Taitusí 3
3
Ko e Fai e Ngaahi Ngāue ‘Aonga
1FAKAMANATU kiate kinautolu ke nau anganofo ki he ngaahi pule mā‘olunga, mo e ngaahi tu‘unga; ke nofo talangofua pē; ke nofo teu ki he ngāue lelei kotoa pē: 2ke ‘oua te nau lau‘ikovi ha taha: ke ‘oua na‘a ko e kau veipā, ka ko e kau faka‘atu‘i pē, ‘o mātu‘aki fai‘aki ‘a e anga kātaki ki he kakai kotoa pē. 3He ko kitautolu foki ‘i mu‘a, ko e kau ta‘eloto, talangata‘a, mo ‘alu hē; ‘o tau nofo pōpula ki he ngaahi holi mo e ngaahi mālie kehekehe; ‘o tau mo‘ui‘aki ‘a e fakama‘ito‘a, mo e meheka, ko e fehi‘anekina kitautolu pea tau fetāufehi‘a‘aki. 4Ka ‘i he faifai pea fakahā mai ‘a e angalelei ‘a hotau ‘Otua Fakamo‘ui, mo ‘ene ‘ofa ki he tangata, 5na‘e ‘ikai tupu ‘ene fakamo‘ui kitautolu mei ha ngaahi ngāue na‘a tau fai ‘i ha‘atau mā‘oni‘oni, ka ko e me‘a pē ‘i he‘ene ‘alo‘ofa na‘a ne fakamo‘ui kitautolu, ‘i he pālutu‘anga ‘o e fanau‘i fo‘ou, pea mo e fakafo‘ou ‘e he Laumālie Mā‘oni‘oni: 6‘a ia na‘a ne lilingi mai ‘o lahi kiate kitautolu ‘ia Sīsū Kalaisi ko hotau Fakamo‘ui; 7koe‘uhi ke fakatonuhia kitautolu ‘i he kelesi ‘a ‘Ene ‘Afio, ‘o tau hoko ai ko e ngaahi ‘ea ki he mo‘ui ta‘engata, kae ‘amanaki pē. 8‘Oku mo‘oni ‘a e lea ko ia, pea ko hoku loto ke ke fu‘u fakapapau ki he ngaahi me‘a pehē, koe‘uhi ke ‘ilonga kinautolu kuo tui ki he ‘Otua, ke nau tokanga ke nofo ki he ngaahi ngāue lelei. Ko e ngaahi me‘a pehē ‘oku lelei mo ‘aonga ki he kakai.
9Ka ko e ‘eke me‘a launoa, mo e ngaahi lau hokohoko, mo e ngaahi fetu‘usi, mo e ngaahi fakakikihi ‘i he Lao, ke ke faka‘ehi‘ehi mei ai, he ko e ngaahi me‘a ta‘e‘aonga ia mo ikunoa. 10Ko e tangata ‘oku fakatupu mavahevahe, ke ke tākitala‘i tu‘o taha, tu‘o ua, pea ke toki mavahe mei ai; 11‘i ho‘o ‘ilo, ko e toko taha pehē kuo fulikivanu, pea ‘oku ne ‘ū angahala pē, neongo ‘oku tala ‘e hono loto ‘oku ne halaia.
Ko e Ngaahi Fakahinohino faka‘osi
12Ka u ka fekau atu ‘a ‘Ātema, pe ko Tikiko, ke ke fai feinga ke vave mai kiate au ki Naikopoli: he kuo u tu‘utu‘uni ke fa‘ahita‘u momoko ‘i he potu ko ia.#Ngā 20.4; ‘Efe 6.21-22; Kol 4.7-8; 2 Tīm 4.12 13Ko e me‘a kia Sena ko e tufungalao, mo ‘Āpolosi, ke ke nima mo e va‘e ‘a e tokonaki ‘o ‘ena fononga atu, ke ‘oua te na masiva ‘i ha me‘a.#Ngā 18.24; 1 Kol 16.12 14Kae‘uma‘ā ke ako ‘a e kakai ‘otautolu ‘i he fai ‘o e ngaahi ngāue lelei, he‘enau tokoni ki hona tokonaki, telia na‘a nau ta‘eha fua.
15‘Oku ‘ofa atu ‘a e kāinga kotoa pē ‘oku ‘iate au. Tala hoku ‘ofa ki he kakai kotoa pē ‘oku ‘ofa kiate kimautolu ‘i he lotu.
‘Ofa ke ‘iate kimoutolu kotoa pē ‘a e kelesi.
