1 ⵜⵎⵜⵢ 4
4
ⵙⵙⵗⵔⵢ ⵓⴰ ⵍⵗⵏ ⴹⵎⵛⵗⵍ ⵏⵍⵎⵙⵈ
ⵔⵗⵎⵜⵏ ⴼⵍ ⵙⵙⵗⵔⵜⵏ ⵏⵀⵂⵓ
1ⴹⵔ ⴶⴰ ⵓⵏ ⴹⴰ ⵢⴰ ⵏ⵿ⴼⵙ ⵎⵍ ⵙⵍⵗ ⵙ ⴹⵗ ⵤⵎⵏ ⵓⵏ ⵍⴾⵎⵏⵏ ⵢⵜⴹⵏ ⵓⵢⴹ ⴹ ⵎⵤⵢⵏ ⴹⵤⴶⵤⵏ ⵙⵍⵎⵙⵈ ⵍⴾⵎⵏ ⵢ ⴾⵍⵙⴼ ⵙⵈⵔⴾⵏⵏ ⴹⵜⵙⵏⵏ ⵏⵛⵢⵜⵏ⵰ 2ⵜⵙⵏⵏ ⵛⵏ ⴼⵍⵏⵜⴹⵓ ⵏⵙⵀⵂⴰ ⵏⵍⵎⵏⴼⵆⵏ ⵙ ⵎⵜⵏ ⵓⵍⵏⵙⵏ 3ⴶⴹⵍⵏ ⵤⵍⴼ ⵔⵗⵎⵏ ⴼⵍ ⵜⵜⵢ ⵏⵓⵢⴹ ⵎⵏ⵿ⵙⵓⵏ ⵙ ⵎⵛⵏⴰ ⵜⵏ⵿ⴹⵈⵍⴾⵏ ⴼⵍ ⵜⵏⵜⵛⵏ ⵢⵜⴹⵏ ⵓⵏ ⵤⴶⵤⵏⵏ ⴶⴹⵢⵏ ⵢ ⵎⵛⵏⴰ ⵏ⵿ⵜⵏⵢ ⵙⵏⵏ ⵜⴹⵜ⵰ 4ⴼⵍⵙ ⵓⴰ ⴹⵈⵍⴾ ⵎⵛⵏⴰ ⴾⵍ ⵍⵗ⵰ ⵓⵔ ⵜⵂⴰ ⵈⵔⵎⵏ ⴶⴹⵢⵜ ⵗⵙ ⵓⴹⵏ ⵢ ⵎⵛⵏⴰ ⵜⵤⵔ ⵜⵛⵜ ⵓⴰ ⵔⴰ⵰ 5ⴹ ⵤⵤⴹⴾⵓ ⵓⵍ ⵏⵎⵛⵏⴰ ⴹⵜⵓⵜⵔⵢ⵰
ⵎⵛⵗⵍ ⵓⴰ ⵍⵗⵏ ⵏ⵿ⵗⵢⵙⴰ ⵍⵎⵙⵈ
6ⵙ ⵜⵎⵍⵗ ⵙⵍⵏ ⵓⵏ ⴹⴾⴶ ⴹⴰ ⵢ ⵎⵤⴶⵤⵏ ⴹ ⵜⵆⵍⴰ ⵎⵛⵗⵍ ⵍⵗⵏ ⵏⵍⵎⵙⵈ ⵗⵢⵙⴰ ⴹⵔⵏ ⵙⵍⵏ⵿ⵌⵍ ⵎⵙⵏ ⵏⴼⵍⵍ ⵏⵎⵛⵏⴰ ⴹⵗ ⵗⵢⵙⴰ ⴹⵜⵙⵏ⵿ⵜ ⵜⵍⵗⵜ ⵜⵙ ⵜⵙⵍ⵰ 7ⴹ ⵓⵔ ⵜⵙⵙⵎⵗ ⵢ ⵎⵢⵏ ⵏⵀⵏⵏ ⵎⵤⵔⵢⵏⵏ ⵓⵍ ⵏⵎⵛⵏⴰ⵰ ⴾⵍⵔ ⵙⵍⵎⴹ ⵎⵏⴾ ⵜⵎⴹⵔ⵿ⵜ ⵜⴰ ⴹⵗ ⵜⵙⵗⴰ ⴹⵎⵛⵏⴰ⵰ 8ⵛⵏⵏ ⵏ⵿ⵜⵗⵙⴰ ⵓⵔ ⵜⵜⵂⴰ ⵜⵏ⵿ⴼⴰ ⵜⴶⵜ ⵎⵛⵏ ⵛⵏⵏ ⵏⵓⵍ ⵍⴾⵎ ⵢⵓⵍ ⵏⵎⵛⵏⴰ ⵜⵂⵢ ⵜⵏ⵿ⴼⴰ ⴹⵗ ⵜⵔⵢⵜ ⴾⵍ ⴼⵍⵙ ⵏⴶⵔⵓ ⵙⵔⵙ ⵎⵔⴹⴰ ⵜⵎⴹⵔ⵿ⵜ ⵜⵙ ⴶⴰ ⵎⵛⵏⴰ ⵔⴾⵓⵍⵏⵜ ⵏⴶⵔⵓⵜⵜ ⴹⵗ ⴹⴼⵔ ⵀⴰ⵰ 9ⵀⵜⵓ ⴹⵢ ⴶⵎⴹ ⵛⴾ ⵜⵏⵂⵜ ⴹⴰ ⵙⵔⵙ ⵔⴹⵏ ⵢⵜⴹⵏ ⴾⵍ⵰ 10ⵏⵏⵢ ⵔⴾⵏⵢ ⵏⵀⵍⵏ ⴼⵍⵙ ⵏⴶⴰ ⵜⵎⵏⵏⴰ ⴹⵗ ⵎⵛⵏⴰ ⴹⵢ ⵏⵎⵗⵍⵍ ⵎⵙⵏ ⵏⵙⴼⵙⵢ ⵏⵢⵜⴹⵏ ⴾⵍ ⵓⵍⵏ ⵓⵏ ⵙⵔⵙ ⵤⴶⵤⵏⵏ⵰ 11ⵔⵜⵏ ⴹⵢ ⴹⴰ ⵓⵏ ⵙ ⵤⴰ ⵜⵜⵎⵔⵗ ⵢⵜⴹⵏ ⵜⵙⵙⵗⵔⵗⵙⵏ⵿ⵜⵏ⵰
12ⴹ ⵓⵔ ⵜⵢⵗ ⵓⴹⵏ ⵓⵍⵢⵏ ⵍⴾⴾ ⴼⵍ ⵙ ⵓⵔ ⵜⵓⵛⵔⴰ⵰ ⴾⵍⵔ ⵆⵍ ⵍⵎⵙⵍ ⵢ ⵎⵤⴶⵤⵏ ⵙⵓⴰ ⵜⴶⵏⴰ ⴹⵍⵈⵍⵏⴾ ⴹⵜⵔⴰ ⵜⴰ ⴾⵢⵜⵂⵜ ⴹⵤⴶⵤⵏⴾ ⴹⵜⵤⴹⴾ ⵏⵓⵍⵏⴾ⵰ 13ⴶⵎⴹ ⵙ ⵜⵗⵔⵢ ⵏⵓⵍ ⵏⵎⵛⵏⴰ ⵢ ⵎⵤⴶⵤⵏ ⴹⵙⵂⵍⵏⵙⵏ ⴹⵙⵙⵗⵔⵏⵙⵏ ⵂⵔ ⴹⵏⵙⴰ⵰ 14ⴹ ⵓⵔ ⵜⵆⵎⴰ ⵓⵔ ⵜⵛⵛⵗⵍⴰ ⵜⵂⴾⵜ ⵜⴰ ⵜⴶⵔⵓⴰ ⵜⴰ ⴾⵢⴾⴼⴰ ⵎⵛⵏⴰ ⵙⵓⵍ ⵓⴰ ⵙⵔⴾ ⴶⴰ ⵍⵓⵍⵢ ⵢⵏ ⵙ ⵜⵔⵢⵜ ⵏⵏ⵿ⴼⵙ ⵏⵎⵛⵏⴰ ⵙⵗⴰ ⵓⴰ ⴾⵢⵙⵓⵔⵏ ⵎⵤⵔⵏ ⵏⵍⴾⵏⵙⵜ ⴼⵙⵏ⵰ 15ⵔⵜⵏ ⵓⵏ ⴹⴾⵎⵍⴰ ⴹⴰ ⴹⴶⵤ ⴹⵗⵙⵏ ⴼⵍ ⴹ ⵏⵢⵏ ⵢⵜⴹⵏ ⴾⵍ ⵎⵜⵢ ⵓⴰ ⵜⵜⴶⴰ⵰
16ⵙⵏ ⴹⵗ ⵎⵏⴾ ⵜⵙⵏⴰ ⵏ⵿ⵜⴰ ⴹⴰ ⴹⵗ ⵔⵜⵏ ⵓⵏ ⵜⵙⵙⵗⵔⴰ ⴹ ⵓⵔ ⵜⵎⵤⵢⴰ ⴹⴶⵢ ⵏⴹⵢ⵰ ⵙ ⵜⵜⴶⵗ ⴹⵢ ⴹ ⵜⵙⴼⵙⵗ ⵎⵏⴾ ⵜⵙⴼⵙⴰ ⴹⵗ ⵢⵜⴹⵏ ⵓⵏ ⴹⴾⵙⵙⵎⵏⵏ⵰
Currently Selected:
1 ⵜⵎⵜⵢ 4: TTQtg
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
