ⵏⴼⵍⵍ 16
16
1ⴹⴼⵔ ⵓⵏ ⵙⵍⵗ ⵢⵎⵙⵍⵢ ⵤⵓⵔⵏ ⵙ ⴹⴶⵎⴹ ⵂⵏ ⵏⵍⵗⵀⴹⴰ ⵏⴰ ⵢⵏ⵿ⴶⵍⵙⵏ ⵓⵏ ⵙⴰ «ⴶⵍⵓⵜ ⵜⵏ⵿ⵗⵍⵎ ⴼⵍ ⵎⴹⵍ ⴾⵜⵏⵜ ⵙⵢⵜ ⵜⴾⵔⵓⵙⵏ ⵛⵏ ⵍⵂⵎ ⵏⵎⵛⵏⴰ⵰»
2ⵜⵤⵔ ⴶⵍⴰ ⵓⴰ ⵤⵔⵏ ⴹⵗⵙⵏ ⵏ⵿ⵗⵍ ⵜⴾⵔⵓⵙ⵿ⵜⵏⵜ ⴼⵍ ⵎⴹⵍ⵰ ⵓⵜⵏⵜ ⵛⵆⵙ ⵍⵀⵙⵏⵏ ⵢⵜⴹⵏ ⴾⵍ ⵓⵏ ⵓⵔ ⵌⵓⵍ ⵏⵎⴹⵔ ⵗⵀⴹⵏ ⵛⵛⵍⵏⵜ⵰
3ⵏ⵿ⵗⵍ ⵏ⵿ⴶⵍⵙ ⵓⵏ ⵛⵏ ⵜⴾⵔⵓⵙ⵿ⵜⵏⵜ ⴼⵍ ⴶⵔⵓⵏ ⵆⵍⵏ ⵎⵏⵙⵏ ⵤⵏⵢ ⵍⵏ ⴹⵤⵏⵢ ⵏⵏⵎⵜⵏ⵰ ⵎⵜ ⴹ ⵜⵍⴰ ⵎⴹⵔ ⴾⵍ ⵂⵏ ⴶⵔⵓⵏ⵰
4ⵜⵤⵔ ⵏ⵿ⵗⵍ ⵓⵏ ⴾⵔⴹ ⴹⵗⵙⵏ ⵜⴾⵔⵓⵙ⵿ⵜⵏⵜ ⴹⵗ ⵜⵙⵙⵏ⵿ⴶⵢ ⴹⵛⵜⵓⵏ ⵏⵎⵏ ⵆⵍⵏⵜ ⵤⵏⵢ⵰ 5ⵙⵍⵗ ⵢⵏ⵿ⴶⵍⵙ ⵓⴰ ⵏⵜⴼⵏ ⴹⵎⵏ ⴶⵏⵓ
«ⵜⵗⴹⴰ ⴾⵢ ⵓⴰ ⵜⵍⵏ ⵎⵔⴹⴰ
ⵜⵍⵆⵓ ⴾⵍⴰ ⴹⴰ ⵜⵎⵙⵗ ⵎⵤⴹⴶ
ⴹ ⵎⴾ ⵓⴰ ⴹⴰ
ⵙ ⵜⵈⴾⵎⵗ ⵔⵜⵏ ⵓⵏ ⵢⵢⵜⴹⵏ ⵏⴹⵏⵜ⵰
6ⴼⵍⵙ ⵜⵏⵗⵍⴰ ⴶⵏ ⵤⵏⵢ ⵏⵎⵤⴹⴶⵏ ⴹⵏⵀⵜⵏ
ⵎⵔⵏ ⵜⴾⴼⵆⵏ ⵤⵏⵢ ⵢⴹ ⵜⵛⵓⵏ
ⴹ ⵂⵔⵏ ⴹⵔⵙ⵰»
7ⵙⵍⵗ ⵢ ⵎⵌⵎⵔ ⵓⵏ ⵜⴾⵜⵓⵏ ⴶⵏⵓ
«ⵓⵍⴰ ⵎⵍⵢ ⵎⵛⵏⴰ
ⵙ ⵏ⵿ⵜⴰ ⵎⵙⵏ ⵎⵛⵙ ⵏ⵿ⵜⵔⵏⴰ ⴾⵍ
ⵍⵈⴾⵎⵏⵜ ⵜⴹⵜ ⵎⵙⵏ ⵗⴹⵏ⵰»
