2 Tiselunika 2
2
Sikan is Etew he Utew Lavew he Mesinupaken
1Ne g̵untaan, menge suled, ibpesavut dey keniyu is kedlikù keuzemà te Nengazen tew he si Jesu Kristu wey is kedtulusa zin kenitew. 2Edhengyuan dey sikiyu he kenè kew petuluy meliveg wey mahandek emun egkezineg niw is tudtul he neuma en is andew te kedlimasa te Megbevayà te menusiyà. Kenè kew meliveg kayi minsan ke lalag he ibpinted kun, wey ke tudtul zey kun be, wey minsan surat he zini kun ebpuun te kenami. 3Kinahanglan he kenè niw tuuwi is minsan hengkey he lalag te minsan hentei he teruen he etew. Su haazà is andew, ne kenè pa egketuman emun wazè pa mehitavù is kedsukul te menge etew ziyà te Megbevayà. Ne zutun ibpeg̵awag̵awa sikan is etew he lavew he mesinupaken. Iyan imbanglis kandin is kegkeimpirnu. 4Edsukulan din wey edlevawan din pezem is minsan hengkey he mid-isip te menge etew he megbevayà wey is minsan hengkey he ed-ezapen dan. Ne ebpinuu sikandin minsan diyà te simbahan he Valey te Megbevayà su egkeg̵iyen din he iyan sikandin Megbevayà.
5Wazè niw pa vuwa melipati he migkag̵i ku en heini is langun hein diyan e pa te keniyu. 6Netuenan niw ke hengkey is ed-eg̵en dutun te utew mesinupaken he etew su wey kenè pa sikandin mekepeg̵awag̵awa te kenè pa hustu he timpu. 7Su is gehem dutun te utew mesinupaken, egemiten din en guntaan he meeles. Ne ebpekeeles-eles pa sikandin taman te kenè pa id-awà sikan is ed-eg̵en kandin. 8Ne zutun, human ebpeg̵awag̵awa sikan is utew mesinupaken he etew. Iyan, dutun te kebpekeuma ni Jesus edhimetayan sikandin ni Jesus pinaag̵i te mekeg̵eg̵ehem he anlag din; edhiyupen din dà ne segugunà ebpatey, ne egkeawà is gehem din. 9Emun ebpeg̵awag̵awa keuzemà sikan is mesinupaken he etew egemiten din is gehem ni Setanas ne ibpeehè din is gehem din pinaag̵i te minsan hengkey he tarù he menge singyal wey egkein-inuwan. 10Edterteruan din te minsan hengkey he kelelalung he paag̵i sikan is menge etew he kenà ebpekelikey te silut. Umba kenè dan ebpekelikey te silut su wazè dan medawat te tutuu he tuluuwen he iyan ebpekeveg̵ey kandan te untung he wazà pidtemanan. 11Ne tenged dutun idtug̵ut te Megbevayà he meekali sikandan pinaag̵i te ketetarù he ebpekeakal su wey zan metuuwi is kenà tutuu. 12Ne tenged dutun, edsilutan te Megbevayà is langun he kenà edtuu te tutuu he tuluuwen, su iyan igkesuat dan is mezaat he ulaula.
Is Kebpilì te Nengazen
13Menge suled he minahal te Nengazen, kenà egkehimu he kenà dekelà layun is kebpeselemati zey te Megbevayà tenged keniyu. Su zengan hein midlimbag din is langun, mibpilì kew zin wey kew zin melibri te silut pinaag̵i te g̵ehem te Wag̵as he Mulin-ulin he iyan ingkehimu niw he menge g̵aked din, wey pinaag̵i te kedtuu niw te tutuu he tuluuwen. 14Midhimu kew zin he menge tumutuu kandin pinaag̵i te kebpesevuta zey keniyu te Meupiya he Tudtulanen su wey kew mekeambit te utew kegkelavew te Nengazen tew he si Jesu Kristu. 15Ne tenged kayi, menge suled, pekezesen kew te kedtuu niw, ne hemeni niw is langun he impenurù dey keniyu pinaag̵i te kedwali zey hein diyan key wey pinaag̵i zaan te kebpesurati zey keniyu.
16,17Berakat he lipaya kew wey lig-eni kew te Nengazen tew he si Jesu Kristu wey te Amey tew he Megbevayà su wey meupiya is langun he menge vaal niw wey is langun he menge lalag niw. Mahal kiw layun diyà te g̵ehinawa zin ne pinaag̵i te g̵ag̵ew zin kenitew zuen tew igkelipey he wazè din pidtemanan wey zuen tew zaan utew meupiya he ebperetengen.
Currently Selected:
2 Tiselunika 2: mbbNT
Highlight
Copy
Compare
Share
Want to have your highlights saved across all your devices? Sign up or sign in
© 2001, Wycliffe Bible Translators, Inc., All rights reserved.
