1 Timoteo 6
6
1Is menge sulug̵uen he tumutuu, kinahanglan he isipa zan is menge egalen dan he zait he edtehuzen dan te minsan keenu he timpu. Su pinaag̵i kayi wazà ebpekezezaat te zengeg te Megbevayà wey wazà ebpekesudì te kebpenurù dey. 2Ke tumutuu ki Kristu is egalen, kinahanglan he kenà maawà is kedtahud kandin te sulug̵uen din he tumutuu tenged te telesuled dan pinaag̵i ki Kristu. Kinahanglan he tuwas pa he meupiya is baal te sulug̵uen din tenged te tumutuu wey minahal te Megbevayà sikan is egketevangan dan pinaag̵i te vaal zan. Iyan heini ipenurù nu wey ipesavut nu ziyà te menge tumutuu.
Is Tarù he Ketudluanan wey is Tutuu he Ketig̵eyunan
3Ke zuen ebpenurù te selakew he tuluuwen ne kenè din edewaten is hustu he kebpenurù te Nengazen tew he si Kristu wey is tuluuwen mehitenged te kedtumana tew te egkesuatan te Megbevayà, 4paglung sikandin he mepedeligen. Utew subra is kegkesuat din te menge winalì he kebpekidlawan mehitenged te menge lalag dà. Kayi ebpuun is kegkesina, is kebpekid-eg̵et, is kedsulà, is kedhaled he wazè din kepesikazan, 5wey is kebpekidsemukà. Ulaula heini te menge etew he nelalung en is isip dan wey kenè dan en edewaten is tutuu he tuluuwen. Kunaan dan ke petig̵ayun is kebpesakup te Megbevayà.
6Tutuu iyan he zekelà utew is pulus te kebpesakup te Megbevayà, iyan, dutun dà te etew he ibmeupiya en te g̵ehinawa zin is minsan deisey he egketig̵eyunan din. 7Su te ked-enaka kenita wazè ta uwiten, wazè ta zaan egkeuwit emun ebpatey ki. 8Ke zuen ta egkekaan wey ke zuen ta igkebisti, meupiya en is gehinawa ta. 9Is menge etew he egkesuat he medsepian, melemu sikandan egkepenulayi wey egkeseleizi. Mezakel is menge suat dan he wazà pulus ne ebpekezezaat heini. Ebpekezezaat heini kandan wey egkehimu zaan he ibpatey zan heini. 10Su ke zuen etew he susuaten te selapì ne egkehimu he egkeulaula kandin is minsan hengkey he mezaat. Pinaag̵i kayi neiniyug̵an te zuma is tuluuwen tew ne tenged kayi nehimu he utew mezakel is menge keseengan dan.
Is Menge Telaan ki Timoteo
11Ne sikew mulà, sulug̵uen ka te Megbevayà; likayi nu is langun he iring kayi he menge ulaula. Hemeni nu is metazeng he ulaula, is kedtumana te egkesuatan te Megbevayà, is kedsarig kandin, is kegkeg̵eg̵awi nu te menge zuma nu, is kebmeinentusen te menge supak dan, wey is kelinew te ulaula nu. 12Penigudu ka he meupiya is kedlumbè nu, he ke và egkeg̵iya, is kedtumana nu te langun he ebpeveelan kenikew tenged te neketuu ka. Hemeni nu is untung he wazè din pidtemanan su umba midhimu ka te Megbevayà he tumutuu kandin su wey nu heini maangken. Nekepenudtul ka ziyà te mezakel he menge etew he neketuu ka te tutuu he tuluuwen.
13,14Ebpeketistig̵us is Megbevayà wey si Jesu Kristu he ebpeketelteleenan ku sikew he purungi nu tumana he wazà sayep is insug̵ù ku kenikew taman te kenè pa edlikù is Nengazen tew he si Jesu Kristu. Is Megbevayà, iyan ebpengelintau he meuyag is langun he menge linimbag din; ne si Jesus, iyan nekepenistig̵us mehitenged te tutuu he tuluuwen diyà te etuvangan ni Punsyu Pilatu. 15Ibpelikù si Jesus te Megbevayà ke egketuman en is hustu he timpu. Iyan dà ebayàbayà te langun is Megbevayà. Iyan sikandin kes meupiya is kebpekesavuk din. Iyan sikandin ebayàbayà te minsan hentei he hadì wey zatù. 16Iyan sikandin wazà kemetayen. Diyà sikandin ed-ubpà te kerayag he kenà egkeuvayan. Wazà etew he nekeahà kandin ne kenà sikandin egkeahà te minsan hentei he etew. Berakat he zelig̵a sikandin wey medhadì sikandin te wazà pidtemanan.
