Loma 13
13
Fakaongoongo ki he Kau Taki Fakafonuá
1KE anganofo ‘a e tangata kotoa pē ki he ngaahi pule ‘oku mā‘olunga: he ‘oku ‘ikai ha pule, ka ‘oku mei he ‘Otua pē; pea ko e ngaahi pule ‘oku ‘i ai ni, ko e fokotu‘u ‘e he ‘Otua. 2Ko ia, ‘ilonga ‘a ia ‘oku angatu‘u ki he pule, ko ‘ene tu‘u ia ki he tu‘utu‘uni ‘a e ‘Otua: pea ko e me‘a ‘e ma‘u ai ‘e he kau angatu‘u, ko hanau tautea. 3He tala‘ehai ‘oku nofo ‘a e kau pule mo‘o fakailifia ‘o ngāue lelei, ka ko ngāue kovi pē. Pea kapau ko ho loto ke ‘oua na‘a ai ha‘o manavahē ki he pule, pe‘i fai lelei, pea te ke toki ma‘u ha fakamālō mei ai: 4he ko e sevāniti ia ‘a e ‘Otua ma‘ao lelei. Ka ‘o kapau te ke fai kovi, ke ke manavahē mu‘a; he tala‘ehai ko e va‘inga ‘ene to‘o ‘a e heletā; he ko e sevāniti ia ‘a e ‘Otua ke fai ‘ene houhau kia faikovi. 5Ko ia, kuo pau ke mou anganofo, ‘o ‘ikai telia ‘a e houhau pē, kae telia ‘a konisēnisi foki.
6Seuke, ko hono ‘uhinga foki ia ‘oku mou tukuhau ai: he ko e kau fai ‘o e ngāue tapu ‘a e ‘Otua ‘a kinautolu, pea ‘oku nau nofo pē ki he me‘a ko ia.#Māt 22.21; Ma‘ake 12.17; Luk 20.25 7Ko ia, mou fai kiate kinautolu kotoa pē ‘a e me‘a ‘oku totonu: ‘a e tukuhau kiate ia ‘oku ‘a‘ana ‘a e tukuhau; ‘a e tute kiate ia ‘oku ‘a‘ana ‘a e tute; ‘a e manavahē kiate ia ‘oku ‘a‘ana ‘a e manavahē‘ia; ‘a e faka‘apa‘apa kiate ia ‘oku ‘a‘ana ‘a e faka‘apa‘apa‘ia.
Ko e Fe‘ofa‘aki Fakatautehina
8‘Oua na‘a ai hamou mo‘ua ki ha ni‘ihi, ngata pē ‘i he mo‘ua ke ‘ofa ki ai: he ko ia ‘oku ne ‘ofa ki he taha, kuo ne ‘osiki ‘a e Lao. 9He ko e ngaahi lea, ‘Oua te ke tono fefine, ‘Oua te ke fakapō, ‘Oua te ke kaiha‘a, ‘Oua te ke mānumanu, mo e hā fua ha fekau ‘oku toe, ‘oku fālute ‘e he folofola ni, Te ke ‘ofa ki ho kaungā‘api ‘o hangē ko ho‘o ‘ofa kiate koe.#‘Eki 20.13-15,17; Teu 5.17-19,21; Lev 19.18 10Tala‘ehai ‘oku fai ‘e ‘ofa ha kovi ki hono kaungā‘api; ‘āua, tā ko e ‘ofa ko e koto ‘osiki ia ‘o e Lao.
11Ke ‘āsili ho‘omou fai ko ho‘omou ‘ilo ki he laka ‘a e kuonga: ko e taimi ‘eni ke mou ‘ā leva mei he mohe; he ‘oku ofi ‘eni hotau fakamo‘ui ‘i he taimi na‘a tau fua tui ai. 12Kuo faka‘a‘au atu ‘a e pō, pea kuo ofi ‘a e ‘aho: ko ia, ke tau hu‘ihu‘i ‘a e ngaahi ngāue ‘o e po‘uli, ka tau ‘ai ‘a e mahafu ‘o e maama. 13Tau fai ‘a e laka ‘o e ‘aho, ‘o anga māopo: ‘o ‘oua ‘e fai ‘aki ‘a e fa‘a kātoanga kai mo e fa‘a konā, pe ko e fai fe‘auaki mo e pau‘u fakalielia, pe ko e fetu‘usi mo e meheka. 14Ka mou ‘ai mu‘a ‘a e ‘Eiki ko Sīsū Kalaisi; pea ‘oua na‘a tokonaki ki he kakano ke kanoni ‘ene ngaahi holi.
