KO NEHEMAIA 9
9
Ko e Vete Angahala ‘a e Kakaí
1PEA ‘i hono ‘aho uofulu mā fā ‘o e māhina ko ia na‘e fakatefua mai ‘a ha‘a ‘Isileli, ‘Oku nau ‘aukai, mo ‘ai tauanga‘a, mo paniefua. 2Pea na‘e fakamavahe ‘e he hako totonu ‘o ‘Isileli mei he hako‘i muli fua pē, pea nau tutu‘u ‘o vete ‘enau ngaahi angahala, mo e ngaahi kovi ‘a ‘enau ngaahi kui. 3Pea nau tu‘u ‘i honau tu‘unga; pea ko e vahefā ‘o e ‘aho na‘a nau lau ‘i he Puka ‘o e Lao ‘a Sihova ko honau ‘Otua; pea ko e vahefā na‘a nau vete hia ai, mo fai ‘enau hū kia Sihova ko honau ‘Otua.
4Pea tu‘u ‘i he tu‘unga ‘o e kau Līvai ‘a Sisua, mo Pani, ‘a Katemieli, Sepanaia, Puni, Selepaia, Pani, mo Kēnani, pea nau tautapa le‘o lahi kia Sihova ko honau ‘Otua.
5Pea toki pehē ‘e he kau Līvai–‘a Sisua, mo Katemieli, ‘a Pani, Hasapenaia, Selepaia, Hōtaia, Sepanaia, mo Petahaia–Mou tu‘u: mou fakamālō‘ia ‘a Sihova ko homou ‘Otua mei ‘ītāniti ki ‘ītāniti: ‘io, ke mālō‘ia ho huafa lāngilangi‘ia, ‘oku hopo hake ‘i ho fakamālō mo e fakahīkihiki‘i fua pē.
6Ko koe ‘a Sihova, ‘io, ko koe toko taha; ko koe na‘a ke ngaohi ‘a e ngaahi langi, ‘io, ‘a Langi taupotu, mo honau ngaahi hōsitē, ‘a māmani mo e me‘a kotoa pē ‘oku ‘i ai, ‘a e ngaahi tahi mo ‘enau me‘a kotoa, pea ‘oku ke ‘ange mo‘ui kiate kinautolu kotoa; pea na‘a mo e hōsitē ‘o langi ‘oku nau hū ai pē ki he ‘Afiona. 7Ko koe ‘a Sihova ‘Elohimi, ‘a e ‘Afiona na‘a ke fili ‘a ‘Epalame, ‘o fakahū ki tu‘a mei ‘Ua ‘o e Kau Kalitia, ‘o ke fakahingoa ko ‘Epalahame.#Sēn 11.31; 12.1; 17.5
8Pea na‘a ke ‘afio‘i hono loto ‘oku fai takataka tui ‘ene fakafeangai ki he ‘Afiona,#Sēn 15.18-21 pea ke fai kovinānite mo ia ke ‘ange ‘a e fonua ‘o ha‘a Kēnani, ha‘a Heti, ha‘a ‘Āmoli, mo ha‘a Pēlisi, mo ha‘a Siepusi, mo ha‘a Keakesa, ‘io, ke ‘ange ki hono hako; pea kuo ke fakaai ho‘o folofola, he ko e faitotonu ‘a e ‘Afiona. 9Pea na‘a ke ‘afioa ‘a e mo‘ulaloa ‘a ‘emau ngaahi kui ‘i ‘Isipite,#‘Eki 3.7; 14.10-12 pea na‘a ke ongo‘i ‘enau tautapa ‘i he ve‘e Tahi Kulokula; 10pea na‘a ke ‘ai ‘a e ngaahi faka‘ilonga mo me‘a fakaofo kia Felo#‘Eki 7.8–12.32 mo ‘ene kau tamaio‘eiki kotoa pē, mo e kakai kotoa ‘o hono fonua; he na‘a ke mea‘i ‘oku nau fai fakamofutofuta kiate kinautolu; pea na‘a ke fakaai ho