Impezayag Is Mehitenged te Impezayag ni Jesu Kristu
Is Mehitenged te Impezayag ni Jesu Kristu
Neherat is mata ni Juan. Duen mibpaahà kandin he ebpenganlag. Mibevanda te vulawan ne henduen te regreg is menge mata zin. Ne iyan haazà si Jesus, ne zuen ibpetudtul zin ki Juan diyà te pitu he grupu te menge tumutuu he ziyà te pitu zaan he menge inged. Ne nekedseselekawà is ibpekag̵i zin diyà te kada grupu mehitenged te kezekelà te kebmahala zan kandin wey te zuma zan he menge tumutuu wey ke zuen menge kurang dan.
Ne zuen daan nengekag̵i ni Jesus diyà te kandin wey zuen impeehè din diyà te kandin he mehitenged te egkengehitavù te huziyan he timpu su wey zin ikepetueni te zuma. Naahà ni Juan is Megbevayà wey si Jesu Kristu ziyà te langit he ed-ezapen te mid-ag̵i en te kemetayen he menge etew he menge sakup din wey elin daan is menge velinsug̵uen. Neehè din daan is kedsiluti te Megbevayà te menge etew he wazà mebpesakup kandin wey is kedsiluti ki Setanas wey te zuma he menge mezaat he mulin-ulin.
Is utew impurtanti he tuyù ni Juan te kedsurata zin kayi ne iyan is wey melig-eni is ked-isip-isip te menge tumutuu he edlislisezen tenged te kedtuu zan ki Jesus. Su egkesavut ta kayi he egkepurung egkezaag te Megbevayà is langun he menge kuntada zin pinaag̵i ki Kristu. Ne edsuhulan din daan is metinumanen he menge etew zin. Diyà te huziyan he vahin kayi te surat egkevasa ta he ebaal is Megbevayà te veg̵u he langit wey tana he ilis duen te edezeetan din. Ne egkeipus haazà ebpekeubpè en duma kandin is menge etew zin te wazà pidtemanan dutun te inged he edsig̵asig̵a he edlugtanà puun te langit. Egkeehè dan en sikandin ne id-awè din en is ebpekeveg̵ey kandan te seeng. Kenè en dutun ebmezukilem ne kenè en dutun egkinehenglanen is ebpekeveg̵ey te kerayag su is Megbevayà he Amey wey si Jesu Kristu, iyan kerayag dutun.
Currently Selected:
Impezayag Is Mehitenged te Impezayag ni Jesu Kristu: mbbNT
Highlight
Copy
Compare
Share
Want to have your highlights saved across all your devices? Sign up or sign in
© 2001, Wycliffe Bible Translators, Inc., All rights reserved.