17Is menge tumutuu he mezakel is menge azen dan, keg̵iyi nu he kenè dan mebpelavew wey kenè dan medsarig te menge azen dan su kenè ta egketuenan ke keenu ki egkeewai te menge azen ta. Keg̵iyi nu he iyan dan serig̵i is Megbevayà su iyan sikandin metulanged. Is minsan hengkey he naazen ta, imbeg̵ey zin kenita wey mebmeupiya is kebpekesavuk ta. 18Keg̵iyi nu is menge sepian he tumutuu he hemeni zan ul-ulaha is meupiya su iyan heini hustu he ketig̵eyunan. Mebmetulanged dan wey mebmetinevangen. 19Pinaag̵i kayi egkekuwa zan is hustu he ketig̵eyunan he kenè dan egkesuwey keuzemà. Ne ebpekeangken dan te untung he iyan tutuu he untung.
20Sikew Timoteo, purungi nu tumana is tuluuwen he insarig kenikew. Likayi nu is menge etew he supak te Megbevayà is kegkag̵ikag̵i zan. Likayi nu zaan is kunaan te zuma ke tutuu en he ketau. 21Duen duma he menge etew he nekekuwa en kun kayi te ketau, iyan, pinaag̵i kayi neengkezan dan en is tutuu he tuluuwen he midtuuwan tew.
Berakat he ikeg̵ag̵ew kew is langun te Megbevayà.
Currently Selected:
1 Timoteo 6: mbbNT
Highlight
Copy
Compare
Share
Want to have your highlights saved across all your devices? Sign up or sign in
© 2001, Wycliffe Bible Translators, Inc., All rights reserved.
1 Timoteo 6
6
1Is menge sulug̵uen he tumutuu, kinahanglan he isipa zan is menge egalen dan he zait he edtehuzen dan te minsan keenu he timpu. Su pinaag̵i kayi wazà ebpekezezaat te zengeg te Megbevayà wey wazà ebpekesudì te kebpenurù dey. 2Ke tumutuu ki Kristu is egalen, kinahanglan he kenà maawà is kedtahud kandin te sulug̵uen din he tumutuu tenged te telesuled dan pinaag̵i ki Kristu. Kinahanglan he tuwas pa he meupiya is baal te sulug̵uen din tenged te tumutuu wey minahal te Megbevayà sikan is egketevangan dan pinaag̵i te vaal zan. Iyan heini ipenurù nu wey ipesavut nu ziyà te menge tumutuu.
Is Tarù he Ketudluanan wey is Tutuu he Ketig̵eyunan
3Ke zuen ebpenurù te selakew he tuluuwen ne kenè din edewaten is hustu he kebpenurù te Nengazen tew he si Kristu wey is tuluuwen mehitenged te kedtumana tew te egkesuatan te Megbevayà, 4paglung sikandin he mepedeligen. Utew subra is kegkesuat din te menge winalì he kebpekidlawan mehitenged te menge lalag dà. Kayi ebpuun is kegkesina, is kebpekid-eg̵et, is kedsulà, is kedhaled he wazè din kepesikazan, 5wey is kebpekidsemukà. Ulaula heini te menge etew he nelalung en is isip dan wey kenè dan en edewaten is tutuu he tuluuwen. Kunaan dan ke petig̵ayun is kebpesakup te Megbevayà.