ongoongo, ‘o hangē ko ia ‘oku kei fai ni. 11Pea na‘a ke tu‘usi ‘a e tahi ‘i honau ‘ao,#‘Eki 14.21-29; 15.4-5 pea na‘a nau laka atu ‘i he mōmoa ‘i he loto tahi; pea ko e kau tuli na‘a ke lī ki he kilisitahi, ‘o nau, hangē ha maka ‘i he tahi hou. 12Pea na‘a ke taki kinautolu, ‘aho ‘aki ha pou ‘ao,#‘Eki 13.21-22 pea ‘aki ha pou-afi po‘uli, ke huluhulu ‘a e hala te nau ‘alu ai. 13Pea na‘a ke hā‘ele hifo ki funga mo‘unga Sainai, pea na‘a ke fefolofolai mo kinautolu mei langi;#‘Eki 19.18–23.33 pea na‘a ke ‘ange kiate kinautolu ha konisitūtone totonu, mo e ngaahi lao mo‘oni, ‘a e ngaahi fekau mo e ngaahi tu‘utu‘uni na‘e lelei. 14Pea na‘a ke faka‘ilo kiate kinautolu ho Sāpate tapu, pea na‘a ke fakafai ‘i ho‘o sevāniti ko Mōsese ha‘anau ngaahi tu‘utu‘uni, mo fekau, mo ha lao. 15Pea na‘a ke ‘ange ha‘anau mā mei langi ‘i he‘enau hōngea,#‘Eki 16.4-15; 17.1-7; Teu 1.21 pea na‘a ke fakapū kitu‘a ha vai mei he makatu‘u telia ‘enau fie inu, pea ke tala kiate kinautolu ke nau ‘alu ‘o ma‘u ‘a e fonua ‘a ia kuo ke hiki ho nima ke ‘ange mo‘onautolu. 16Ka ko kinautolu mo ‘emau ngaahi kui na‘a nau mofuta, ‘o nau fakakekeva honau kia,#Nōm 14.1-4; Teu 1.26-33 ‘o ‘ikai te nau momo‘i muitala ki ho‘o ngaahi tu‘utu‘uni; 17pea na‘e ‘ikai te nau loto ke talangofua, pea na‘e ‘ikai te nau manatu ho‘o ngaahi me‘a fakaofo,#‘Eki 34.6; Nōm 14.18 ‘a ia kuo ke feia ‘i ho‘o feangai mo kinautolu; ka nau fakakekeva honau kia, pea ‘i he‘enau angatu‘u na‘a nau fokotu‘u ha kapiteni ke nau foki ki he‘enau nofo pōpula. Ka ko e ‘Otua mohu fakamolemole ‘a e ‘Afiona, ko e Angalelei mo ‘Alo‘ofa, Tuai-ki-he-houhau, pea Fonu-‘i-he-kelesi, pea na‘e ‘ikai te ke li‘aki kinautolu. 18‘Io, ‘i he‘enau ngaohi ha‘anau kafi ukamea,#‘Eki 32.1-4 mo nau pehē, Ko eni ho ‘Otua ‘a ia na‘a ne ‘ohake koe mei ‘Isipite–pea hulu fau ‘enau mā‘imoa ‘aki koe; 19ka na‘e pehē ho‘o mohu ‘alo‘ofa, ko ia na‘e ‘ikai te ke li‘aki kinautolu ‘i he Toafa;#Teu 8.2-4 na‘e ‘ikai mahu‘i ‘a e Pou-‘ao mei he‘ene fotu ‘aho kiate kinautolu, pe ko e Pou-afi po‘uli, ke huluhulu ‘a e hala ‘oku nau ‘alu ai. 20Pea na‘a ke foaki ho Laumālie Lelei ke ako kinautolu, pea na‘e ‘ikai te ke mamae‘i ho‘o mana mei honau ngutu, pea na‘a ke ‘ange vai ma‘a ‘enau fie inua. 21‘Io, ko e fāngofulu ta‘u na‘a ke tauhi kinautolu ‘i he Toafa; na‘e ‘ikai te nau masiva; na‘e ‘ikai luku honau kofu, pea, na‘e ‘ikai fepulopulasi honau va‘e. 22Pea na‘a ke foaki kiate kinautolu ‘ani pule‘anga moni kakai,#Nōm 21.21-35 ‘o ke tufa kiate kinautolu ‘o a‘u ki he tuliki: ko ia na‘a nau ma‘u ‘a e fonua ‘o Sīhoni, ‘io, ko e fonua ‘o Tu‘i Hesiponi mo e fonua ‘o ‘Oki Tu‘i Pēsani. 23Pea na‘a ke fakatokolahi honau hako ke tatau mo e ngaahi fetu‘u ‘o e langi,#Sēn 15.5; 22.17; Sios 3.14-17 pea na‘a ke fakahū kinautolu ki he fonua na‘a ke folofola ai ki honau tupu‘anga ke nau hū ki ai ‘o ma‘u. 24Ko ia na‘e hū ‘a e fānau, ‘o ma‘u ‘a e fonua,#Sios 11.23 pea na‘a ke fakatōkilalo ‘i honau ‘ao ‘a e nofo he fonua, ‘a e kau Kēnani, pea na‘a ke tuku kinautolu ki honau nima, mo honau ngaahi tu‘i, mo e ngaahi kakai ‘o e fonua, ke nau fa‘iteliha ki ai. 25Pea nau puke kolo ‘aa‘i,#Teu 6.10-11 mo ha kelekele mahu: pea nau ma‘u ha ngaahi fale na‘e fonu ‘i he lelei fua pē, ko e ngaahi lepa tā, ko e ngaahi ngoue vaine mo e ngaahi ngoue ‘ōlive, pea lahi ‘a e ngaahi ‘akau kai: ko ia na‘a nau kai ‘o mākona, ‘o nau sino ai, pea nau fefiefia‘i ‘i ho‘o angalelei kuo lahi. 26Ka na‘a nau talangata‘a mo angatu‘u kiate koe,#Fkm 2.11-16 ‘o nau fakasītua‘i ho‘o lao, ‘o nau fakapoongi ho‘o kau palōfita na‘e fai honau tākitala, ke fakafoki kinautolu ki he ‘Afiona, ‘io, na‘e hulu ‘enau mā‘imoa ‘aki koe. 27Ko ia, na‘a ke tuku kinautolu ki he nima ‘o honau kau fakamamahi, ‘a ia na‘a nau fakamamahi‘i kinautolu. Pea ‘i he taimi ‘o ‘enau mamahi, na‘a nau tautapa ki he ‘Afiona, pea na‘a ke ongo‘i mei langi, pea ke ‘ange hanau taukapo, he ko Mohu ‘Alo‘ofa ‘a e ‘Afiona, pea na‘a nau fakahaofi kinautolu. 28Ka ‘i he‘enau nonga leva, na‘a nau toe fai kovi ‘i he‘enau feangai mo koe: ko ia, na‘a ke li‘aki kinautolu, ‘o tuku ke fa‘iteliha ai honau ngaahi fili; ko ia na‘a nau fakaehaua kinautolu; ka ‘i he‘enau tafoki ‘o tautapa ki he ‘Afiona, na‘a ke ongo‘i mei langi; pea na‘e tu‘o lahi ho‘o hamusi kinautolu, he ko ho tau ‘a e ‘alo‘ofa. 29Pea na‘a ke fai honau tākitala ke fakafoki kinautolu ki ho‘o lao.