ⵏⴼⵍⵍ 18
18
1ⴹⴼⵔ ⵓⵏ ⴶⵗ ⵏ⵿ⴶⵍⵙ ⵢⵏ ⵍⵏ ⵜⵗⵎⵔ ⵓⵍⵏ ⵜⵤⵀⵜⴹⵓ ⴹⵗ ⵌⵏⵓⵏ ⵎⵍⵓⵍⵓ ⵎⴹⵍ ⴾⵜⵏⵜ ⵙⵏⵔ ⵏ⵿ⵜⵏⵢⵏⵜ⵰ 2ⵏⴰ ⵙⵎⵙⵍⵢ ⵙⵂⵏ ⵓⵍⵏ
«ⵀⵀⵢⵍⵏ ⵜⵏ ⵜⵎⵤⵓⵔ⵿ⵜ ⵜⴹⴰ⵰
ⵓⵍⴰ ⵜⴹⴰ ⵀⵀⵢⵍⵏ⵰
ⵜⵆⵍ ⴹⴶ ⵏ⵿ⵜⵎⵗⵙⵔ⵿ⵜ ⵏⵛⵢⵜⵏⵏ
ⴹ ⴹⴶ ⵏ⵿ⵜⵎⵗⵙⵔ⵿ⵜ ⵏ⵿ⴾⵍⵙⴼ
ⴹ ⵙⵎⵏⵢ ⵏ⵿ⴶⴹⴹ ⴾⵍ ⵓⵏ ⵈⵔⵎⵏⵏ
ⴹ ⵙⵎⵏⵢ ⵏⵤⵏⴼⵏ ⴾⵍ
ⵏ ⵎⴹⵔⵏ ⵓⵏ ⵈⵔⵎⵏⵏ
ⴹ ⵓⵏ ⵓⵔ ⵔⵏ ⵎⵏ ⴹⵓⵏ ⵜⵓⴶⵍⴼⵏⵏ⵰
3ⵛⵎⵜⵓⵏ ⵏⴹⵏⵜ ⴾⵍ ⴹⵓⵏⵜ ⴹⵔⵙ
ⴹⵗ ⵔⴾ ⴹⵔⵏⵏⵜ ⵍⵀⵙⵏⵏ ⵏⴶⵢ ⵏⵤⵏⴰ
ⵎⵙ ⵓⵏ ⵤⵏ ⵙⵎⴹ ⵙⵙⵏⵜ⵰
ⵎⵏⴾⵍⵏ ⵏⴹⵏⵜ ⵏⵎⴶⵏ ⴹⵔⵙ ⵤⵏⴰ
ⴾⵍ ⵌⵍⴰ ⵏⴹⵏⵜ ⴹⵗ
ⵙⴶⵔⴶⵙ⵿ⵜⵏ ⵗⵔⵎ ⵓⵏ ⵀⵀⵢⵍⵏ
ⵙ ⵔⵤⵗⵏⵜ ⴾⵏⵏⵏ ⴶⵜ⵰»
4ⵜⵤⵔ ⵙⵍⵗ ⵢⵎⵙⵍⵢ ⵢⵏ ⵙ ⴹⴶⵎⴹ ⵌⵏⵓⵏ ⵏⴰ
«ⴶⵎⴹⵜⴹⵓ ⵗⵔⵎ
ⵓⴹⵢ ⴾⵓⵏⵢ ⵓⵏ ⵎⵙⵏⵏ ⵜⵎⵜⵢⵏⵏ
ⴼⵍ ⴹ ⵓⵔ ⵜⴶⵎ ⵀⴾⴹⵏ ⵓⵏ ⵜⴶⵓ
ⵓⴹⴾⵓⵏⵏ ⵍⵀⵍⴰ ⵓⴰ ⴼⵍⵙ ⵤⴹⵏ⵰
5ⴼⵍⵙ ⵀⴾⴹⵏⵜ ⴶⵍⵏ ⵂⵔ ⵓⴹⵏ ⵌⵏⵓⵏ
ⵎⵔⵏ ⵎⵛⵏⴰ ⴾⵜⵓ
ⵔⴾ ⵎⵤⵍⵏ ⵍⵀⵙⵏⵏ ⵏⵗⵔⵎ ⵓⴹⵢ⵰
6ⵔⵤⵎⵜⵙ ⵙⵎⴾ ⵓⵙ ⵔⵤⵎ
ⵜⴾⴼⵎ⵿ⵜⵓ ⵏⵜⴼⵙ ⵏⵎⵤⵍⵏⵜ⵰
ⵜⴾⵀⵔ⵿ⵜ ⵜⵙ ⴾⵜ ⴾⵜⵜⵙ ⵏⵜⴼⵙⵏⵜ⵰
7ⵎⴾ ⵓⵙ ⴹⴾⵍ ⵎⵏⵜ
ⵎⵤⵍ ⵔⵜ ⴾⵍ ⵓⴰ ⵔⵏ ⵎⵏⵜ
ⵎⴾ ⴹⵢ ⴹⵗ ⵙ ⴶⵓⵜⵙ ⵤⵗⵤⵀ ⵙⴾⵙⴹⵏ
ⵜⵙⵙⴶⵎ⵿ⵜⵓ ⵜⴾⵏ⵿ⵤⵔ⵿ⵜ ⵍⵀⵙⵜ ⴶⴹⵏⵏ ⴹⵓⵏ ⴹⴰ
ⴹ ⵜⵏⴰ ⵜⴶⵓ ⵗⵔⵎ ⵓⵏ ⵀⵀⵢⵍⵏ
"ⵜⵈⵓⵜ ⵜⵏ ⵜⵎⵏⴾⵍⴰ ⴼⵍ ⵆⵎⴰ
ⵓⵔ ⵎⵙⴰ ⵜⵏ⵿ⵜⵜ ⵙ ⵀⴰ ⵍⵙⵏⵜ
ⵓⵔ ⵍⴾⵎ ⴹ ⴶⵤⵗ ⴼⵔ⵿ⵜⵢ⵰"
8ⵓⵏ ⴹⵗ ⴼⵍⵙ ⵍⵀⵍⵜⵏ ⵤⵓⵔⵏⵏ
ⴹⵢ ⵓⵏ ⴹⵙⵏ⵿ⵙⵏⵏ
ⵜⵎⵜⵏ⵿ⵜ ⴹⵜⴾⵏ⵿ⵤⵔ⵿ⵜ ⵍⵀⵙⵜ ⴹⵍⵤ⵰
ⵤⵍ ⵢⵏ⵿ⴹⴰ ⴼⵍⵙ ⵤⴹⵏ ⵍⵀⵍⵜⵏ ⵓⵏ ⴹⵢ
ⵜⵙⵔⴾⵎⵜⵓ ⴹⵗ ⵜⵎ⵿ⵙⵢ⵰
ⵓⵍⴰ ⵎⵍⵢ ⵎⵛⵏⴰ
ⵎⵙⵏ ⵎⵛⵙ ⵏ⵿ⵜⵔⵏⴰ
ⴰ ⵜⵓⴹⵀⵏ ⵗⵔⵎ ⵓⵏ⵰»
ⵙⵎⴹⵏⴶⵏ ⴶⵏⵏ ⴼⵍ ⵗⵔⵎ ⵏⵀⵀⵢⵍⵏ
9ⵎⵏⴾⵍⵏ ⵏⴹⵏⵜ ⴾⵍ ⵓⵏ ⴹⵔⵙ ⴹⵓⵏⵏ ⵏⵎⴶⵏ ⴹⵔⵙ ⵤⵏⴰ ⴹⵔⵜⵏ ⵓⵏ ⵔⵏ ⵎⵏⵙⵏ ⴹⵗ ⴹⵏⵜ ⴹ ⵏⵢⵏ ⵂⵓ ⵏ⵿ⵜⵎ⵿ⵙⵢ ⵜⴰ ⵜⵤⵜⵙⵔⴾⵎⵜ ⴹ ⵂⵍⵏ ⵙⴾⵍⵍⵏ ⴼⵍ ⵓⴰ ⵤⴶⵓ ⵗⵔⵎ ⵓⵏ ⴹⵗ ⵍⵗⵤⵀ⵰ 10ⴹⵔⵙ ⵏⵎⴶⴶⵏ ⴼⵍ ⵜⴾⵙⴹⴰ ⵏ⵿ⵜⵏⵏⵓⴹ ⵍⵗⵤⵀ ⵓⴰ ⵤⴶⵓ ⴹⵏ⵰ ⴹ ⴶⵏⵏ
«ⵈⵛⴰ⵰ ⵈⵛⴰ ⵓⵍⵏ
ⵢ ⵗⵔⵎ ⵓⴰ ⵤⵓⵔⵏ ⵏⵀⵀⵢⵍⵏ ⵍⵏ ⵜⵔⵏⴰ⵰
ⵍⵓⵆ ⵢⵏ⵿ⴹⴰ ⵗⵙ ⴼⵍ ⵜⵓⴹⵀ ⵎⵛⵏⴰ⵰»