6Tutuu iyan he zekelà utew is pulus te kebpesakup te Megbevayà, iyan, dutun dà te etew he ibmeupiya en te g̵ehinawa zin is minsan deisey he egketig̵eyunan din. 7Su te ked-enaka kenita wazè ta uwiten, wazè ta zaan egkeuwit emun ebpatey ki. 8Ke zuen ta egkekaan wey ke zuen ta igkebisti, meupiya en is gehinawa ta. 9Is menge etew he egkesuat he medsepian, melemu sikandan egkepenulayi wey egkeseleizi. Mezakel is menge suat dan he wazà pulus ne ebpekezezaat heini. Ebpekezezaat heini kandan wey egkehimu zaan he ibpatey zan heini. 10Su ke zuen etew he susuaten te selapì ne egkehimu he egkeulaula kandin is minsan hengkey he mezaat. Pinaag̵i kayi neiniyug̵an te zuma is tuluuwen tew ne tenged kayi nehimu he utew mezakel is menge keseengan dan.
Is Menge Telaan ki Timoteo
11Ne sikew mulà, sulug̵uen ka te Megbevayà; likayi nu is langun he iring kayi he menge ulaula. Hemeni nu is metazeng he ulaula, is kedtumana te egkesuatan te Megbevayà, is kedsarig kandin, is kegkeg̵eg̵awi nu te menge zuma nu, is kebmeinentusen te menge supak dan, wey is kelinew te ulaula nu. 12Penigudu ka he meupiya is kedlumbè nu, he ke và egkeg̵iya, is kedtumana nu te langun he ebpeveelan kenikew tenged te neketuu ka. Hemeni nu is untung he wazè din pidtemanan su umba midhimu ka te Megbevayà he tumutuu kandin su wey nu heini maangken. Nekepenudtul ka ziyà te mezakel he menge etew he neketuu ka te tutuu he tuluuwen.
13,14Ebpeketistig̵us is Megbevayà wey si Jesu Kristu he ebpeketelteleenan ku sikew he purungi nu tumana he wazà sayep is insug̵ù ku kenikew taman te kenè pa edlikù is Nengazen tew he si Jesu Kristu. Is Megbevayà, iyan ebpengelintau he meuyag is langun he menge linimbag din; ne si Jesus, iyan nekepenistig̵us mehitenged te tutuu he tuluuwen diyà te etuvangan ni Punsyu Pilatu. 15Ibpelikù si Jesus te Megbevayà ke egketuman en is hustu he timpu. Iyan dà ebayàbayà te langun is Megbevayà. Iyan sikandin kes meupiya is kebpekesavuk din. Iyan sikandin ebayàbayà te minsan hentei he hadì wey zatù. 16Iyan sikandin wazà kemetayen. Diyà sikandin ed-ubpà te kerayag he kenà egkeuvayan. Wazà etew he nekeahà kandin ne kenà sikandin egkeahà te minsan hentei he etew. Berakat he zelig̵a sikandin wey medhadì sikandin te wazà pidtemanan.
17Is menge tumutuu he mezakel is menge azen dan, keg̵iyi nu he kenè dan mebpelavew wey kenè dan medsarig te menge azen dan su kenè ta egketuenan ke keenu ki egkeewai te menge azen ta. Keg̵iyi nu he iyan dan serig̵i is Megbevayà su iyan sikandin metulanged. Is minsan hengkey he naazen ta, imbeg̵ey zin kenita wey mebmeupiya is kebpekesavuk ta. 18Keg̵iyi nu is menge sepian he tumutuu he hemeni zan ul-ulaha is meupiya su iyan heini hustu he ketig̵eyunan. Mebmetulanged dan wey mebmetinevangen. 19Pinaag̵i kayi egkekuwa zan is hustu he ketig̵eyunan he kenè dan egkesuwey keuzemà. Ne ebpekeangken dan te untung he iyan tutuu he untung.
20Sikew Timoteo, purungi nu tumana is tuluuwen he insarig kenikew. Likayi nu is menge etew he supak te Megbevayà is kegkag̵ikag̵i zan. Likayi nu zaan is kunaan te zuma ke tutuu en he ketau. 21Duen duma he menge etew he nekekuwa en kun kayi te ketau, iyan, pinaag̵i kayi neengkezan dan en is tutuu he tuluuwen he midtuuwan tew.
Berakat he ikeg̵ag̵ew kew is langun te Megbevayà.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2001, Wycliffe Bible Translators, Inc., All rights reserved.