⵔ⵿ⵜ ⵜⵏⵍⵎⵜ ⴹⵗ ⵌⵏⵓⵏ⵰ ⵙⵍⵗ ⵢⵎⵙⵍⵢ ⵓⵙ ⵙⵍⵗ ⴹⵜ ⵓⵏ ⵍⵏ ⴹⵏⵙⵗ ⵏⵙⴾ⵰ ⴶⵏⵢ ⵎⵙⵍⵢ ⵓⵏ «ⴶⵤⵢⴹⵓ ⵙⴰ ⴹⴰ ⴾⵢⵙⴾⵏⵗ ⵔⵜ ⵓⵙ ⴾⵏ⵿ⴹⵀⴰ ⴶⴰ ⴹⴼⵔ ⵓⴰ⵰» 2ⵓⵍⴰ ⵂⴶⵏ ⵜⵀⵤⵢ ⵜⵔⵏⴰ ⵏⵏ⵿ⴼⵙ ⵓⴰ ⵤⴹⴶⵏ ⴶⵗ ⵜⵈⵓⵜ ⵏ⵿ⵜⵗⵎⵔ ⵜⴰ ⵜⵂⵜ ⵌⵏⵓⵏ⵰ ⵜⵈⵓⵜ ⵜⵏ ⵆⵎ ⴼⵍⵙ ⵓⴹⵏ⵰ 3ⵓⴰ ⵆⵎⵏ ⴼⵍ ⵜⵈⵓⵜ ⵜⵏ ⴶⴰ ⵎⵍⵓⵍⵓ ⵏ⵿ⵜⵂⵏ⵿ⵜ ⵢⵜ ⵜⵍⵜ ⵍⵎⵆⵎ ⵙ ⵜⵓⵏⵓ ⵌⵙⴼⴰ ⴹⵢⵜ ⵙ ⵜⵓⵏⵓ ⵙⵔⴹⵓⵏ⵰ ⵜⵗⵍⵢⵜⵜ ⵜⵤⵍⴹⵔ ⴹⵜⵙⴾⵜⵜ ⵜⵂⵏ⵿ⵜ ⵢⵜ ⵜⵎⵍⵓⵍⵓⵜ ⵜⵍⵜ ⵍⵎⵆⵎ ⵙ ⵜⵓⵏⵓ ⵎⵔⴹ⵰ 4ⵜⵈⵓⵜ ⵜⵏ ⵜⵗⵎⵔ ⵏ ⵗⵍⵢⵏⵜⵜ ⵙⵏⵜⵜ ⵜⵎⵔⵓⵏ ⵏ⵿ⵜⵈⵓⵜ ⵏ⵿ⵜⵗⵎⵔ ⴹⴾⵤⵜ ⴼⵍ ⵆⵎⵏ ⵙⵏⵜⵜ ⵜⵎⵔⵓⵏ ⵏⵎⵗⵔ ⴹⴾⵤ ⵏ⵿ⵙⵎⵍⵍⵏ ⵙⵓⵔⵏⵏ ⵛⴾⵀⴰ ⵏ⵿ⵜⵗⵎⵔ ⴶⵏⵏ ⴹⵗ ⵔⵗ⵰ 5ⴶⵎⴹⵏ⵿ⵜⵜⴹⵓ ⵙⵎⵏ ⴹⵎⵙⵍⵏ ⴹⴶⴶⵏ⵰ ⵔⵗⵏ ⴹⵜⵙ ⵙⴰ ⵀⵍⵏ ⵏ⵿ⵜⵎ⵿ⵙⵢ ⵎⵙⵏⵏ ⵙⴰ ⵔⵈⵏⵜⵏ ⵏⵎⵛⵏⴰ⵰ 6ⴰⵜⵈⵓⵜ ⵜⵏ ⵜⵗⵎⵔ ⵏ ⵔⵢⵜⵜⴹⵓ ⵔⵜ ⵍⵏ ⴹⴶⵔⵓ ⵎⵍⵓⵍⵓⵏ ⵓⵍⵏ ⴶⵏ ⵗⵜⵙ ⵏ⵿ⵜⵍⴼⵏ⵿ⵌⵔ⵿ⵜ⵰