Currently Selected:
Taitusí 3: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
Taitusí 3
3
Ko e Fai e Ngaahi Ngāue ‘Aonga
1FAKAMANATU kiate kinautolu ke nau anganofo ki he ngaahi pule mā‘olunga, mo e ngaahi tu‘unga; ke nofo talangofua pē; ke nofo teu ki he ngāue lelei kotoa pē: 2ke ‘oua te nau lau‘ikovi ha taha: ke ‘oua na‘a ko e kau veipā, ka ko e kau faka‘atu‘i pē, ‘o mātu‘aki fai‘aki ‘a e anga kātaki ki he kakai kotoa pē. 3He ko kitautolu foki ‘i mu‘a, ko e kau ta‘eloto, talangata‘a, mo ‘alu hē; ‘o tau nofo pōpula ki he ngaahi holi mo e ngaahi mālie kehekehe; ‘o tau mo‘ui‘aki ‘a e fakama‘ito‘a, mo e meheka, ko e fehi‘anekina kitautolu pea tau fetāufehi‘a‘aki. 4Ka ‘i he faifai pea fakahā mai ‘a e angalelei ‘a hotau ‘Otua Fakamo‘ui, mo ‘ene ‘ofa ki he tangata, 5na‘e ‘ikai tupu ‘ene fakamo‘ui kitautolu mei ha ngaahi ngāue na‘a tau fai ‘i ha‘atau mā‘oni‘oni, ka ko e me‘a pē ‘i he‘ene ‘alo‘ofa na‘a ne fakamo‘ui kitautolu, ‘i he pālutu‘anga ‘o e fanau‘i fo‘ou, pea mo e fakafo‘ou ‘e he Laumālie Mā‘oni‘oni: 6‘a ia na‘a ne lilingi mai ‘o lahi kiate kitautolu ‘ia Sīsū Kalaisi ko hotau Fakamo‘ui; 7koe‘uhi ke fakatonuhia kitautolu ‘i he kelesi ‘a ‘Ene ‘Afio, ‘o tau hoko ai ko e ngaahi ‘ea ki he mo‘ui ta‘engata, kae ‘amanaki pē. 8‘Oku mo‘oni ‘a e lea ko ia, pea ko hoku loto ke ke fu‘u fakapapau ki he ngaahi me‘a pehē, koe‘uhi ke ‘ilonga kinautolu kuo tui ki he ‘Otua, ke nau tokanga ke nofo ki he ngaahi ngāue lelei. Ko e ngaahi me‘a pehē ‘oku lelei mo ‘aonga ki he kakai.
9Ka ko e ‘eke me‘a launoa, mo e ngaahi lau hokohoko, mo e ngaahi fetu‘usi, mo e ngaahi fakakikihi ‘i he Lao, ke ke faka‘ehi‘ehi mei ai, he ko e ngaahi me‘a ta‘e‘aonga ia mo ikunoa. 10Ko e tangata ‘oku fakatupu mavahevahe, ke ke tākitala‘i tu‘o taha, tu‘o ua, pea ke toki mavahe mei ai; 11‘i ho‘o ‘ilo, ko e toko taha pehē kuo fulikivanu, pea ‘oku ne ‘ū angahala pē, neongo ‘oku tala ‘e hono loto ‘oku ne halaia.
Ko e Ngaahi Fakahinohino faka‘osi
12Ka u ka fekau atu ‘a ‘Ātema, pe ko Tikiko, ke ke fai feinga ke vave mai kiate au ki Naikopoli: he kuo u tu‘utu‘uni ke fa‘ahita‘u momoko ‘i he potu ko ia.#Ngā 20.4; ‘Efe 6.21-22; Kol 4.7-8; 2 Tīm 4.12 13Ko e me‘a kia Sena ko e tufungalao, mo ‘Āpolosi, ke ke nima mo e va‘e ‘a e tokonaki ‘o ‘ena fononga atu, ke ‘oua te na masiva ‘i ha me‘a.#Ngā 18.24; 1 Kol 16.12 14Kae‘uma‘ā ke ako ‘a e kakai ‘otautolu ‘i he fai ‘o e ngaahi ngāue lelei, he‘enau tokoni ki hona tokonaki, telia na‘a nau ta‘eha fua.
15‘Oku ‘ofa atu ‘a e kāinga kotoa pē ‘oku ‘iate au. Tala hoku ‘ofa ki he kakai kotoa pē ‘oku ‘ofa kiate kimautolu ‘i he lotu.
‘Ofa ke ‘iate kimoutolu kotoa pē ‘a e kelesi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.