Aro 16
16
Malizu olayilana
1Nutwala mu manja mwanu Febe, mlongosi wasu, nthumi ya mpingo wa ku Kentileya. 2Mupokeleni mu zina ya Asikulu, ngani mwakuwamila kupokelelana atuŵa mtima. Mumuyavye akasenga yavyo kwanu, pakuti yeve eyavya ŵanthu anyinji, newo nane eniyavyako.
3Munipeleko moni Pulisika na Akwila, anyanchito ayangu mwa Kristu Yesu. 4Aŵa enze okonzeka kupayiwa kuti apulumushe moyo wangu. Ni newolini neka koma mipingo yonse ya ŵanthu asali Ayuda oŵatembezya. 5Mupe soti moni mpingo ukumana pa ngʼanda pawo. Moni kwa Epeneto, muyangu wotemweka, wamene enze wotatika mu Asiya kucetekela Kristu.
6Moni kwa Maliya, ekuseŵenzelani ngako. 7Moni kwa Andilonika na Yuniya, enekwasu wanankhala nawo mu jele. Ni woŵilikila pakati pa nthumi, na kuti enze mwa Kristu newo nikaliyokuŵa mwa Kristu.
8Moni kwa Ampiliyato, muyangu wotemweka mwa Asikulu. 9Moni kwa Ubona, mtumiki muyasu pa nchito ya Kristu, nipo soti Stakisi, wanutemwa. 10Moni Apelesi, Mkristu wozomelezyewa mwa Kristu. Moni kwa ŵa mu banja ya Alistobulo. 11Moni kwa Helodiyono, muyuda muyangu. Moni kwa Akristu ŵa mu banja ya Nakisasi.
12Moni kwa Tilifena na Tilifosa, ocita nchito ya Asikulu mwa mphamvu. Moni kwa Pelisi, wotemweka, ecita vinyinji pocita nchito ya Asikulu. 13Moni kwa Lufu, wosaluliwa mwa Asikulu. Moni soti kwa anyina wake ali soti ngani amama. 14Moni kwa Asintikilito, Filegoni, Helemesi, Patilobasi, Helimasi na enekwasu wonse ŵa ali nawo pamo. 15Moni kwa Filologo na Juliya, kwa Neleyo na mlongosi wake, kwa Olimpasi na kwa atuŵa mtima wonse ŵa ali nawo pamo. 16Mupane moni mwa cinthemwa ca vyendi. Mipingo yonse ya Kristu yukupani moni.
Malango osilizyila
17Nukukoseshani mwenekwasu, ŵani nawo menso ŵanthu opatulisha ayawo noŵacimwisha. Vakusambizya vulinganalini na vemwisambila. Mukoŵalewa, 18pakuti ŵanthu otetyo otumikilalini Kristu Asikulu ŵasu, koma otumikila tyala vopangwa vawo. Na malizu aweme na mofweya otalizya wenye ŵanthu asaziŵa cimo. 19Ŵanthu wonse eyimvwa mbili ya kumvwila kwanu, tetyo nili na cimwemwe na mwewo, koma nupangwa kuti muŵe ŵa nzelu pa viweme, na kusatolapo citwa pa ciyipa. 20Mulungu wa mtendele kwa lombapano afwaye Satana pansi pa mendo ŵanu.
Cisomo ca Asikulu ŵasu Yesu ciŵe namwe.
21Timoteyo, nyanchito muyangu, okupani moni. Lusiyo, Yasoni na Sosipatele, Ayuda ayangu nawo olaŵila kuti moni. 22Newo, Tesiyo, nalemba tyala kalata iyi, nutuma moni kwa mwewo mwenekwasu mwa Asikulu. 23Okupani moni Gayo, onisamalila pamo na mpingo wonse ku ngʼanda kwake. Okupani moni Elasito, msungacuma wa mzinda wonse, nipo Kwato, mkwasu.
[24Cisomo ca Asikulu ŵasu Yesu Kristu ciŵe namwe. Amen.]
Mulungu acinzikiwe
25Tiyeni ticinzike Mulungu! Yeve ali na mphamvu zokoselesha pokonkha Malizu Aweme ŵanuŵilizya, ŵamene ni malizu oŵilizya va Yesu Kristu. Ivi venze cisinsi, nipo vefisika pa vyaka vonse kutatika macezo. 26Koma lomba vafumila patuŵa kupitila mu vecilemba aneneli, nipo kupitila mu tetulo ya Mulungu wa nsita zosasila zaziŵika ku ŵanthu ŵa mitundu yonse, kuti akozicetekela na kuzimvwa. 27Kwa Mulungu, wamene niye yeka wa nzelu, kuŵe ulemelelo wa nsita zosasila mwa Yesu Kristu. Amen.
Currently Selected:
Aro 16: GMN
Highlight
Copy
Compare
Share
Want to have your highlights saved across all your devices? Sign up or sign in
Nsenga New Testament © The Bible Society of Zambia, 2015.