6ⵀⵎⵙⵏⵜ ⴹⵗⵍⵢⵗⵍⵢⵏⵜ ⵂⵏ⵿ⵜⵏ ⴾⵤ ⵎⴹⵔⵏ ⵙ ⵍⵎⵓⵏⵙⵏ ⵍⵙⵏ ⵛⵜⵓⵏ ⵙⴰ ⵙⵔ ⴹⵜ ⵍⵙⵏ⵿ⵜⵏⵜ ⴹⵗ ⵙⴰ ⵙⵔ ⵍⵆⵎ⵰ 7ⵎⴹⵔ ⵓⴰ ⵤⵔⵏ ⵍⴰ ⴹⵂⵔ ⵓⵏ ⵛⵏ ⵍⴰ ⴹⵂⵔⵢ ⵓⵏ ⴾⵔⴹ ⵎⵔⵏ ⵙⴾⵜⴹⵓ ⴹⵎⵏⵜ ⵓⵏ ⴶⴹⵎ ⵓⵏ ⴾⵤ ⵍⴰ ⴹⵜⵏⴶⵎⵔ⵿ⵜ ⵜⴶⴹⵜ⵰ 8ⵎⵔⵏ ⵎⴹⵔⵏ ⵓⵏ ⴾⵤ ⵏ ⴾⵍⴾ ⵏⵢⵏ ⴹⵗⵙⵏ ⵍⴰ ⵙⴹⵙ ⴼⵔⵜⵏ ⵍⵙⵏⵜ ⵛⵜⵓⵏ ⵙⵙ ⵎⵙ ⴹⵙⵙ ⴼⵍⴰ⵰ ⵓⵔ ⵜⴼⵙ⵿ⵜⵏ ⵂⴹ ⵤⵍ ⴶⵏⵏ
«ⵎⵤⴹⴶ ⵎⵤⴹⴶ ⵎⵤⴹⴶ
ⵎⵍⵢ ⵎⵛⵏⴰ ⵙⵏ⵿ⵜⴰ ⵎⵙⵏ
ⵎⵛⵙ ⵏ⵿ⵜⵔⵏⴰ ⴾⵍ
ⵎⵙ ⵓⴰ ⵜⵍⵏ ⴾⵍⴰ ⴹⴰ
ⵎⵙ ⴹⵗ ⵓⴰ ⵜⵍⵏ ⵎⵔⴹⴰ
ⵎⵔⵏ ⵤⵢⴹⵓ⵰»
9ⵙⴶⴹⵏ ⴹⵗ ⵜⵎⵍⵏ ⵏ⵿ⵜⵏⵢⴰ ⴹⵙⵗⵎⵔ ⴹⴶⴹⵏ ⵢ ⵎⵛⵏⴰ ⵙⵏ⵿ⵜⴰ ⵆⵎⵏ ⴼⵍ ⵜⵈⵓⵜ ⵜⵏ ⵜⵗⵎⵔ ⵍⵢ ⵂⵔ ⴼⵓ⵰ 10ⵎⵔⵏ ⴹ ⵙⴶⴹⵏ ⵎⴹⵔⵏ ⵓⵏ ⴹⵏ ⴹ ⵙⵌⴹⵏ ⵎⵗⵔⵏ ⵗⵔ ⴹⵔⵏ ⵏⵓⴰ ⵆⵎⵏ ⴼⵍ ⵜⵈⵓⵜ ⵜⵏ ⵜⵗⵎⵔ ⵙⵏ⵿ⵙⵏ ⵛⴾⵀⵏⵙⵏ ⵛⵏ ⵜⵗⵎⵔ ⵏⵏ
11ⵢⴰ ⵎⵍⵏⵏⴰ ⵎⵛⵏⴰ
ⴾⵢ ⵂⵔⵏ ⴹⵜⵏⵢⴰ
ⴹ ⵜⵓⵙⵗⵎⵔ ⴹⵜⵔⵏⴰ
ⴹ ⴾⵢ ⴹⵈⵍⴾⵏ ⴾⵍⴾ ⵏⵔⵜ⵰
ⵔⵜⵏ ⴾⵍ ⵍⵏ⵿ⵜⵓ ⵙ ⵜⵔⵢⵜ ⵏ⵿ⵜⵔⵏⴾ
ⵎⵔⵏ ⴾⵢ ⵜⵏ⵿ⴹⵈⵍⴾⵏ⵰
Currently Selected:
ⵏⴼⵍⵍ 4: TTQtg
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
