Santiago 3
3
Is Dilà te Etew
1Menge suled, deyzey ke kenà mezakel keniyu is egkesuat he ebpenurù, su sikami is ebpenurù, utew meheg̵et keuzemà is kedsusiya kenami te Megbevayà, kenà te ebpepenurù kenami. 2Sikitew is menusiyà, layun kiw egkesayep te mezakel he paag̵i. Ne ke zuen etew he kenà egkesayep pinaag̵i te kegkag̵i zin, wazè en igkesewayi kandin. Egkeveyveyaan din is tivuuk he lawa zin wey kenà mekeulaula te mezaat. 3Egkekangan ta is kudà su wey ta meveyveyai ke hendei ta ibpepevayà. 4Ne minsan is utew zekelà he barku he egkeuwit te mevendes he keramag, egketandang ta is ibayè din pinaag̵i te utew zeisek he pengawid din. 5Ne iring din ded daan is dilà te etew su minsan pa te utew zeisey egkeg̵amit gihapun te kedentala te zekelà he ibpezalig.
Ne iring daan dutun is ketelunan su minsan pa te utew meluag egkevinsulan gihapun te zeisek he hapuy. 6Ne iring daan te hapuy is dilà te etew su ebpekezezaat ne iyan puunà te minsan hengkey he mezaat he ulaula. Pinaag̵i te zilà egkeeneb te mezaat is tivuuk he isip ta wey g̵ehinawa ta. Iyan ebpekerasey kenita te tivuuk he untung ta; iring te hapuy he ziyà ebpuun te Impirnu.
7Netuenan ta he egkeveyveyaan te etew is minsan hengkey he linimbag su zuen nelayam he menge langgam, menge tagbis, menge pait, wey minsan menge uled. 8Iyan, wazè pa etew he nekevayàbayà te zilè din. Utew lalung is dilè ta ne kenà egkeeg̵en. Iring te hilu su ebpekezezaat. 9Egemiten ta is dilè ta emun ebpeselematan ta is Amey tew he Nengazen, ne nasì ta zaan egemita ke ebpenrewakan ta is menge zuma ta he midlimbag te Megbevayà he iring te zagwey zin. 10Utew heini igkeinuinu su sebsevaha zà is puunà te kedrawak wey kebpeselamat! Menge suled, kenà heini meupiya. 11Emun penenglitan duen kalut, kenà egkehimu he zutun ebpuun is wahig he meupiya wey is wahig he mepait. 12Menge suled, emun ebeg̵as is kayu he igira kenà egkehimu he ulivu is beg̵as din. Ne emun ebeg̵as is gawed he paras kenà egkehimu he igira is beg̵as din. Ke zuen kalut he zutun ebpuun is wahig he mepait, kenà egkehimu he zutun ebpuun is wahig he kenà mepait.
Is Tutuu he Ketau
13Is minsan hentei keniyu he metau wey zekelà is selevutan, ipeehè din pinaag̵i te meupiya he ulaula zin. Kinahanglan he kenà sikandin mepelevawen dutun te kebpaahaa zin te ketau zin pinaag̵i te menge meupiya he ed-ul-ulahan din. 14Iyan, emun egkesina sikandin wey mepelevawen, kinahanglan he kenè din izantal is ketau zin wey is meupiya he ulaula zin su tarù is ketau he iring dutun ne ebpekesupak te tutuu he tuluuwen. 15Kenà haazà sikan is ketau he ebpuun te Megbevayà, kekenà, dini zà ebpuun te kelibutan. Kenà iyan is ketau he ibeg̵ey te Wag̵as he Mulin-ulin, kekenà, ebpuun te mezaat he mulin-ulin. 16Ke zuen menge etew he egkesina wey mepelevawen, utew zan egkesemuki ne ed-ul-ulahan dan is minsan hengkey he mezaat. 17Is etew he ziyà ebpuun te Megbevayà is ketau zin, wazà igkesewayi kandin. Melinew is kedepitè din te zuma he etew, ebpurungan din is menge zuma zin; kenà sikandin mevurut, kekenà, mepezumdumahan. Hihizuwen wey metulanged sikandin; wazè din ibpelavi he minsan hentei ne kenà uvag dà is kedtuu zin. 18Iring te venì is kelinew. Ibpemula te menge menhuhusey ne iyan egkerag̵un dutun is metazeng he menge ulaula.
Currently Selected:
Santiago 3: mbbNT
Highlight
Copy
Compare
Share
Want to have your highlights saved across all your devices? Sign up or sign in
© 2001, Wycliffe Bible Translators, Inc., All rights reserved.