#Lev 18.5 Ka ko e fa‘ahinga ko ia na‘a nau mofuta, pea na‘e ‘ikai te nau muitala ho‘o ngaahi tu‘utu‘uni, (ka ko e me‘a ia ka fai ki ai ‘e ha tangata, te ne mo‘ui ai) pea nau faka-uma-mamahi, ‘o faka-kia-kekeva, ‘o ‘ikai te nau talangofua. 30Ka na‘e lahi ta‘u ho‘o fakatokotoka kiate kinautolu,#2 Tu‘i 17.13-18; 2 Kal 36.15-16 pea ke fai honau tākitala ‘aki ho Laumālie, ‘o fou ‘i ho‘o kau palōfita, ka na‘e ‘ikai te nau fie fanongo: ko ia na‘a ke tukuange kinautolu ki he nima ‘o e ngaahi kakai ‘o e fonua kehekehe. 31Ka ‘i ho‘o mohu ‘alo‘ofa na‘e ‘ikai te ke fai ke nau ‘osi, pea na‘e ‘ikai te ke li‘aki kinautolu; he ko e ‘Otua angalelei mo ‘alo‘ofa ‘a e ‘Afiona. 32Pea ko eni, ‘e homau ‘Otua, ‘a e ‘Otua Mā‘olunga, ‘a e Mafi,#2 Tu‘i 15.19,29; 17.3-6; ‘Ēsela 4.2,10 ‘a e Manavahē‘ia, ‘a e Tauhi Kovinānite mo e Meesi, ‘oua na‘a matamata si‘i ‘a e fu‘u faingata‘a kuo ne ma‘u kimautolu, ‘a homau ngaahi tu‘i, ‘a homau hou‘eiki, mo homau kau taula‘eiki, mo homau kau palōfita, mo ‘emau ngaahi kui, mo ho kakai kotoa, talu e kuonga ‘o e ngaahi Tu‘i ‘Āsilia ‘o a‘u mai ki he ‘aho ni. 33Ka ‘oku tonuhia ‘a e ‘Afiona ‘i he fu‘u kovi kuo ke ‘omi kiate kimautolu; he kuo ke fai tōnunga, ka ko kimautolu kuo mau fai angahala; 34pea ko homau ngaahi tu‘i, homau hou‘eiki homau ngaahi taula‘eiki, mo ‘emau ngaahi kui, kuo ‘ikai te nau fai ki ho‘o lao, pe tokanga ki ho‘o ngaahi tu‘utu‘uni, mo ho‘o ngaahi tākitala ‘a ia na‘a ke fai kiate kinautolu.
35He ko kinautolu na‘e ‘ikai te nau ngāue kiate koe ‘i honau pule‘anga, pe ‘i he fu‘u lelei na‘a ke fai mai, pe ‘i he fonua ‘atā mo mahu na‘a ke foaki ke nau fe‘ao mo ia; pea na‘e ‘ikai te nau tafoki mei he‘enau tō‘onga kovi.
36Me‘a mai; ko kimautolu ko e kau hopoate he ‘aho ni, pea ko e fonua na‘a ke foaki ki homau tupu‘anga ke kai hono fua mo hono lelei–vakai! ‘oku mau nofo ai ko e kau hopoate. 37Pea ‘oku lahi ‘ene fakatupu fua ki he ngaahi tu‘i kuo ke tuku ke pule‘i kimautolu koe‘uhi ko ‘emau ngaahi angahala: pea ‘oku nau pule ki homau sino, pea ki he‘emau monumanu, mo fa‘iteliha ai, pea ‘oku mau faingata‘a‘ia lahi kimautolu.
38Ka neongo ‘a e fu‘u me‘a ko ia kotoa, ka ko kimautolu ‘oku mau fai ha kovinānite pau, pea kuo mau tohi ia; pea kuo sila‘i ia ‘e homau hou‘eiki, ‘a homau kau Līvai, pea mo homau kau taula‘eiki.
