ⵏⴼⵍⵍ 12

ⵏⴼⵍⵍ ⵏ⵿ⵜⵏ⵿ⵜⵜ ⵜⴰ ⵜⴶⵜ ⵜⴹⵙ⵿ⵜ

1ⵜⵏⴼⵍⵍⴹⵓ ⵍⵗⵍⵎⵜ ⵤⵓⵔⵜ ⴹⵗ ⵌⵏⵓⵏ ⵍⵗⵍⵎⵜ ⵜⵏ ⵜⵎⵙ ⵜⵏ⵿ⵜⵜ ⵜⵍⵙⵜ ⵜⴼⴾ ⵜⵍⴰ ⵜⵍⵜ ⴹⵓ ⴹⵔⵏⵜ ⵜⵙⵓⵔ ⵜⴾⵀⵜ ⵜⵏ ⵜⵔⵏⴰ ⵜⴶⵜ ⴹⵗ ⵎⵔⵓ ⵜⵔⵏ ⴹⵛⵏ⵰ 2ⵜⵙⴾⵔⵢ ⴹⵜⵍⵓⵢⵜ ⵏⴶⵤ ⵏⵎⵤⵔ⵰ 3ⵜⵏⴼⵍⵍⴹⵓ ⵍⵗⵍⵎⵜ ⵢⵜ ⴹⵗ ⵌⵏⵓⵏ⵰ ⵎⵙ ⵓⵏ ⵎⵈⵍⴾ ⵍⵏ ⴹⵤⵏⴼ ⵏⵗⵜⴰ ⴶⵏ ⵜⵤⵓⵔ⵿ⵜ ⵙⴾⵙⴹⵜ⵰ ⴶⴰ ⵜⵤⵗⵢ ⵏ⵿ⵜⵎ⵿ⵙⵢ ⵍⴰ ⵙⴰ ⵗⴼⵓⵏ ⴹⵎⵔⵓ ⵙⴾⵓⵏ ⵎⵔⵏ ⴾⵍⴾ ⵏⵢⵏ ⴹⵗ ⵗⴼⵓⵏ ⵓⵏ ⴹⵏ ⵜⵓⵔ⵿ⵜⵓ ⵜⴾⵀⵜ ⵜⵏ ⵜⵗⵎⵔ⵰ 4ⴼⵔⴹ ⵙ ⵜⵙⵀⵜⵏⵜ ⵜⵤⵏ⵿ⵜ ⵜⵏ ⴾⵔⴹⵜ ⵏⵜⵔⵏ ⴶⵔ⵿ⵜⵏ⵿ⴹⵓ ⴼⵍ ⵎⴹⵍ⵰ ⵜⵤⵔ ⵎⵍ ⵎⵈⵍⴾ ⵓⵏ ⴹⵜ ⵜⵏ⵿ⵜⵜ ⵜⴰ ⵜⵜⴶⵤⵜ ⵎⵤⵔ ⴼⵍ ⴹ ⵜⵛⵓ ⵀⵔⵔⵏⵜ ⴹⵗ ⵎⵤⵢ ⵓⴰ ⴹⴰ ⴹⵗ ⴹⵤⵂⵓ⵰ 5ⵜⵏ⵿ⵜⵜ ⵜⵏ ⵜⴶⵔⵓ ⵀⵔⵔ ⵏⵢⵢ ⵙⵏ⵿ⵜⴰ ⵤⵤⵔⵏ ⵢ ⵜⵎⵜⵓⵏ ⵏⴹⵏⵜ ⴾⵍ ⵙ ⵜⵗⵎⵔ ⵜⴾⵏⵜ ⵙⵂⵜ⵰ ⵜⵤⵔ ⵎⵓⵢ ⵀⵔⵔ ⵓⵏ ⵙ ⵜⵈⵓⵜ ⵏ⵿ⵜⵗⵎⵔ ⵜⴰ ⴼⵍ ⵆⵎ ⵎⵛⵏⴰ⵰ 6ⵜⴹⴶⴶ ⵜⵏ⵿ⵜⵜ ⵜⵏ ⵙⵙⴼ ⵜⴾⴰ ⴹⴶ ⵙⴾⵜ ⵎⵛⵏⴰ ⵢⵓⵏ⵰ ⴹⵏ ⴹⴰ ⴹⵔⵙ ⵤⴶⵓ ⵏⵜⴼ ⵂⵔ ⴶⵎ ⵏⵤⵍ ⴹⵙⵏⵜⵜ ⵜⵎⴹ ⴹⵙⴹⵙⵜ ⵜⵎⵔⵓⵏ⵰