Aro 16
16
Malizu olayilana
1Nutwala mu manja mwanu Febe, mlongosi wasu, nthumi ya mpingo wa ku Kentileya. 2Mupokeleni mu zina ya Asikulu, ngani mwakuwamila kupokelelana atuŵa mtima. Mumuyavye akasenga yavyo kwanu, pakuti yeve eyavya ŵanthu anyinji, newo nane eniyavyako.
3Munipeleko moni Pulisika na Akwila, anyanchito ayangu mwa Kristu Yesu. 4Aŵa enze okonzeka kupayiwa kuti apulumushe moyo wangu. Ni newolini neka koma mipingo yonse ya ŵanthu asali Ayuda oŵatembezya. 5Mupe soti moni mpingo ukumana pa ngʼanda pawo. Moni kwa Epeneto, muyangu wotemweka, wamene enze wotatika mu Asiya kucetekela Kristu.
6Moni kwa Maliya, ekuseŵenzelani ngako. 7Moni kwa Andilonika na Yuniya, enekwasu wanankhala nawo mu jele. Ni woŵilikila pakati pa nthumi, na kuti enze mwa Kristu newo nikaliyokuŵa mwa Kristu.
8Moni kwa Ampiliyato, muyangu wotemweka mwa Asikulu. 9Moni kwa Ubona, mtumiki muyasu pa nchito ya Kristu, nipo soti Stakisi, wanutemwa. 10Moni Apelesi, Mkristu wozomelezyewa mwa Kristu. Moni kwa ŵa mu banja ya Alistobulo. 11Moni kwa Helodiyono, muyuda muyangu. Moni kwa Akristu ŵa mu banja ya Nakisasi.
12Moni kwa Tilifena na Tilifosa, ocita nchito ya Asikulu mwa mphamvu. Moni kwa Pelisi, wotemweka, ecita vinyinji pocita nchito ya Asikulu. 13Moni kwa Lufu, wosaluliwa mwa Asikulu. Moni soti kwa anyina wake ali soti ngani amama. 14Moni kwa Asintikilito, Filegoni, Helemesi, Patilobasi, Helimasi na enekwasu wonse ŵa ali nawo pamo. 15Moni kwa Filologo na Juliya, kwa Neleyo na mlongosi wake, kwa Olimpasi na kwa atuŵa mtima wonse ŵa ali nawo pamo. 16Mupane moni mwa cinthemwa ca vyendi. Mipingo yonse ya Kristu yukupani moni.
Malango osilizyila
17Nukukoseshani mwenekwasu, ŵani nawo menso ŵanthu opatulisha ayawo noŵacimwisha. Vakusambizya vulinganalini na vemwisambila. Mukoŵalewa, 18pakuti ŵanthu otetyo otumikilalini Kristu Asikulu ŵasu, koma otumikila tyala vopangwa vawo. Na malizu aweme na mofweya otalizya wenye ŵanthu asaziŵa cimo. 19Ŵanthu wonse eyimvwa mbili ya kumvwila kwanu, tetyo nili na cimwemwe na mwewo, koma nupangwa kuti muŵe ŵa nzelu pa viweme, na kusatolapo citwa pa ciyipa. 20Mulungu wa mtendele kwa lombapano afwaye Satana pansi pa mendo ŵanu.
Cisomo ca Asikulu ŵasu Yesu ciŵe namwe.
21Timoteyo, nyanchito muyangu, okupani moni. Lusiyo, Yasoni na Sosipatele, Ayuda ayangu nawo olaŵila kuti moni. 22Newo, Tesiyo, nalemba tyala kalata iyi, nutuma moni kwa mwewo mwenekwasu mwa Asikulu. 23Okupani moni Gayo, onisamalila pamo na mpingo wonse ku ngʼanda kwake. Okupani moni Elasito, msungacuma wa mzinda wonse, nipo Kwato, mkwasu.
[24Cisomo ca Asikulu ŵasu Yesu Kristu ciŵe namwe. Amen.]
Mulungu acinzikiwe
25Tiyeni ticinzike Mulungu! Yeve ali na mphamvu zokoselesha pokonkha Malizu Aweme ŵanuŵilizya, ŵamene ni malizu oŵilizya va Yesu Kristu. Ivi venze cisinsi, nipo vefisika pa vyaka vonse kutatika macezo. 26Koma lomba vafumila patuŵa kupitila mu vecilemba aneneli, nipo kupitila mu tetulo ya Mulungu wa nsita zosasila zaziŵika ku ŵanthu ŵa mitundu yonse, kuti akozicetekela na kuzimvwa. 27Kwa Mulungu, wamene niye yeka wa nzelu, kuŵe ulemelelo wa nsita zosasila mwa Yesu Kristu. Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nsenga New Testament © The Bible Society of Zambia, 2015.