Gelasya Is Mehitenged te Surat he Para te Menge TigGelasya
Is Mehitenged te Surat he Para te Menge TigGelasya
Nepauk si Pablo su nezineg din he midsuwayan te menge tumutuu ziyà te prubinsya he Gelasya is impenurù din kandan. Hein aney medwali si Pablo ziyà te kandan te kenà menge Hudiyu, nengelipey sikandan te kedawat kandin ne iyan impenurù din kandan is: iyan igkezewata te Megbevayà te etew is pinaag̵i te kedtuu zin ki Jesu Kristu. Iyan, hein mid-awè en si Pablo ziyà te kandan ne zuen menge Hudiyu he midsulisul kandin. Ne iyan kandan he penurù is: kinahanglan he edtumanen te etew is langun duen te kesug̵uan wey tulumanen te menge Hudiyu su wey sikandin mezawat te Megbevayà.
Ne tenged kayi segugunà sikandan mibpesurati ni Pablo te kedsawey kandan. Ke sikandin te, “Emun edsunuzen niw heini is penurù dan ne kenà ebpulus si Kristu ziyà te keniyu!”
Ne zuen daan menge etew ziyà te Gelasya he egkag̵i te kenà tutuu he epustul si Pablo su wazà sikandin mekepekiduma ki Jesus hein dini pa si Jesus te kelibutan. Iyan, midtavak heini ni Pablo pinaag̵i te kegkag̵i he mibpeehè kandin si Jesus hein diyà sikandin te zalan pehendiyà te Demasku. Wey elin daan nekag̵i zin he midawat te menge epustul ziyà te Hiruselim is kandin he kegkeepustul. Egkeserig̵an is nekag̵i zin su iyan is Megbevayà mibeg̵ey kandin te keg̵ehem wey iyan edumala kandin.
Impesavut ni Pablo he is menge etew he ebpevayàbayà te mezaat he kebayà te lawa zan ne egkeveelan dan is langun he mezaat. Umbe utew ta kinahanglan is layun kebpezumala te Wag̵as he Mulin-ulin. Pinaag̵i kayi egkehimu ta te ebmahal is Megbevayà wey is menge etew wey zuen ta meupiya, melinawen wey melipayen he ked-ubpà.
Currently Selected:
Gelasya Is Mehitenged te Surat he Para te Menge TigGelasya: mbbNT
Highlight
Copy
Compare
Share
Want to have your highlights saved across all your devices? Sign up or sign in
© 2001, Wycliffe Bible Translators, Inc., All rights reserved.