7ⵜⵤⵔ ⴶⴰ ⵎⴶⵔ ⴹⵗ ⵌⵏⵓⵏ⵰ ⵎⴶⵔ ⵎⴾⵢⵍ ⴹⵏ⵿ⴶⵍⵙⵏⵜ ⴹⵎⵈⵍⴾ ⵓⵏ⵰ ⵎⴶⵔ ⴹⵔⵙⵏ ⴹⵗ ⵎⵈⵍⴾ ⵏ⵿ⵜⴰ ⴹⵔⴾ ⵏ⵿ⴶⵍⵙⵏⵜ⵰ 8ⵎⵛⵏ ⵜⵓⵔⵏⴰ ⵎⵈⵍⴾ ⴹⵏ⵿ⴶⵍⵙⵏⵜ ⵀⵙ ⴹⵙⵏ⵿ⵜⵍⴰ ⴹⴶ ⴹⵗ ⵌⵏⵓⵏ⵰ 9ⵎⵈⵍⴾ ⵓⴰ ⵤⵓⵔⵏ ⵏ ⵎⵙⵏ ⵛⵍ ⵓⴰ ⵔⵓⵏ ⵙ ⵜⵓⵏⵓ ⵀⵍⵙ ⵜⵓⵏⵙ ⴹⵗ ⵛⵢⵜⵏ ⵙⵏ⵿ⵜⴰ ⵙⵈⵔⴾⵏ ⵢⵜⴹⵏ ⴹⵗ ⴹⴶ ⴾⵍ ⵓⴰ ⵂⵏ ⴹⵗ ⴹⵏⵜ ⵜⵓⴶⵔⴹⵓ ⴼⵍ ⵎⴹⵍ ⴹⵓ ⴹⵏ⵿ⴶⵍⵙⵏⵜ⵰ 10ⴹⴼⵔ ⵓⵏ ⵙⵍⵗ ⵢⵎⵙⵍⵢ ⵙⵂⵏ ⴶⵏⵓ ⴹⵗ ⵌⵏⵓⵏ «ⵎⵔⴹⴰ ⵍⵓⵆ ⵓⵏ ⴼⵙⵏ ⵙⴹⵓ⵰ ⵎⵔⴹⴰ ⵎⵍⵏⵏⴰ ⵙⵏⴼⵍⵍ ⵜⵔⵏⵏⵜ ⴹⵜⵗⵎⵔⵏⵜ⵰ ⵎⵔⴹⴰ ⵜⵗⵎⵔ ⵜⵍⴰ ⴶⵔ ⴼⵙⵏ ⵏⵍⵎⵙⵈⵏⵜ ⴹ ⵛⵢⵜⵏ ⵙⵏ⵿ⵜⴰ ⵙⵓⵔⵏ ⵎⴹⵔⵢⵏⵏⴰ ⵍⵂⵏⵏ ⴹⵜ ⵎⵛⵏⴰ ⵂⴹ ⵤⵍ ⴹⵜⵓⴾⵙⵏ ⴹⵗ ⵌⵏⵓⵏ ⵜⵓⴶⵔⴹⵓ ⵙⵎⴹⵍ⵰ 11ⵎⵛⵏ ⵢⴰ ⵔⵏⵏ⵿ⵜⵓ ⵎⴹⵔⵢⵏⵏⴰ ⵓⵏ ⵙ ⵜⵔⵢⵜ ⵏⵤⵏⵢ ⵏⵌⵎⵔ ⴹⵜⵔⵢⵜ ⵏ⵿ⵙⵍⵏ ⵏⵍⵏ⵿ⵌⵍ ⵓⵏ ⵎⵍⵏ⵰ ⵆⵀⵍⵏ ⵜⵂⴾⵢ ⵏⵎⵏⵙⵏ ⵀⵜⵏ ⴹⵗ ⵜⵔⵢⵜ ⵜⵏ⵰ 12ⴹⵓⵜⵜ ⴹⵗ ⴹⵢ ⵌⵏⵓⵏ ⴹⵓⵏ ⵜⵏⵤⴹⵗⵏⵏ⵰ ⵎⵛⵏ ⴾⵜ ⵍⵗⵤⵀ ⵍⵢ ⵢⵎⴹⵍ ⴹⴶⵔⵓⵏ ⴹ ⵀⵍⵙ ⵤⵀⵜⵏ ⵙⵔⵓⵏ ⵂⵢ ⵍⵂⵎ ⵓⵍⵏ ⴼⵍⵙ ⵍⵓⵆ ⵏ⵿ⴹⵔⵏ ⴹⵙ ⴹⵆⵎⵏ ⵎⵔⵏ ⵙⵏ ⴹⵗ ⵓⵏ⵰»