Currently Selected:
Loma 13: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
Loma 13
13
Fakaongoongo ki he Kau Taki Fakafonuá
1KE anganofo ‘a e tangata kotoa pē ki he ngaahi pule ‘oku mā‘olunga: he ‘oku ‘ikai ha pule, ka ‘oku mei he ‘Otua pē; pea ko e ngaahi pule ‘oku ‘i ai ni, ko e fokotu‘u ‘e he ‘Otua. 2Ko ia, ‘ilonga ‘a ia ‘oku angatu‘u ki he pule, ko ‘ene tu‘u ia ki he tu‘utu‘uni ‘a e ‘Otua: pea ko e me‘a ‘e ma‘u ai ‘e he kau angatu‘u, ko hanau tautea. 3He tala‘ehai ‘oku nofo ‘a e kau pule mo‘o fakailifia ‘o ngāue lelei, ka ko ngāue kovi pē. Pea kapau ko ho loto ke ‘oua na‘a ai ha‘o manavahē ki he pule, pe‘i fai lelei, pea te ke toki ma‘u ha fakamālō mei ai: 4he ko e sevāniti ia ‘a e ‘Otua ma‘ao lelei. Ka ‘o kapau te ke fai kovi, ke ke manavahē mu‘a; he tala‘ehai ko e va‘inga ‘ene to‘o ‘a e heletā; he ko e sevāniti ia ‘a e ‘Otua ke fai ‘ene houhau kia faikovi. 5Ko ia, kuo pau ke mou anganofo, ‘o ‘ikai telia ‘a e houhau pē, kae telia ‘a konisēnisi foki.
6Seuke, ko hono ‘uhinga foki ia ‘oku mou tukuhau ai: he ko e kau fai ‘o e ngāue tapu ‘a e ‘Otua ‘a kinautolu, pea ‘oku nau nofo pē ki he me‘a ko ia.#Māt 22.21; Ma‘ake 12.17; Luk 20.25 7Ko ia, mou fai kiate kinautolu kotoa pē ‘a e me‘a ‘oku totonu: ‘a e tukuhau kiate ia ‘oku ‘a‘ana ‘a e tukuhau; ‘a e tute kiate ia ‘oku ‘a‘ana ‘a e tute; ‘a e manavahē kiate ia ‘oku ‘a‘ana ‘a e manavahē‘ia; ‘a e faka‘apa‘apa kiate ia ‘oku ‘a‘ana ‘a e faka‘apa‘apa‘ia.
Ko e Fe‘ofa‘aki Fakatautehina
8‘Oua na‘a ai hamou mo‘ua ki ha ni‘ihi, ngata pē ‘i he mo‘ua ke ‘ofa ki ai: he ko ia ‘oku ne ‘ofa ki he taha, kuo ne ‘osiki ‘a e Lao. 9He ko e ngaahi lea, ‘Oua te ke tono fefine, ‘Oua te ke fakapō, ‘Oua te ke kaiha‘a, ‘Oua te ke mānumanu, mo e hā fua ha fekau ‘oku toe, ‘oku fālute ‘e he folofola ni, Te ke ‘ofa ki ho kaungā‘api ‘o hangē ko ho‘o ‘ofa kiate koe.#‘Eki 20.13-15,17; Teu 5.17-19,21; Lev 19.18 10Tala‘ehai ‘oku fai ‘e ‘ofa ha kovi ki hono kaungā‘api; ‘āua, tā ko e ‘ofa ko e koto ‘osiki ia ‘o e Lao.
11Ke ‘āsili ho‘omou fai ko ho‘omou ‘ilo ki he laka ‘a e kuonga: ko e taimi ‘eni ke mou ‘ā leva mei he mohe; he ‘oku ofi ‘eni hotau fakamo‘ui ‘i he taimi na‘a tau fua tui ai. 12Kuo faka‘a‘au atu ‘a e pō, pea kuo ofi ‘a e ‘aho: ko ia, ke tau hu‘ihu‘i ‘a e ngaahi ngāue ‘o e po‘uli, ka tau ‘ai ‘a e mahafu ‘o e maama. 13Tau fai ‘a e laka ‘o e ‘aho, ‘o anga māopo: ‘o ‘oua ‘e fai ‘aki ‘a e fa‘a kātoanga kai mo e fa‘a konā, pe ko e fai fe‘auaki mo e pau‘u fakalielia, pe ko e fetu‘usi mo e meheka. 14Ka mou ‘ai mu‘a ‘a e ‘Eiki ko Sīsū Kalaisi; pea ‘oua na‘a tokonaki ki he kakano ke kanoni ‘ene ngaahi holi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.