Currently Selected:
KO NEHEMAIA 9: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO NEHEMAIA 9
9
Ko e Vete Angahala ‘a e Kakaí
1PEA ‘i hono ‘aho uofulu mā fā ‘o e māhina ko ia na‘e fakatefua mai ‘a ha‘a ‘Isileli, ‘Oku nau ‘aukai, mo ‘ai tauanga‘a, mo paniefua. 2Pea na‘e fakamavahe ‘e he hako totonu ‘o ‘Isileli mei he hako‘i muli fua pē, pea nau tutu‘u ‘o vete ‘enau ngaahi angahala, mo e ngaahi kovi ‘a ‘enau ngaahi kui. 3Pea nau tu‘u ‘i honau tu‘unga; pea ko e vahefā ‘o e ‘aho na‘a nau lau ‘i he Puka ‘o e Lao ‘a Sihova ko honau ‘Otua; pea ko e vahefā na‘a nau vete hia ai, mo fai ‘enau hū kia Sihova ko honau ‘Otua.
4Pea tu‘u ‘i he tu‘unga ‘o e kau Līvai ‘a Sisua, mo Pani, ‘a Katemieli, Sepanaia, Puni, Selepaia, Pani, mo Kēnani, pea nau tautapa le‘o lahi kia Sihova ko honau ‘Otua.
5Pea toki pehē ‘e he kau Līvai–‘a Sisua, mo Katemieli, ‘a Pani, Hasapenaia, Selepaia, Hōtaia, Sepanaia, mo Petahaia–Mou tu‘u: mou fakamālō‘ia ‘a Sihova ko homou ‘Otua mei ‘ītāniti ki ‘ītāniti: ‘io, ke mālō‘ia ho huafa lāngilangi‘ia, ‘oku hopo hake ‘i ho fakamālō mo e fakahīkihiki‘i fua pē.
6Ko koe ‘a Sihova, ‘io, ko koe toko taha; ko koe na‘a ke ngaohi ‘a e ngaahi langi, ‘io, ‘a Langi taupotu, mo honau ngaahi hōsitē, ‘a māmani mo e me‘a kotoa pē ‘oku ‘i ai, ‘a e ngaahi tahi mo ‘enau me‘a kotoa, pea ‘oku ke ‘ange mo‘ui kiate kinautolu kotoa; pea na‘a mo e hōsitē ‘o langi ‘oku nau hū ai pē ki he ‘Afiona. 7Ko koe ‘a Sihova ‘Elohimi, ‘a e ‘Afiona na‘a ke fili ‘a ‘Epalame, ‘o fakahū ki tu‘a mei ‘Ua ‘o e Kau Kalitia, ‘o ke fakahingoa ko ‘Epalahame.#Sēn 11.31; 12.1; 17.5
8Pea na‘a ke ‘afio‘i hono loto ‘oku fai takataka tui ‘ene fakafeangai ki he ‘Afiona,#Sēn 15.18-21 pea ke fai kovinānite mo ia ke ‘ange ‘a e fonua ‘o ha‘a Kēnani, ha‘a Heti, ha‘a ‘Āmoli, mo ha‘a Pēlisi, mo ha‘a Siepusi, mo ha‘a Keakesa, ‘io, ke ‘ange ki hono hako; pea kuo ke fakaai ho‘o folofola, he ko e faitotonu ‘a e ‘Afiona. 