11ⴾⵍ ⵌⵍⴰ ⵏⴹⵏⵜ ⴾⵍ ⴹ ⵂⵍⵏ ⴼⵍ ⵜⵔⵎⵆ ⵢⵗⵔⵎ ⵓⵏ⵰ ⵓⵔ ⵜⵍⴰ ⵓⴹⵏ ⵗⵔⵙⵏ ⵤⵏ⵿ⵤⵏ ⵓⴰ ⵙⵜⴶⵏ 12ⴶⵔ ⵔⵗ ⵓⵍⴰ ⵤⵔⴼ ⵓⵍⴰ ⵛⵂⵏ ⵛⵏ ⵍⵏⵏ ⵍⵎⵆⵎ ⵓⵍⴰ ⵍⵌⵂⵔ ⵓⵍⴰ ⵍⵏ ⵓⵍⴰ ⵜⵀⴹⵆ ⵜⴶⵜ ⵜⵤⵗⵢ ⵜⵑⵜ ⵓⵍⴰ ⵍⵈⵔⵔ ⵓⵍⴰ ⵜⵀⴹⵆ ⵜⴰ ⵜⴶⵜ ⵜⵤⵗⵢ ⵜⵂⵙⵢⵜ ⵓⵍⴰ ⵛⴾⵏ ⴾⵍ ⵓⵏ ⵙ ⵤⴹ ⴹⵏⵙⵏ ⵓⵍⴰ ⵔⵜⵏ ⵓⵏ ⴶⵏⵏ ⴹⵗ ⵜⵂⵏ⵿ⵜ ⵜⴾⵏⵜ ⵜⵎⵍⵢ ⵙⵏ⵿ⵜⴰ ⴹⵗ ⵜⴶⵓ ⵗⵏ ⵓⵏ ⵈⵎⵢⵙⴰ ⵓⵍⴰ ⵓⵏ ⵛⴾⵏ ⵓⵏ ⵍⵏⵏ ⵍⵎⵆⵎ ⵓⵍⴰ ⵓⵏ ⴹⵔⵗ ⵓⵍⴰ ⵓⵏ ⵜⵤⵍⵢ ⵓⵍⴰ ⵓⵏ ⵜⵂⵏ ⵛⵏ ⵂⵙⵢⵏⵏ 13ⵓⵍⴰ ⴶⵍ ⵏⵛⴾ ⵓⵙ ⵜⵓⵏⵓ ⴾⵏⵍ ⵓⵍⴰ ⵤⵏⴼⵏ ⵏⵏⵀⵜⵏ ⵓⵏ ⵍⵏⵏ ⴹⵓ ⵓⵍⴰ ⵍⵓⵔⴹⵜⵏ ⵓⵍⴰ ⴹⵜⵏ ⵓⵏ ⵤⴹⵏⵏ ⵎⵙⵏⵏ ⵎⵔ ⴹⵍⵎⵙⴾ ⵓⵍⴰ ⵙⵎⴹ ⵏⵍⵗⵏⵀ ⵓⵍⴰ ⵓⴹⵢ ⵓⵏ ⵤⵢⵜ ⵓⵍⴰ ⴶⵍ ⵓⵍⴰ ⵍⴾⵎⴰ ⵓⵍⴰ ⵛⵜⵏ ⵓⵍⴰ ⵢⴼⴹ ⵓⵍⴰ ⴶⵙⵏ ⵓⵍⴰ ⵎⵍⵏ⵿ⴾⵢⵜⵏ ⵓⵍⴰ ⴾⵍⵏ ⵓⵍⴰ ⴾⴼⵍⵏ⵰ 14ⴹ ⴶⵏⵏ ⴾⵍ ⵌⵍⴰ ⵢⵗⵔⵎ ⵓⵏ
«ⵔⵜⵏ ⵓⵏ ⵔⵏ ⵎⵏⴾ ⴾⵍ
ⴹⴶⴶⵏ ⴼⵍⴾ⵰
ⵜⵏⴼⵍⵢⵜ ⴹⵔⵜⵏ ⵓⵏ ⵂⵙⵢⵏⵏ
ⵤⴹⵏⵏ ⵀⵜⵏ ⴼⵍⴾ⵰
ⵓⵔ ⵍⴾⵎ ⴹ ⵍⵙⵏ ⵜⵓⵏⵢ⵰»
15ⴾⵍ ⵌⵍⴰ ⵓⵏ ⴶⵔⴶⵙⵏⵏ ⴹⵗ ⵙⵜⴶ ⵓⴰ ⵜⴶⵏ ⴹⵗ ⵗⵔⵎ ⵓⵏ ⴹⵔⵙ ⵏⵎⴶⴶⵏ ⴼⵍ ⵜⴾⵙⴹⴰ ⵏ⵿ⵜⵏⵏⵓⴹ ⵍⵗⵤⵀⵏⵜ⵰ ⴹ ⵂⵍⵏ ⵙⴾⵍⵍⵏ⵰ 16ⴶⵏⵏ
«ⵈⵛⴰ⵰ ⵈⵛⴰ ⵓⵍⵏ