13ⵙ ⵏⵢ ⵎⵈⵍⴾ ⵙ ⵜⵓⴶⵔⴹⵓ ⴼⵍ ⵎⴹⵍ ⵙ⵿ⵜⵗ ⵜⵏ⵿ⵜⵜ ⵜⴰ ⵜⴶⵤⵜ ⵎⵤⵔ ⵏⵀⵔⵔ ⵏⵢⵢ⵰ 14ⵎⵛⵏ ⵜⵜⵓⴾⴼⴰ ⵜⵏ⵿ⵜⵜ ⵜⵏ ⵛⵏ ⴼⵔⵜⵏ ⵏ⵿ⵜⵏⴶⵎⵔ⵿ⵜ ⵜⴰ ⵤⵓⵔⵜ⵰ ⵎⴾⵏ ⴹⵗ ⵙ ⵜⴼⵔⴶ ⵛⴶⵜ ⵙⵙⴼ ⵙⴹⴶ ⵓⴰ ⴹⵗ ⵤⴰ ⵜⵏⵎⴶⴶ ⴹⵛⵍ⵰ ⴹⵏ ⴹⵗ ⴹⵔⵙ ⵤⴶⵓ ⵏⵜⴼ ⵂⵔ ⴾⵔⴹ ⵍⵏ ⴹⴶⵏⴰ⵰ 15ⵜⵤⵔ ⴼⵙⴹⵓ ⵛⵍ ⵎⵏ ⵎⵙⵏ ⵤⵏ ⴶⵔⵓ ⴹⴼⵔ ⵜⵏ⵿ⵜⵜ ⴼⵍ ⵜⵜⵀⵜⵏ⵰ 16ⵎⵛⵏ ⵍⵍ ⵎⴹⵍ ⵢ ⵜⵏ⵿ⵜⵜ⵰ ⵔⴰ ⵎⴹⵍ ⵎⵏⵜ ⵍⵎⵤ ⴶⵔⵓ ⵓⴰ ⴹⴼⵙⴰ ⵎⵈⵍⴾ⵰ 17ⵎⵈⵍⴾ ⵂⵢ ⵍⵂⵎ ⵍⵀⵙⵏ ⵏ⵿ⵜⵏ⵿ⵜⵜ ⵜⵤⵔ ⴶⵍⴰ ⵢⴹ ⵎⴶⵔ ⴹⵎⴹⵏⵙ ⵏ⵿ⵜⵏ⵿ⵜⵜ ⵓⵏ ⵂⴹⵜⵏⵏ ⵜⵏⵎⵙⵏⵏ ⵓⵏ ⵀⵔⴹⴶⵏⵏ ⵢⵍⵓⵌⵀⵏ ⵏⵎⵛⵏⴰ ⵜⴶⵢⵏ ⴹⵗ ⵀⵜⵓ ⵏ⵿ⵗⵢⵙⴰ ⵍⵎⵙⵈ⵰ 18ⴹⴼⵔ ⵓⵏ ⴾⴰ ⵎⵈⵍⴾ ⵜⴶⴹⵎⵢⵜ ⵏⴶⵔⵓ ⵙⵎⵜⴶ ⵢⵎⴶⵔ⵰

Currently Selected:

ⵏⴼⵍⵍ 12: TTQtg

Highlight

Copy

Compare