8ⵏ⵿ⵗⵍ ⵏ⵿ⴶⵍⵙ ⵓⵏ ⴾⵤ ⵜⴾⵔⵓⵙ⵿ⵜⵏⵜ ⴼⵍ ⵜⴼⴾ ⵜⵜⵓⴾⴼⴰ ⵜⴼⴾ ⴼⵔⴶⵜ ⵏⴾⵓⵢ ⵏⵢⵜⴹⵏ⵰ 9ⵜⵙⴹⵓ ⵜⴾⵙⵢ ⵍⵀⵙⵜ ⴹ ⵜⴾⴶⵢ ⵢⵜⴹⵏ⵰ ⵜⵤⵔ ⴹ ⵜⴾⵙⵏ ⵜⵔⵏⴰ ⵢⵙⵎ ⵏⵎⵛⵏⴰ ⵙⵏ⵿ⵜⴰ ⵈⴾⵎⵏ ⴹⵗ ⵍⵓⵀⵜⵏ ⵓⵏ ⴹⴶ ⵏ ⴹⵙⵜⵀⵏ ⵙⵗⵎⵔⵏ⵿ⵜⵓ⵰
10ⵜⵤⵔ ⵏ⵿ⵗⵍ ⵏ⵿ⴶⵍⵙ ⵓⵏ ⵙⵎⵙ ⵜⴾⵔⵓⵙ⵿ⵜⵏⵜ ⴼⵍ ⵜⵈⵓⵜ ⵜⵏ ⵜⵗⵎⵔ ⵏⵎⴹⵔ ⵓⴰ ⵙⴾⵙⴹⵏ⵰ ⵍⵙⵏⵜ ⵛⵢⵢ ⵜⵗⵎⵔ ⵏⵎⴹⵔ ⴶⵏ ⵢⵜⴹⵏ ⵜⴾⵔⵗⵜ ⵜⵙ ⵂⵔ ⵆⵎⵏ ⴹⴹⵏ ⴹⴹⵓⵏⵙⵏ⵰ 11ⴹ ⵜⴾⵙⵏ ⵜⵔⵏⴰ ⵢ ⵎⵛⵏⴰ ⴹⵢ ⵏⵎⵍⵢ ⵏ⵿ⵌⵏⵓⵏ ⴼⵍ ⴹⵍⵍ ⵏ⵿ⵜⵙⵏⵢ ⵙⴾⵙⴹⵜ ⵜⴰ ⵜⴶⵏ ⴹⵛⵆⵙ ⵛⵏ ⵜⵏⵂⵏⵏ ⵓⵔ ⵜⵀⵏ ⴹⵗ ⵎⵤⵍⵏⵙⵏ⵰
12ⵏ⵿ⵗⵍ ⵏ⵿ⴶⵍⵙ ⵓⵏ ⵙⴹⵙ ⵜⴾⵔⵓⵙ⵿ⵜⵏⵜ ⴼⵍ ⴶⵔⵓ ⵓⴰ ⵤⵓⵔⵏ ⵏⴼⵔⵜ⵰ ⵙ⵿ⵜⴾⵏ ⵎⵏⵜ ⴼⵍ ⴹ ⵜⵎⵜⴶ ⵜⵔⵢⵜ ⵏⵎⵏⴾⵍⵏ ⴹⴼⵍⵏⵏ ⴹⵏⴶ⵰ 13ⵜⵤⵔ ⴶⵗ ⵎⵢ ⵏⵎⵈⵍⴾ ⴹ ⵓⵏ ⵎⴹⵔ ⴹ ⵓⵏ ⵏⵀⵢ ⵏⵀⵂⵓ ⵙ ⵜⵏ⵿ⴹⴶⵎⴹⵏ ⴾⵔⴹ ⵛⵢⵜⵏⵏ ⵂⵏⵏ ⵙⵓⵔⵜ ⵏ⵿ⴶⵔⵏ⵰ 14ⵛⵢⵜⵏⵏ ⵓⵏ ⴹⵏ ⵏ⵿ⵜⵏⵢ ⵜⴶⵏⵏ ⵜⵍⵎⵗⵌⵌⵜⵏ ⵏ⵿ⵜⵏⵢ ⴹⵗ ⵤⴾⵏⵏ ⵎⵏⴾⵍⵏ ⵏⴹⵏⵜ ⴾⵍ ⵢⵜⵏ⵿ⴹⵛⴹⵓⵏ ⵢⵎⴶⵔ ⵓⴰ ⵤⴶⵏ ⴹⵗ ⵤⵍ ⵓⴰ ⵤⵓⵔⵏ ⵏⵎⵍⵢ ⵎⵛⵏⴰ ⴹⵢ ⵙⵏ⵿ⵜⴰ ⵎⵛⵙ ⵏ⵿ⵜⵔⵏⴰ ⴾⵍ⵰ 15ⵏ⵿ⵜⴰ ⴹⴰ ⵓⴰ ⵤⴶⵏ ⴹⵏⴶⵗ ⵙⴰ ⵤⵏ ⵓⴰ ⴹⵜⴶⵓ ⵀⵢⴹⴶ⵰ ⵀⵍⵍ ⵓⴰ ⴾⵢⵏ ⵆⵏ ⵙⵍⵙⵏⵜ ⴼⵍ ⴹ ⵓⵔ ⵌⵓⵏ⵿ⴾⵜ ⵤⴼ ⵜⵜⵓⵏⵢ ⵍⵗⵓⵔⵜⵏⵜ⵰ 16ⵜⵤⵔ ⵛⴹⵓⵏ⵿ⴹⵓ ⵛⵢⵜⵏⵏ ⵎⵏⴾⵍⵏ ⵏⴹⵏⵜ ⴾⵍ ⴹⵗ ⴹⴶ ⵢⵏ⵿ⴹⴰ⵰ ⴹⴶ ⵓⴰ ⵜⵓⵏⵙ ⴹⵗ ⵜⵍⵗⵀⵔⵜ «ⵔⵎⴶⴹⵏ»⵰