ⵢ ⵗⵔⵎ ⵓⴰ ⵤⵓⵔⵏ ⴰ⵰
ⴹⵜ ⵓⴰ ⵍⵙⴰ ⵜⵀⴹⵆ ⵏⵍⵏ ⵂⵙⵢⵏ
ⴹ ⵜⵀⴹⵆ ⵜⴶⵜ ⵜⵤⵗⵢ ⵜⵑⵜ
ⴹ ⵜⵀⴹⵆ ⵜⴰ ⵜⴶⵜ ⵜⵤⵗⵢ ⵜⵂⵙⵢⵜ
ⵆⵏ ⵗⵏⵏ ⵂⵙⵢⵏⵏ ⵏⵔⵗ
ⴹ ⵜⵂⵏ ⵛⵏ ⵍⵏⵏ ⵍⵎⵆⵎ ⴹⵍⵌⵂⵔ⵰
17ⵎⵔⵏ ⵍⵓⵆ ⵢⵏ⵿ⴹⴰ ⵗⵙ
ⴰ ⴼⵍ ⵀⴰ ⵜⴶⵔⴶⵙ⵿ⵜ ⵜⵏ⵰»
ⵢⵜⴹⵏ ⴾⵍ ⵓⵏ ⵤⵔⵏⵏ ⵢⵗⵍⵍⵏ ⵓⵏ ⵎⵏ ⵤⵤⵍⵏ⵿ⵜⵏ ⴹⵢⵜⴹⵏ ⴾⵍ ⵓⵏ ⵛⴾⵍⵏⵏ ⴼⵍ ⴶⵔⵓⵏ ⵓⵏ ⵤⵓⵔⵏⵏ ⴹⵓⵏ ⵎⵛⵗⵍⵏ ⵏⵗⵍⵍⵏ ⵏⵎⵏ ⴹⵓⵏ ⴶⵏⵏ ⵌⵍⴰ ⴶⵔ ⴾⵍⵏ ⵙ ⵜⵔⵢⵜ ⵏ⵿ⴶⵔⵓⵏ ⵀⴹⴹⵏⵏ ⴹⵗ ⴶⴶ 18ⵙⵗⴰ ⵓⴹ ⵏⵢⵏ ⵂⵓ ⵏ⵿ⵜⵎ⵿ⵙⵢ ⵜⴰ ⵜⵙⵔⴾⵎⵜ ⵗⵔⵎ ⵓⵏ ⵙⴾⵔⵢⵏ ⴶⵏⵏ
«ⵓⵔ ⴾⵍⴰ ⴹ ⵜⵓⵏⵢ
ⵔⵜ ⵛⵍⵜ ⵏⵓⴰ ⴶⵔⵓ ⵗⵔⵎ ⴶⴹⵏ ⴹⵓⴰ⵰»
19ⵙⵓⵔⵏ ⵗⴼⵓⵏⵙⵏ ⵀⵆⴰ ⵂⵍⵏ ⵗⵛⴹⵏ ⵎⵏⵙⵏ ⵓⵍⵏ ⵙⴾⵔⵢⵏ ⴶⵏⵏ
«ⵈⵛⴰ⵰ ⵈⵛⴰ ⵓⵍⵏ
ⵢ ⵗⵔⵎ ⵓⴰ ⵤⵓⵔⵏ ⴰ
ⵙ ⵏ⵿ⵜⴰ ⴹⵗ ⴶⵔⴶⵙⵏ ⵢⵜⴹⵏ ⴾⵍ
ⵓⵏ ⵍⵏⵏ ⵗⵍⵍⵏ ⵏⵎⵏ ⵓⵏ ⵤⵓⵔⵏⵏ
ⵎⵛⵏ ⵍⵓⵆ ⵢⵏ⵿ⴹⴰ ⵗⵙ ⴼⵍ ⵗⵔⴹ ⵂⵍⴾ⵰»
20«ⴹⵓⵜⵜ ⵌⵏⵓⵏ⵰
ⵗⵔⵎ ⵗⵔⴹ ⵂⵍⴾ⵰
ⴹⵓⵜⵜ ⴾⵓⵏⵢ ⴹⴰ ⵓⵏ ⵎⵙⵏⵏ ⵎⵤⴹⴶⵏ ⵏⵎⵛⵏⴰ
ⴹ ⵏⵎⵤⵍ ⴹⵏⵀⵜⵏ⵰
ⵓⵍⴰ ⵎⵛⵏⴰ ⵓⴹⵀ
ⵗⵔⵎ ⵓⴰ ⴼⵍ ⵜⴾⵎⴰ ⵜⴰ ⴹⵓⵏⴶⴰ⵰»
