Aro 13
13
Vomvwila olamulila
1Aliyense akomvwila akulu olamulila, cikomo cakuti paliye ulamulilo uliyofumile kwa Mulungu. Maulamulilo wonse alipo eŵayika ni Mulungu. 2Tetyo, munthu okana kumvwila wopingula, okana mndandanda weciyika Mulungu. Nipo ocita ivi, ozitolela ŵeka cilango. 3Wopingula ocitishalini wowa ŵanthu ŵa unkhalo uweme, koma ŵa unkhalo uyipa. Kansi upangwa kuŵa wosayopa olamulila? Ukocita viweme, nipo yeve akakutembezye. 4Pakuti yeve ni nyanchito wa Mulungu kukucitilani viweme. Koma keno ucita ciyipa, cita wowa, pakuti ali nazo mphamvu nipo angaziseŵenzeshe. Yeve ni nyanchito wa Mulungu woleta ukali wa Mulungu pa ocita viyipa, pomulanga. 5Ni cikomo cake ukoŵamvwila wopingula, osati cikomo coyopa Mulungu tyala, koma cikomo comvwila umboni wa mtima.
6Niye camusonkhela msonkho, pakuti wopingula oseŵenzela Mulungu pocita nchito yawo. 7Mupe aliyense cili cake: keno muli na msonkho, mpeni msonkho, keno ni nkhongole, lipilani nkhongole, keno ni mcinzi apeni mcinzi, keno nikucinzika, acinzikeni.
Votemwana
8Osaŵa na nkhongole, koma tyala cinthemwa pa yumo na muyake, pakuti wala otemwa muyake watwesha Matetulo ŵa Mose. 9 Matetulo olaŵila kuti, “Usacite ucende,” “Usapaye,” “Usayiŵe,” “Usakumbwile,” na kuti keno kwa Matetulo aliwonse ayakine, omangiliwa pamo mu Tetulo iyi yakuti, “Temwa muyako ngani mwaulitemwela wewo wemwine.” 10Cinthemwa cucitilalini ciyipa muyako. Tetyo, cinthemwa ni kutwesha Matetulo.
Nsiku ya Asikulu ili pafupi
11Muziŵa kuti nsita yafwika kale yakuti muwuke kutulo. Pakuti cipulumusho cili pafupi lomba kupula petitatika kucetekela. 12Usiku uli pafupi kusila, kuca kwavwendela. Tiyeni lomba tileke nchito za mu mfinzi, tivwale vida vakuwala. 13Kuyenda kwasu kuŵe kokonkholoka, ngani ŵanthu woyenda mzuŵa. Osati paŵe matapika keno kukolwa, kacenche, keno zomvwisha nsoni, ndewo keno luyipilwa. 14Asikulu Yesu Kristu aŵe cida canu ca nkhondo. Lekani mtima wosakila votemwesha muŵili, osamvwila lunkhumbwa yake iyipa.
Currently Selected:
Aro 13: GMN
Highlight
Copy
Compare
Share
Want to have your highlights saved across all your devices? Sign up or sign in
Nsenga New Testament © The Bible Society of Zambia, 2015.
Aro 13
13
Vomvwila olamulila
1Aliyense akomvwila akulu olamulila, cikomo cakuti paliye ulamulilo uliyofumile kwa Mulungu. Maulamulilo wonse alipo eŵayika ni Mulungu. 2Tetyo, munthu okana kumvwila wopingula, okana mndandanda weciyika Mulungu. Nipo ocita ivi, ozitolela ŵeka cilango. 3Wopingula ocitishalini wowa ŵanthu ŵa unkhalo uweme, koma ŵa unkhalo uyipa. Kansi upangwa kuŵa wosayopa olamulila? Ukocita viweme, nipo yeve akakutembezye. 4Pakuti yeve ni nyanchito wa Mulungu kukucitilani viweme. Koma keno ucita ciyipa, cita wowa, pakuti ali nazo mphamvu nipo angaziseŵenzeshe. Yeve ni nyanchito wa Mulungu woleta ukali wa Mulungu pa ocita viyipa, pomulanga. 5Ni cikomo cake ukoŵamvwila wopingula, osati cikomo coyopa Mulungu tyala, koma cikomo comvwila umboni wa mtima.
6Niye camusonkhela msonkho, pakuti wopingula oseŵenzela Mulungu pocita nchito yawo. 7Mupe aliyense cili cake: keno muli na msonkho, mpeni msonkho, keno ni nkhongole, lipilani nkhongole, keno ni mcinzi apeni mcinzi, keno nikucinzika, acinzikeni.
Votemwana
8Osaŵa na nkhongole, koma tyala cinthemwa pa yumo na muyake, pakuti wala otemwa muyake watwesha Matetulo ŵa Mose. 9 Matetulo olaŵila kuti, “Usacite ucende,” “Usapaye,” “Usayiŵe,” “Usakumbwile,” na kuti keno kwa Matetulo aliwonse ayakine, omangiliwa pamo mu Tetulo iyi yakuti, “Temwa muyako ngani mwaulitemwela wewo wemwine.” 10Cinthemwa cucitilalini ciyipa muyako. Tetyo, cinthemwa ni kutwesha Matetulo.
Nsiku ya Asikulu ili pafupi
11Muziŵa kuti nsita yafwika kale yakuti muwuke kutulo. Pakuti cipulumusho cili pafupi lomba kupula petitatika kucetekela. 12Usiku uli pafupi kusila, kuca kwavwendela. Tiyeni lomba tileke nchito za mu mfinzi, tivwale vida vakuwala. 13Kuyenda kwasu kuŵe kokonkholoka, ngani ŵanthu woyenda mzuŵa. Osati paŵe matapika keno kukolwa, kacenche, keno zomvwisha nsoni, ndewo keno luyipilwa. 14Asikulu Yesu Kristu aŵe cida canu ca nkhondo. Lekani mtima wosakila votemwesha muŵili, osamvwila lunkhumbwa yake iyipa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nsenga New Testament © The Bible Society of Zambia, 2015.