Santiago Is Mehitenged te Surat ni Santiago
Is Mehitenged te Surat ni Santiago
Kayi te surat ni Santiago wazè din en ipelivedlived is ibpesavut din. Midsawey zin is menge etew he egkag̵i he tumutuu sikandan te Megbevayà, iyan, kenà meupiya is menge vaal zan. Ke sikandin te, “Wazè din pulus emun egkag̵i is etew te midtuu sikandan te Megbevayà piru wazà meupiya he menge vaal zin.” Kayi te surat ni Santiago migamit sikandin te menge petug-iringan iring kayi: is etew he eduwazuwa impetug-iring din te vag̵el he minsan hendei zà duen hiyupa te keramag. Is etew he sepian impetug-iring din te vulak su meg̵aan dà heini egkeg̵angu su emun ebpatey haazà is sepian segugunè dà egkahanew ne egkeewaan din is ketig̵eyunan din. Ne impetug-iring din daan is dilà te etew te hapuy su segugunè dà heini ebpekevinsul te meluag su mahabet he menge etew is ebmezaat is gehinawa zan tenged te lalag he egkezineg dan. Duen daan nekag̵i ni Santiago kayi te surat din he igketingkemed te ebpekevasa zuen. Ke sikandin te: “Is tumutuu ki Jesus kinahanglan he medlipey emun egkeumahan te kenè en ebpeked-iiring he penggezam.” Nekag̵i zin daan he kenà meupiya ke ibpelavi ta is sepian, ne is sepian he edluplupig̵en din is egkaayuayu siguradu he edsilutan sikandin te Megbevayà.
Currently Selected:
Santiago Is Mehitenged te Surat ni Santiago: mbbNT
Highlight
Copy
Compare
Share
Want to have your highlights saved across all your devices? Sign up or sign in
© 2001, Wycliffe Bible Translators, Inc., All rights reserved.