Santiago 3
3
Is Dilà te Etew
1Menge suled, deyzey ke kenà mezakel keniyu is egkesuat he ebpenurù, su sikami is ebpenurù, utew meheg̵et keuzemà is kedsusiya kenami te Megbevayà, kenà te ebpepenurù kenami. 2Sikitew is menusiyà, layun kiw egkesayep te mezakel he paag̵i. Ne ke zuen etew he kenà egkesayep pinaag̵i te kegkag̵i zin, wazè en igkesewayi kandin. Egkeveyveyaan din is tivuuk he lawa zin wey kenà mekeulaula te mezaat. 3Egkekangan ta is kudà su wey ta meveyveyai ke hendei ta ibpepevayà. 4Ne minsan is utew zekelà he barku he egkeuwit te mevendes he keramag, egketandang ta is ibayè din pinaag̵i te utew zeisek he pengawid din. 5Ne iring din ded daan is dilà te etew su minsan pa te utew zeisey egkeg̵amit gihapun te kedentala te zekelà he ibpezalig.
Ne iring daan dutun is ketelunan su minsan pa te utew meluag egkevinsulan gihapun te zeisek he hapuy. 6Ne iring daan te hapuy is dilà te etew su ebpekezezaat ne iyan puunà te minsan hengkey he mezaat he ulaula. Pinaag̵i te zilà egkeeneb te mezaat is tivuuk he isip ta wey g̵ehinawa ta. Iyan ebpekerasey kenita te tivuuk he untung ta; iring te hapuy he ziyà ebpuun te Impirnu.
7Netuenan ta he egkeveyveyaan te etew is minsan hengkey he linimbag su zuen nelayam he menge langgam, menge tagbis, menge pait, wey minsan menge uled. 8Iyan, wazè pa etew he nekevayàbayà te zilè din. Utew lalung is dilè ta ne kenà egkeeg̵en. Iring te hilu su ebpekezezaat. 9Egemiten ta is dilè ta emun ebpeselematan ta is Amey tew he Nengazen, ne nasì ta zaan egemita ke ebpenrewakan ta is menge zuma ta he midlimbag te Megbevayà he iring te zagwey zin. 10Utew heini igkeinuinu su sebsevaha zà is puunà te kedrawak wey kebpeselamat! Menge suled, kenà heini meupiya. 11Emun penenglitan duen kalut, kenà egkehimu he zutun ebpuun is wahig he meupiya wey is wahig he mepait. 12Menge suled, emun ebeg̵as is kayu he igira kenà egkehimu he ulivu is beg̵as din. Ne emun ebeg̵as is gawed he paras kenà egkehimu he igira is beg̵as din. Ke zuen kalut he zutun ebpuun is wahig he mepait, kenà egkehimu he zutun ebpuun is wahig he kenà mepait.
Is Tutuu he Ketau
13Is minsan hentei keniyu he metau wey zekelà is selevutan, ipeehè din pinaag̵i te meupiya he ulaula zin. Kinahanglan he kenà sikandin mepelevawen dutun te kebpaahaa zin te ketau zin pinaag̵i te menge meupiya he ed-ul-ulahan din. 14Iyan, emun egkesina sikandin wey mepelevawen, kinahanglan he kenè din izantal is ketau zin wey is meupiya he ulaula zin su tarù is ketau he iring dutun ne ebpekesupak te tutuu he tuluuwen. 15Kenà haazà sikan is ketau he ebpuun te Megbevayà, kekenà, dini zà ebpuun te kelibutan. Kenà iyan is ketau he ibeg̵ey te Wag̵as he Mulin-ulin, kekenà, ebpuun te mezaat he mulin-ulin. 16Ke zuen menge etew he egkesina wey mepelevawen, utew zan egkesemuki ne ed-ul-ulahan dan is minsan hengkey he mezaat. 17Is etew he ziyà ebpuun te Megbevayà is ketau zin, wazà igkesewayi kandin. Melinew is kedepitè din te zuma he etew, ebpurungan din is menge zuma zin; kenà sikandin mevurut, kekenà, mepezumdumahan. Hihizuwen wey metulanged sikandin; wazè din ibpelavi he minsan hentei ne kenà uvag dà is kedtuu zin. 18Iring te venì is kelinew. Ibpemula te menge menhuhusey ne iyan egkerag̵un dutun is metazeng he menge ulaula.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2001, Wycliffe Bible Translators, Inc., All rights reserved.