KO SĀKALAIA 2
2
Ko ha vīsone ki ha Me‘a Fua
1PEA U hanga hake, ‘o fakasio, pea tā ko e toko taha ena ‘oku ne to‘o ha afo fua. 2Pea u pehē ange, Ko ho‘o ‘alu ki fē?
Pea ne tali mai, Ke fua ‘a Selusalema, ke vakai pe ko e hā hono māukupu, pea mo e ha hono lōloa.
3Pea ‘iloange ko e ‘āngelo na‘e lea ‘iate au na‘a ne ‘alu atu, pea hū ki tu‘a ha ‘āngelo ‘e taha ke fakafetaulaki kiate ia. 4Pea lea ‘e ia ki ai, Lele, lea ki he talavou ko ena, ‘o pehē, ‘E nofo‘ia ‘a Selusalema ‘o hangē ko e kolo ta‘e‘aa‘i, ko e me‘a ‘i he lahi ‘o e tangata mo e manu ‘oku ‘i ai. 5Pea ko au–ko Sihova eni mei he Ta‘ehāmai–te u hoko ko hono ‘ā afi takatakai, pea te u ‘i loto kolo ko hono kolōlia.
Ko e Ui ki he Kau Nofo Fakaheé ke Nau Foki ki ‘Api
6Tala atu, tala atu, mou hola mei he fonua tokelau–ko Sihova ia mei he Ta‘ehāmai–he kuo u fakamovete kimoutolu ‘o hangē ko e matangi ‘e fā ‘o e langi–ko Sihova ia mei he Ta‘ehāmai. 7Tala atu, ke ke fakaofi koe, si‘i Saione, ‘a koe ‘oku nonofo mo e ta‘ahine ko Pāpilone. 8He ko e folofola eni ‘a Sihova Sāpaoti,#2.8 ‘Oku ‘i ai ‘a e ongo fo‘i lea faka-Hepelū ‘e ua ‘i he kupu ko ení ‘a ia ‘oku ‘ikai ke mahino ‘a hono ‘uhingá. Kuo ne fekau au ki he ngaahi pule‘anga na‘e vete kimoutolu, ke mamahi‘i ‘a e kolōlia; he ko ia ‘oku ne ala kiate kimoutolu ‘oku ne ala ki he tama‘imata ‘o ‘ene ‘Afio.
9He ko au eni ‘oku ou tātākalo hoku nima kiate kinautolu, pea te nau hoko ko e me‘a ke vete ‘e kinautolu na‘e ngāue kiate kinautolu: pea te mou ‘ilo kuo fekau au ‘e Sihova Sāpaoti.
10Hiki mavava, mo fakafiefia, si‘i ta‘ahine ko Saione: he ko au eni ‘oku ‘alu atu, pea te u nofo ‘i ho lotolotonga–ko Sihova ia mei he Ta‘ehāmai.
11Pea ‘e lahi ‘a e ngaahi pule‘anga te nau luva kinautolu kia Sihova ‘i he ‘aho ko ia, pea te nau hoko ko hoku kakai: pea te u nofo ‘i ho lotolotonga, pea te ke ‘ilo ko Sihova Sāpaoti ne fekau mai au kiate koe. 12Pea ‘e tofi‘a ‘aki ‘e Sihova ‘a Siuta mōno ‘inasi ‘i he kelekele tapu, pea te ne toe fili ‘a Selusalema.
13Sī! ke fakalongo ‘a e kakano kotoa ‘i he ‘ao ‘o Sihova: he kuo ne ofo hake mei hono ‘afio‘anga tāpuhā.
Currently Selected:
KO SĀKALAIA 2: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO SĀKALAIA 2
2
Ko ha vīsone ki ha Me‘a Fua
1PEA U hanga hake, ‘o fakasio, pea tā ko e toko taha ena ‘oku ne to‘o ha afo fua. 2Pea u pehē ange, Ko ho‘o ‘alu ki fē?
Pea ne tali mai, Ke fua ‘a Selusalema, ke vakai pe ko e hā hono māukupu, pea mo e ha hono lōloa.
3Pea ‘iloange ko e ‘āngelo na‘e lea ‘iate au na‘a ne ‘alu atu, pea hū ki tu‘a ha ‘āngelo ‘e taha ke fakafetaulaki kiate ia. 4Pea lea ‘e ia ki ai, Lele, lea ki he talavou ko ena, ‘o pehē, ‘E nofo‘ia ‘a Selusalema ‘o hangē ko e kolo ta‘e‘aa‘i, ko e me‘a ‘i he lahi ‘o e tangata mo e manu ‘oku ‘i ai. 5Pea ko au–ko Sihova eni mei he Ta‘ehāmai–te u hoko ko hono ‘ā afi takatakai, pea te u ‘i loto kolo ko hono kolōlia.
Ko e Ui ki he Kau Nofo Fakaheé ke Nau Foki ki ‘Api
6Tala atu, tala atu, mou hola mei he fonua tokelau–ko Sihova ia mei he Ta‘ehāmai–he kuo u fakamovete kimoutolu ‘o hangē ko e matangi ‘e fā ‘o e langi–ko Sihova ia mei he Ta‘ehāmai. 7Tala atu, ke ke fakaofi koe, si‘i Saione, ‘a koe ‘oku nonofo mo e ta‘ahine ko Pāpilone. 8He ko e folofola eni ‘a Sihova Sāpaoti,#2.8 ‘Oku ‘i ai ‘a e ongo fo‘i lea faka-Hepelū ‘e ua ‘i he kupu ko ení ‘a ia ‘oku ‘ikai ke mahino ‘a hono ‘uhingá. Kuo ne fekau au ki he ngaahi pule‘anga na‘e vete kimoutolu, ke mamahi‘i ‘a e kolōlia; he ko ia ‘oku ne ala kiate kimoutolu ‘oku ne ala ki he tama‘imata ‘o ‘ene ‘Afio.
9He ko au eni ‘oku ou tātākalo hoku nima kiate kinautolu, pea te nau hoko ko e me‘a ke vete ‘e kinautolu na‘e ngāue kiate kinautolu: pea te mou ‘ilo kuo fekau au ‘e Sihova Sāpaoti.
10Hiki mavava, mo fakafiefia, si‘i ta‘ahine ko Saione: he ko au eni ‘oku ‘alu atu, pea te u nofo ‘i ho lotolotonga–ko Sihova ia mei he Ta‘ehāmai.
11Pea ‘e lahi ‘a e ngaahi pule‘anga te nau luva kinautolu kia Sihova ‘i he ‘aho ko ia, pea te nau hoko ko hoku kakai: pea te u nofo ‘i ho lotolotonga, pea te ke ‘ilo ko Sihova Sāpaoti ne fekau mai au kiate koe. 12Pea ‘e tofi‘a ‘aki ‘e Sihova ‘a Siuta mōno ‘inasi ‘i he kelekele tapu, pea te ne toe fili ‘a Selusalema.
13Sī! ke fakalongo ‘a e kakano kotoa ‘i he ‘ao ‘o Sihova: he kuo ne ofo hake mei hono ‘afio‘anga tāpuhā.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.