9Pea na‘a ke ‘afioa ‘a e mo‘ulaloa ‘a ‘emau ngaahi kui ‘i ‘Isipite,#‘Eki 3.7; 14.10-12 pea na‘a ke ongo‘i ‘enau tautapa ‘i he ve‘e Tahi Kulokula; 10pea na‘a ke ‘ai ‘a e ngaahi faka‘ilonga mo me‘a fakaofo kia Felo#‘Eki 7.8–12.32 mo ‘ene kau tamaio‘eiki kotoa pē, mo e kakai kotoa ‘o hono fonua; he na‘a ke mea‘i ‘oku nau fai fakamofutofuta kiate kinautolu; pea na‘a ke fakaai ho ongoongo, ‘o hangē ko ia ‘oku kei fai ni. 11Pea na‘a ke tu‘usi ‘a e tahi ‘i honau ‘ao,#‘Eki 14.21-29; 15.4-5 pea na‘a nau laka atu ‘i he mōmoa ‘i he loto tahi; pea ko e kau tuli na‘a ke lī ki he kilisitahi, ‘o nau, hangē ha maka ‘i he tahi hou. 12Pea na‘a ke taki kinautolu, ‘aho ‘aki ha pou ‘ao,#‘Eki 13.21-22 pea ‘aki ha pou-afi po‘uli, ke huluhulu ‘a e hala te nau ‘alu ai. 13Pea na‘a ke hā‘ele hifo ki funga mo‘unga Sainai, pea na‘a ke fefolofolai mo kinautolu mei langi;#‘Eki 19.18–23.33 pea na‘a ke ‘ange kiate kinautolu ha konisitūtone totonu, mo e ngaahi lao mo‘oni, ‘a e ngaahi fekau mo e ngaahi tu‘utu‘uni na‘e lelei. 14Pea na‘a ke faka‘ilo kiate kinautolu ho Sāpate tapu, pea na‘a ke fakafai ‘i ho‘o sevāniti ko Mōsese ha‘anau ngaahi tu‘utu‘uni, mo fekau, mo ha lao. 15Pea na‘a ke ‘ange ha‘anau mā mei langi ‘i he‘enau hōngea,#‘Eki 16.4-15; 17.1-7; Teu 1.21 pea na‘a ke fakapū kitu‘a ha vai mei he makatu‘u telia ‘enau fie inu, pea ke tala kiate kinautolu ke nau ‘alu ‘o ma‘u ‘a e fonua ‘a ia kuo ke hiki ho nima ke ‘ange mo‘onautolu. 16Ka ko kinautolu mo ‘emau ngaahi kui na‘a nau mofuta, ‘o nau fakakekeva honau kia,#Nōm 14.1-4; Teu 1.26-33 ‘o ‘ikai te nau momo‘i muitala ki ho‘o ngaahi tu‘utu‘uni; 17pea na‘e ‘ikai te nau loto ke talangofua, pea na‘e ‘ikai te nau manatu ho‘o ngaahi me‘a fakaofo,#‘Eki 34.6; Nōm 14.18 ‘a ia kuo ke feia ‘i ho‘o feangai mo kinautolu; ka nau fakakekeva honau kia, pea ‘i he‘enau angatu‘u na‘a nau fokotu‘u ha kapiteni ke nau foki ki he‘enau nofo pōpula. Ka ko e ‘Otua mohu fakamolemole ‘a e ‘Afiona, ko e Angalelei mo ‘Alo‘ofa, Tuai-ki-he-houhau, pea Fonu-‘i-he-kelesi, pea na‘e ‘ikai te ke li‘aki kinautolu. 18‘Io, ‘i he‘enau ngaohi ha‘anau kafi ukamea,#‘Eki 32.1-4 mo nau pehē, Ko eni ho ‘Otua ‘a ia na‘a ne ‘ohake koe mei ‘Isipite–pea hulu fau ‘enau mā‘imoa ‘aki koe; 19ka na‘e pehē ho‘o mohu ‘alo‘ofa, ko ia na‘e ‘ikai te ke li‘aki kinautolu ‘i he Toafa;#Teu 8.2-4 na‘e ‘ikai mahu‘i ‘a e Pou-‘ao mei he‘ene fotu ‘aho kiate kinautolu, pe ko e Pou-afi po‘uli, ke huluhulu ‘a e hala ‘oku nau ‘alu ai. 20Pea na‘a ke foaki ho Laumālie Lelei ke ako kinautolu, pea na‘e ‘ikai te ke mamae‘i ho‘o mana mei honau ngutu, pea na‘a ke ‘ange vai ma‘a ‘enau fie inua. 21‘Io, ko e fāngofulu ta‘u na‘a ke tauhi kinautolu ‘i he Toafa; na‘e ‘ikai te nau masiva; na‘e ‘ikai luku honau kofu, pea, na‘e ‘ikai fepulopulasi honau va‘e. 22Pea na‘a ke foaki kiate kinautolu ‘ani pule‘anga moni kakai,#Nōm 21.21-35 ‘o ke tufa kiate kinautolu ‘o a‘u ki he tuliki: ko ia na‘a nau ma‘u ‘a e fonua ‘o Sīhoni, ‘io, ko e fonua ‘o Tu‘i Hesiponi mo e fonua ‘o ‘Oki Tu‘i Pēsani. 23Pea na‘a ke fakatokolahi honau hako ke tatau mo e ngaahi fetu‘u ‘o e langi,#Sēn 15.5; 22.17; Sios 3.14-17 pea na‘a ke fakahū kinautolu ki he fonua na‘a ke folofola ai ki honau tupu‘anga ke nau hū ki ai ‘o ma‘u. 24Ko ia na‘e hū ‘a e fānau, ‘o ma‘u ‘a e fonua,#Sios 11.23 pea na‘a ke fakatōkilalo ‘i honau ‘ao ‘a e nofo he fonua, ‘a e kau Kēnani, pea na‘a ke tuku kinautolu ki honau nima, mo honau ngaahi tu‘i, mo e ngaahi kakai ‘o e fonua, ke nau fa‘iteliha ki ai. 25Pea nau puke kolo ‘aa‘i,#Teu 6.10-11 mo ha kelekele mahu: pea nau ma‘u ha ngaahi fale na‘e fonu ‘i he lelei fua pē, ko e ngaahi lepa tā, ko e ngaahi ngoue vaine mo e ngaahi ngoue ‘ōlive, pea lahi ‘a e ngaahi ‘akau kai: ko ia na‘a nau kai ‘o mākona, ‘o nau sino ai, pea nau fefiefia‘i ‘i ho‘o angalelei kuo lahi. 26Ka na‘a nau talangata‘a mo angatu‘u kiate koe,#Fkm 2.11-16 ‘o nau fakasītua‘i ho‘o lao, ‘o nau fakapoongi ho‘o kau palōfita na‘e fai honau tākitala, ke fakafoki kinautolu ki he ‘Afiona, ‘io, na‘e hulu ‘enau mā‘imoa ‘aki koe. 27Ko ia, na‘a ke tuku kinautolu ki he nima ‘o honau kau fakamamahi, ‘a ia na‘a nau fakamamahi‘i kinautolu. Pea ‘i he taimi ‘o ‘enau mamahi, na‘a nau tautapa ki he ‘Afiona, pea na‘a ke ongo‘i mei langi, pea ke ‘ange hanau taukapo, he ko Mohu ‘Alo‘ofa ‘a e ‘Afiona, pea na‘a nau fakahaofi kinautolu. 28Ka ‘i he‘enau nonga leva, na‘a nau toe fai kovi ‘i he‘enau feangai mo koe: ko ia, na‘a ke li‘aki kinautolu, ‘o tuku ke fa‘iteliha ai honau ngaahi fili; ko ia na‘a nau fakaehaua kinautolu; ka ‘i he‘enau tafoki ‘o tautapa ki he ‘Afiona, na‘a ke ongo‘i mei langi; pea na‘e tu‘o lahi ho‘o hamusi kinautolu, he ko ho tau ‘a e ‘alo‘ofa. 29Pea na‘a ke fai honau tākitala ke fakafoki kinautolu ki ho‘o lao.