21ⵜⵤⵔ ⴹⴾⵍ ⵏ⵿ⴶⵍⵙ ⴾⵏⵏ ⵜⵍⴰ ⵏ⵿ⵜⵔⵏⴰ ⵜⵂⵏ⵿ⵜ ⵤⵓⵔⵜ ⵜⵍⵜ ⴹⵜⴰ ⴼⵍ ⵜⵓⵤⴹ ⵍⴾⵎⴰ ⴶⵔ⵿ⵜⵜ ⴹⵗ ⴶⵔⵓ ⴶⵏⵓ
«ⵏ⵿ⵜⴰ ⴹⴰ ⴹⴰ ⵎⴾ ⵓⵙ ⴹⵏ⵿ⵤⵜⵓⴶⵔ
ⵗⵔⵎ ⵓⴰ ⵤⵓⵔⵏ ⵏⵀⵀⵢⵍⵏ
ⵙ ⵜⵎⵓⵜ ⵍⵀⵙⵜ
ⵎⵔⵏ ⵓⵔ ⵤⵍⵙ ⵜⵓⵏⵢ ⴹⴼⵔ ⴹⵢ⵰
22ⵓⵔ ⵍⴾⵎ ⴹ ⵍⵙⵏ ⵢⵜⴹⵏ
ⵜⵙⵍⵢ ⴹⵗ ⵗⵔⵎ ⵓⵏ
ⵢ ⵙⵓⵜ ⵓⵏ ⴶⵏⵏ ⵙ ⵜⵂⵔⴹⵏ⵿ⵜ ⵓⵍⴰ ⵙⴾ
ⵓⵍⴰ ⵓⵏ ⴶⵏⵏ ⵙ ⵜⵙⵏ⵿ⵙⵆ ⵓⵍⴰ ⵙⴾ⵰
ⵓⵔ ⵍⴾⵎ ⴹⵗⵙ ⵜⵓⵏⵢ ⵛⵗⵍ
ⵓⴰ ⵏⴼⵙ ⵓⵍⴰ ⵓⵏ ⵜⵜⴶⵏⵏ⵰
ⵓⵔ ⵍⴾⵎ ⴹⵗⵙ ⵜⵓⵙⵍⴰ ⵢⵎⵙⵍⵢ
ⵏ ⵤⴹ ⵏⵜⵗⵎ⵰
23ⵓⵔ ⵍⴾⵎ ⴹⵗⵙ ⵎⵍⵓⵍⵓ
ⵏⵔ ⵏ⵿ⴼⵜⵍⴰ
ⵤⴰ ⵓⵔ ⵍⴾⵎ ⴹⵗⵙ ⵍⵙ ⵜⵓⵙⵍⴰ
ⵢ ⵎⵙⵍⵢ ⵏⵎⵔⵎⵛ ⴹⵜⵎⵤⵍⵢⵜⵏⵜ⵰
ⵎⵔⵏ ⵏ⵿ⵜⴰ ⴹⴰ ⴹⵍⵍ ⵓⴰ ⴼⵍ ⴶⴰ ⴹⵢ
"ⴾⵍ ⵌⵍⵏⴾ ⵏ⵿ⵜⵏⵢ ⴶⵔⵏⵏ
ⵜⵍⴰ ⵏⵀⵜⵓ ⴹⵗ ⴹⵏⵜ ⴾⵍ
ⵛⵗⵓⵏⴾ ⴹⵗ ⵙⵈⵔⴾⵏ ⵛⵎⵜⵓⵏ ⴾⵍ⵰
24ⴾⵢ ⵗⵔⵎ ⵓⵏ ⵀⵀⵢⵍⵏ
ⴰ ⴹⵗ ⵜⵓⵏ⵿ⵗⵍ ⵤⵏⵢ ⵏⵏⵀⵜⵏ
ⴹ ⵤⵏⵢ ⵏⵎⵤⴹⴶⵏ ⵏⵎⵛⵏⴰ
ⴹ ⵢⵜⴹⵏ ⴾⵍ ⵓⵏ ⵜⵓⵏ⵿ⵗⵏⵏ ⴹⵗ ⴹⵏⵜ⵰"»
Currently Selected:
ⵏⴼⵍⵍ 18: TTQtg
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