2 Tiselunika 2
2
Sikan is Etew he Utew Lavew he Mesinupaken
1Ne g̵untaan, menge suled, ibpesavut dey keniyu is kedlikù keuzemà te Nengazen tew he si Jesu Kristu wey is kedtulusa zin kenitew. 2Edhengyuan dey sikiyu he kenè kew petuluy meliveg wey mahandek emun egkezineg niw is tudtul he neuma en is andew te kedlimasa te Megbevayà te menusiyà. Kenè kew meliveg kayi minsan ke lalag he ibpinted kun, wey ke tudtul zey kun be, wey minsan surat he zini kun ebpuun te kenami. 3Kinahanglan he kenè niw tuuwi is minsan hengkey he lalag te minsan hentei he teruen he etew. Su haazà is andew, ne kenè pa egketuman emun wazè pa mehitavù is kedsukul te menge etew ziyà te Megbevayà. Ne zutun ibpeg̵awag̵awa sikan is etew he lavew he mesinupaken. Iyan imbanglis kandin is kegkeimpirnu. 4Edsukulan din wey edlevawan din pezem is minsan hengkey he mid-isip te menge etew he megbevayà wey is minsan hengkey he ed-ezapen dan. Ne ebpinuu sikandin minsan diyà te simbahan he Valey te Megbevayà su egkeg̵iyen din he iyan sikandin Megbevayà.
5Wazè niw pa vuwa melipati he migkag̵i ku en heini is langun hein diyan e pa te keniyu. 6Netuenan niw ke hengkey is ed-eg̵en dutun te utew mesinupaken he etew su wey kenè pa sikandin mekepeg̵awag̵awa te kenè pa hustu he timpu. 7Su is gehem dutun te utew mesinupaken, egemiten din en guntaan he meeles. Ne ebpekeeles-eles pa sikandin taman te kenè pa id-awà sikan is ed-eg̵en kandin. 8Ne zutun, human ebpeg̵awag̵awa sikan is utew mesinupaken he etew. Iyan, dutun te kebpekeuma ni Jesus edhimetayan sikandin ni Jesus pinaag̵i te mekeg̵eg̵ehem he anlag din; edhiyupen din dà ne segugunà ebpatey, ne egkeawà is gehem din. 9Emun ebpeg̵awag̵awa keuzemà sikan is mesinupaken he etew egemiten din is gehem ni Setanas ne ibpeehè din is gehem din pinaag̵i te minsan hengkey he tarù he menge singyal wey egkein-inuwan. 10Edterteruan din te minsan hengkey he kelelalung he paag̵i sikan is menge etew he kenà ebpekelikey te silut. Umba kenè dan ebpekelikey te silut su wazè dan medawat te tutuu he tuluuwen he iyan ebpekeveg̵ey kandan te untung he wazà pidtemanan. 11Ne tenged dutun idtug̵ut te Megbevayà he meekali sikandan pinaag̵i te ketetarù he ebpekeakal su wey zan metuuwi is kenà tutuu. 12Ne tenged dutun, edsilutan te Megbevayà is langun he kenà edtuu te tutuu he tuluuwen, su iyan igkesuat dan is mezaat he ulaula.
Is Kebpilì te Nengazen
13Menge suled he minahal te Nengazen, kenà egkehimu he kenà dekelà layun is kebpeselemati zey te Megbevayà tenged keniyu. Su zengan hein midlimbag din is langun, mibpilì kew zin wey kew zin melibri te silut pinaag̵i te g̵ehem te Wag̵as he Mulin-ulin he iyan ingkehimu niw he menge g̵aked din, wey pinaag̵i te kedtuu niw te tutuu he tuluuwen. 14Midhimu kew zin he menge tumutuu kandin pinaag̵i te kebpesevuta zey keniyu te Meupiya he Tudtulanen su wey kew mekeambit te utew kegkelavew te Nengazen tew he si Jesu Kristu. 15Ne tenged kayi, menge suled, pekezesen kew te kedtuu niw, ne hemeni niw is langun he impenurù dey keniyu pinaag̵i te kedwali zey hein diyan key wey pinaag̵i zaan te kebpesurati zey keniyu.
16,17Berakat he lipaya kew wey lig-eni kew te Nengazen tew he si Jesu Kristu wey te Amey tew he Megbevayà su wey meupiya is langun he menge vaal niw wey is langun he menge lalag niw. Mahal kiw layun diyà te g̵ehinawa zin ne pinaag̵i te g̵ag̵ew zin kenitew zuen tew igkelipey he wazè din pidtemanan wey zuen tew zaan utew meupiya he ebperetengen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2001, Wycliffe Bible Translators, Inc., All rights reserved.