#Lev 18.5 Ka ko e fa‘ahinga ko ia na‘a nau mofuta, pea na‘e ‘ikai te nau muitala ho‘o ngaahi tu‘utu‘uni, (ka ko e me‘a ia ka fai ki ai ‘e ha tangata, te ne mo‘ui ai) pea nau faka-uma-mamahi, ‘o faka-kia-kekeva, ‘o ‘ikai te nau talangofua. 30Ka na‘e lahi ta‘u ho‘o fakatokotoka kiate kinautolu,#2 Tu‘i 17.13-18; 2 Kal 36.15-16 pea ke fai honau tākitala ‘aki ho Laumālie, ‘o fou ‘i ho‘o kau palōfita, ka na‘e ‘ikai te nau fie fanongo: ko ia na‘a ke tukuange kinautolu ki he nima ‘o e ngaahi kakai ‘o e fonua kehekehe. 31Ka ‘i ho‘o mohu ‘alo‘ofa na‘e ‘ikai te ke fai ke nau ‘osi, pea na‘e ‘ikai te ke li‘aki kinautolu; he ko e ‘Otua angalelei mo ‘alo‘ofa ‘a e ‘Afiona. 32Pea ko eni, ‘e homau ‘Otua, ‘a e ‘Otua Mā‘olunga, ‘a e Mafi,#2 Tu‘i 15.19,29; 17.3-6; ‘Ēsela 4.2,10 ‘a e Manavahē‘ia, ‘a e Tauhi Kovinānite mo e Meesi, ‘oua na‘a matamata si‘i ‘a e fu‘u faingata‘a kuo ne ma‘u kimautolu, ‘a homau ngaahi tu‘i, ‘a homau hou‘eiki, mo homau kau taula‘eiki, mo homau kau palōfita, mo ‘emau ngaahi kui, mo ho kakai kotoa, talu e kuonga ‘o e ngaahi Tu‘i ‘Āsilia ‘o a‘u mai ki he ‘aho ni. 33Ka ‘oku tonuhia ‘a e ‘Afiona ‘i he fu‘u kovi kuo ke ‘omi kiate kimautolu; he kuo ke fai tōnunga, ka ko kimautolu kuo mau fai angahala; 34pea ko homau ngaahi tu‘i, homau hou‘eiki homau ngaahi taula‘eiki, mo ‘emau ngaahi kui, kuo ‘ikai te nau fai ki ho‘o lao, pe tokanga ki ho‘o ngaahi tu‘utu‘uni, mo ho‘o ngaahi tākitala ‘a ia na‘a ke fai kiate kinautolu.
35He ko kinautolu na‘e ‘ikai te nau ngāue kiate koe ‘i honau pule‘anga, pe ‘i he fu‘u lelei na‘a ke fai mai, pe ‘i he fonua ‘atā mo mahu na‘a ke foaki ke nau fe‘ao mo ia; pea na‘e ‘ikai te nau tafoki mei he‘enau tō‘onga kovi.
36Me‘a mai; ko kimautolu ko e kau hopoate he ‘aho ni, pea ko e fonua na‘a ke foaki ki homau tupu‘anga ke kai hono fua mo hono lelei–vakai! ‘oku mau nofo ai ko e kau hopoate. 37Pea ‘oku lahi ‘ene fakatupu fua ki he ngaahi tu‘i kuo ke tuku ke pule‘i kimautolu koe‘uhi ko ‘emau ngaahi angahala: pea ‘oku nau pule ki homau sino, pea ki he‘emau monumanu, mo fa‘iteliha ai, pea ‘oku mau faingata‘a‘ia lahi kimautolu.
38Ka neongo ‘a e fu‘u me‘a ko ia kotoa, ka ko kimautolu ‘oku mau fai ha kovinānite pau, pea kuo mau tohi ia; pea kuo sila‘i ia ‘e homau hou‘eiki, ‘a homau kau Līvai, pea mo homau kau taula‘eiki.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.