17ⵏ⵿ⵗⵍ ⵏ⵿ⴶⵍⵙ ⵓⵏ ⵙⴰ ⵜⴾⵔⵓⵙ⵿ⵜⵏⵜ ⴹⵗ ⵍⵂⵓⴰ⵰ ⵜⵤⵔ ⴶⵎⴹⵓ ⵎⵙⵍⵢ ⵙⵂⵏ ⵂⵏ ⵓⴰ ⵤⴹⴶⵏ ⴹⵜⵈⵓⵜ ⵜⵏ ⵜⵗⵎⵔ ⵏⵎⵛⵏⴰ ⴶⵏⵏ «ⵔⵜ ⴾⵍ ⵗⵔⴹ⵰» 18ⴶⵏ ⵙⵎⵏ ⴹⵎⵙⵍⵏ ⴹⴶⴶⵏ ⴶⴰ ⵎⴹⵍ ⵏⴶⵢⵏⴶⵢ ⵙ ⵓⴰ ⴹⵓⵔⵏ ⵢⵜⴹⵏ ⵜⵙⵢⵜ ⵏⵎⴹⵍ ⵓⵔ ⴶⴰ ⵏⵗⵏⵜ⵰ 19ⵜⵤⵔ ⴶⴰ ⵗⵔⵎ ⵓⴰ ⵤⵓⵔⵏ ⵏⵀⵀⵢⵍⵏ ⴾⵔⴹⵜ ⵜⵤⵏⵏ⵰ ⵀⵔⵌⵏ ⵗⵔⵎⵏ ⵏ⵿ⴾⵍⵏ ⴾⵍ⵰ ⵗⵔⵎ ⵓⴰ ⵤⵓⵔⵏ ⵏⵀⵀⵢⵍⵏ ⴾⵜⵓ ⵎⵛⵏⴰ ⵀⴾⴹⵏⵜ⵰ ⴹⵢ ⴼⵍ ⵜⵛⵛⵓⴰ ⵜⴾⵀⵔ⵿ⵜ ⵏⵙⵎⴹ ⵏⵍⵗⵏⵀ ⵎⵜⵍⵏ ⵍⵂⵎⵏⵜ ⴹⵛⵔⵗⵏⵜ ⵍⵀⵙⵏⵏ ⵓⵍⵏ⵰ 20ⵜⵤⵔ ⵎⵙⵏ ⴾⵍⵏ ⴾⵍ ⵓⵏ ⴶⵔⵓⵜⵍⵏ ⵀⴰ ⵜⵎⵢⵎⵢⵜ ⵏⴹⵗⵗⵏ⵰ 21ⴹⵜⴼⵜⵆⵏ ⴹⴶⵔⵤⵏ ⵙ ⴾⵢⵏ ⴹⵗⵙⵏ ⵎⵙ ⵤⴾⵏⵜ ⴹⴶ ⵏⴾⵤⵜ ⵜⵎⵔⵓⵏ ⵏ⵿ⴾⵍⵓ ⵔⵜⴾⵏ ⴼⵍ ⵢⵜⴹⵏ⵰ ⴹ ⵜⴾⵙⵏ ⵢⵜⴹⵏ ⵜⵔⵏⴰ ⵢ ⵎⵛⵏⴰ ⴼⵍ ⴹⵍⵍ ⵏⵍⵓⵀⴰ ⵓⵏ ⴹⴶⵔⵤⵏ ⵏ ⴼⵍⵙ ⵍⵓⵀⴰ ⴾⵏⵏ ⵜⵤⵓⵔ⵿ⵜ ⵓⵍⵏ ⵎⵙ⵰
Currently Selected:
ⵏⴼⵍⵍ 16: TTQtg
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
